B妹妹的個人專頁

有實力的小店鬼馬炸雲吞，第一啖嚇親，成隻蝦😬仲要唔係包豬肉係包蝦膠，必食仲有仲有，佢有個秘製辣醬，自問辣椒仔都頂唔順，買左個碗仔翅解辣，點知料多到卡住哂d牙縫 ！一定會再嚟！老闆話佢有時會有「期間限定」～我果日去有咩「湖北辣椒夾魚肉」真係正到不得了，希望多d新野順帶一提，佢舖頭門口就有得泊車，超級方便。。。姐係迫我成日去姐，哈哈聽老闆講，佢最近舖頭安裝埋咩日本還原水機，好有良心的老闆，你食佢d野就知成本吳小野，希望多d人幫襯啦，撐住啊！良心小店而家好小。…查看更多

突然同老公好想食放題就試下荃灣呢間，因為近屋企見到開飯又好多好評喎，就一於book呢間我地食7：30，環境ok ge，放題預左迫架喇，但地下超滑，小心小心我地2公婆食嘅份量好少，我又吳食刺身嘅，得男人食，我就鐘意食下玉子，鮑片刺身幾好新鮮，切得比較細件，我覺得切得細件係好事，可以食多d款式。點左三文魚，油甘魚，吞拿魚，象拔蚌，玉子，鮑片，蝦(點5隻，比3隻有頭2隻無)辣酒煮蜆，汁幾好味，但唔知點解蜆肉好un.....牛柳粒，點幾次先嚟得一碟5粒，好味嘅，吳乾，但漏單嚴重蟹粥，有d蛋花咁，不過不失茄子，點左幾次，走都未嚟火滾羊架，點左5次，走都未嚟，有吹過，火x滾紫芋栗子餅，超好味，推介雞翼，點左幾次，嚟得1隻比我，好食嘅，但又係嚴重漏單燒波羅，又係要吹，吹到褲甩先有4舊老實講，無燒過嘅痕跡，但係暖嘅，我真心覺得麻麻焗豪，無殼的吳好食牛油凡立貝，有點硬壽司，點左好多款，全部都好食嘅，火灸會比較好味燒蝦，好味吳痴殼，但又係嚴重漏單都無食過d乜，畫左好多都無嚟到9點個staff同我講last order...我同佢講last order又點，我點嘅你又吳嚟，根本都無意思，我係咁點，你地係咁吳嚟，我點果d夠我食到第二朝9點半啦。但佢無幫我解決，我叫佢幫我追3件羊架4件波羅，最後羊架都係無嚟，得4件波羅差吳多9點半仲問我有乜未嚟，我話賣單啦…追嚟追去都無嘅，有乜意思…查看更多

去開旺角~睇下open rice有咩食~見到華星冰室就試下啦入到去~第1眼~我覺得員工d制服好型坐低之後,員工好有禮貌叫我睇下食咩~雖然佢係一間茶記~但佢係好乾淨~最重要係連地下都好乾淨,非常少有!我見到"重口味一丁"二話不說叫呢個啦~點知.......賣哂oh...so sad!我同老公一人一個常餐(叉燒意,火腿炒/煎蛋,好ge厚多士)+飲品再加一個校長多士叉燒意,久違了的味道,而家去茶記係食唔到呢種細細個食叉燒意ge味道~湯底清清而有味我地一個叫炒,一個叫煎蛋,先講炒~頂~超滑,果然係用3.6牛奶!煎蛋又要一讚~好耐冇食過d煎蛋係可以啜哂d蛋黃汁ga~而家出面果d得一半蛋黃汁,另一半已經熟左lu~c父煎得好好多士,超厚超厚,微熱,岩岩好牛油溶左,好好味呀~校長多士,一上台已經聞到好香好香~原來係黑松露ge味~嘩~~好香!食落去,真係啖啖黑松露ga今日我地兩公婆食左好多多士~haha~~普通茶記價錢~有咁ge質素~good!!!…查看更多

