Fatfatpigsdailys的個人專頁

🍴 The Big Bite Flame-Grill 📍 西環石塘咀加倫臺8-16號地舖🗺️ 港鐵香港大學站B2出口 步行約3分鐘📱+852 2857 1508💰 ~$230 per head 呢間位於西環嘅美式加拿大菜，位置都比較偏，要睇住個google map 行先無行錯🤣🤣 店面得兩位外藉職員，人流都唔算多。餐廳整個design 都好有加拿大feel 。每張台都會有一隻可愛嘅公仔係到。Buffalo wings 🐥🐥呢個buffalo wings 食落唔辣，蜜糖同蒜茸味重，點沙津醬食就食落酸酸甜甜，作為頭盤，都算幾開胃。The big fish 🐟The big fish 名乎其實係一個魚柳包，食落都好味，個包烘得幾脆。Poutine with cheese and gravy個人嚟講比較中意呢道菜，食落係淋身啲薯條，但係加埋gravy 醬意外地好食，gravy 醬嘅味道就有啲似平時KFC蘑菇飯果隻醬汁，不過呢隻再濃味啲。而且啲芝士量都好多，就算食到咁上下，都仲做到拉絲嘅效果。😍😍😍😍Caesar salad 🥬🥬第一次見成棵菜咁上嘅沙律，等自己按自己想食份量去切。有幾啖食落過咸，似係落咗啲類似咸魚嘅做配料。 Garlic prawns with toast 🍤呢個蒜茸蝦好重牛油味，食落小辣，啲蝦食落都幾彈牙，又大隻，夾埋toast食都ok。好食指數 🌕🌕🌕🌘🌑推薦指數🌕🌕🌕🌘🌑抵食指數🌕🌕🌕🌗🌑…查看更多

🍴 豪門小菜火鍋 📍 九龍城衙前塱道22號地舖🗺️ 港鐵宋皇臺站B3出口 步行約1分鐘📱+852 2398 0680💰 ～$250 per head 今次去到九龍城唔食泰菜，去咗食呢間出名食芝士龍蝦伊麵嘅小菜館。好彩有訂位，去到現場都幾full。環境上就有少少焗，可能係天氣轉涼，無開咁多部冷氣。芝士龍蝦伊麵🦞呢個伊麵啲芝士多到滿瀉，食落好滑好香。麵嘅分量就岩岩好4個人食，想食多少少可能就要叫多碟😆😆酥炸小棠菜🥬酥炸小棠菜其實係小棠菜加墨魚滑，再加紫菜炸成，呢個就咸左少少，但啲墨魚滑麵算彈牙，唔算落咗好多粉。三層脆豆腐呢個就有少少比個名呃咗，食落都唔知個三層係指緊咩，可能係炸咗三次所以啲豆腐先咁脆，本身豆腐就無調味，所以夾埋啲炸蒜一齊食就會帶返少少味出嚟。薑蔥桶蠔🦪薑蔥味爆到好香，加埋個蠔爆到香口，值得推介。生炒臘味糯米飯🍚正正常常冇咩特別，如果無落芫荽🌿可能吸引啲。好食指數 🌕🌕🌕🌖🌑推薦指數🌕🌕🌕🌗🌑抵食指數🌕🌕🌕🌗🌑…查看更多

