karen_c1234's Profile

今日去接老公收工，順便喺附近食埋飯先走，佢話附近啱啱開咗間日本嘢，同我試下， 呢間小舖嘅位置都有啲隔涉，如果唔係喺附近做嘢都未必留意到， 而且佢亦係附近唯一可以舒舒服服坐低食嘅日本嘢，所以我都地都好有 興趣試下，睇下將來可唔可以成為我地飯堂之一。鋪頭裝修得唔算精緻，但貼滿咗好多有睇開的漫畫彩頁，有海賊王， 火影忍者，咁真係好有回憶。我們剛坐下， 老闆就告知今日煲了魚湯， 歡迎我哋飲，而且係舖頭招待，不收費。我們兩人order 了 一個壽司定食餐， 八爪魚刺身，蟹子沙律，味淋魚干，燒左口魚裙邊壽司，芥辣八爪魚軍艦，蟹子軍艦， 燒牛舌同燒豚肉露筍， 眼闊肚窄，叫了太多， 但每一樣都好食，尤其是佢主打的壽司。八爪魚刺身，厚切，而且切位係在八爪魚粗闊位置落刀，所以食落香脆，一d 都唔韌，好過酒店食buffet。蟹子沙律，味淋魚干， 分量估唔到咁大， 價錢又平，抵。壽司定食， 跟餐有沙律，小食，拉麵/烏冬， 汽水。 跟餐食品的份量大， 我揀嗰個set B壽司有火炙芝士三文魚，芝士三文魚， 芝士熟蝦,燒左口魚,燒鰻魚,帶子壽司，每樣都是即叫即做。跟餐的沙律，小食， 麵食又大份，好抵。另外我哋點了燒左口魚裙邊，芥辣八爪魚軍艦,蟹子軍艦，壽司件件即製高質，但需要等一會兒。另外亦點了兩款串燒，燒牛舌，燒豚肉露荀，兩款串燒面皆有黑椒同醬汁去燒，邊位烤到微焦，賣相味道都十分吸引。好滿足的一餐，而且佢地話新開，會營業至零晨，所以夜一夜都可以去幫襯。…Read More

啱啱去完元州商場攪工人姐姐手續，就走到嚟呢間朋友介紹的日式小店。本來已經小店，仲要係鐵板燒， 一定好迫又大油煙味，但估唔到相當闊落，做得好舒適。我哋叫咗一個車海老鐵板燒,2人前，本身以為嗰份量唔多所以另外再嗌多一個壽司餐，結果食到過飽。先講鐵板燒， 前菜有沙律，非常清新開胃。 再嚟一個燒比目魚，大蝦。 比目魚燒到外皮香脆， 肉質鮮嫩， 加點椒鹽調味，味道更佳。 鐵板燒大蝦，大蝦已脫好殼，脆嫩香郁， 蝦頭有膏，不容錯過。 下一碟是蒜香牛柳，牛柳約7成熟，每一個都是一口size,我愛配搭蒜片在上，一口有齊炸得酥脆又乾身的蒜加上軟諗入味的牛柳，層次豐富又不會過於油膩. 最後上場係炒飯同埋麵豉湯。炒飯炒至粒粒乾鬆，加上青葱，蛋， 雖然簡單材料，但很考功夫，這家做得很出色。 麵豉湯不過不失，作為收尾，很完滿。在鐵板餐之中穿插了一個精選壽司set,$298有9 件， 為開即係大約$33件。 壽司放喺一個很 氣派的圓形碟中， 侍應姐姐好好咁樣講解每個壽司嘅食法，需唔需要點豉油，有邊啲入面經有wasabi，非常細心，當中最好食的我覺得係左口魚裙邊, 油甘魚壽司，每件都非常鮮甜精緻， 性價比高。埋單都係人頭$500左右，性價比非常高， 好滿足的一餐。…Read More