日本回港都無一個月，好想食日本野，睇食評呢間好似吳錯，就你啦聽聞午餐平好多，咁就揀星期日同老公去食午餐啦一去到門口，嘩 好日本feel呀連放喺門口d報紙雜誌都係日本架，令我好似仲喺日本咁因為我地無訂位，所以要等位，大約10mins，好快有，但入面好full ga..booking最好今次叫左個伊呂波套餐要牛肉，和牛套餐，加多碟牛舌 伊呂波套餐，有牛舌沙律：西蘭花：茶碗蒸，超滑：天婦羅，粉唔會過多：魚生，新鮮：miso湯：白飯：大約記得係咁多，最重要係牛肉，雖然係午餐，但牛肉一d都吳差，我喺香港食過最接近日本質素，牛肉我們加左30蚊加大份量。 和牛套餐，配菜少d..天婦羅，牛舌沙律，西蘭花呢個套餐係無嘅。和牛油脂比例均勻，食入囗未去到即溶有少少咬囗，呢種我至中意 牛舌，有6塊，超正 燒完千其吳好點醬汁，會無咁好味。我地係吱檸檬汁上塊牛舌度，嘩，成塊牛舌牛味變重左，超正！ 有雪糕做甜品架總結，呢間無論裝修，食物，服務都令我好似置身於日本，午餐呢個價錢真係好超值，推介！！！！…查看更多

荃灣有好烏冬食喇好吸引,購買方式,擺設,收碗都同日本食烏冬GE地方一樣知道荃灣開左當然即刻去食啦晚上6點鐘,距離晚飯時間有點早,不用等位首先ORDER左自己想食GE烏冬,之後就夾天婦羅/飯團/飲品,根住付款付款後,可以拎7味粉,蔥,醬油等調味料,水溫泉蛋烏冬(中)$36~~濃濃湯(醬汁),督燒埋隻溫泉蛋撈埋,再加埋一大堆蔥~勁好味,烏冬非常彈牙腐皮飯團$9~~好味~甜甜的,但$9有點貴,日本人在烏冬店食烏冬好鐘意加多個飯團食店以自助形式,好似日本咁,所以冇咩服務GA~希望香港人會明白啦,,,食完記得將餐具拎返去收集處…查看更多

今日去海港城行街，見到唔洗排隊喇，入去參觀下先一邊就揀馬卡龍，一邊就擺茶葉、果jam、蠟燭....行去揀馬卡龍先，最平一盒六粒$190，嘩。。太貴了，又唔係送禮散買就好。買了3粒$69瑪利皇后花茶。好吸引的藍色，清清地，茶味不濃，3粒中最清玫瑰花茶。一望顏色就知咩味啦，一咬落去，嘩，超濃玫瑰花味，不太甜，好似食梗玫瑰花咁，好特別海鹽焦糖。無海鹽味，好甜，好似食梗拖肥糖可以一試，個餅的確好鬆化…查看更多

行完街唔知食咩好，記得之前喺開飯睇過泰皇，就去試下啦。唔算太餓，叫左少少食物，其實有好多都好想食無國界蒜茸色。外脆內軟，沾埋咖哩汁，超正，有6條，無記錯係$33泰式炒金邊粉。甜甜辣辣，又夠鑊氣，正，$48黄咖哩雞。特登叫用黎沾麵包，好香，吳係好辣$55食完有2件椰汁糕送，賣單$150，有加一…查看更多

晚上和老公收工後，不如去食甜品啦路徳圍呢度，大把糖水店，但我唔想食雪花冰果d，諗諗下不如吃芋圓啦叫了豆腐雪泥芋圓和蜜瓜豆花豆腐雪泥芋圓，芋圓都夠煙un，但我唔中意入面有塊同iphone4差不多大嘅冰，太大了吧？變相碗糖水少了蜜瓜豆花，上面有粒雪泥，有幾粒芋圓，豆花普通可以試下，因為好少地方有芋圓食…查看更多

睇到雜誌介紹，e...好似我係日本食開嘅模式喎，即刻決定去試舖頭係isquare 6樓，上到去6樓，原來仲有好多日本餐廳，下次可試入到去，唔洗先揾位，門口位已經係揀野食。首先揀左自己要咩烏冬先，我就揀左温泉玉子烏冬（大），之後就放喺餐盤上一路移去揀炸物，炸物大約$6-$12左右，款式比日本少很多，炸物揀了茄子，炸雞柳，魷魚鬚，炸海老，腐皮壽司，炸海老飯團。。。之後會一路移到收銀處，見到東亞信用卡有塊牌，買夠$5O可以送$6的天婦羅付款後，一路移去調味品處，有天婦羅汁，脆脆，蔥，等等。。。再移去斟水，之後先搵位。茄子，好味，唔乾架。腐皮壽司，正，甜甜哋，日本d烏冬店都有架。炸海老，比我想像中細隻。魷魚鬚，幾好味，唔un。海老飯團，麻麻地，感覺似一啖飯加隻海老。炸雞柳，普通，不過不失，只係無咩好揀。溫泉玉子烏冬，超好味，整穿玉子撈埋烏冬一齊食，啖啖蛋汁，耐湯底亦係日本用嘅甜湯，食完攪到我好想即刻飛去日本呀…查看更多

