Yungyungbibi的個人專頁

今次已經唔係第一次黎呢間黑白色為主嘅二次元打卡餐廳架啦呢度除咗影相打卡一流食物方面都係食得又睇得加上推出左最新【ULURU港式情懷💥爆發】晚餐MenuFusion + 港式真係比較少見所以即刻再黎試下🤤香煎石斑扒配珠江橋牌豆豉鯪魚炒意粉 $168竟然諗到用豆豉鯪魚嚟炒意粉👍惹味得黎好有創意仲有大大塊既滑嫩石斑扒係面，份量十足芒果味1/4 脆脆豬 $258外皮脆卜卜嘅乳豬，配上淡淡嘅芒果香味，肥瘦均勻，令人一舊接一舊咁食🤭難怪眼見圍住我地隔離坐個幾枱都有叫到Uluru 2D Cake $138白色係草莓果醬 + 鮮草莓既海棉蛋糕，d cream 好滑，整體唔會好甜！如果想要粉紅色/粉藍色，就要兩日前預約定🍸Virgin Strawberry Mojito🍓 $68（TEA, STRAWBERRY PUREE, ROSE SYRUP, ROSE, ROSEMARY）好清香既玫瑰花，甜甜地幾好飲🍹Pineapple Popcorn Colada🍍 $68(PINEAPPLE, PINEAPPLE JUICE, COCONUT MILK, POPCORN SYRUP)菠蘿汁加椰奶，面頭有菠蘿同Popcorn，打卡一流呢度仲係寵物友善餐廳，各位如果有養寵物既可以帶埋一齊嚟打卡架🤗ULURU（灣仔）📍灣仔春園街1-11號春暉大廈1樓…查看更多

我地又去左銅鑼灣一間高質日本壽司料理餐廳食lunch呢間既lunch set 都真係好鬼抵食，食材又新鮮，而人均消費都只係~$500我地坐咁耐都係keep住坐滿人就知性價比有幾高啦🤭我地叫左兩個 $498 Lunch Set就食到11貫手握壽司＋手卷，仲有前菜同甜品等前菜係合桃魚乾仔＆豆腐野菜沙律（豆腐好滑溜）深海池魚 ✨肥厚爽身、油脂香味濃九繪班魚✨肉質比較實，好有咬口帆立貝✨肉質肥美鮮甜石垣雕✨配烏魚子間八✨ 肉質彈力十足白魷魚✨口感爽甜，配明太子紫菜醬，海膽✨ 係我至愛🤤超鮮甜一d都唔腥池魚✨ 魚鮨豐富粒貝✨原來即係海螺，掃上柚子汁，食落好清新燒拖羅筋✨ 油脂豐富，入口即溶拖羅蓉配米通✨米通脆卜卜，輕輕燒過香味就更出，拖羅蓉灑上芝麻，滿口肥美甘香食完之後每份 lunch set 仲有魚湯蒸蛋配櫻花蝦 & 海鮮清湯滑溜既蒸蛋用上魚湯去蒸更加鮮味最後食埋個菠蘿雪葩 & 曲奇雪葩令成餐飯變得好完美🥰螢雪📍銅鑼灣渣甸街66號亨環7樓…查看更多