最近幾個projects要趕，放工想約朋友食個飯但又唔想咁hea，雖然觀塘區係多美食，但位置不便， 多數係工廈內，又要同人逼搭𨋢， 所以最後揀咗呢一間，行過去又方便， 附近亦有泊車咪錶位。我哋兩人，每人點了一杯飲品，叫了一個Salad,一個Main dish 就已經夠。飲品我叫了Bellini Di Mano，係餐廳signature, 檸檬梳打，桃汁，tonic 水,好fresh。朋友叫左pineapple juice,說味道ok。Salad點了Rocket & Pear Salad, 呢款出面比較少有，滿滿我最愛的火箭菜，加了沙律醋，大量橄欖油,及甜甜的梨片，係我喜愛的菜式。主菜我叫了10oz rib eye, medium rare。牛扒肉嫩，少根，充滿肉汁，生熟度剛好。最出色是伴碟的焗薯,烤椰菜花，烤菜，超好味，充滿牛油香， 表面微焦。 平時我食牛扒，旁邊的side dish 都唔會食，今次食晒， 因為真係烤得好出色。埋單每人都係250左右，環境又好，又唔使迫， 絕對推薦去。…Read More

今日落左成日雨，本身諗住去尖沙咀K11食個dinner,但考慮到環境因素，轉移到附近食，可惜紅磡黃埔日本餐廳居多，好d 的西餐廳較少，最後選了Flames,因為大幾一年前食過觀塘嗰間，質素有保証。兩個人點了飲品，再點一個沙律，一個前菜，一個Main, 足夠分享。沙律叫了香燒粟米沙律，味道不錯，買相又靚，沙律菜新鮮，粟米烤到面層香口，營養又均衡又好味，美中不足的是我本身以為有Parma Ham 在內，但原來係冇的。前菜叫了避風塘雞翼, 賣相一流，夠香口。跟埋個辣椒仔點，有提味效果,係我最喜歡的香口野。最愛就係個主菜，脆皮乳豬配黃薑蕃茄飯，超好味。飯是用西班牙海鮮飯的煮法，但沒有用蕃紅花而是用黃薑粉，應該有加少許酒，甜椒粉，飯底做得很好，加上脆口香嫩的乳豬，雖然好大碟飯，但都俾我地清晒。飯後點了杯凍mocha,滿足的一餐，又就腳，又再幫襯。…Read More

晚市堂食已經禁了整個星期，應該農曆年前都好難再開番，今日望番d 相，好在禁晚市前都有去呢間靚靚打卡西餐用膳。餐廳位於舊裕民坊， 樓下有巴士總站，位置都好方便， 而且冇apm咁多人， 平日夜晚基本上唔使等位， 唯獨呢間餐廳大有人氣，所以都係要訂位。當晚我叫了龍蝦湯，一杯飲品，一個紅酒燴 牛面頰肉意大利飯， 朋友點了卡邦尼意粉。龍蝦湯味道濃郁，有龍蝦肉，可惜份量太少紅酒燴牛面頰肉意大利飯，牛面頰肉炆得腍身入味，紅酒提升了牛肉味道，意大利飯吸收了紅酒香氣， 粒粒煙韌有咬口，十分出色。熱情果薄荷梳打，半粒熱情果， 悠悠閒閒，舒舒服服又一餐， 下次晚餐堂食都唔知幾時。…Read More

同在觀塘區工作的朋友一齊食飯，就訂了這間評價高的工廈，帶文青風格的泰國菜，好鬼隱蔽，要去另一座搭lift 上1樓再轉去另一邊，有d 難搵。 去到竟然滿座，好在有先訂位。餐廳地方不大，但都算坐的舒適,我哋兩人佢都俾4人位我地。 我哋兩個人叫左成枱嘢食, 有炸軟殼蟹青芒沙律 ，炸蝦餅， 黃咖哩牛腩 ，薄餅 ，飲品，再黎甜品芒果糯米飯，飽到頂住個胃走， 而且都係四百蚊以內好抵食。青芒軟殼蟹沙律$112, 一嚟到嚇親，好大碟， 青芒果爽脆拌上青檸、魚露、辣椒，糖調製的泰式醬汁，酸酸甜甜爽脆開胃，面頭放上脆卜卜的軟殼蟹及花生粒， 非常美味。炸蝦餅$82, 有4大塊， 每塊呈半月形脹卜卜， 金黃酥脆又大舊， 啖啖蝦肉， 雖然好熱氣， 但都食唔停口。黃咖哩牛腩$102, 咖哩帶有椰香， 比較大眾化口味 ， 唔食得辣嘅朋友都可以一齊食， 最重要係個醬汁唔會煮到太杰或者稀，濃淡得宜，牛肉有牛筋及牛腩位置， 兩樣都炆得非常入味，軟念但又不至鬆散。 配上烤薄餅$48, 雖然薄餅有 六塊, 但都不夠吃。 最後上菜的芒果糯米飯， 本身驚太飽諗住取消，好彩最後都冇，因為係我最喜歡的鮮製糯米飯, 飯仲係溫熱。 芒果分開咗兩排，我朋友分食非常方便， 係我喺泰國食到嘅味道， 非常懷念可以再去一次， 而家冇得飛唯有下次再來光顧這餐廳， 滿足嘅一餐。…Read More

