puiyanlaw的個人專頁

我地好快就叫左幾味餸先，但始終唔知屋企人有幾肚餓，所以諗住之後後加。食到咁上下想加單，問親可唔可以俾個「菜單」睇睇，個個員工都話冇，叫我地就咁嗌。我地一開始就係睇住張「菜單」叫餸，食食下話冇，老實講明碼實價都係保障翻雙方，咁你開天價我係咪都要硬食先？定係好似麥兜咁嗌乜冇乜搞好耐？講翻野食，不得不分享佢個”金菇肥牛粉絲煲”。應該叫佢做”金菇芽菜肥牛芽菜粉絲芽菜湯”先岩，真係第一次食咁多水同咁多芽菜嘅金菇肥牛粉絲煲，其實落得芽菜都預左出水(仲要落咁多芽菜)，又唔埋芡咁，個汁明顯係變左做湯。其實仲叫左另外大概6-7碟餸，不過都冇個”金菇肥牛粉絲煲”咁精彩。好食就絕對唔係架啦，但食你唔死咁。…查看更多

以前係附近讀書，記得呢邊有間好抵食嘅日本野，至於有冇轉手或者仲係咪度就唔知啦。口痕想食壽司，所以就黎碰下運氣。估唔到真係比我搵到lunch set由$37-$42不等，逢星期一至五 12:00-17:00供應，嗌左set C($37)加一客花之戀($36)。Set C 包括三文魚壽司2件、中華沙律壽司2件、鰻魚壽司1件、蛋沙律壽司1件、肉鬆壽司1件、呑拿魚壽司1件、炸蝦小卷3件。好多時候花之戀上面都係一大pat沙律醬上面有蟹籽，呢度既係沙律有青瓜絲同埋蟹柳絲，唔會食半舊就覺膩。總括而言我覺得呢一間CP值都算高！質素ok，$37一個set，就算下午茶時間去嗌個lunch set都唔過份…查看更多

黎到龍門居呢頭，嗌完一堆煎炸野，諗住叫返少少refreshing嘅野翻上朋友屋企一齊食。熱狗成日都會選擇嗌好多芝士，又要拉絲又要邪惡咁，但見到有個 - 田園風味熱狗，減低少少呢個今日做完運動後大食既罪惡感因為係即叫即整，所以都要等返一陣嘅時間。呢個田園風味熱狗一咬落去果陣比到我清新嘅感覺，啲青瓜絲蕃茄同適量既醬配合岩岩好，可惜我唔鍾意食生洋蔥，但整體黎講都係好食。其實呢我都仲叫咗份大薯格，細份嘅薯格係紙杯size，所以係絕對唔夠喉！即叫即炸嘅薯格，都冇乜機會唔好食啦…查看更多

誤打誤撞搵到呢一間聚福樓，一行入去我同朋友就比呢度嘅咖啡香吸引住。朋友話想食蝦又想食扁意粉，問左都好好咁可以比我地轉，所以嗌左個”忌廉茄茸大蝦扁意粉”。我就想食burger，加上寫住with sweet potatoes fries 鍾意食蕃薯條既我即刻唔洗諗要叫呢個”牛肉漢堡”，我地order左medium，亦都請廚房幫我地開半，等我地唔好食得咁論盡:)。Set lunch包餐湯同是日餐飲，是日餐飲唔岩飲可以加錢轉。見到餐牌上面有flat white，朋友表示自離開澳洲就好耐冇飲過，所以諗都唔諗就要將是日飲品改成flat white。而我係是日餐飲熱薑蜜同latte中糾結，最後我都係選擇左latte，因為咖啡實在係太香太吸引啦☕️呢杯咖啡確實係我地今日既小確幸，求其行咗一間餐廳仲要飲到靚咖啡當日嘅餐湯係南瓜湯，不過個南瓜湯味道唔夠濃，所以飲落去似中湯多啲，如果忌廉味重啲會比較好。意粉同burger都好正，個漢堡包有搽牛油再烘過，一咬落去就食到好香，塊牛肉最後有八成熟，但都一啲都唔乾。環境很舒適，我地都影左兩張相，同朋友都覺得如果我地有日想chill下，坐低寫下野畫下畫，會想再黎嘆杯咖啡☺️，朋友話可以重拾之前係澳洲讀書既感覺，睇黎我地應該會再黎🤤…查看更多

個人黎講好鍾意食章魚燒大阪燒呢類型嘅野，但係好多鋪頭都會因為成本而加好多粉漿。見facebook有post講呢間，望落個價錢咁抵，就一於試下到底佢係咪真係咁值得推介啦。我嗌咗個豚肉大阪燒，order完店員都有話翻要耐心等一陣，因為係即叫即整，呢頭附近冇乜野好行，所以就企係度等。果然冇令我失望！真係唔會過多粉漿，好多菜冇偷工減料。加上係即叫即製，熱辣辣食所以食落好滿足。下次好想食大阪燒又一個人唔想入餐既話，我會再黎幫襯！…查看更多

今次同兩個鍾意食辣既朋友嚟到爆汗串串試下呢隻香港冇既串串(同鋪頭既人傾計，佢地話原來香港一直得火鍋串串，但冇呢種，所以佢地專登上成都學)。我就唔食內臟既，但朋友好鍾意食肥腸，見到即刻話要嗌肥腸因為覺得有麵到肚先會飽，所以我地三個人嗌左2碗麵加30串成都串串香。麵就嗌左爆汗肥腸麵(轉左紅薯粉)同蕃茄牛肉麵。我哋比較喜歡食麵個質感，但蕃茄牛肉麵個番茄偏酸。麵食真係好抵食，都唔洗40蚊。麵加串串香share食唔驚淨食串串香唔飽肚👻。總共嗌左30串共10款既串串。我地冇選擇到辣度既會係中辣，岩岩好岩我地三個既口味。雞軟骨，牛肉，肥腸，豆腐乾，蓮藕，黑木耳，雞腎，秀珍菇，厚百頁，五花肉。我個人黎講好鍾意秀珍菇同蓮藕，吸埋啲辣味，正呀！飲品上，唔飲酒嘅朋友叫咗酸梅湯，佢話酸梅湯唔係唔陣人造味，佢一口氣飲左2枝。我同朋友們一致裁定會再嚟！…查看更多