高質私房菜推介🤗六月頭先開張嘅飯店Keep住長期都爆滿好難book位呢度裝修古典優雅，另設有包廂每款菜式都做得精緻講究，好考師傅功架👍啱哂一大班人一齊聚餐🥢桔皮鵝肝鵝肝口感細滑入口即溶 🥢芥末凍花螺上枱時已剝左殻，啖啖肉咁食唔怕整污糟隻手👍好細心，花螺鮮味爽口🥢玫瑰凍鴿好入味，鴿肉仲好嫩滑🥢潮式醃熟羅氏蝦蝦肉鮮甜彈牙，蝦頭有蝦膏，鮮味得來又有酒香味🥢四季燉湯（五指毛桃鮑魚燉豬展）超足料，有好多隻鮑魚，勁鍾意飲有五指毛桃既湯，鮮甜得黎又可以健脾補肺🤤🥢豉汁聖子刀削麵蟶子大隻得黎，又鮮甜彈牙，洗得好乾淨冇沙刀削麵好有咬口，仲掛滿豉椒汁，帶少少辣🥢魚湯金米海東星斑東星斑已起骨，啖啖肉，肉質細滑，上枱後倒上奶白色嘅魚湯，鮮甜嘅魚湯加魚肉加脆脆米一齊食，口感層次好豐富，呢度餸係我今晚既大愛🤤🤤🤤🥢椒麻手撕新鮮雞（半隻）用上龍崗新鮮雞，啖啖嫩滑雞肉，配上椒麻油香，麻辣口感令人食得好過癮🥢玫瑰煙燻新鮮雞 （半隻）淡淡的煙燻玫瑰香，雞肉好嫩滑，雞皮好香脆，連雞胸都好好食，唔會好鞋🥢招牌豉油皇炒麵看似簡單嘅炒麵，鑊氣十足，看上去好似好油，但其實好乾身爽口，食到好飽，但都食左一碗🤭四季飯店📍灣仔天樂里2-4號金豐商業大廈地舖…查看更多

自從6月中希希浟浟開始反半日學之後我都好耐無Me Time 啦🙈二人世界就更加唔洗諗啦🥹🫠不過真係忍唔住掉低左佢兩個比公公婆婆睇住幾個鐘等我同老公可以去撐下枱腳🤭今次去左一間主打疏乎厘pancake既日式餐廳Dinner呢度和風木系既裝潢再配上一d植物係度食野真係令人好relax😌燒紐西蘭肉眼配時令蔬菜•燒汁 $268我地order 左Medium ，都好有牛味好juicy配菜亦唔會燒乾哂，好腍好Juicy極濃蝦汁意粉 $128蝦味真係好濃郁，意粉軟硬度剛剛好，每條意粉都掛滿蝦汁，有幾隻大蝦仁，都好彈牙杜拜朱古力梳乎厘 $158賣相好靚😍打卡一流📸疏乎厘有三層，蛋香味濃，滿滿空氣感😍有藍莓🫐士多啤梨🍓杜拜朱古力🍫曲奇餅碎🍪開心果碎等配料🤤未食見倒都開心🤭黃皮鳳凰單叢 $48 （跟餐減$12 —->$36）即係黃皮汁配烏龍茶， 茶味比黃皮味重Tera Pancake House📍大圍圍方3樓320號鋪…查看更多

上星期同🐢🍯係旺角按摩完之後就去咗朗豪坊搵嘢食一去到4樓就見到呢間由日本北海道過江龍嘅湯咖喱專門店湯咖喱源自於北海道札幌的靈魂美食當然就要即刻入去試吓啦🤭🤗主食方面可以揀飯、烏冬或者拉麵湯底方面除咗有原味suage之外仲可以加$10轉櫻花蝦濃湯/特選限定而辣度仲有8款辣度可以選擇啱晒我呢啲唔太食得辣，但係又鍾意食咖喱嘅人每碗湯咖喱裏面都會有南瓜🎃茄子🍆西蘭花🥦蓮藕等配菜脆皮雞腿肉串湯咖喱烏冬 $102 呢個我地加左錢轉櫻花蝦濃湯湯底會有濃濃嘅蝦味，勁鮮味烏冬口感彈牙，每條烏冬掛滿蝦湯我地仲追加左唐揚炸雞2件$18炸雞會分開上，唔怕俾啲湯浸腍晒上枱仲係外脆內Juicy，唔會炸到乾晒日本廣島蠔湯咖喱拉麵 $108 呢個揀反Suage原味既BB辣咖喱湯比平時食嘅咖喱稀啲偏水狀BB辣唔算好辣可以當湯咁飲有3大隻廣島蠔鮮味飽滿，一啲都唔腥熱香桃蘋果綠茶 $28酸酸甜甜幾清潤熱日本特濃抹茶紅豆牛奶 $36面頭有一層厚厚嘅奶泡，杯底放左甜甜嘅紅豆，中和咗抹茶嘅苦澀味，好飲兩味扭紋雪糕窩夫筒 $32係富士蘋果雪葩mix 日本3.5生乳軟雪糕聞落已有好濃郁嘅富士蘋果香味，食落酸酸甜甜🤤【Suage北海道湯咖哩】📍 旺角亞皆老街8號朗豪坊4A樓1號舖…查看更多

