Soying 1111的個人專頁

突然想食下西式野突然間又比我見到有間cafe就即刻二話不説走去拎位準備開餐呢度係要係門口落單之後先入座我同朋友係門口買完先望到原來入面未有位唯有拎住單係門口等一陣先不過都好彩 等左不夠十分鐘就有位工業風裝修再加上少少墻壁挂畫令人感覺好舒服可惜店鋪位於東廣場一個多人流既出入口旁邊所以除左食客以外 都有好多人會係附近走黎走去 感覺不太良好我地一人叫左一個主菜 再另外加左一份薯條share個薯條應該係即叫即炸 真係熱辣辣 脆bokbok 唔係講笑 真心推介！好味到我連相都唔記得影 喊出黎不過呢講到主菜 就麻麻地喇雖然味道夠 材料多但係整體黎講都係太乾呢個螺絲粉都好少少可能因爲d汁比得多 所以無話太乾但係始終都有種汁還汁 粉還粉既感覺有好大既進步空間不過公道講句個陣我見厨房唔係好多staff 店面又爆曬客既情況下可能有少少失準（？比面個薯條 我下次會再去希望到時可以食到好西啦 嘻嘻…查看更多

what the food cafe之前晚市已經同朋友食過幾次 大家都贊不絕口 今次特登lunchtime 過黎就係為左要試下佢杯咖啡可惜佢同我講 唔好意思啊 今日無咖啡....不過唔緊要啦 佢d野食都唔錯既一於食d好西安慰一下失去咖啡既心靈啦。朋友叫左個黑松露意大利飯加錢要多舊鵝肝偷偷地食左淡 個鵝肝略嫌佢唔夠香 唔推薦大家為呢舊野加成幾十蚊但係個飯整體都尚算及格 我自己叫左個滑蛋鰻魚飯呢個飯我之前幾次黎都有朋友叫次次佢地都贊不絕口 應該算係what the food首本名菜（？但係真係十分不錯呢個鰻魚飯好推薦大家一試鰻魚夠大舊 蛋夠滑 飯又夠味 十分推薦…查看更多

呢間野之前一路都打算去 但係元朗國對我黎講有d距離所以拖左一段時間先過黎朝聖其實間舖一d都唔難揾 但係可能我地一到步佢地未開門 所以就見唔到佢輾轉之下圍住棟權益大夏行左足足三個大圈先見到佢地（ 其實係自己鬼um眼應該因爲開門無耐 所以無需要等位就直接入得我同朋友坐正門口位二人臺 感覺有少少逼但係d野食真係好高質！！性價比超高！ 十分推薦！我叫左個鰻魚定食有湯有飯有茶 你中意的話可以連鰻魚下面d配菜椰菜都食埋個飯佢有得加錢轉貓飯但係我就無轉到 食完返到去先知原來d人十分推介呢間既貓飯 可惜可惜下次再去一定會 叫個貓飯黎試下！…查看更多

經過厚福街 有好多唔同總類既食店朋友推薦之下就入左呢一件鋪頭試下自助到不得了一入去自己量體溫 自己揾位 自己去隔離台拎餐牌等左一段時間之後先有staff過黎幫手點餐我地每人叫左一個肉燥飯， 一個就鷄扒玉子豆腐肉燥飯另一個就香辣牛肉肉燥飯朋友叫既香辣牛肉肉燥飯 我自己本身唔係好食得辣就有dd 頂唔順不過 全程朋友都食得好滋味， 分量都剛剛好唔會太多都唔會太少 剛好清曬 就夠飽呢個就係我叫既鷄扒玉子豆腐肉燥飯其實我覺得作爲一間臺式食店佢d肉燥其實係有d失色 但係都叫過得去啦~鷄扒都係無咩特別好講 好有鷄味（？）最最最驚喜既反而係係側邊既玉子豆腐新鮮炸起 外脆内軟 OMG~~！！！不過可能我講得誇張左少少因爲自己本身係豆腐控所以豆腐呢樣食材係我眼中無論點都係世界第一飲品方面就好發揮到臺式野既水準啦~我個杯係咖啡胚芽牛奶？ 我都唔係好記得佢全名anyway 係好味既會再食既！會推介既！…查看更多