今次又再舊地重遊，對上一次食慢煮應該都差唔多年半兩年前，當時因為覺得肉質太美味，仲買左個慢煮機，當然地，買完番去玩左兩次就冇玩到，直頭唔知去左邊。今次與友人前用，一來係sell 佢環境，兩來是免加一，性價比高。今次order 了蝦籽炸雞翼，菲力牛扒配炒雜菇，蜆肉蝴蝶粉，再加兩杯飲品。先說雞翼，炸得金黃鬆脆影，不油膩，單骨易食， 混合了蝦籽及胡椒碎，配啤酒應該會是不錯選擇。菲力牛扒是位於牛柳的尾部，屬於牛肉最嫩的部位，公認是較甜美的部位，所以份量不多，配上牛油雜菇就剛好一份主食份量。最後就是滿蜆肉蝴蝶粉, 本身怕太多芝士太膩，但一d 都唔會，因為係勁多蜆肉,蜆肉同蝴蝶粉比例去到40,60..蜆肉的鮮味滲入了蝴蝶粉中，配上香滑忌廉，食晒成碟都唔膩，非常值得推介。食左咁多野，埋單都係4百幾，感覺超值。…Read More

天氣開始轉涼，又係瘋狂食雞煲，邊爐，蛇羹，煲仔飯的時候，早兩日已經食了蛇羹同煲仔飯，今日就近近地，平平地去了老公公司附近的創興食雞煲加邊爐。因為平日，唔使點等位，價錢約2百幾1位，自選2個鐘。一黎就上雞煲，好快手，雞煲我選了中辣，好夠味，雞件唔鞋， 醬汁濃度適中，唔會過油。 食完雞煲之後再打邊爐，電話app落單，出面拎飲品。飲品多元化，有台式冷泡茶, 角色嘅汽水，養生茶，解茶等，種類很多。野食ok,種類亦很多，總有啱胃口的。值得一讚的是上早很快，份量準確，基本上沒有漏單，而且服務員態度非常好，隔離枱一直要求他幫忙拿東拿西，打斷佢執枱佢都冇不耐煩。另有乳酪雪糕, 有綠茶味原味，可自己搭配不同配料。由於上菜快，所以食兩個鐘係好輕鬆，唔會趕，地方算好坐，性價比高。…Read More

今日打風前夕, 專登去Mikki入面嘅一田入倉，專攻零食,最重要係薯片。 買完之後就係商場食埋飯， 選最鍾意嘅西班牙菜食。餐廳有戶外空間但今晚太大風，我都係選擇喺室內食飯。我地兩人共點了三樣食物再加飲品。傳統醃八爪魚配甜椒， 呢個非常好味，酸酸味味， 八爪魚有咬口， 作為一個開場小食非常不錯。羅馬生菜包牛扒， 呢個係我覺得最惹味，最有亮點的食物，將傳統嘅泰式生菜包變成 具特色嘅西班牙Tapas, 牛扒燒到六成熟， 帶有炭香配上燒烤醬， 再加上羅馬生菜， 感覺味。西班牙海鮮飯， 用意大利米， 紅花絲，甜椒粉， 配以不同嘅海鮮材料， 有大蝦，蜆，八爪魚，青口， 每一口飯都充滿帶有海鮮味道， 但如果可以再濕潤一啲會更好。滿足又寫意嘅一餐。…Read More