觀塘有好多間隱世餐廳今次我同Daddy就去咗間主打瑞士同意大利fusion菜嘅餐廳除咗牛頭角分店，仲有大坑總店同中環分店呢度出名手工意粉裝修環境簡約舒適門口有一大排玻璃窗透光度極高亦設有露天座位想食記住要預約啊🤗Lunch Set $168 （已包小食 + 主菜+ 甜品/飲品）🍽️Arancini Ticinese（MERLOT & PORCINI CRISPY RISOTTO BALL）原來係炸意大利飯波波，外層炸得金黃香脆，好吸引好似可樂餅 ，裏面個餡用上梅洛紅酒、牛肝菌、芝士同意大利飯，口感層次好豐富🍽️Zuppa di Grotto（SEASONAL TICENESE SOUP）香甜嘅南瓜湯，入口順滑🍝Reginette（NDUJA, MASCAPONE, LEMON & PARMASEN）第一次食波浪麵，闊身扁扁嘅波浪麵口感彈牙，每條都掛滿晒醬汁，有少量意大利辣薩拉米豬肉腸碎同檸檬汁，少少微辣幾開胃🍝Ondine (JALAPENO, ROCKET, ALMOND AND PARMASEN)面頭有好多刨得好幼細既芝士碎鋪面，墨西哥辣椒同火箭菜整成個汁，食落好清新好特別🍰Odette's Tiramisu (NOCINO SIGNATURE DESSERT)講到係Signature，咁一定要試吓😝又真係冇失望喎😂酒味同咖啡味都好濃郁，口感軟滑🍰Dolce Oggi （DESSERT OF THE TODAY）佢個是日甜品係Cheesecake ，藍莓醬配栗子蓉芝士蛋糕好滑，整體唔會太甜Nocino📍牛頭角偉業街93號93WYS地舖…查看更多

動漫節4位超強動漫人物登陸麵屋神匠店內仲掛滿色彩繽紛嘅日式燈籠加埋特色牆📸打卡一流我地Order 左兩個午市套餐仲要免加一，好鬼抵食午市套餐包括一碗麵食、一個小食同一罐汽水柚子鹽湯蜆肉拉麵 $98D蜆都幾大隻，鮮甜冇沙，配慢煮叉燒同溏心蛋，份量十足！配上淡淡的柚子香，令成碗拉麵變得好清新神匠蕃茄蝦湯沾麵 $128沾麵底可揀熱或凍，蕃茄蝦湯底勁杰身，面頭仲有好多櫻花蝦，沾麵質地似烏冬，撈埋蕃茄蝦湯底一齊食勁掛汁，酸酸鹹鹹香味濃郁！叉燒肥瘦分明小食揀左炸日式餃子（2件） & 唐揚炸雞（2件）餃子皮炒得香脆，炸雞外脆內嫩麵屋神匠📍 香港旺角彌敦道562號地下B號舖…查看更多

