arjunayuki's Profile

好耐冇食韓式燒烤，睇到哩間餐廳幾抵食，咁試試。餐廳裝修得好韓風，晚市都提供套餐，最平288可以有埋烤肉同主食，唔錯。韓式前菜五款，一坐底就回送上五款韓式前菜，有辣白菜，涼拌菠菜等。其中醬醃魷魚爽口彈牙，辣白菜脆嫩得嚟唔會過鹹，酸蘿蔔清甜爽脆，全部都好好味。可樂同芬達，汽水搭配韓餐簡直一流，可樂氣足冰爽，芬達橙香突出，食濃味烤肉時飲一啖，瞬間沖刷油膩感。LA排骨，分量都幾大下，大大條排骨有3條。排骨用韓式辣醬醃制得超級入味，食落肉質彈牙又唔失嚼勁，啖啖肉香加咗少少甜辣風味，3件都唔夠食。醬醃薄切五花腩，五花腩片得厚薄均勻，已經預先用醬醃制。食落油脂香濃但完全唔膩。搭配新鮮生菜食更是一絕，菜葉清爽脆嫩，包裹住熱辣辣嘅五花腩，再加啲泡菜同醬汁，口感層次爆棚。辣牛肉湯，湯裡配料十足，有豆腐、蔬菜，牛肉，雞蛋等。湯底濃郁鮮辣，牛肉燉到極腍滑，一咬即化又保留肉香。成晚湯辣度溫和唔嗆喉，帶絲絲甜味同發酵豆香，用來拌飯食絕對一流。…Read More

今日同FD行尖沙咀，睇到哩間人氣爆丼分店開咗尖沙咀分店，68就可以食到四餸丼，仲可以揀多幾餸到九餸，好抵食。餐廳裝修得好型格，晚市好full，基本全滿。焦糖三文魚卷，呢個焦糖三文魚卷真係好得意，會噴火嘅。侍應送上來以後，即刻用火槍點火，好啱打卡。面頭微微燒過嘅三文魚帶啲焦香，咬落去外層微甜香脆，裡面卷住嘅蟹籽卜卜脆，加埋青瓜，玉子同蟹棒，口感好豐富:)。雙餸“三揀二” 丼，揀咗牛舌同鯖魚。鯖魚燒得皮脆肉嫩，魚油香濃但唔會腥，上面灑咗少許芝麻同蔥花，吊味一流。牛舌厚度切得啱啱好，燒得淋滑又彈牙。飯底用咗日本珍珠米，吸滿鯖魚同牛舌嘅肉汁，每一啖都好滿足。自選丼飯，今次試試八餸丼飯，滿滿一碗真系海鮮盛宴。丼飯揀咗火炙，珍寶赤蝦超大只，肉質爽甜彈牙。鰻魚片燒得香軟入味，北極貝鮮甜爽口。火炙三文魚同左口魚邊油脂爆燈，入口即化。日本帶子厚身又Creamy，每種刺身都好新鮮鮮甜。下麵飯底調味唔錯，飯底醋味溫和，刺身鋪到滿一滿，撈埋wasabi同醬油，每一啖都系大海嘅味道。…Read More

今日得閒同FD飲一杯，FD一直飲開哩間，話質素好高，咁試試。餐廳裝修得好型格，不過就唔算太大，得室內同室外幾張台，如果唔想等位，一早book定位啦。Fresh Green，呢杯飲品真係好靚，整體以綠色為主，再點綴埋青瓜同薄荷。飲落蘋果果汁嘅甜味恰到好處，再加埋薑汁汽水微微辛辣，層次感十足。微微帶出青瓜同薄荷味道，真係夏日首選。Air Force Red，杯嘢顏色粉粉嫩嫩，草莓同荔枝嘅香甜完美融合，再加入蘋果同薑汁汽水調味，飲落氣泡感十足好清爽:)。香炸雞鎚，火候控制得好好，外皮炸得金黃酥脆，入面嘅雞肉嫩滑多汁。雞鎚已經預先醃制過，食落恰到好處，唔洗點醬已經好夠味。意式火腿芝士拼盤，呢個拼盤配料好豐富，有兩款火腿片，醃制青瓜，橄欖，芝士等。火腿片咸香適中，油脂分佈均勻，入口即化。芝士味道濃郁又唔會太搶，配埋旁邊嘅醃制青瓜同橄欖，鹹酸交錯，層次感爆棚，用來送酒或者作為前菜都一流。加拿大有骨豬鞍扒，豬扒勁大一件，比巴掌仲大。煎得火候啱啱好，外焦裡嫩，肉質鬆軟又有嚼勁，食落肉香十足又好juice。仲搭配埋焗薯同蒜蓉青菜，焗薯軟糯香甜，蒜蓉青菜清爽解膩，全部食曬真係好飽。…Read More