同老公兩個人做中秋節飯,係附近一間好多人排隊的茶餐廳食飯，因為內籠好大， 入面有好多位置，所以等一陣就有得入去。本身好想食佢個燒鵝，點知售罄， 可能臨近中秋太多捧場客， 見到有個好抵食嘅二人餐$288， 三餸一湯， 見隔離枱食啲，d餸仲要大大碟，即叫。冇燒鵝食就點了個燒味雙併， 叉燒油雞。本身上碟時見到個叉燒好似好瘦，正擔心之際，如果食落並不是這回事， 其實佢肥瘦均勻， 肥個位食落去完全冇肥膩感軟嫩，瘦位不乾不柴， 味道鹹甜兼備，有微焦香，好味。油雞肉質滑，肉厚不柴， 配上蔥油， 送飯一流。椒鹽鮮魷，生炸脆口，一點都不韌，而且份量 毫不吝嗇，大大一碟，我都唔理膽固醇同“熱氣”問題，呢一碟係出街先食得到的獲氣惹味小炒。一碟菜心炒牛肉，擺碟非常有心機， 本來以為會係菜多肉少， 誰知係兩樣都平均地多，菜心煮得嫩，牛肉軟滑入味。而且套餐有湯送，呢個價錢非常之抵食。 食到 鑊氣，感覺乾淨， 性價比極高， 唔怪之得咁多人排隊。…Read More

餃子癮起就上網搵下附近邊度水餃出名， 其實選擇有好幾間，但係俾呢間的巴斯克蛋糕吸引， 果然去到係要等位嘅， 等咗都大約半個鐘，終於有得入去食, 中途見到唔少人一早電話預留個芝士蛋糕外賣， 心諗會唔會入到去冇得食， 果然係賣完咗， 好在有替代的甜品， 令到我成餐飯都好滿足。我哋兩人一人叫了一個煎餃餐，一個豬大腸湯羹, 一碟鹵水雞翼, 一人一個唔同味芝士蛋糕， 食完真係好飽呀。煎餃四十蚊有八隻，雙拼加兩蚊，我哋總共揀咗 四款味道， 芫茜豬肉，芹菜豬肉，洋蔥豬肉，菠菜豬肉， 每隻都好好食， 大小適中，皮煎到金黃香脆， 內裏保有肉汁，最欣賞就係菠菜豬肉， 每隻都煎得好有心機，不可猛火煎，所以需要花點時間等，即叫即煎。等待途中隻不然會繼續再叫嘢食， 點咗個家後大腸羹$35同埋鹵水雞翼$25,因為價錢平所以本身以為會係超細碟，一人份,但個大腸羹超大份,用新鮮大腸，洗淨，沒鹵過, 另有一番味道， 加 胡椒粉同醋一齊食，，超好味。雞翼係大大隻，好肥美，有5隻， 每隻都脹卜卜，冇煮到柴咗。到個重頭戲就係開心果芝士蛋糕，oreo芝士蛋糕，每件$30，有濃厚芝士味，開心果味最驚喜, 開心果嘅香味配濃郁芝士，非常夾，如果唔係熱食食得太飽都想再點多件， 總括嚟講非常值得去…Read More

旺角HeSheEat開咗咁耐, 宵夜甜品都嚟過食幾次,正式晚餐印像中好似冇, 今日喺旺角閒逛，唔知食咩就諗起呢一間過， 過到嚟等位等咗十分鐘左右就上得去食。兩個人食叫咗個水牛城雞翼， 一個Rib加薯條， 辣肉腸墨魚汁意粉， 甜品點了我最愛的雲呢拿士多啤梨奶凍。鬆脆嘅炸雞翼配上水牛城火辣惹味的醬汁及蜜糖芥末醬， 單骨雞翼，唔使用手都食到，方便又好味。 燒豬肋骨加薯條， 醬汁香濃， 豬肋骨表面香脆內裏軟嫩， 保留充足肉汁， 本身係配薯蓉，加咗十蚊轉薯條， 薯條都冇令我失望， 香脆惹味。辣肉腸墨魚汁意粉， 腸切得太薄身，有點乾, 但個辣墨魚汁意粉又好惹未， 食食下已經食曬。最最出色都係甜品，雲呢拿士多啤梨奶凍，有 焦糖脆脆 夾士多啤梨碎，帶點酸甜的味道，口感幼滑中又有焦糖脆脆，非常美味，視覺及味覺享受。完美的甜品，完整的晚餐。…Read More