Bookmark 左好耐既畫碟餐廳終於都有時間去啦🤗呢間主打甜品畫碟儀式感滿滿嘅慶生餐廳就算唔係生日都要去食下🤭🤭一去到已經見到裏面有好多乾花嘅佈置仲有好靚嘅特色牆，打卡一流📸Order 左個🍕Handmade Pizza Set $452 🥄黑松露牛肝菌蘑菇湯 x 2好濃郁既黑松露味，仲有好多蘑菇碎，令個蘑菇湯好有口感🥗蘭王蛋素煙肉凱撒沙律蘭王蛋香味濃，沙律菜新鮮爽脆🍕秘製北京烤鴨薄餅融合咗中西合璧嘅配搭，醬汁較濃，有青瓜絲、蔥絲同嫩滑嘅鴨肉條，食落真係好似食緊北京片皮鴨咁🤭薄餅脆身🍟黑松露雪山芝士炸薯條份量十足，芝士造成嘅雪山加啲花做點綴，擺盤好靚薯條熱辣辣，香脆🍝蘭王蛋松露煙腩卡邦尼QQ捲捲意粉 $158蘭王蛋蛋味香濃，撈勻落啲卡邦尼汁到一齊食，令醬汁變得更杰身，捲捲意粉口感煙煙韌韌，好掛汁🍝兒童餐 意式鮮茄德國腸意粉 $78兒童餐有3款可供選擇！妹妹見到有兒童餐，即刻話要order 😝用粉紅色車車上枱係靚既😚仲有炸雞塊、哈哈笑薯餅、果凍、雜果同橙汁，妹妹食得好開心🥰🍹活乳酸草莓果蓉梳打乳酸加草莓嘅配搭，酸酸甜甜，好清爽🍰精選甜品 $98可以寫字畫碟嘅甜品，仲要有新款即影即有附上可寫上心意的相架📸但要一早預訂！加$35就有啦🤗哥哥鍾意比卡超！妹妹鍾意LinaBell！兩隻公仔都畫得超靚😍😍😍佢兩個一見到已經嘩嘩聲😂😂我哋揀咗特濃朱古力蛋糕，朱古力味香濃Homeland（荃灣）📍荃灣大壩街4-30號荃灣廣場B1樓B109-B110號舖…查看更多

成年無去台灣，真係好掛住台灣既味道😙一於等老公放工約佢去食台灣麵🤭即刻搵反台灣既味道先🥬蒜醬青菜有油麥菜/西生菜揀，我哋揀咗油麥菜，好翠綠新鮮🐣藥膳雞翼雞翼滑嫩入味，藥膳湯底香濃唔苦，好飲👍🥢三星蔥肉鍋餅面頭煎到金黃色，食落香口酥脆，熱辣辣既鍋餅散發出香蔥既味道，配埋個甜辣醬一齊食更加惹味🍜青花椒香手撕雞乾拌麵青花椒醬汁比我想像中冇咁辣，仲覺得好香，少少麻麻辣辣嘅感覺食得好過癮，配埋啖啖肉嘅手撕雞、花生粒同溏心蛋，令視覺同口感都好豐富🍜胡椒湯酸菜豬腳麵胡椒嘅香味同辣度都剛剛好，唔會有嗆喉嘅感覺，豬腳啖啖肉，幼麵爽口彈牙，索晒啲胡椒湯好好味Chatime飲品 x Dulce Vida朱古力捏捏杯🥤黑芝麻奶：細滑濃郁既黑芝麻，好香🥤紫香芋泥特調：紫薯同芋泥都係我最愛嘅🤤必試😍紫薯同芋泥再配搭奶香，甜度適中，超好飲😍😍✨特別之處係喺杯裏面預先雪凍咗意大利的濃郁黑朱古力，整成脆皮外殼，再倒入精選飲品，首先輕輕一捏，令朱古力脆皮碎開，融入飲品內一齊飲用🤤可以享受外層酥脆朱古力的觸感，亦可細嚐濃郁飲品融入朱古力後的雙重美味，玩味性十足🤗❤️Chatime與陳凱琳自家朱古力品牌Dulce Vida攜手合作 推出暑期限定「朱古力捏捏杯」 只限8月1日至31日炸等我趁住呢幾日快啲去飲多次先🤭😙段純貞牛肉麵XChatime📍 香港旺角太子道西193號MOKO新世紀廣場3樓360號舖…查看更多