🍴 Four O Five Coffee & Eatery📍 觀塘成業街19-21號成業工業大廈地下2號舖🗺️ 港鐵觀塘站B2出口 步行約4分鐘📱+852 2650 0028💰 ~$190 per head 放假懶得滯唔想出太遠同朋友食tea，所以就係觀塘揀咗呢間係工廈入面嘅餐廳。餐廳都算幾隱蔽嘅，初初地址以為係地面d街舖，原來係要穿過工業大廈個大堂先會見到。去到嘅時間人流唔算多，不過我地就有提早預約訂位，所以去到都唔洗等好耐就入得。餐廳環境燈光暗暗地，而且d梳發又夠林，舒服到等緊野食果陣都差d恰著。手工日本和牛漢堡配薯條估唔到嘅係兩個迷你和牛漢堡嘅擺盤，呢個做法好岩兩個人share食，唔洗切開咁麻煩，啱哂我地呢啲懶人🤣🤣🤣 和牛扒細細粒同好Juice，有咬口😋😋😋牛油果軟殼蟹意粉牛油果異常地同意粉夾，而且又唔太膩，軟殼蟹就原隻上﹐味道上就無乜特別，so far呢個意粉係好食嘅。川味雞軟骨呢個雞軟骨叫咗少辣，食落唔係好有辣味，下次可以試下正常辣度，餐廳仲提供仲個小夾子用黎夾d雞軟雞，方便一大班人食果陣唔洗下下都用自己叉吉。山政小山園[槙之白]宇治抹茶無論凍定熱，都好重抹茶味，不過熱飲叫咗少甜都仲係有啲甜。🫣如果叫主食就可以加錢配埋飲品，所以整體價錢都算抵食。好食指數 🌕🌕🌕🌕🌑推薦指數🌕🌕🌕🌕🌑抵食指數🌕🌕🌕🌕🌑…查看更多

🍴 Joyful Dessert House 📍 旺角黑布街74號藝興大廈地下2及3號舖🗺️ 港鐵旺角站E2出口 步行約6分鐘📱+852 2856 1886💰 ～$90 per head 行完街見時間尚早，又有啲口痕想食吓甜嘢，咁就行去呢一間拎咗米芝蓮五六年嘅甜品舖試吓，平時夜晚食完飯，都見到門口排晒長龍，我哋去嘅時候係傍晚，所以就唔需要等位就有得入去啦。香蕉奶🍌香蕉奶係新鮮打出嚟，飲落好滑，有淡淡香蕉味。一啲都唔甜，證明係新鮮製造🤣🤣凍水蜜桃紅茶🍑水蜜桃紅茶用咗蜜糖調味，相對有少少甜，當中嘅蜜桃味都好出。芒果拿破崙🥭芒果拿破崙係餐廳招牌，呢隻拿破崙有別於平時食開嘅拿破崙，酥皮焗到好脆，一切即刻碎開晒。拿破崙入面嘅吉士醬都好食，唔會好膩，可能依家唔係芒果當做嘅季節，有啲芒果粒偏酸。紫薯窩夫🍠窩夫整得好脆，配紫薯蓉一流。食落口唔會太膩，再配埋開心果雪糕，個雪糕食得出有一粒粒嘅開心果碎。呢個係加分位😆😆😆好食指數 🌕🌕🌕🌖🌑推薦指數🌕🌕🌕🌕🌑抵食指數🌕🌕🌕🌕🌗…查看更多

🍴 二世祖 📍 大角咀福全街18號地舖🗺️ 港鐵旺角站A2 出口，步行約7分鐘📱+852 2506 0638/ 5435 0812 (只接受電話預約）💰 ～$220per head平時已經聽唔少人講二世祖好多人排隊，要提前預約，今次好好彩早一星期成功預約到。入到去都接近全院滿坐。想Walk in 就要等到20:30/21:00後。牛油果奶昔🥑🥑飲落已經有好香牛油果味，甜度適中。不過唔建議太快飲完，因為會好飽肚就食唔落其他野食🤣🤣二世祖抹茶白朱古力奶 🍫🍼用餐廳提供嘅杯仔細啖細啖咁飲，可以慢慢品嘗濃濃嘅抹茶味朱古力奶。對於鍾意抹茶嘅朋友，呢個係必試之一。蒜香牛油帶子意大利粉🍝意粉偏向乾身，醬汁都係哂個底到，食嘅時候要撈均勻啲醬汁先。味道上好重蒜味，帶有少少少少辣，幾惹味，反而帶子煎到有少少過火，比較乾，食落無乜肉汁。😖二世祖特濃朱古力🍫呢個特濃朱古力係熱飲嚟，杯面鋪咗好多朱古力粉，飲落好濃朱古力味，而且唔太甜，岩哂中意朱古力但又怕甜嘅朋友，如果係冬天飲應該會好暖笠笠。☺️和風蟹棒粟米千島醬薄餅🍕Pizza上嘅芝士多到可以拉絲，配搭住蟹棒粟米都還好，餅底係薄批，偏向餅乾底嘅口感，食落幾脆身。😙😙原隻軟殼蟹龍蝦汁蟹肉海鮮西班牙飯🍛軟殼蟹相對咸咗少少，但配搭埋飯一齊食就可以中和到少少。個飯都幾入味同有咬感。二世祖超級窩夫配雪糕🍦呢個窩夫可以配豆腐味或玄米茶味雪糕，我地揀左玄米茶味。朋友book台時提及過有人生日，所以上窩夫嘅時候，係加插住枝生日牌。😂😂除咗配玄米茶雪糕食外，伴碟中嘅士多啤梨🍓乳酪同抹茶蛋黃醬都好好味，就算就咁食呢兩個醬都好味。美中不足就係窩夫內裡有點先軟熟，焗得未夠乾身。好食指數 🌕🌕🌕🌑🌑推薦指數🌕🌕🌕🌑🌑抵食指數🌕🌕🌕🌘🌑…查看更多

