ap4g2mpghh98的個人專頁

平時喺APM食開飯，食嚟食去都係嗰幾間今次朋友帶咗我去新地方，試咗呢一間型格Cafe喺門口已經見到佢哋Black Coffee嘅櫈，設計感10分有我最鍾意食嘅漢堡，不過我今次叫咗個好特別嘅炸黑炭豬扒包，本身以為黑鼆鼆應該好硬唔多好食，但係個樣好型就叫咗黎試，點知口感好震驚到我，嗰塊豬扒脆到食完再食，而且我哋都掛住影相放咗一陣先食，都仲可以保持到佢個脆，醬料同埋配菜都好充足，食完已經好飽，仲要咁大咁多層，真心好抵食！其實每次都好驚叫豬扒，因為通常炸完就會嚡熠熠，但係今次食完完全冇呢種感覺，炸得啱啱好，炸粉又唔厚，如果再食會想再叫多次唔鍾意食飽嘅朋友就叫咗個意粉，有慢煮牛面肉，慢煮呢個烹飪方法本身已經比較耗時，但竟然都有得可以喺百零蚊嘅價錢食到，仲要牛面肉質感非常之嫩口，完全冇好鞋嘅感覺或者過硬嘅感覺，個汁更加冇得彈，好襯牛面肉，朋友食完一啖又一啖，好快就食晒，佢話如果再食嘅話佢都會再嗌我哋兩個最驚喜嘅係個窩夫，通常有雪糕喺面嘅窩夫都好難保持到佢嘅鬆脆度，但係今次食嘅呢個窩夫單只鬆脆，雪糕同埋Oreo嘅配搭完全唔會過甜，食到好飽嘅，我哋都食得晒呢個甜品，好味到第二胃飽埋😌開心～仲有啲炸蟹籽嘅小食啦，同埋咖啡飲都幾唔錯，有機會嚟呢度會再食多次…查看更多

朋友約咗一齊慶祝生日，生日飯食唔完之下仲感受到驚喜，冇諗過台式餐廳都有自訂畫碟驚喜朋友知我家小貓係我嘅最愛，特別訂了小貓🐱樣子圖案，畫得栩栩如生，好似小貓都一齊黎慶祝生日咁味道都相當唔錯，朱古力布甸配開心果沙冰，開心果沙冰食唔停口，好有開心果味，一啲都唔假，再食落一層又有黑糖同黑芝麻味，口味非常有層次，一次滿足唔同味道😆除咗生日甜品之外，台式店少不了食椒鹽豬排肉燥飯，好多好大塊，細食嘅朋友叫少飯都仲係好飽，真心好抵食，我哋仲食咗蝦小番茄牛肉湯麵，餐牌寫住最推薦，果然名不虛傳，湯麵食落唔會太爛，湯底好好味，不過有啲少辣，唔食辣嘅要留意返，但唔食辣嘅我都食哂，因為真心好食。朋友叫咗杯阿華田豆漿，真係好得意，要自己倒支阿華田雪糕冰落豆漿，飲落豆漿味濃又帶啖啖阿華田香味，幾得意嘅配搭自己就叫咗杯黑糖芋芋鮮奶，冇奶精味，我另外加咗仙草，粒粒都超大粒，芋泥都好足料，口感大滿足😌炸物拼盤有齊晒想試嘅小食，唔洗三心兩意唔知揀邊樣，同埋芋見奶凍吐司真係要即上即食，裏面個料好足，奶凍好好味🤤…查看更多

大夏天，同朋友做完project 即興想食個糖水冰涼下發現香港大學站附近就有間賣台灣古早味芋圓食糖水舖黎講落單都幾方便，用qr code 落單就可以，唔洗仲叫人黎落單，完全係I人嘅天堂，用手機落完單之後就會有店員送餐上黎，服務周到現場環境好似去咗藝術畫廊咁，每面牆都有唔同嘅繪畫作品，係等緊嘅時候一啲都唔無聊，可以邊睇畫邊等糖水我同朋友叫咗椰汁海燕窩芋圓，冇諗過芋圓都可以咁養生，第一次試有燕窩嘅芋圓，口感唔錯，唔會太甜，料都好足，有海燕窩單價都唔過50，cp值算唔錯另外，我哋仲叫咗芋香仙草芋圓，同樣10分足料，芋圓仙草啖啖肉，有大滿足嘅感覺，食完有飽肚咁，唔係淨係得水最期待係週末限定先有嘅手工貓山王糯米糍，榴槤愛好者嘅我哋點會放過限定嘅機會，好彩個日去係星期日，有得叫黎食，平日冇得叫，榴槤肉啖啖係口，好彩有得食咋，糯米糍一啲都唔細，食極都未完咁，真係好唔錯👍…查看更多