之前lunch食過這一間的另一邊沙嗲，今次就專誠來試一下另一邊的酸菜魚。二人套餐有酸菜魚，口水雞，兩碗珍珠米，兩杯飲品，我另外加了兩個涼菜， 尖椒皮蛋及木耳，埋單都係28x , 價錢相當實惠,而且沒有加一服務費。酸菜魚滿滿一盤，有薯粉,酸菜,芽菜, 木耳，乾辣椒,泡椒,花椒,魚片用沒有骨的鱸魚，啖啖肉，不怕刺，味道夠酸，辣度可再加強一點，薯粉是我喜歡的扁長型，大滿足。口水雞麻辣開胃，配飯一流， 雞肉已起骨，肉質鮮嫩，去了雪藏雞的味道。尖椒皮蛋應該是有先蒸過，減少了石灰味， 蒜味及辛辣味平衡得宜，而且分量彼多。涼拌酸辣木耳，有陳醋味，酸辣開胃，木耳質感爽口，多食都不覺膩，是我最喜歡的一味涼拌小食。上菜快，沒加10%服務費，而且冷氣對流得宜，食完唔會一陣油煙味，算是比較好坐及舒適的四川菜館，可以一試。…Read More

剛參觀了朋友新屋，由中午玩到晚上，佢介紹我到樓下的一間裝修整潔，文青風的泰菜，佢話好抵食，就算平日都好早爆場，今晚黎到，平日晚7點已經要開始等位，好誇張。2個人點了杯泰式奶茶，炸軟殼蟹(有兩隻), 炸蝦餅， 鳳爪沙律，香葉肉碎飯， 結果食物份量係大到兩個人食唔曬。首先杯泰tea已經大杯過普通茶餐廳杯1.5倍，茶底偏柔和，但極香，中和了煉奶及鮮奶嘅甜味, 味道剛好。鳳爪沙律一碟有多於1x 鳳爪，味道不太酸，最喜歡吃哪洋蔥。炸蝦餅有四大球，笑口朿咁形態，非常飽滿，啖啖肉。而且剛炸好，沒油膩味，非常抵食，份量足4人分享。炸軟殼蟹有兩隻份量，已剪去鰓，奄，咀，所以沒有苦澀味，炸粉厚薄剛好，而且非常體貼地配了蛋黃醬，泰式雞醬。香葉肉碎飯可選豬肉or 牛肉粒，我們選了牛肉，一上場非常震撼, 係兩個飯盒嘅份量，而且是一滿盒飯，一滿盒餸。香辣多汁的牛肉粒配 羅勒葉，送飯一流，而且分量極多。本身仲想點甜品，但因為已經太飽，所以打消了念頭， 如果我住附近一定會經常幫襯， 性價比高，食物質素又好。…Read More

最近頻繁地ot, 今日終於早少少走到，Apm 實在太多人，我地就去左附近的上樓西餐食餐好， Open rice search. 呢間評價唔錯，就膽粗粗一試。兩人各點了一套餐，另用優惠價加了小食。朋友點了照燒牛肩胛，我點了虎蝦蕃茄意粉，餐湯係南瓜湯。南瓜湯口感幼滑，擺碗 ，味道都非常不錯。燒美國牛肩胛，份量剛剛好，不會太大件，肩胛肉質柔軟，味甜，油花豐富，沾了點黃芥末，層次更豐富。輕煎刺身帶子， 性價比高，$38有3粒， 兩邊微微金黃，鮮甜軟嫩多汁。 厚切鵝肝，外脆內嫩，油脂甘香，配鳳梨香甜又可以中和油膩，有心思。虎蝦蕃茄意粉其實溶入了銀魚柳, 意粉彈牙,整碟酸酸甜甜，香濃美味。整體來說，位置方便， 環境舒適，價錢中等，已足夠我再去幫襯。…Read More