一間位於大坑西班牙菜小店，見到十月中至尾就結業，所以都拿拿林約朋友去試下。😋Spanish Platter 呢個前菜有4款，個人比較中意個manchego cheese 同paleta，食完係幾開胃，又唔會太咸。😆跟住就分別叫左兩款pintxos, manchego cheese 曼切戈芝士木梨醬多士同white anchovies 醋浸鯷魚西班牙甜椒多士。第一個就係多士面查咗木梨醬再夾芝士食，食落甜甜地。另一個就不得不讚個鯷魚蓉整得好好，食落好creamy。🤩🤩Broken egg with Poleta 🐦🐷呢個係炸鴨蛋配黑毛豬火腿，再配埋薯仔一齊食，簡單得嚟又美味。😋Spanish Tortilla w/Chorizo 西班牙辣肉腸蛋餅入面有洋蔥，煙肉，薯仔，淨係呢個都已經食飽咗一半。大件又抵食，味道都ok。 Iberco Pork & 🐷Chicken 🐥Juice Rice Lobster Paella 🦞呢兩款都係燴飯，Pork & Chicken 呢款相對Juice d ，lobster paella就乾咗啲，如果想食呢個就要提前訂。個人就比較鍾意lobster paella 呢款，食落好入味，飯嘅口感岩岩好。唔會煮到好硬或太冧。🙈🙈Churros 我地分別叫咗3種味道嘅西班牙油炸鬼，分別有抹茶，紅莓同薑黃。紅莓糖同薑黃糖配檸檬糖漿味都酸得過癮。😆😆😆 Peanutssssss Butter I/C sandwich呢個顧名思義就係雪糕三文治，花生味嘅外層焗得好鬆脆同重花生味，夾埋雪糕食一流。Double lemon soda & Passionfruit Soda/tea 飲品就一般，茶係預先整好嘅，飲落就茶味濃同苦澀咗啲。 另一杯就係Soda水加檸檬，所以無乜特別。好食指數 🌕🌕🌕🌖🌑推薦指數🌕🌕🌕🌘🌑抵食指數🌕🌕🌕🌖🌑…查看更多