今日行過哩間鋪頭，睇落去唔錯，好有深夜小食堂feel，咁試試。餐廳唔算大，得7-8張台。燒烤種類豐富，海鮮肉類蔬菜好多可以揀。可樂，食串燒點少得可樂，可樂夠曬冰凍，氣泡十足，飲落去解膩又清爽:)。蒜蓉粉絲燒大蟶子皇，燒得火候啱啱好，蟶子肉嫩滑多汁，完全唔老。蒜蓉同粉絲嘅搭配簡直絕配，蒜香濃郁又唔會蓋過蟶子嘅鮮味。五花腩肉串，五花腩肉肥瘦均勻，燒到油脂半融，肥肉部分香而不膩，瘦肉嫩滑。再落咗少少孜然同辣椒粉，可以平衡咗豬肉油膩，又增添異域風味。娃娃菜，火候唔錯，娃娃菜保持爽脆口感，完全唔會過軟或過生。簡單用豉油同辣椒粉調味，娃娃菜食落更加鮮甜。燒免治雞肉棒, 免治雞肉棒燒得外脆內嫩，完全唔會乾柴。最驚喜系入面混咗啲雞軟骨，層次感爆棚:)。雞中翼，雞中翼燒得外皮脆得嚟帶啲甜味，咬落去肉質嫩滑，完全唔幹，調味簡單但夠曬經典。惹味臺灣腸, 臺灣腸肉質扎實又彈牙，調味帶啲甜香，好有臺灣風味。臺灣腸炭火燒過之後，表面微焦，香氣更加濃郁。牛肉串，牛肉串生熟度掌握得perfect，咬落去軟腍又多汁，完全唔會韌。炭火香氣滲入肉中，表面微焦，內裡粉嫩，突出牛肉原味。薄切牛舌，炭火逼出牛舌嘅油脂香，口感爽脆又帶啲彈牙。錫紙燒雜菇，雜菇種類豐富，金針菇、香菇、杏鮑菇樣樣有，口感層次十足。錫紙焗住燒，菇類嘅水分同鮮味完全鎖住，超級juicy。…Read More

FD來香港旅遊，想試下香港茶餐廳，哩間餐廳好就腳，咁試試。餐廳裝修得唔錯，原來仲有2樓，晚市都可以安排卡位，坐得好闊落:)。凍奶茶同凍檸茶，都係跟餐搭配，凍奶茶茶底濃鬱唔會太澀，奶香同茶味平衡得啱啱好。凍檸茶茶底清香，檸檬新鮮，飲落去好清爽，又帶出淡淡嘅果香。中湯同西湯，中湯湯底清甜，火候十足，飲得出係用心熬製，冇味精，飲完唔會口渴。西湯，今日係羅宋湯，湯底口感細滑，飲落去酸甜清爽，層次豐富。秘制肉骨茶配白飯，排骨煮得啱啱好，肉質軟嫩，一咬就脫骨，仲吸滿咗湯汁嘅精華，超級入味。湯底藥材味香濃，但唔會太苦，飲落去好順口，仲帶少少甜味，好滋補:)。XO醬茄子排骨煲，茄子煮得軟爛入味，吸曬XO醬嘅香辣精華，食落好惹味。排骨嫩滑，醬香味濃，同茄子嘅味道好夾。煲仔可以keep到溫度，食幾耐仲係熱嘅。荷葉金銀蒜鮮魷帶子籠仔飯，鮮魷同帶子都好新鮮，彈牙得嚟又唔會韌，蒜蓉嘅味道更加提升咗海鮮嘅鮮味。飯粒吸滿咗荷葉同蒜蓉嘅香味，口感軟糯，仲有少少焦香，好正。整體份量十足，食完之後好滿足。…Read More

