kelvinsy的個人專頁

由於離開左前公司，已經無再係觀塘區食飯，轉戰牛頭角真係少左好多好野食，人就係咁，當你有得食既時候係唔會好好珍惜既～Anyway，雖然以前係APM返工，但真係無黎過Manhattan Grill & Bar。可能比佢個門面嚇親，始終午飯個budget唔多，而且午飯時間都係趕頭趕命，無時間坐低慢慢食～上星期放假同屋企人唔想排隊等位飲茶，難得老人家又唔介意去食好西，咁就出左去觀塘啦，上年放假就一定唔去喇，係門口望左一陣，見個環境都唔錯就入左去試，入到去見到裝修都唔錯，夜晚應該都有做私人party之類。坐低之後侍應放低左個餐牌介紹左一輪，我叫老人家出去拎沙律吧，返黎揀左個main course先，佢地都唔敢食得咁heavy，叫左燒三文魚柳，我就梗係食肉眼啦，之後就開始出去拎沙律食。沙律菜、配料、同埋醬既款式都唔少，一般係街見到既都有，可以隨自己既喜好配搭，仲有煙三文魚同唔同款既凍肉，食完凍野可以飲忌念湯配餐包暖返下個胃先食main course。侍應見我地都食到差唔多就問我地可以上主菜未，我諗再唔上我地可能食沙律食飽左。三文魚既味道比較清淡，要配合返個汁至夠味。個牛扒就真係唔錯，可能因為係用炭燒，有陣炭香既味道，就算唔加芥茉都已經夠哂味。食完main course 就order返杯凍咖啡飲，咁啱佢隻即磨咖啡豆又係深炒既，一樣有好濃既味道係口入面，真係不得不食返啲甜品中和一下。甜品方面值得一提係有部軟雪糕機，而且侍應可以幫你整，唔驚整到一手都係。其餘既就係唔同味既蛋糕，Tiramisu同燉蛋，不過我已經好飽食唔落～食完都成三點幾，過去APM shopping完之後就可以返屋企～…查看更多

聽聞呢間平價版歐陸式快餐開到黎屋企附近，終於唔駛過去調景嶺食喇～而且裝修仲靚過調景嶺果間～就味道而言，呢個價錢都算係咁，兩個人食一百蚊有找，唔通拎去同酒店比咩，所以我不嬲都話係平民版既食物，食既時候唔好要求咁高～卡邦尼算係比較失望，佢只係一個白汁長通粉。。。不過加八蚊既炸魚柳就唔錯，有女仔既手板咁大件，唔太乾。墨西哥pizza呢，因為綠色果隻辣椒，所以係比較辣，唔係咁食得辣可以挑走佢黎食，未道都唔錯。至於個湯同通粉就同調景嶺果間差唔多，唔好咁大寄望。但個即磨咖啡就幾香滑，雖然無左之前同位置既cafe~ 但呢杯都係一個唔錯既選擇～應該會搶走唔少隔離日式西餅鋪唔少生意，始終呢面鋪位大，又多啲選擇。…查看更多

自從今年去完東京同京都之後，女朋友既綠色食物症候群又返返黎～排隊往往係我最唔想既事。。。不過今次因為佢去左返工，放工果時佢去拎左飛先，我先慢慢坐車黎，所以唔駛等好耐其實我唔係綠茶fans，不過食綠茶甜品既次數絕對唔少（巴打，你懂的），今次食落都覺得呢間老店都值得介紹下～抹茶芭菲，其實就無乜特別，不過抹茶啫喱都幾香，我自己本來就好怕過濃既茶味。。對我黎講，合格～ 上面個軟雪糕奶味夠，又夠堅挺，唔會好快溶，整體上無乜大問題。抹茶芝士蛋糕set - 芝士味同茶味大約係一半半，對於我兩樣都唔係特別鍾意既人黎講反而配合得啱啱好，杯蘋果綠茶反而就唔係好夠茶味，但聞落就好香蘋果味，呢個就反而唔係咁好。。。呢間餐廳值得推介俾綠茶初體驗既朋友，如果你身邊果個唔係太好綠茶的話，可以試下由呢間開始～…查看更多

話說有日同同事食飯講開深水埗，作為一個以前間中去鴨記既我，竟然唔知有呢間野，二話不說即刻放假拉埋女朋友去，跟手再上西九按下摩，所以諗住少少地食。蛋牛治，記住記住要toast，加埋入面用鮮牛快炒蛋，應該好難揾到另一間。西多士，有啲失望，因為無花生醬，但問返啲長輩，以前既西多係無既。。。算係唔啱我食既傳統風味。咖啡同紅豆冰都係傳統茶記味道，無乜驚喜。所以都係學同事講，剩係食蛋牛治好了～…查看更多