🍴 滿福樓📍灣仔港灣道1號香港萬麗海景酒店3樓🗺️ 港鐵灣仔站A5出口📱+852 2802 8888/ 2584 6972💰 ～$1,200 per head喺老闆嘅贊助下，再加上同事仔嘅極力推介，就book咗呢間滿福樓食飯獎勵吓自己。😌五星級酒店下嘅中菜廳果然係唔同啲，入到去嘅感覺好似去咗食fine dining 咁，冠冕堂皇。蜜汁烤西班牙🇪🇸黑豚肉叉燒呢個叉燒肥瘦適中，肉汁充足，又咬口。呢個想食就要book位時預訂埋，唔係賣哂就無架啦～焗海螺🐚呢個海螺就似係拎咖喱醬炒完一堆雜菜肉碎，然後放落個海螺入面，跟住拎去焗。食落係幾開胃，同埋唔會太鹹。原隻二十五頭花膠扣鵝掌🦢呢個花膠同鵝掌都炆得幾腍個芡汁都都幾入味。翡翠百合炒班球🐟呢碟菜就無乜特別，都係平時出面街會食到嘅班球。 脆皮炸子雞🐥炸子雞就不過不失，啲肉都算嫩滑。 四個人食嗌個例牌已經夠晒。魚湯手打魚腐浸時菜🐟呢個手打魚腐就失色咗少少，魚腐帶到好似長洲魚蛋咁大粒，但係就偏向冇乜彈性。😕原隻鮑魚雞粒炒飯呢個鮑魚炒飯係成晚覺得最好食，炒飯粒粒分明，而且有原隻鮑魚仔同埋聞落已經好香。😍楊枝甘露🥭楊枝甘露就比較普通柚子肉比較少主要都係芒果汁。🙃好食指數 🌕🌕🌕🌘🌑推薦指數🌕🌕🌕🌑🌑抵食指數🌕🌕🌑🌑🌑…查看更多

🍴 木金餃子製作所 📍 觀塘開源道60號駱駝漆大廈三座6樓E2室🗺️ 港鐵觀塘站B2出口 步行約4分鐘📱+852 6225 4461 (WhatsApp only)💰 ~$100 per head 今次就去左咗駱駝漆入面間木金餃子製作所食晚餐，去到嘅時候人流都比較少，大多數店舖都已關門，所以都唔使等位就可以入去啦。和風咖喱豚肉煎餃拼黑松露芝士🧀豚肉煎餃咖喱味同黑松露味都好濃郁，煎完唔會太油個皮仲好脆，同埋啲餃子都偏大粒飽肚感一流。翡翠白菜🥬豚肉餃🐷拼深海紫菜豚肉🐷餃配中式蕃茄🍅薯仔🥔湯呢個蕃茄湯飲落有一浸茄膏味，淨食餃子嘅味道就偏淡，肉餡冇乜鹹味啱鍾意食清清淡淡嘅朋友。整體個價錢就偏貴咗少少，得8粒，性價比唔算高。另外叫咗個花枝丸配台灣腸嘅小食，呢個就冇乜特別就$38各三粒。好食指數 🌕🌕🌕🌑🌑推薦指數🌕🌕🌗🌑🌑抵食指數🌕🌕🌕🌑🌑…查看更多

係觀塘上完Singing bowl 堂就同朋友搵咗呢間係附近嘅cafe 食個tea。呢間cafe 有4隻貓店長🐱🐱，所以開門入去果陣要迅速，避免啲貓貓跑咗出去。啲貓貓都好乖，多數係到瞓覺😴呢間係小店形式經營嘅cafe，店面只有3-4張台，如果去到爆場就需要等下先有位。紅松葉蟹🦀沙律碗配有機蘋果油醋醬沙律碗入面嘅配料都好多，撈埋呢個蘋果油醋醬都幾開胃，而且啲松葉蟹都好鮮甜。🤤念念炸物拼盤呢個拼盤有四種炸物，係即叫即炸，個人比較鍾意炸雞粒🐥，有咬口唔會太乾。抹茶版提拉米蘇牛角窩夫🧇配小山園雪糕🍦呢個窩夫配嘅抹茶醬好好味，而且窩夫當中仲有一塊Tiramisu嘅手指餅，好脆，呢個配搭好夾。不過窩夫就可能焗耐咗少少咬落去有啲硬，但整體都ok。❤️奶醬花生麻糬列日窩夫🧇配鐵觀音雪糕🍦窩夫配麻糬係一個幾特別嘅配搭，而且奶醬可以自己倒，去控制個份量。不過鐵觀音雪糕就偏苦咗少少，茶味唔算太重。😋蝶豆花西柚特調呢杯西柚特調甜度適中，而且西柚又唔會特別酸。有蝶豆花做一個調色，打卡一流。提拉米蘇拿鐵☕️呢杯拿鐵飲落都好creamy，入口好滑，配搭埋手指餅浸落去拿鐵到都好夾，幾好食😋好食指數 🌕🌕🌕🌕🌘推薦指數🌕🌕🌕🌕🌗抵食指數🌕🌕🌕🌖🌑…查看更多

