冠鈞92的個人專頁

果晚同老婆嚟左九龍灣，之後決定到淘大悽晚餐，見到呢間日式西餐就試一試，點知真係麻麻地。叫左份肉眼扒5成熟，點知佢煎到9成熟比我塊扒同大家樂冇乜分別，完全冇牛味，而且煎太熟冇乜口感。叫左兩杯果醋飲品，好淡而且冇乜果味。果個酥皮pizza係我比較滿意，因為咬落好鬆脆，可惜灑係上面的材料唔係太豐富。意粉中規中舉，唔算好食，出面好多鋪頭都好食過佢。最後就係講店鋪服務，檯上準備的餐具係唔齊全，而且店內服務員好似趕住收工咁，好快收哂你桌上的野，連餐紙都收埋但我走果陣先8點半......…查看更多

侍應好有禮貌，日式西餐比西餐更好食，好滿意杯奶昔、焗飯，豬肋排。餐湯好飲，絕對唔係罐頭湯料，而且味道夠濃同埋好(傑)。奶昔都係好濃好香雲呢嗱味。大阪燒粉唔夠多反而菜比較多，不過有加日本紅薑，夠哂正宗，食左海鮮同埋鰻魚，推薦食海鮮，因為較豐富，有蝦有帆立貝。焗飯個汁好香，不過份量比較少左啲。Pizzq個味唔夠濃，但都可以接受，醬汁好正。豬肋排個醬汁酸酸甜甜好開胃，用嚟點埋啲薯角一流。總之會再幫襯，好好味，好滿意…查看更多