JonWong4153的個人專頁

上星期訂左9月5日食，但今日收到電話話當日原來包場，問我會唔會選擇另外一日。首先餐廳開放得俾人訂，接受得就要遵守承諾。若有其他客人之後要包場都應該揀啲無人訂位嘅日子，而唔係就咁取消哂其他客人嘅booking。另外，打電話俾我嘅職員只係話原來果日有人包場，一句唔好意思都無，就叫我改日子！我唔係一個人食，訂得果日就可能其他人得果日得。之後有位我都唔會打算去食！大家小心，訂得呢間餐廳可能要有兩手準備，可能前一日先同你講佢哋要取消你個訂位 。…查看更多

今晚跟新加坡嘅朋友黎呢間久違嘅餐廳，自從佢地搬左之後都無幫襯過，就諗住試下。餐牌有兩個選擇，Omakase$1680或者係15件壽司套餐$1380。大家都唔想食咁多飯，所以揀左前者。整體食物味道一般，除左個生蠔之外，其他真係中等質數，但有幾件事真係不吐不快。1 當上第一道菜，我發現有隻飛嘅蟲响我隻螺上面行黎行去，我同侍應講，佢都即刻換過份比我，見佢地都好緊張，都算啦。點知食到差唔多最後，响個木盤度竟然又發現一隻好似書蟲咁嘅野從個盤底爬出黎，其實日本餐廳有咁多刺身類食物，有咁多唔同種類嘅昆蟲真係唔可以接受。2 我地叫左兩支酒，因為朋友覺得第一枝太甜，所以叫經理推介左第二枝。一飲已經覺得有陣古酒嘅味道，再睇下個樽，生產日期係17年1月，咁我地問經理點解隻酒有啲古酒味，佢話呢隻酒係咁樣，我地問sake唔係只可以保存一年咩？佢話呢隻可以保存兩年。我真係唔知隻酒係可以保存兩年定一年，但係隻味就同我屋企放左兩年幾嘅瀨祭二割三分一樣，飲唔落口，不過佢最後都話如果唔鍾意可以換，但係真係唔應該將啲過期酒攞出黎賣。3 呢間餐廳係零服務。侍應倒酒一定會倒左啲落枱面，放食具毛巾一左一右，落單又落錯，問佢啱啱攞出黎嘅燒魚係咩魚又唔知，最後因爲落雨問佢借把傘幾秒鐘遮出門口坐的士都話無，真係離哂譜。其實食物唔係真係好差好差，幫我地處理食物果位師傅亦好好禮貌，但係整個dining experience 真係令我地太唔開心，仲難為我地啲新加坡朋友浪費quota食左餐咁嘅晚餐，實在唔好意思。我決定唔會再幫襯，亦唔會試隔離同集團嘅Hanare。…查看更多

今日睇演唱會，又遲左出門口，就是是旦旦响九展食一餐，點知就出事！叫左個葡國雞飯同冬陰公湯，個飯要$80而個湯要$48。個飯一到，見到一兜好似咖喱汁嘅糊狀物體，已經心知不妙！再摷下個底，得三舊細過麥樂雞嘅雞肉！啲汁係無味！只能夠形為衰過學校訂嘅飯盒！最後只食左幾啖就放棄！跟住個湯黎到，一飲已經係乸喉，一啲都唔似冬陰公嘅味！超級難飲！寧願飲媽咪麵冬陰公湯底好過！屋企人叫嘅海南雞飯平我嘅$5，都係不知所謂，啲飯嘅質地好似大陸啲米咁！好失望！其實已經無期望，但我真係寧願食麥記！但講返句公道說話，可能我地叫錯野，話哂間野叫Griller Spot，其實應該食Grill先啱！大家下次識揀啦！服務較慢，而且落單混亂，今時今日幾百蚊一餐，或者真係唔可以要求咁多！…查看更多