本身係附近行吓，但天氣真係太熱想食啲涼少少飲杯凍飲咁但星期日嘅大坑，冇咩賣飲品又有得坐嘅小店終於行行吓見到間店仲有我鍾意食嘅布甸不過布甸🍮黎講唔算平，都要$48但真心太熱，已經別無他法加埋杯飲品蘋果梳打水都$45諗住同朋友share, 都算叫咗一人一樣野點知講到要堂食，店員話堂食要每人最少叫一杯飲品😳但店內沒有任何標示，都算，太熱，惟有叫多杯黎飲,冷泡茶$50布甸其他唔太難食，幾滑幾綿杯飲品$4x -50 杯野勁細杯，但衛生情況有待加強…查看更多

係中央圖書館睇完書，睇住去食吓啲小店就黎到大坑搵吓有冇啲小店未食過發現多咗間新店，仲要係我最鍾意嘅日式小店同朋友叫咗碗板善豬扒稻庭烏冬、白馬（豚骨拉麵）做主食，大熱天食冷烏冬真心一絕，我揀咗鰹魚汁味道爽口，烏冬都好彈滑，豬扒嘅炸粉好薄完全唔係得炸粉嘅炸物，同埋份量唔算少白馬拉麵其實係豚骨拉麵，拉麵湯低啱啱好，我係超級驚太咸嘅拉麵，宜家拉麵軟硬度適中，真係唔錯，旁邊嘅三塊肉都好大塊，一啲都唔馬虎見仲有串燒同小食揀，仲叫咗份鰻魚串燒，同埋炸雞軟骨，份量唔算少，都唔錯😌👍如果口渴，仲有自助水機，仲有戶外餐桌可以使用。…查看更多

西沙go park新開無耐，約埋同朋友一齊感受新地方一落車行入門口就見到貓員外呢間餐廳身為愛貓人士嘅我，已經俾餐廳主題吸引到入到餐廳已經見到好大個爐，係手工pizza先有嘅爐，比起就咁放入焗爐嘅pizza,口感更好；見餐單上面嘅pizza口味都好特別，仲有香港限定口味揀，我哋最後揀咗北京填鴨味，因為個人好鐘意食北京填鴨，好奇係點架呢？ 人手製作pizza 黎到，好有正宗意大利pizza嘅邊，有少少燶、圓卜卜咁，製作好用心 ， 值得我哋都等咗一陣，成份pizza 仲要唔細份，但百零蚊就食到，性價比真心高，仲留意到逢星期一至五 午餐時段會提供1人Pizza優惠餐仲包埋1罐飲品，只需要90幾蚊見價錢都幾合理，我哋就叫咗豬頸肉同埋炸魷魚食，豬頸肉肉質好嫩，而且仲要係厚切，真心好抵食，炸魷魚都好好味🤤脆卜卜外層，令人食唔停另外，睇飲品嘅時候，見到有呢間酒館嘅自家啤酒，包裝有貓貓樣，真係好靚，每款都唔同顏色，而且手工啤酒仲要拎咗好多獎，我哋試咗一款有酒精一款無酒精但有酒花嘅有氣水，好適合鐘意飲酒或者飲唔到酒但想陪朋友飲酒吹下水嘅人，幾得意嘅體驗，如果叫500ml仲有店員即裝俾你現場仲有桌球、電視同大螢幕睇足球比賽，好適合鍾意邊睇球賽邊玩嘅朋友😳 真係好貼心👍…查看更多

約咗好耐冇見朋友見面，想搵個傾計又可以食飯嘅好地方，但放工之後，通常好難有位好彩搵到間可以預約時間，又有酒同西餐食嘅餐廳，一次過滿足晒所有願望雖然佢係樓上舖，但都算幾近地鐵站，地方都容易搵而且唔係行樓梯上，係有𨋢搭嘅，對於路痴嘅我嚟講，唔算難搵入到去個裝修氣氛好好，現場都有好多聚埋一齊傾偈嘅食客，感覺自己冇揀錯地方呢面鸚鵡牆係一個我覺得幾貼心嘅位置，始終晚市嘅人客比較多，早到咗嘅我同朋友都可以坐喺度等唔需要企喺度，啱啱放工過嚟食嘢嘅人都唔使企喺度等我哋叫咗份seared salmon，上面啲三文魚子好多仲要好大粒;三文魚嘅表皮好脆，但肉質鮮嫩，旁邊嘅菠菜食落口感都好好，唔係普通白烚，整體感覺口感好味道佳另外我哋仲叫咗porcini mushroom risotto, 啲菇好大片又香，Risotto啲飯最驚就係口感唔好，但係呢個飯口感唔錯，正宗risotto嘅外軟內有咬口嘅感覺我自己畢咗一啖飯，放咗一片菇上去做對比，料真係好足，啖啖都有菇，鍾意食菇嘅朋友可以一試飯後點少得甜品，我哋叫咗個chocolate millefeuille 朱古力嘅濃度非常之高，淡淡都係朱古力味，擺盤都好有美感，重點係都唔係太細舊，飯後大滿足我同朋友唔飲酒，但係見到隔籬枱又飲得幾開心，真係好適合想食飯又飲酒傾偈嘅朋友😃👍…查看更多