得知Al Forno 做到31/10，我哋就即刻預約訂位，希望可以喺佢結業前食到最後一餐。呢間係🧒🏻一間比較鍾意嘅Cafe之一。雖然價錢偏貴，但係勝在每一樣嘢食都好好味。Angbur🐮呢個係一個安格斯牛漢堡配牛窩夫，平時食安格斯漢堡食得多，配牛窩夫都係一個幾特別嘅配搭而且都幾夾，安格斯牛漢堡扒煎到好有咬口，有彈性，唔會鞋颯颯。自家製迷你蟹餅🦀蟹餅係我哋最鍾意食嘅一道菜之一，雖然得三粒份量比較少，但蟹餅入面嘅蟹肉份量十足，唔係一堆麵粉溝少少蟹肉嘅貨色。個人比較鍾意佢係成粒蟹餅拎去炸，食落去鬆鬆脆脆。水牛城雞翼🍗水牛城雞翼就好入味同偏辣咗少少，如果唔係咁食得辣嘅朋友就可能就會好似我咁食到流鼻水。🤣墨魚汁意粉🐙🍝墨魚汁意粉就失色咗少少，偏鹹咗啲，但整體都還可以。Brownie 配椰子雪糕🥥🍦呢個Brownie上菜時候係熱辣辣，而且喺上面有一舊椰子雪糕，就咁食Brownie都已經食得出好濃嘅朱古力味，而且個面都焗到好脆，建議先食咗個雪糕再食個Brownie又或者快手啲連埋雪糕一齊食，因為Brownie太熱會溶咗個雪糕。😆😆Mojito 🍸呢杯Mojito比較重薄荷味，lime juice味偏小，飲落口感都好Fresh同重Gin 味。Falling🍹呢杯mocktail好fresh，淡淡既荔枝味唔會令到杯野飲好甜，再加上有梳打水消暑感覺一流。好食指數 🌕🌕🌕🌕🌗推薦指數🌕🌕🌕🌕🌘抵食指數🌕🌕🌕🌑🌑…查看更多

難得同班同事夾到收工後一齊去食個飯傾下計，今次就揀咗係尖沙咀嘅一間居酒屋，同行總共5人，所以我地提前一日就訂定咗位。咁啱當日房間無人預訂，餐廳見到我地有5個人，就比咗間房我地，方便我地傾計。餐廳老闆應該係一個one piece 迷，係房入面擺滿哂one piece嘅figure，而且仲有自家制梅酒，不過我地去得唔合時，梅酒仲係浸泡階段，無得品嘗下添🥲我地就叫左味醂魚干🐟，枝豆🫛，炸白蝦搭配啤酒同清酒。炸白蝦🦐呢個小食我都係第一次聽，咬落口感都幾脆。我地仲叫咗枝叫”榮光富士 星天航路”嘅純米大吟釀，店員仲幫呢枝酒改咗個名叫”天星小輪”🤣呢枝酒飲落幾清甜，連我平時唔飲清酒都覺得ok，幾啱唔係成日飲酒嘅朋友仔試下，易入口同埋幾香。法國生蠔就食得多，今次就試下日本蠔🦪，我地分別叫咗兩隻唔同品種，一個叫小友，一個叫岩蠔，我就想試下爽口d嘅，所以就試咗岩蠔，食落幾鮮甜同爽口，蠔上面仲淋咗少少柚子汁，味道幾fresh，仲一啲都唔腥。🤤食得日本野點少得食下刺身🍣，我地就揀咗”嚴選季節特上六款剌身盛合”，有帶子，拖羅，海膽，池魚，同有一個拖羅頭頂油脂比較重嘅部位，食嘅時候要連埋豆苗一齊食先去到油膩感。食完前菜同刺身，就開始叫啲主食。我地分別叫咗松葉蟹肉釜飯，銀鱈魚西京味噌燒同串燒。松葉蟹肉🦀釜飯質素媲美到係日本食啲釜飯，有好香嘅蟹肉味，同埋有飯焦，啲飯食落去有少少水份，比較軟綿綿。 銀鱈魚🐟西京味噌燒就還可以，要趁熱食，口感會比較好啲。 串燒就分別叫咗厚切牛舌心，雞皮同雞腎。三款串燒都燒到啱啱好，鎖到肉汁，又啱會燒到乾巴巴同硬。 😺😺最後我地就叫咗土佐豆腐同清酒煮蜆🍶結束今晚嘅聚餐。 土佐豆腐就係豆腐包咗層炸粉拎去炸然後再用醬汁浸住，味道都幾香同甜甜地。最surprise 係清酒煮蜆，啲蜆好清甜，無沙，食完蜆肉都忍唔住拎個蜆殼再舀啲清酒嚟飲吓。 😚😚好食指數 🌕🌕🌕🌕🌑推薦指數🌕🌕🌕🌕🌑抵食指數🌕🌕🌕🌗🌑…查看更多