近年黎香港好多自助餐都有生蠔食，不過好多間都良莠不齊，試過澳門既夠鮮不過就細隻，香港有啲平價既就唔新鮮，最慘既係去工廈買都試過有不愉快既經驗，所以朋友介紹黎呢間之前都唔敢有好大祈望。因為返工既關係，所以比較遲先到，好在食到最後都無比人趕頭趕命咁趕走。入到門口就見到個冷盤bar，一般既沙律壽司都有，不過我就無乜興趣，一開始就當然係掃生蠔先啦。睇返介紹先知原來我食大隻呢啲係日本蠔，因為太貪心既關係，一開始食幾隻就再食唔落，見到有人話啲生蠔離殼，咁我都覺得怪怪地，點解個帶子位會切得咁靚架呢？不過唔諗啦，食落口先最緊要，食落口又幾鮮喎，起碼食落無怪味先啦，食左五隻左右就KO左，留肚食左啲甜蝦同三文魚。三文魚切得都厚，味道鮮不過有少少筋，甜蝦就連殼既，所以食既時候有少少麻煩，不過有頭甜蝦的確好食啲，而且有啲蝦籽連埋，食落都好新鮮，唯一不足就係呢兩樣係輪住上，一次係拎唔哂兩樣既。另外仲有翡翠螺，當然同平時果啲一樣，有啲鮮味咁囉，細食既就唔好浪費quota喇。留左肚食下啲熱食，始終食左個飽肚感會强啲。燒西冷，同平時既燒牛肉差唔多，燒汁黑椒汁同芥末都有，屬一般。另外仲有豬肋骨同雞翼都無太大驚喜，反而個炸餃子又幾好食，無擺到林哂～熟既海鮮我就唔太大興趣，不過睇落都應該唔錯既～最後當然係飲杯咖啡食少少甜品作為個ending啦，豆腐花都整得唔錯，我就好好彩，啲豆花無比人撩到散哂～蛋糕以朱古力味比較好食，反而個蘋果金寶呢，面頭既包粒又幾好食，但蘋果就酸左少少，個西班牙油炸鬼都值得試返舊。最後又係飽到行唔郁咁制，又係時候要減肥了～…查看更多

話說呢排都好遲先收工，發現左原來米線陣九點後有宵夜餐，價錢其實我概就係送杯飲品左右，加餸之後唔算特別平，但又發現左佢個擔擔湯底出奇地香濃。。。其實已經食左幾次，個湯底都保持到水準，不過曾經有一次佢無比到塊豬扒我。重點係佢個花生係幾香，如果可以比多啲就會更加好味。有好有壞，今次個擺位就好唔得，張圖係碗米線上枱既樣，不過無阻我食既，只係覺得可以整好啲囉。另外，服務員既禮貌就好大距離，有啲就好有禮貌，有啲呢，就串串貢。…查看更多

舊同學約聚會，由柴灣食到過黎北角，雞煲個辣味夠，用上新鮮雞，夠滑夠味係首個推介。不過我地近期已經少左點火鍋料，點解？因為其他小食仲好食囉～男人既浪漫係要飲下啤酒吹下水，今次帶埋女朋友去，一樣都係要夠豪～椒鹽鮮魷，老闆親自下廚，外面脆入面仲好彈牙唔會乾，飲啤酒既首選。醉鴿，細細隻雖肉唔多，不過就勝在夠入味。蒜泥白肉，個蒜夠香，唔會好多油，唔似出面其他油浸白肉。皮蛋，唔算太特別，不過幾香，但人少就叫唔到，因為都幾大碟～炸魚皮，又一佐酒小食，好彩先有，好快賣哂，魚皮呢家野，當然要夠香脆，可以放雞煲吸埋啲精華，不過要食得辣先好。梨山排骨，味道酸酸甜甜好開胃～啲肉排又夠靚，炒出黎好過出面啲生炒骨好多，唔會又乾又硬。四季豆，唔算好特別，同平時係出面食既差唔多，算係中上，唔多油。木耳，涼拌小食之一，等朋友黎既良品。最後仲有個辣子蝦，雖然唔係大陸果啲可以成隻食既河蝦，不過夠香脆，除左個頭可以食隻食，如果你鍾意食蝦頭都可以食埋。今次朋友結婚未擺酒住，純粹請食飯，唔知幾錢，大約人均應該二百幾，次次都叫好多啤酒…查看更多

星期五晚OT到十點，係APM揾地方食飯，本來諗住求其是但食，因為好多鋪都應該收工，點知佢仲有得食，無乜點考慮過就衝左入去。價錢唔算平，不過味道都唔錯，性價比都ok~ 個鐵板牛應該要再生啲，叫五成放鐵板上面，變左七成，但個春雞去左⻣，都算幾滑。意粉得兩隻蝦就少左啲，好在肉醬就夠，唔算太差。湯同沙律二選一就爭啲。同埋唔係茶餐廳，凍飲既糖水應該要另上，唔應落埋～希望下次性價比可提升返啲啦，APM咁多間黎講算係中規中矩～…查看更多