同同事放完工一齊去食返個飯，同事推薦呢一間壽司舖話個set抵食，於是就嚟咗一齊食啦睇完個餐單之後，我叫咗極尚壽司套餐，套餐入面包括12款嘅壽司，一個湯，一碟炸物，一碟小菜，一碟沙律菜，總價都係148，就咁聽落CP值都已經好高嚟到嘅時候我更加驚訝嘅係，鰻魚壽司條鰻魚同我隻手掌差唔多長，真係冇誇張其他款嘅壽司都好新鮮，一啲都唔馬虎，感覺可以再嚟食過呢啲真係魷魚都好好食，份量仲要唔係少如果話美中不足嘅係我覺得個湯可以變成一個迷你湯烏冬，咁樣好似更加完美。不過呢個湯都唔係難飲嘅。整體嚟講都幾滿意，同同事傾咗好耐偈，店員都冇話講我哋走服務唔錯👍…查看更多

不嬲都好鍾意食享樂嘅麵包，今日難得去咗九龍灣，經過享樂，興致勃勃好想買麵包食，覺得唔買就蝕咗因為唔係成日經過到呢間麵包舖見到佢寫住7:30後仲有折添，處理完啲事啱啱7:30就嚟到麵包舖啦，發現呢最近佢哋竟然出咗開心果系列，我即刻二話不說買咗，特別嘅係佢入面會有埋麻糬，出面嘅開心果牛角包係冇呢個麻糬喺入面㗎埋單嘅時候，發現雖然我過咗7:30但係冇折，有少少sad咗,我問店員唔係有折嘅咩？佢話係星期一至五先有，我聽完之後就明白咗啦，但係望返張poster係冇寫嘅，我又唔明白啦😟不過咁平時佢啲麵包好食係真嘅，返到屋企食嘅時候，我發現開心果嘅味道好少，麵包嘅厚度有啲太厚，麻糬係幾特別嘅，整體嚟講味道唔係差，不過因為我本人太鍾意開心果，食咗好多唔同版本嘅開心果牛角包，呢個係我食過最少開心果味嘅牛角包，感覺唔係咁開心…查看更多

之前係聽講喺內地好出名，而且乳酪奶昔比起手搖飲品聽落更加健康，同埋聽講話係用新鮮水果打成嘅，所以好想試吓，仲要有乳酪感覺好幫到腸胃所以之前喺內地試過飲一次，當時叫咗D24榴槤乳酪奶昔,印象中味道都唔錯，唔會太甜，但感覺乳酪成份唔多，飲完冇暢通無阻嘅感覺今次佢開咗嚟將軍澳，所以又想試吓，今次試咗薄荷朱古力乳酪奶昔，我見菜單上面有推薦嘅符號，而且我個人好鍾意薄荷朱古力，諗住試一試，不過試完之後覺得薄荷朱古力，薄荷占嘅比例超重，完全冇晒乳酪嘅感覺，朱古力嘅份量都算多會飲一啖個口入面都會有朱古力碎碎，但朱古力被薄荷的味道蓋過，感覺一般般，如果有下次都係叫返水果類嘅乳酪奶昔可能會比較好味，你杯就唔係咁推薦啦…查看更多

係附近睇完藝術展覽，行到有啲攰想早少少攞位食嘢估唔到傍晚6:00去拎位都要排隊等位，都等咗一段時間，雖然有啲攰，但見咁受歡迎都想試試叫咗碟泰式醉貓炒黑毛豬手工卷粉，卷粉嘅形狀好特別，將份卷成好似貓耳朵咁，都幾彈牙，唔會太腍，但係黑毛豬嘅部份，喺份量上相對較少，主要係麵同配菜比較多，賣相都唔差然後仲叫咗碟炭燒叉燒，原本以為係港式叉燒嗰種叉燒樣，點知出到嚟個叉燒樣貌同心目中諗嘅唔一樣，但識落味道非常之唔錯，有「腍叉」嘅感覺，但佢唔係偏甜嘅，不過味道非常之好食極唔停口仲有呢碟通菜份量非常之多，如果想食菜又驚太少嘅話呢一間啲份量算係良心…查看更多