尖東站嘅Friendship Market每次經過都好鬼多人鬼叫佢哋咁多款式揀咩🤭仲要不定時有新款式推出❤️麻薯QQ布丁1盒4粒分別揀咗藍莓、開心果、伯爵茶、焦糖燉蛋藍莓仲係尖東站限定👍必試每個都細細粒mini版咁，賣相精緻可愛外層Q彈，裏面嘅布丁滑嘟嘟每款個味都好突出最正係唔會太甜，剛剛好❤️藍莓麻糬波波裏面嘅麻糬係可以拉絲㗎😍除咗有藍莓果醬，仲有好多細細粒嘅藍莓果粒❤️開心果糯米糍❤️焦糖脆脆夏威夷果仁糯米糍糯米糍個皮好薄好軟熟，裏面嘅餡多到爆出嚟🤤Friendship Market （尖東）📍尖沙咀港鐵尖東站ETS 20號鋪…查看更多

之前喺社交平台見到呢間人氣雞蛋仔店已經想食好耐趁住暑假特登帶希希浟浟去買黎試吓（星期三同星期日係休息㗎🤗大家唔好摸門釘啊）一去到門口已經見到好靚嘅塗鴉牆行上幾級樓梯已經有店員熱情嘅款待入到去有部自助機落單當然第一時間就要嗌個#Q版菠蘿包雞蛋仔 啦🤭每粒菠蘿皮都係人手鋪上去，再入焗爐焗一粒粒迷你Q版菠蘿包勁得意真係可愛到唔捨得食😝食落外脆內軟，真係好似食緊菠蘿包咁嘅感覺🤣我地仲叫左 #餐蛋治雞蛋仔 咬開裏面真係見到粒粒嘅餐肉同蛋每粒都餡料十足鹹香嘅午餐肉配合嫩滑嘅蛋粒同樣係做到外脆內軟，蛋味香濃👍勁有港式茶餐廳風味而家仲做緊Summer Promotion買雞蛋仔 + $12就可選購某啲飲品希希浟浟揀左凍蜂蜜百香果同凍檸賓酸酸甜甜又冰涼，啱晒而家夏天咁熱飲啦呢度除咗有塗鴉牆仲有霓虹燈同埋隻“雞蛋仔”做打卡位又有得食又有得打卡你哋仲唔快啲嚟試吓🤗CHICKEN EGG BOY📍香港上環永樂街148號南和行大廈地下02號舖…查看更多

諗住同阿仔去街買衫喺銅鑼灣站出時代廣場出口就見到新開左間吃茶三千而吃茶三千仲要有新品出左仲要係我鐘意既🍑🍑🍑😍😍😍新出左4款既霸氣蜜桃系列召集蜜桃控 🍑🤗蜜桃烏龍冰茶 $42每啖入口都係蜜桃果肉，蜜桃嘅甜味+茶嘅香濃，係咁熱嘅夏天飲住時令嘅水果冰茶，真係超爽國王珍珠奶茶 $38呢杯每次飲都冇得輸🤭珍珠煙韌，茶味香濃而又唔會比奶蓋過咗👍飲極都唔會厭吃茶三千(時代廣場）📍銅鑼灣勿地臣街1號時代廣場B2樓B236號舖…查看更多