臨急臨忙同朋友約食飯，咁因為我想食韓國野🇰🇷，比較就腳容易搵嘅鋪頭呢就揀咗呢間。打電話book枱嘅時候店員其實都有講明5分鐘留枱同埋2小時用餐時間。可能因為星期一夜晚，天氣又好凍(得9℃的晚上❄️⛄️)，所以都唔算好多人，大概坐左半間鋪。因為book咗枱四個人，咁店員都安排左四人位置俾我哋，大家入到室內除低啲禦寒衣物其實都佔咗好多位，真係坐都冇位坐。我哋問店員可唔可以俾張凳我哋放野，有一個店員見到我哋咁多野，好好咁主動問我哋不如幫我地換過張大啲嘅枱，幫我地換左去張6人枱，即刻坐得舒服哂！藍柑白桃梳打(後面)-朋友話都幾好飲草莓番石榴熱情果梳打(前面)-係幾好飲既，不過睇返個名其實我又真係飲唔到咁多隻生果嘅味，應該係熱情果搶咗草莓同埋番石榴嘅味。卡邦尼年糕-個人來講其實比較鍾意食辣嘅年糕，所以呢個對我來講不過不失啦。拉絲芝士牛肋條伴泡菜炒飯-牛肋條呢就有三條，唔會太老。芝士真係好邪惡啊拉絲🤤，呢個真係好食薯條(芝士味)-呢個我真係食唔停口😋！本身薯條上面已經冇芝士粉，另外再有芝士汁可以點，雙重芝士阿正！芝味味炸雞-menu寫明炸雞要等20分鐘，所以上菜嘅時候熱辣辣，可以話係我今日喺呢間餐廳入面食過最熱既野雪糕筒黑松露芝士扁意粉-店員上菜嘅時候話俾我地知果球白色既其實係cream cheese，要撈埋先至好食。不過不失。食落其實姐係卡邦尼年糕拎走個年糕換意粉加左少少黑松露味。…查看更多

一句講哂，服務、態度、野食，都完全唔值！想同朋友搵個地方坐同傾下計，黎左登打士廣場，因為知呢邊有好幾間cafe。一到樓下排隊已經有人sell派傳單，問左人均消費係$80，就上左去，落完單先知一個餐計一個人，所以我地4個人3個餐就要另加$80既小食/飲品。唯有即刻再加野。食左: 芝士焗西蘭花、明太子蟹肉意粉(餐)、卡邦尼意粉(餐)、白汁鴨胸螺絲粉(餐)最ok既已經係明太子蟹肉意粉，所以有白汁既都伏，點解咁講？因為有一舊舊透白色既黏狀物(?)姐係似落生粉整稠個醬但放太耐又冇撈穩。然後個西蘭花出水到水浸咁樣。螺絲粉冇味到同白烚咁。服務就叫極都冇人理。完。我知冇圖真相，但真係食到只想盡快走…查看更多

第一次幫襯貓Cafe，雖然話嚟得貓cafe， 重點都係想同貓貓玩，而唔係呢度嘅嘢食，但呢度嘅嘢食同服務真係不敢恭維...去到嘅時候成間鋪都坐滿人，waitress個面口已經唔係好，我同佢講我冇著到襪(事前冇做好功課👉🏼👈🏼)，佢就話10一對埋單嘅時候計，除咗鞋嘅我就坐咗喺度等，等到呢位完全冇笑容又好似有啲暴躁嘅waitress再返嚟理我哋嘅時候，好似完全唔記得左我哋又重新問過幾多位乜乜乜果啲。我哋同佢講登記左架啦，但未有對襪..，話口未完佢就覆一句"而家俾你囉"。我真係....亦沒有提及最低人均消費，其後見staff同其他客人講先知，好在我地都夠。我嗌左個carbonara，無錯嘅煙三文魚擺到成朵玫瑰花咁真係好靚架，但係個意粉...擺落口第一啖我就心諗真係叫做carbonara..?感覺係買現成醬汁溝左過多既水?貓咪其實都真係好可愛，但好多貓瞓着咗而好多客人都去搞佢地，想像下全場爆滿，個個都同貓貓玩/影相。我就唔太想阻住貓咪休息，所以都係靜觀。…查看更多

屋企係無飯家庭，平時都有叫開呢間都幾準時。但一次外賣早餐，諗住食個靚早餐就趕出門，佢地話送外賣果位今日8點先翻工，不過應承我地8點20分一定會到，我地等到8點40分，就打去問。遲到其實唔係問題，叫外賣預到咁趕我地都唔岩，但係當我地堅持取消份早餐佢態度真係好差😪真係神咁早人都未醒，俾佢個態度搞到我成個人醒哂。不過，呢間都抵食既，記得之前食佢個焗豬扒飯，都幾正。但真係唔肚餓唔趕住食，呢間都ok嘅。👌🏼…查看更多

想搵個地方同朋友傾下計坐下，朋友覺得坐出面傾得自在啲，所以坐左係出面。叫左一個tea set兩個late lunch三杯野飲。Late Lunch份量好大份，細食既女仔晚飯都唔洗食阿😂!望埋佢地其他menu，朋友話要搵日試埋晚市！…查看更多