今日到花墟買花，好耐冇食哩間café，睇到佢轉咗新menu，有唔少新嘢，咁試試啦。餐廳裝修得幾靚，好彩黎得早，7點半已經full咗9成啦。提拉米蘇咖啡，上層馬斯卡彭芝士同可哥粉微苦，下層濃縮咖啡醇香，飲落成杯奶香可可味濃郁，又唔會搶咗咖啡本身嘅風頭，層次分明得嚟又融合得恰到好處。芝士火腿雜錦拼盤，拼盤一上枱就知用料絕唔馬虎，車打芝士奶香十足，布裡芝士軟滑綿香，風乾火腿油脂甘香鹹度適中。仲搭配埋橄欖，蘇打餅同荔枝，解膩得來又好豐富。日本南瓜藜麥沙律，日本南瓜烤得香甜軟糯帶微微焦香，配上藜麥嘅咬口同新鮮沙律菜，口感豐富到爆。醬汁用咗日本油醋汁調味，清新中帶絲絲酸甜，哩款沙律絕對係健康之選但絕唔寡淡。慢煮香辣雞卷配菠蘿莎莎醬，用慢煮方式烹飪雞卷，雞肉肉質嫩滑一d都唔柴。再把雞卷外皮煎到微脆，點埋特別嘅菠蘿莎莎醬，酸甜帶辣，好適合夏天嘅小食:)。香蒜辣椒欖油帆立貝意粉，帆立貝大大粒，煎到表面金黃，食落肉厚新鮮鮮甜。意粉煮得啱啱好，掛滿辣椒同橄欖油嘅香氣，真係超好味。西班牙油炸鬼配玉桂糖，香濃朱古力醬及雲尼拿雪糕，油炸鬼即叫即炸，熱辣辣外脆內軟，最點睛係加咗玉桂糖粉，食落甜脆惹味好重玉桂香味。再搭配埋朱古力醬同雲尼拿雪糕一齊食，朱古力醬微苦中帶甜，雲尼拿雪糕奶香濃鬱，真係好邪惡。…Read More

宜家麵屋神匠同4位超強動漫人物做緊聯動，帶來4款優惠活動, 來店打卡消費後有機會贏到雙人日本來回機票，有得食又有得玩真係好心動，快D來打卡。餐廳裝修得好和風，晚市好多嘢揀，仲提供數款套餐，唔錯。可樂同忌廉，套餐加配，飲落氣泡夠曬勁，同拉麵好夾。日式南蠻炸雞，雞肉炸到外皮金黃，內裡雞肉嫩滑juicy，完全唔乾柴。雞肉預先醃制過，唔洗點醬已經好夠味。再點埋日式沙律醬，味道層次好豐富。溏心蛋（1隻），溏心蛋流心效果完美，蛋白嫩滑唔實，滷得入味又唔咸，仲有淡淡酒香吊味。蛋黃金黃濃鬱，入口即化，一隻完全唔夠食。極上蟹白湯拉麵，拉麵湯底最重要，哩間鋪頭用足料煲制，湯底奶白濃稠，食落蝦味鮮味層次感爆棚。拉麵配料都好豐富，有蟹肉，叉燒，筍片等，蟹肉新鮮鮮甜，叉燒薄切入口即化。再搭配埋麵條，每一啖都食曬精華:)。神匠番茄蝦湯沾面，用咗大量蝦幹熬制湯底，再用番茄調味，湯底濃郁得來又帶出番茄香味。麵條似烏冬多D，比普通拉麵要粗少少。哩種麵條掛湯能力一流，蘸湯後每條都包滿濃汁，食落煙韌有咬口，唔錯。搭配嘅炙燒豚角炭香濃郁，筍乾脆甜爽口，全部食曬好飽TIM。…Read More