之前做左會員，有2張for lunch& 2張for dinner的現金券，所以今次來食lunch下午2點半到，lunch係到3點沙律/湯、主菜、飲品見到餐牌有羊膝，可能太晏冇哂嚕什菜沙律。好味，新鮮，醬汁足夠唔記得左咩西蘭花湯。西蘭花茸，唔洗咬，超有味，good，非常好飲肉眼。大塊，下面有d薯茸，唔乾身，有肉汁，正白汁燒豬仔脾飯。先講d汁，好正！豬仔脾有4條，食就麻煩少少，切左好耐，有d痴牙無記錯d餐由75至100左右…查看更多

我講過會再來，我做到呀今次試下第二樣博士自家汁雞扒飯。$29包汽水，自家汁原來係蒲汁，好香，雞扒有兩塊^_^我好鐘意佢每碟飯都有西蘭花和紅蘿蔔粒蕃茄汁雞翼撈烏冬。$39包汽水，雞翼有4隻，係煎不是炸，非常好！我好憎d餐廳炸完是但淋d汁加飯底就算。芝士煙肉薯蓉。$16，好味喔，煙肉好香，芝士岩岩好不會過多。橄㰖油灼菜$5，呢個不會有什麼特別，清淡…查看更多

抱住好大期望去，攪到有少少失望新商場，梗係去行下，睇雜誌見到旭川的梅光軒，就當然要去試下去到間超市門口有cupon派，有杯青森蘋果汁送等左大約15mins,坐正對住廚房位，可以睇住師傅煮面醬油拉面。有兩塊叉燒，麻麻地，仲好多碎，湯底幾濃咸左少少添，面份量都幾多，面係曲(好似辛辣面)其實味道一般半熟蛋。係半熟但就唔係溏心整體叫可以，但唔會再來食…查看更多

之前團購買了張現金卷，今日決定晚飯食佢見到門口有個外賣位，有小食有便當(飯)，見到價錢仲要唔貴入到去望下，好多野都好想試，嘻嘻快餐店形式，先付款咖喱汁吉列朱扒撈飯。咖喱汁好香濃，似日本咖喱，飯係用珍珠米，朱扒就比較少肉，份量多，加上珍珠米，好飽，$39包汽水蕃茄汁海鮮撈飯。鐵板上，海鮮足料，有2隻青口架，汁都好足夠，39包汽水茄汁焗辣肉腸。好味，少辣，鐵板上，有d芝士粉，跟餐$14橄㰖灼西生菜。真係用橄欖油，一人份量，跟餐$5環境乾淨，又光猛，價錢比其他快餐店平少少，但仲要比其他快餐店飽，一定再去幫襯…查看更多

想試好耐，襯老公生日去食叫左2個4道菜頭盤:香芒豬頸肉沙律，正，醬汁泰式辣醬，原來混埋係咁好味！頭盤：法式焗田螺，熱辣辣，香噴噴，有6隻，讚！額外加左個香煎法式鵝肝，呢個非叫不可，煎得非常好，入口即溶，配菜都清埋，d醬汁都好味！湯：海龍皇湯，足料，有蝦，青口，蜆各一主菜:紐西蘭肉眼，有兩大塊，有根但竟然條根一切就開，唔un,無撩過牙，d汁甜甜地，好味甜品:焗蘋果撻，配雪糕應該係杏仁味，蘋果撻超好味呀，焗得岩岩好最後仲做埋會員，即係仲會有下次，哈哈哈…查看更多

新開當然要試下，還有我至愛的紅豆冰下午三點去到，不用等位，店舖夠光望落好乾淨，方型枱，座位逼，成日背隻碰背隻。「紅豆冰」叫三餸一面就可以加$8叫一杯，三角錐的冰，好吸引，紅豆不算太軟身，我比較喜歡軟些少「手打烏冬，牛腩，豬腸，蝦滑,辣汁」望到個烏冬就不開心，根本不是手打烏冬，是普通烏冬＞.＜豬腸~好味，好入味，超讚！牛腩~可以叫，但不算太好味，不過沒有痴牙。蝦滑~普通啦，平時吃其他車仔面無呢樣餸咪叫下囉。「米線，咖喱齋，豬軟骨，魚蛋，咖喱汁」咖喱齋，好油呀，都係覺得齋鋪好味d,同埋原來放落車仔面度食真係有d格格不入。豬軟骨，好好味，好入味，不過有d癡牙。魚蛋，普通，魚蛋都應該不會難食啦。食完之後，全日都好口渴，係嚴重口渴…查看更多