襯大家收緊工嘅時間去到，就唔洗等位，又可以安排到坐窗邊位❣️。加上係落地大玻璃，可以望住成條彌敦道食飯傾偈。🤣🤣Plum Mojito 🍸想飲fresh 少少嘅cocktails 又出現選擇困難症嘅我，就問職員有咩推介。職員就推介咗呢杯Plum Mojito。未開始飲嘅時候已經見到個杯入面有好多薄荷葉。🫣飲落啲薄荷味唔算太重，而且帶有少少酸，相對酒精味唔算重，幾啱女仔飲🤣🤣 個人幾鍾意呢杯酒😆😆Coconut water 🥥呢個都係比一支現成嘅椰子水同埋一杯冰等自己去控制份量。呢隻椰子水就偏淡少少，唔算好甜，清清地咁。海苔蜜糖雞翼 🐥呢個係單骨雞翼，方便我呢啲懶人唔洗要拆骨咁食雞翼😂🤣 雞翼可以就咁食或者點附上嘅一個蒜蓉醬。蒜蓉醬好香帶有少少辣。羅勒野菌奶油意粉🍝野菌嘅數量十分之多，而且醬汁都特別多。每一條意粉都掛到汁，口感好好。😍😍兩個人食都食唔哂，份量都多，而且好飽肚。墨西哥芝士烤粟米🌽第一次見成條咁烤粟米，呢一個粟米要趁熱食，因為芝士乾咗就口感會差咗啲。而且燒得啱啱好粟米唔會太乾。酥皮海鮮周打🦐呢個奶油周打就偏向杰身咗少少，入面嘅配料都好多，有薯仔洋蔥蝦青口。兩個人share 一碗都足夠。😉好食指數 🌕🌕🌕🌕🌑推薦指數🌕🌕🌕🌕🌗抵食指數🌕🌕🌕🌖🌑…查看更多

我哋去到門口都需要排一段時間先至有位，食嘅途中都見到出面keep住有人喺度排隊。證明呢間舖頭都幾受歡迎。濃厚豚骨沾麵🐷豚骨湯麵就味道都幾濃郁，叉燒半肥瘦，有咬口，唔會太乾，點下湯汁食都幾入味。海老沾麵🦐蝦湯上面鋪滿左櫻花蝦乾，飲落都幾重蝦味。兩款湯嘅美中不足就係湯底唔算好凝結，但係都掛到湯。同埋上菜時個湯係幾熱辣辣，不過好快就變咗常溫。雞軟骨棒 🐥呢個雞軟骨棒幾特別，只係將所有雞軟骨打成蓉，再整成一個棒嘅樣子拎去煎。肉質幾嫩滑，而且當中仲有打碎咗嘅雞軟骨，幾有咬口同食落去脆脆地。章魚燒🐙章魚燒嘅外皮都燒得幾脆，外脆內軟，不過不失。而且$29有5粒，都算抵食。好食指數 🌕🌕🌕🌑🌑推薦指數🌕🌕🌕🌑🌑抵食指數🌕🌕🌕🌖🌑…查看更多