同朋友相約係佢放工附近嘅餐廳食飯，黎到海濱匯附近見到一面粉紅色牆，加埋燈飾配合，環境幾吸引仲可以直接見到廚房情況，餐廳對自己都好有信心由於我哋黎到嘅時候已經傍晚，有dinner set ,或者散叫都可以我哋叫咗黑松露蘑菇意大利，份量都幾好，我同朋友兩個人食都啱啱好，蘑菇嘅份量都幾多，松露係一片片咁嘅形態咁上，感覺都幾高級，味道都唔錯呢個香煎三文魚柳，嚟到嘅時候見到一堆綠色嘢，以為好伏，點知食落皮脆肉嫩，而且上面嘅三文魚子非常新鮮，配搭上嚟味道非常之好，旁邊嘅菠菜都好好好，完全唔係普通白烚，一粒粒嘅松子仁，本身以為好難食，但夾埋一齊好似食緊瓜子咁嘅味道，比想像中好味，我幾乎清空晒最鍾意其實都係個甜品，見到菜單上面寫住香蕉榛子朱古力薄餅，覺得好神奇。因為第一次見有甜味嘅薄餅，於是叫咗黎試吓，嚟到嘅時候見到個樣好吸引，係新鮮出爐嘅，薄餅上面嘅棉花糖比啱啱出爐嘅薄餅融化咗少少，入口嘅時候有棉花糖香蕉嘅甜味，但又唔會太甜，我同朋友食到最尾都忍唔住食晒，如果嚟到呢間餐廳覺得呢個薄餅係必吃😆…查看更多

今日行過beans bakery cafe簡潔設計感裝修唔錯門口有好多唔同款嘅麵包🥯，好吸引眼球 叫咗個香煎雞扒漢堡個包好香牛油味同鬆軟塊雞扒好嫩口，仲有啲蜜汁甜入面夾住嘅蔬菜🥬同番茄🍅都好新鮮啲薯條🍟都好脆，杯果茶都唔錯杯果茶仲要唔洗加錢，但幾好飲幾解渴，成個餐都只係$62 冇加1可能因為冇收服務費嘅關係，餐具同水需要自己拎，個餐就服務員送過黎，如果自己一個人食，要預先自己拎咗先去搵位，其實都幾唔方便不過環境都算乾淨，職員會係客人離開時即時清潔消毒…查看更多

係the one行完街肚餓，見到呢間cafe 裝修好靚，好啱打卡咁😚入到去裏面每張櫈都有唔同造型，好特別叫咗個主食加薯條仲有雞翼，最欣賞係雞翼，份量都唔算少，兩個人食完全冇問題，雞翼外脆內軟，同埋佢分開咗一半更加容易食，女仔最唔鍾意出街食雞翼，輪骨真係有啲醜，覺得剪開幾貼心呢杯薄荷朱古力佈滿cream邪惡感滿滿，仲要好大杯飲落真係會有薄荷味，都唔假嘅而我叫嘅呢杯榛子果仁朱古力仲送多塊餅乾，天氣凍嘅時候飲真係會暖笠笠，而且佢個榛子朱古力唔算話太甜，不錯煮食嚟講，呢個蕃茄大蝦意粉整體味道不錯，而且冇諗過咁多隻蝦，美中不足嘅係佢落咗一種台灣人好鍾意嘅香料，但我同朋友都麻麻地嘅九層塔，如果冇呢隻味就更完美，個人口味，如果有人鍾意應該也不錯呢個番薯條就好驚喜，冇諗過咁多條，份量不錯👍…查看更多

最近壽司郎三貫祭回歸，身為壽司粉嘅我即上網預約左時間因為之後趕住上堂，唔可以等太耐，可以提前預約真心好方便雖然個日我約咗5:30，最後5:36先入到，但比較walk in 已經好好多即刻叫咗三貫祭產物黎食，平時好鍾意食中吞大吞嘅我，見到有黑鮪中吞.藍鰭赤身.藍鰭吞拿魚蓉黎食，不過有少少失望，冇我平日食普通版嘅中吞ok少少腥，同埋唔係咁新鮮，三舊痴埋一齊，想分開夾黎食都夾唔到叫返單件仲好跟住係牛腹胸肉.壽喜燒牛扒.雪花和牛壽司反而有驚喜，平時好少食熟肉壽司，見三貫祭先試吓，食落肉質嫩，如圖左1同中間最好味，最後都唔錯👍諗住黑毛和牛好吸引，點知黎到好似急凍肉咁嘅樣生牛肉壽司賣相麻麻，但食落還好，未去到好差最鍾意都係呢個港式奶茶卡達拉娜，上面依然係脆脆嘅焦糖脆片，下面濃厚嘅港式奶茶味道，而我唔鍾意飲奶茶嘅，都覺得茶味濃得來啱啱好，甜度亦啱啱好比三貫牛肉壽司吸引到我叫埋呢個新出嘅壽喜燒和牛撈麵，雖然聲稱係撈麵，但唔知點解都有好多湯汁，不過整體食完之後覺得唔錯…查看更多