每次行過哩間鋪頭，都係大排長龍，今日早少少收工，一定要試試。餐廳裝修得好型格，係工業風嗰款，唔夠7點已經基本full曬。熱柚子蜜，柚子蜜品質唔錯，柚子嘅清香同蜂蜜嘅甜度平衡得啱啱好，唔會太膩又唔會太澀，飲落去好清爽:)。粉紅青檸蘇打，呢杯嘢飲真係好靚，顏色粉嫩嫩，飲落去青檸嘅酸爽同蘇打水嘅氣泡感結合得好好，夠曬清爽。泰式YUM粟米蝦沙律，沙律嘅配料豐富，粟米爽甜，蝦肉彈牙，加埋洋蔥同泰式酸辣汁調味，食落好惹味。泰式手打蝦餅，蝦餅即叫即炸，送上來仲熱笠笠。蝦餅外皮炸到金黃酥脆，入面彈牙爽口。再點埋嗰款泰式甜辣醬，酸酸甜甜，同蝦餅嘅鮮味超夾。招牌燒牛肩胛肉，牛肩胛肉燒得啱啱好，大概燒到5成熟。表面微焦，肉質嫩滑多汁，牛味濃郁又帶住淡淡嘅炭燒香氣。如果系牛肉控，呢個招牌燒牛肩胛肉絕對唔可以錯過。泰式幹炒闊河（豬），呢碟泰式幹炒闊河真系鑊氣十足，河粉炒得夠幹身，唔會油膩，食落去香口又夠味。豬肉片嫩滑，加埋啲菜心，胡蘿蔔同蛋，口感豐富，全部食曬好飽TIM。…Read More

每次行過哩間茶餐廳，都睇到排長龍，今日收工早少少，有位即刻試試。餐廳裝修得好古香古色，好似入到港劇啲茶餐廳。Menu好多嘢揀，加少少錢仲可以包埋飲品，抵食。凍檸檬茶，套餐加配，茶底應該用咗錫蘭茶地，夠曬濃濃。飲品飲落唔會好甜， 茶底帶有回甘又有好重嘅檸檬香味:)。雜果賓治，傳統嘅港式飲品。飲品顏色繽紛，有數款唔同味道嘅啫喱，再搭配埋七喜，飲落酸甜清爽，氣泡濃郁。巴拿馬火腿凱撒沙律，巴拿馬火腿入口鹹香帶少少煙熏味，同新鮮爽脆嘅羅馬生菜好夾。沙律醬調得啱啱好，唔會太膩，仲灑滿咗芝士碎同麵包粒，增添口感。香煎沙朗肉燥飯，沙朗牛扒煎得啱啱好，肉質嫩滑唔韌。肉燥飯嘅肉燥肥瘦比例唔錯，醬汁鹹香味十足，用來撈飯一流。仲會搭配埋青瓜，酸菜同流心蛋，全部食曬TIM:)。招牌微辣肥牛拼鮮蝦，肥牛片薄切入口軟嫩，鮮蝦新鮮爽口彈牙。湯底似酸菜魚多D，微辣醬汁好惹味。配料仲搭配埋娃娃菜，娃娃菜吸曬啲汁好入味，食落更加清甜。…Read More

今日到鑽石山開會，同事推薦咗哩間西餐廳，咁試試。餐廳裝修得好靚，好似入到森林咁。晚市提供數款晚市套餐，價錢唔貴，好多嘢可以揀。唔中意套餐，都可以散叫，都好抵食。主食升級跟餐，加48可以有埋是日餐湯，餐前沙律，柚子雞翼同即磨熱咖啡。餐湯足料煲制味道濃郁，沙律菜新鮮食落鮮甜爽脆，柚子雞翼皮脆肉嫩酸甜開胃，熱咖啡入口醇厚唔苦澀。巴馬火腿卡邦尼義大利粉，意粉煮得啱啱好，食落唔UN有咬口。卡邦尼醬好creamy，蛋香同芝士味好濃鬱又唔會覺得膩。巴馬火腿鹹香十足，撈埋啲醬同意粉真係絕配。慢煮BBQ烤豬肋骨，用慢煮加焗烤方式烹製豬肋骨，肉質燜到超軟腍。豬肋骨醃得好入味，食落甜中帶辣好惹味。旁邊嘅薯條炸得脆啵啵，點埋茄醬食到停唔落口。最驚喜係跟咗牛油粟米同烤菠蘿，粟米香甜軟糯，菠蘿清甜脆口，全部都係用心製作。法式焦糖燉蛋，面頭焦糖燒得好脆，下面蛋奶幼滑入口即化。燉蛋甜度控制得啱啱好，飯後甜品一流。…Read More

