Norika的個人專頁

食評可信嗎? 自幼由於遺傳了爸爸 ”貪吃,愛吃” 嘅嗜好, 所以細細個開始已經跟住爸爸周圍揾嘢食! 但最遺憾嘅係我遺傳唔到佢煑得一手好菜! 近年發覺愈嚟愈多餐廳門口都會張貼一d由報紙, 雜誌, 名人, 食家所寫嘅食評。但試過好多次跟隨呢d食評去試菜而失望而回…… 點解會咁呢? 個人分析係因為每個人嘅喜好,口味都唔一樣! 就例如每人都有自己鍾意睇嘅書/戲/音樂…..食評往往都加入左好多主觀意見, 加上喜氛, 環境, 時間, 同伴都會影响食嘢嘅心情同埋感受。 所以食評只可作参考, 還是要親自品嚐食物才能寫出屬於自己嘅"真正食評"! 睇咗Open Rice呢個網頁都好多年啦! 但一直以嚟都只係齋睇…直到上個禮拜(08年5月中)先開始寫第一篇食評! 感謝 Open Rice多年嚟提供咗呢個優質飲食平台讓各食家分享意見! 最後, 希望各食家能彼此尊重,多d交流飲食資訊!