manman_1030的個人專頁

上網睇咗好多食評、都係中規中矩今日一行8人 （5大2小1BB)出乎意料幾好，員工收盤好快又有禮貌見到我哋有一位BB 、極速衝過嚟問使唔使BB凳？隔一陣Pizza出爐、成個盤拎過嚟問我哋要唔要夾俾我哋另外之前見到食評話中段有表演就係火焰蛋糕我初頭以為夜晚自助餐先會有！原來中午自助餐都有表演、個個飛撲過去排隊嘅時候員工都好有禮話：放心慢慢嚟，一定夠分嘅另外，酒店員工見到冇去排隊睇表演嘅人，佢會行埋黎講聲，轉頭會有表演！其實真係幾窩心下次必定再食…查看更多

本身好少去工廈餐廳，但睇過食評感覺唔錯、又要去開嗰頭，咪Book位試試。今日book左13:30同媽咪同埋個仔去食，因為今日星期六驚人多，但係去到只有兩枱人！今日叫咗三個lunch set，經典炸魚薯條同埋德州牛肉芝士漢堡都OK，薯條唔林仲好脆，相反串燒蝦餅飯感覺hea咗啲囉，見到個賣相完全唔想食，食落去真係非常一般，完全唔值呢個價錢！嘢飲方面，試咗個焦糖奶茶+金橘熱情果紅茶，都唔錯，至於個蘑菇湯非常出色有機會，都會繼續幫襯…查看更多

第一次到呢間餐廳，比我相像中質素好，環境不過不失，始終係工廠大廈！食物方面，試左限定芝士鍋2人餐！除咗芝士鍋仲包左一個意粉同2杯野飲，整體唔錯，反而對杯凍檸茶失望，D冰頂到上頂，誇張到支飲管都放唔入原先睇相，2人餐成4舊水好似好少野食咁，不過野食新鮮，同朋友KO左個芝士鍋已經飽肚，磨左好耐先食埋個意粉，凍晒先食都覺得唔錯！見好多人都book左枱先黎食，個場都多人（我食果日係星期五）雖然爆場，但我同朋友慢慢食吹下水，都無人吹/趕我地走，感覺良好…查看更多