今日到FD屋企玩，地膽介紹咗哩間正宗四川風味嘅酸菜魚店鋪，咁一定要試試。店鋪唔大，好有茶餐廳風格。晚市生意好旺，基本上全滿，仲有唔少外賣客，睇落大部分都係附近街坊幫襯:)。晚市好多嘢食可以揀，平平地已經包埋主食同飲品，真係好抵食。凍檸檬茶同凍紅豆冰奶茶，都係套餐加配。用咗同一款茶底，似錫蘭茶多D。入口茶味清甜伴有回甘，兩杯都做咗少甜處理，好飲。麻辣牛展，牛展肥瘦分明，用少少麻辣醬汁調味，食落麻辣鮮香爽口彈牙。青椒皮蛋，落咗大量紅油同花生調味。皮蛋麻辣，花生脆口，青椒清甜，撈埋一齊食好特別。一人套餐，揀咗鱸魚同老壇酸菜湯（微辣），配菜有豆卜，金針菇，鮮嫩肥牛同午餐肉。酸菜魚米線真係勁大，一上枱就聞到陣酸辣香。酸菜魚湯底金黃，飲落去先酸後辣夠曬濃郁。 魚肉用嘅係鱸魚片，好嫩滑同埋冇骨。米線吸湯能力一流，嗦一啖連湯帶粉夠曬入味。豆豉排骨煲仔飯，加配臘腸同鹹蛋。排骨醃得入味，肉質嫩滑唔黐牙。臘腸肥瘦適中，咬落去油香爆出，甜甜哋同飯好夾。飯底煮到夠幹身，粒粒分明，最正係底嗰層飯焦，金黃脆口，再落入少少豉油，味道層次更加豐富。…Read More

今日到FD屋企玩，地膽推薦咗哩間西日居酒屋，咁試試啦。餐廳裝修得好似日本慶典，好有節日feel。波仔汽水同前菜，尊裝波仔汽水好少見，一般都係玻璃瓶裝。波仔汽水氣泡十足，清新得嚟唔會太甜。前菜係中華沙律，清爽脆口。雞皮餃子，用雞皮製作餃子，外皮炸到金黃香脆，內裡軟嫩juice。食落油香滿溢但唔會膩，點少少沙律醬更惹味。燒魷魚，用整整一條魷魚燒制。魷魚燒得恰到好處，外皮微焦帶炭香，裏面保持軟嫩彈牙，一啲都唔韌。用少少日式醬汁調味，簡單得來又突出魷魚嘅鮮甜，食嘅時候再點埋搭配嘅辣醬，更加提鮮。關東煮，湯底落咗大量配料煲制，清甜得嚟帶淡淡昆布同柴魚香。配料完全索曬湯汁鮮味，竹輪彈牙，腐皮軟滑，凍凍哋天氣食一碗，真係由身暖到心。澳洲M9和牛西冷&美國頂級牛頸脊壽喜鍋，超豪華版壽喜燒。用日本傳統做法，落少少糖同壽喜燒汁煲制。澳洲M9和牛西冷，油花分佈均勻到好似雪花咁，肉質軟嫩，仲帶住淡淡奶香。牛頸脊肉味濃鬱得嚟帶少少嚼勁，但一啲都唔韌，再點埋無菌蛋液一齊食，幼稚滑得來又帶住濃濃蛋香，兩種牛肉都好味。食完牛肉，侍應會幫手淥埋d菜，蔬菜同豆腐吸滿壽喜燒汁嘅香甜，好正。壽喜燒黑松露燉飯，將日式壽喜燒汁同西式risotto結合，仲要落重本加黑松露，香氣撲鼻。飯粒吸滿牛肉同醬汁嘅精華，每啖都濃鬱creamy。黑松露同壽喜燒嘅甜味意外地夾，層次好豐富:)。…Read More