我地揀咗一間位於旺角嘅西餐廳主打食手工意粉，未入到餐廳已經見到門口同內裡放滿Bearbrick ，又有一啲花花組成嘅裝飾，係一間幾啱打卡嘅餐廳。📸咁啱我哋去嘅時候係平日夜晚，人流就唔算好多見到旁邊都有啲人喺度happy hour。 餐廳空間較大，所以坐得多比較舒服。😌Standard cocktails 🍹 Cocktails 用咗烏龍茶同Gin做基底，酒面有灑少少桂花做裝飾。我對茶有一定愛好，所以就二話不說揀呢杯嚟試😆，飲落都幾特別，再帶有淡淡桂花味。💕Carnival🍸呢杯係mocktail， 用咗桃🍑，橙汁🍊，檸檬汁🍋同梳打組成，飲落好fresh，酸酸甜甜幾開胃。Carbonara Spaghetti 豬面頰肉蛋黃意大利粉🍝餐廳主打係手打意粉，意粉口感煙韌，而且蛋黃醬煮到幾杰身，掛麵效果唔錯。豬面頰肉🐷咸度適中，可以中和少少蛋黃醬🥚嘅油膩度，但份量就少咗啲。Buffalo wings 水牛城雞翼🐥水牛城雞翼味道十足，充滿濃烈嘅蕃茄同辣椒味，識落都有少少辣。作為開胃小食係不二之選。Hawaiian Salami pizza 夏威夷莎樂美腸薄餅🍕 Pizza 除非平時會食到嘅菠蘿，煙肉，腸之外仲有少少開心果粒。🤪而且焗得幾乾身，食落脆口。好食指數 🌕🌕🌕🌕🌑推薦指數🌕🌕🌕🌕🌗抵食指數🌕🌕🌕🌖🌑…查看更多

逢我生日，男朋友就揀咗一間fine dinning同我慶祝生日。🥂餐廳環境有個落地大玻璃，可以望到維港，影相一流。上甜品嘅時候，職員會主動過嚟幫手影相，同埋會送張即影即有相比我地。📸我地就叫咗Surf & turf Set dinner ($888 per guest)，半打生蠔🦪加兩杯酒。🥂🦪生蠔有大有細，上菜時啲生蠔都仲浸住鹽水，要自己倒走啲食落先唔會太咸。生蠔質素就一般，食落唔係肥美同清甜。🦀🥩前菜可以揀Carb cake 蟹餅或Carpaccio，但落order嘅時候職員就講唔可以兩個都叫蟹餅，所以就揀咗蟹餅同Carpaccio各一。CRAB CAKE 蟹餅🦀呢個蟹餅好足料😋😋，食落去滿滿蟹肉，未撈埋tartare sauce 食都已經好夠味。CARPACCIO 🥩呢道菜道係薄切牛牛肉配芝士片火箭菜。牛肉本身都調咗少少味，而我哋就加咗少少黑胡椒，食落嘅口感幾特別😙😙，唔會因為係生牛肉而好韌。LOBSTER BISQUE 龍蝦湯🦞呢個龍蝦湯都幾足料，未飲都聞到好香龍蝦味，入面會有一舊龍蝦肉，飲落又唔會太咸。So far 都ok 。到Main course 就係180g 牛柳 Filet Mignon🥩配龍蝦尾🦞。我地分別叫左3成同5成熟。鍾意食肉味重嘅男朋友就覺得3成熟岩岩好，食落去唔會太鞋🙂。而我鍾意油脂重嘅口感，食落就覺得鞋咗啲🙃，無乜肉汁。 龍蝦尾就相對比較juice，但係味道上就咸咗少少。甜品有hot chocolate cake 🍫同 crème brûlée🍮。Hot chocolate cake 其實係心太軟嚟，上菜時個心太軟仲係熱辣辣，入面流心，食落係帶有少少酒味嘅朱古力。😆😆😆Crème brûlée 個份量都大，個焦糖面燒得幾好，但啲燉蛋就水潤咗少少，唔係好凝固，食落都唔會太甜😌。好食指數 🌕🌕🌕🌘🌑推薦指數🌕🌕🌕🌑🌑抵食指數🌕🌕🌗🌑🌑…查看更多