向來都喜歡台式食品經過見到餐廳環境尚算乾净 又唔洗等位 就拉埋朋友一齊入去試下入到去由揾位做低 到拎餐牌叫野食都一路無人協助你又點會估到明明唔洗等位 入到去都要等成15分鐘先有人過黎幫你落order不過無辦法 可能呢短時間 店家為左減省人手所以得一個樓面跑全場餐牌入面選擇其實都算多 有飯有麵 而且全部都有圖片 最後我同朋友一人叫左一個餐 同另外叫左個小食呢碗鹽酥雞肉燥飯分量十足 我本身食量唔算大都唔算細 都食唔曬建議本來胃口唔大既人最好就叫少飯 唔好好似我一樣浪費食物*（一開始真係唔知會咁大份）講返d野食先其實質素真係麻麻地 明明寫住馳名 以爲會好出色但係d鷄肉炸到硬曬 食落刮牙肉 d飯都太軟算係一個唔推薦既飯但係d肉燥都過得去 送飯一流至於碗牛肉麵就真係幾特別既 佢有別於一般臺式牛肉麵應該話佢根本就唔係我食開既臺式牛肉麵湯底帶少少既辣度 牛肉煮得夠軟絕對值得一讚但係如果你一心打算食 真正既台灣牛肉麵的話 佢就唔係好岩你啦~呢個香脆豆腐係今日既MVP外脆内軟 聞落帶有少少臭豆腐既味道size又cut到剛剛好 頗有台灣風味如果佢個底可以墊返少少腌菜就perfect喇呢個小食本來有跟一個汁 但係我嫌佢味道太淡 最後點左 鹽酥鷄飯個汁 反而意外地match至於飲品方面 我叫左一杯 香芋仙草奶茶朋友就叫左被蜂蜜綠茶兩杯都唔錯 值得一試…查看更多

餐廳環境尚算整潔 一入到餐廳員工就即刻過黎比茶比餐牌好有禮貌朋友叫左個印度咖喱牛腩飯 而我就叫左個芝士肉醬千層麵佢個飯好快就到左 我個千層麵應該就因為即叫即整 所以就要等耐少少個咖喱都幾有驚喜， 一般除左正宗咖喱店好少會跟埋塊印度薄餅雖然塊薄餅其實都無咩特別 但係都幾得意咖喱十分惹味 但係d牛腩就略嫌多根左少少不過份量十足 一個女仔真係未必食得曬成個飯。而我個芝士肉醬千層麵就賣相100分係普通茶餐廳入面食到呢個水準既千層麵真係好意外份量望落有d細 但係可能因為d芝士既關係 所以其實都好飽好滿足另外飲品方面我地每人都叫左一杯紫華田（唔記得影相sosad）幾特別幾好飲 有少少紫薯粒粒係入面 幾過癮～下次會再試過！…查看更多

早排見到有friend係facebook share genius個page話咩新開張有7折咁我就緊係唔執輸嫁啦  約左朋友7:30 一開始都因為怕等位所以都早DD到不過可能係新開張啦  一到左就入得 根本就完全唔洗等位一坐低就比左D包我  應該係新鮮梮起 仲係熱辣辣嫁有幾款包系入面 其中個隻番笳包真係超超超超超超超超超超超正勁香番笳味  個包就禁食都好好味 跟住個waiter行過泥介紹個個黒水牛油(定唔知黑欖牛油),whatever總之就好特別既醬啦 雖然我形容得好誇 但真係好好好好好好好好好好好味!!!個經理仲比左支 馬爹利VSOP 我地飲 一問之下支酒原來仲老過我OMG個頭盤都幾唔錯  擺位超美觀 搞到我都唔知由邊度開始食起好 BTW 呢間餐廳有一點我幾中意嘅係  呢度D waiter waitress全部都會記得邊個叫左D咩唔似其他餐廳咁D野食到左仲要問::請問邊位叫左X 邊位叫左Y雖然係好少事  但都好加分之後叫左個湯  一個勁足料嘅湯 D味道好濃郁 不過個份量就真係少左D 唸翻起都有D唔"多句"喉呢個真係超級推介!!我都係見到格離有人食緊我先order好香好好好好味D 人話呢個煮左差唔多36個鐘 食落口好香酒味隻味真係好特別 但好唔好味就見仁見智我地就叫禁多野share泥食嘅有D覺得好好味 有D就覺得麻麻咁咯~~不過你問我 我又幾中意~係値得一試嘅叫甜品我地一共叫左4款 可惜淨係可以up12張相  搞到我post唔到心太軟sosad個Strawberry light cheese真係正到無人有 甜而不賦 good good good媽呀~樣樣野都擺得咁靚靚豬  搞到我唔忍心食loLast but not least~個環境真係幾唔錯今次我地就坐左係入面食 下次再泥一定坐去露台食~食個view都好正…查看更多