係工廠區做完嘢, 同個同事係附近泊一泊低架車食個下午茶. 一入到去未叫嘢食已經有第一樣嘢好吸引到我嘅就係餐廳部電視居然可以望著出面街個閉路電視, 等一眾司機們可以放心放低部車一陣食過靚飯.我叫咗個咖哩牛三寶飯（$55）, 一上菜, 淨咖哩味已經撲鼻而來, 食落去係好正宗嘅港式咖哩味, 一啲都唔似茶餐廳嘅螢光咖哩汁, 三寶, 牛腩,牛肚,牛筋三樣嘢都炆得好淋好入味, 而且每樣嘢嘅數量都唔少, 有返三四嚿, 非常之飽肚.另外仲口痕叫咗份炸薯條（$23）嚟食, 係港式茶餐廳嘅波汶薯條, 仲要炸得好酥脆, 配埋淮鹽嚟食, 過口癮一流.…查看更多