擁有4間分店既串燒店我地今次就去左尖沙咀新分店食串燒呢度有新既餐單推出了各款嶄新、獨特的風味菜式而且價錢亦好親民$10/串都有日本生啤仲做緊買一送一但提提大家$10/$15/$20 每款要兩串起咁平咁抵食搞到我嗌到成枱都係🤭香燒翠玉瓜$10 蜜糖牛油粟米$10 蜜糖燒菠蘿$10🥢燒到表面有啲焦糖感，酸酸甜甜勁爆汁，令人好開胃豆皮包蒜蓉$15黑松露燒雞肝 $15 🥢味道濃郁，口感軟綿，本身好怕內臟嘅腥味，但配搭左黑松露完全唔腥泰式燒墨魚鬚$15 🥢燒完仲係好彈牙juicy，一啲都唔乾鹽燒雞腿肉$20 🥢雞腿肉質嫩滑，啖啖肉鹽燒鮮雞皮$20 🥢燒到脆卜卜鹽燒牛舌芯$28🥢爽口彈牙味淋魚干 $38 🥢望落好硬，但其實一啲都唔硬，仲好好食，佢兩個直程好似當零食咁食😂芝士年糕（2件）$38 🥢呢度嘅芝士年糕唔係炸嘅，係燒嘅，軟綿綿嘅口感，流心芝士嘅鹹香點煉奶既配搭，食落又幾match蒜蓉菜脯燒茄子（微辣）$38 🥢加入咗蒜蓉同菜脯做調味，茄子肉既口感軟腍好入味鹽燒和牛牛小排$48 🥢油香滿滿，有入口即溶嘅感覺，簡簡單單嘅鹽燒，令本身嘅牛味更出蒜蓉燒蠔（2隻） $48 🥢大大隻肥美鮮甜山椒鰻魚汁燒白鱔 $48 🥢肉質紮實嫩滑，一啲都唔腥港式蜜糖多士夾雪糕 $48 🥢最後叫咗呢個甜品食，多士加咗蜜糖烤到脆卜卜，中間有一層厚厚嘅雲呢拿雪糕，食埋之後令呢餐畫上完美嘅句號🤤😌百香果檸檬茶 $28荔枝檸檬梳打 $28人生有限杯串燒店📍尖沙咀赫德道4號The Hart 3樓…查看更多

夏天出街真係無時無刻都想搵凍野飲🤭今次行沙田就見倒喜茶一於就買黎試下啦作為茶飲界嘅星巴克真係唔同d 既😂短短企左15分鐘都Keep住好多人幫襯好彩可以手機落單超方便👍多肉葡萄（首創） $26係清爽真果茶系列，呢杯係阿仔揀既🤗真係識揀😂一揀就揀咗杯經典銷冠嘅果茶🤭仲話啖啖都飲倒葡萄肉😂仲要係去哂皮，好香甜爆汁，一啲都冇藥水味，好清新多肉楊梅 $38呢杯係爸爸揀既🤭鮮榨楊梅酸酸甜甜，啖啖「真果肉」，飲完好開胃😂喜茶📍沙田沙田車站圍1號Citylink 零售層24號舖…查看更多

位於尖沙咀 H Zentre 的「炑」，主打日式割烹料理，店內以木系和風既設計，全吧枱，可以一路食一路欣賞師傅用心既製作🥰當日我揀左$998的午市套餐，餐廳最近仲推出午市套餐7折優惠，超抵食，一個價錢已經有齊刺身，天婦羅等等既美食🤤🤤🤤你地仲唔快啲去試下😋🤗先付 - 海蜇山葵口感彈牙，酸酸咪咪咁十分開胃白子茶碗蒸蒸蛋好滑，第一次食白子，原來白子口感Creamy，入口溶化6款時令刺身✨深海池魚薄切 - 鮮甜爽口，點酸汁可提鮮✨赤貝 - 口感鮮甜爽口，面頭磨咗一啲綠色既柚子皮✨新鮮嘅銀鱈魚 - 少少燒過，肉質肥美，入口細嫩滑溜✨細切池魚 - 有啲薑花薑汁大蔥撈埋一齊食✨牡丹蝦 - 新鮮大隻，鮮甜彈牙✨拖羅 - 燒過既拖羅魚油味濃郁，油脂豐富肥美6款天婦羅✨草蝦 - 肉質扎實彈牙✨ 愛知懸香魚bb - 成條游緊水嘅BB魚咁，好可愛， 炸漿好薄，頭頭尾尾都炸得好香脆✨小貝柱 - 紫菜包住小貝柱，紫菜香脆，貝柱柔軟鮮味✨蘆筍 - 清甜爽脆鮮嫩✨南瓜 - 清甜，外脆內軟稻庭冷烏冬口感彈牙煙靭🍨咖啡雪糕咖啡味香濃炑📍尖沙咀中間道15號H Zentre UG樓1-3號舖…查看更多