FD推薦咗一間韓國料理，話佢提供啲韓國菜式好特別，咁試試啦。餐廳唔大，得十幾張臺，裝修得幾韓式，好似返到韓國咁。晚市好full， 全滿仲要好多人排隊，唔想等就早少少入去啦。Sprite和Pear Juice，Sprite氣泡勁足，冰凍清爽。Pear Juice，清甜潤喉，飲落似自家煲嘅冰糖雪梨，有淡淡梨香，飲完喉嚨好順。韓式泡菜，一坐低就會送上3款小菜，辣白菜醃得啱啱好，脆口得嚟又唔會太生，辣度適中。芽菜清淡爽口，同辣白菜係唔同風味。韓式豬手&五花肉，哩碟份量真係超大，豬手同五花肉鋪滿曬，仲要搭配埋沙律同生菜。豬手切得薄薄哋，皮爽肉嫩，特別係豬皮膠質滿滿。五花肉薄切，全部都係肥瘦相間。五花肉蘸埋韓式大醬，再用生菜包住一齊食，香濃嘅油脂同醬料完美融合。泡菜豬肉鍋，配料超豐富，有豬肉、豆腐、煙韌年糕，同埋大量泡菜。湯底好濃郁嘅泡菜香，酸辣得嚟唔會太刺激，反而帶少少甜味。豆腐同年糕煮到入味，每一啖都充滿韓式風味。最正係用佢來撈飯，米飯香甜，湯汁濃郁，食到停唔落口。…Read More

網上睇到哩間輕食咖啡好有創意，地點又好就腳，咁試試。店鋪裝修得好靚，以藍色歐式風格為主，仲有個好靚嘅小露臺。晚市都幾full下，基本上全滿。嘢食唔算多選擇，得數十款單品，不過款款都好吸引，好難揀TIM。桂花酒釀泡沫咖啡，咖啡豆偏酸帶有少少果香，再落入桂花同酒釀，桂花帶入花香，酒釀帶入少少酒味，層次好豐富好清爽，好有創意嘅一杯飲品。伯爵茶鮮奶，伯爵茶茶葉唔會苦澀，飲落香甜帶有佛手柑回香，整杯香料香味和鮮奶好match。Yorkshire，用鐵鍋焗完松餅後，再落入煎蛋，豬肉腸等配料。豬肉腸偏甜果款，食落軟嫩juice。松餅好特別，好似食緊低油版油器，勁道又帶有好重嘅牛油香，可以夾埋茄汁豆一齊食，口味更加豐富。Bangkok, 酸種多士焗到啵啵脆，再鋪滿香滑炒蛋同自家制厚切煙肉。煙肉果然同出面唔同，豬肉肥瘦適中仲要厚切。煙肉煎到兩面焦香，食落煙熏味重還帶有焦糖香味，口味非常特別。仲搭配埋沙律菜，可以解煙肉油膩。成份睇落分量唔大，食落勁飽。…Read More

今日到中環開會，睇到哩間café出咗新menu，即刻試試。中環分店裝修都係原木風，色調溫馨又好fashion。餐單轉咗唔少新嘢，睇落都好好味，好難揀TIM。開心果咖啡，好靚嘅一杯咖啡。用開心果碎裝飾奶蓋，好似花環嘅。再落入開心果醬入咖啡，飲落咖啡微苦開心果味濃郁，奶蓋又增添泡沫口感，唔錯。玫瑰暖泡沫鮮奶，鮮奶奶味濃郁，泡沫豐盈。玫瑰味清香，又唔會搶曬奶香，味道層次好豐富。開心果帶子意粉，用開心果醬熬煮醬汁，再落入開心果碎豐富口感。醬汁整體鹹香為主，帶少少酸味。帶子微煎，食落半熟香甜肥美。意粉係硬身果款，每一啖都full曬醬汁，好味。蝦哈哈甘筍汁義大利飯，大蝦鋪成一排好得意，蝦肉鮮甜彈牙，加上芝士調味味道好獨特。義大利飯煮到粒粒分明，醬汁好creamy帶有清甜香味。甘筍醬汁入到飯裡，食落好惹味:)。春日香橙焦糖燉蛋梳乎厘，好有春天氣息嘅梳乎厘。梳乎厘蛋味香濃空氣感十足，香橙味嘅cream唔會好甜，食落清爽同梳乎厘好夾。最得意係橙皮裝嘅焦糖布丁，焦糖脆口布丁幼滑，食得好滿足。…Read More