pikki1011的個人專頁

食過呢間早餐兩次，每次出品質素一樣，好穩定，而且真係好好味！店員對咖啡出品都有要求，所以極力推薦比大家首推全日早餐同埋凍花生咖啡下次想試埋卡邦尼意粉同埋其他咖啡單品…查看更多

我諗唔少人都會慕名而來，而且咁難book位，確實會造就左一種「真係好期待、好想去試啊」嘅感覺。今日我係中午搭正12點walk in，職員有禮，餐具同埋佈置都算乾淨；而且係黃店，第一個感覺係唔錯嘅。不過當啲嘢食嚟到之後，就有啲失望。手工意粉彈性同埋味道都尚可，但水準未至於出色到要專程嚟食 / 翻啅。我與同行友人嗌咗個蟹肉闊條意粉、carbonara同埋凍檸茶。食完嘅感覺如下：1. 我係女士（平時正常食量）都覺得唔夠飽2. Carbonara做法可能係正宗；但以正宗嘅carbonara你嚟講，整得唔好食；而且佢所用嘅肉切到好薄身，冇咬口，亦冇應該要有嘅煎香肉味3. 蟹肉意粉係一般西餐都唔難會食到嘅質素午餐最後埋單$300幾，冇叫到甜品，因為已經俾唔到信心我去試。按：好老實，同樣喺屯門，同樣係黃店嘅西餐，個人認為置樂嗰間彩_ _ _ 食物水準過好多，小店唔在講，仲要係街坊價錢。總之，唔會再幫襯，亦都唔太建議過分吹捧呢間餐廳。鍾意食好西嘅朋友，不妨一試，然後你就會明白我講啲乜。…查看更多

先嚟總結：值得一試♥️平日經過藍地大街，未必會留意到呢間舖頭！適逢weekend大街好多人，好多出名嘅小店都排長龍，於是決定試吓呢間隱世cafe😆舖頭嘅佈置、地方同埋餐具都可以用「簡潔、乾淨」形容，其實坐得幾舒服。最後叫咗蛋沙律牛角包、卡邦尼意粉、凍嘅Americano & Latte。味道都好ok，另外一提，當日只有一位年紀大嘅伯伯打理舖頭，煮嘢食沖咖啡同埋樓面一腳踢，服務態度仲好好，respect 🙏🏻如果到訪藍地，不妨一試！…查看更多