Vikolau的個人專頁

今日突然想食清淡D，就同同事去左呢間韓式刀削麵Lunch Time繁忙時間都要排一陣隊先可以入座👅👅蜆湯麵蜆既份量好足👍🏻 味道鮮甜完全唔腥，湯底同樣鮮甜麵條煙韌，湯底熱度適中唔驚會浸淋D麵條整體出色😋附送既泡菜辣度都幾勁，但感覺正宗👅雞湯麵有成大隻雞脾都幾有誠意👍🏻不過肉質就唔算好滑，同埋真係偏清淡，要醮Ｄ胡椒鹽先夠味，相比之下個人黎講中意蜆果個多好多😅😂店員都幾有禮貌，座位尚算闊落，加埋店內環境感覺衛生同麵條好似好新鮮，下次想食刀削麵都會再黎！👍🏻…查看更多

Bookmark左呢間觀塘好出名嘅點心店已經好耐，咁岩今晚點心癮起，就約朋友黎呢度食晚飯朋友唔太餓我哋就叫左三樣野share👅👅點心併盤蝦餃嘅皮唔厚，幾煙靭，裏面嘅蝦超級大粒爽口，係幾出色👍👍粉果就正常水準流沙包非常流心，但略嫌冇乜蛋黃香叉燒包鬆軟，裏面嘅豬肉唔會太肥，醬汁都唔會太膩👍👅脆皮蘿蔔絲腸粉呢個口感其實幾有層次，但係佢嘅腸粉皮太黏唔好食🙈👅鮮蝦腐皮卷呢個賣相比起出面嘅炸腐皮卷望落硬身少少，食落還好嘅內餡同樣足料，食到爽口彈牙嘅蝦肉，不過食多兩嚿有種成口油嘅感覺😅見到其他留言都話佢嘅服務好差，咁啱我哋食嗰日又正正常常（當然都唔係特別出色），叫做合格😂…查看更多

今日放假入元朗搵朋友食lunch，佢帶我嚟咗呢間新開嘅泰國菜，叫咗兩個午餐同加配咗一碟菜share👅泰式冬陰功湯河湯底偏辣，冇乜酸味，冇乜層次，亦都冇乜香料味😅啲蝦雖然好彈牙，但係一食就覺得係好急凍雪藏味🙈👅泰式鮮蝦炒金邊粉金邊粉味道唔錯，亦都唔會黐埋一Pat炒得幾好👍原來我哋兩款都係嗌咗蝦，所以兩款配料都唔好食，我放棄左，搞到完全冇食左肉類/蛋白質落肚嘅感覺🙈🙈👅👅馬拉盞炒通菜呢個係午餐加$25就有新鮮熱辣炒起好有鑊氣👍 唔會太油唔會太鹹，有馬拉盞香，我覺得係呢餐最好食嘅嘢😂…查看更多

今日終於嚟試謝霆鋒同麥當勞聯手打造嘅推介！安格斯有牛肉香，唔算厚唔算juicy但呢個價錢收貨👌🏻肉醬酸味岩岩好，幾有口感👍（但份量少得可憐，因為我走左沙律醬所以得咁少肉醬搞到食食下都幾乾）另外我覺得麥當勞嘅麵包比以前鬆軟唔少，好食咗好多👍雞翼有青花椒香味，味道其實唔錯不過唔知係呢間分店問題定咩，雞翼超級油同埋完全唔熱，感覺係翻炸完再放左一段時間嘅質素🙈如果黎緊麥當勞仲做緊呢個promotion期間而我又想食呢個set，我應該會去其他分店試吓比較吓質素😆#鋒味 #青花椒雞翼 #安格斯牛肉 #beefburger #angusbeef #mcdonald #麥當勞…查看更多

早兩日老闆突然萬歲🤣 然後有同事喺呢度嘅會員就提議嚟呢度食，話lunch buffet性價比幾高環境唔錯好光猛👍唯獨是雖然人流唔算多，但係都有啲嘈我哋食嗰日主要有印度，中式，西式，日式嘅選擇👅👅比較推薦：叉燒：燒得幾靚，肥瘦適中，唔柴口白切雞：肉質嫩滑得黎帶少少彈牙紅燒魚柳：煎得幾香，調味適中三文魚柳：同樣煎得幾香，都肥美，健康之選牛油杏仁西蘭花：西蘭花口感岩岩好，帶輕微牛油香唔會覺得膩，加埋微脆嘅杏仁片，口感豐富👍🏻肉絲炆米：應該有少少鹹酸菜但又唔會太鹹，特別開胃洋蔥湯：好足料，濃濃洋蔥嘅甜味😋👅可以一試：壽司類：味道正正常常，試左腐皮，甜甜地唔會太薄，飯量適中藍莓芝士蛋糕：味道OＫ的，不過確實太膩，可以再切細件Ｄ😂特濃朱古力蛋糕：本身已經好濃郁朱古力，加埋太多cream，搞到成件事好膩🫣 同其他人share較好👎不推薦：菜心：過熟太淋（或者係個蓋吸住焗淋左）印度薄餅：底層太硬面頭太淋印度咖哩雞：個人口味覺得太辣，雞肉有ＤＤ鞋口無試到：芝士通心粉，魚生，各式火腿，Movenpick雪糕等等如果要挑剔就係覺得佢麵包款太少但整體都滿意👍埋單確實數字係幾錢我都唔知😂 但同事話$200左右，如果係嘅話真心抵👍👍…查看更多

讀書時期成日都會幫襯呢間餐廳，因為開得夜同份量大後期見到佢執咗都覺得好可惜，知道佢開返之後bookmark咗一段時間今晚終於去試🤓👅鹽酥雞肉燥飯即叫即整，鹽酥雞熱辣辣，肉質算滑肉燥唔似出面台式餐廳半肥瘦滷得好靚仔嗰種😅 個人認為偏向似滷肉罐頭果種滷肉啲椰菜烚得太淋整體未算出色👅👅茉香珍珠帶茉莉嘅清香，唔覺得好假，唔會太甜，珍珠都有咬口，跟餐唔駛加錢黎講絕對收貨👍#台灣美食 #香港美食 #旺角美食 #肉燥飯 #鹽酥雞…查看更多

Bookmark咗呢間酒樓一段時間，今日終於去咗試禮拜六日午市中點$21，大點$23，個人認為都好合理👍👅海皇煎薄餅圍邊幾脆餡料都算多，但係太厚，麵粉感比較重，還可以👅無糖甘蔗糕佢嘅口感幾特別，幾似白糖糕，有少少煙靭食落去真係冇乜甜味，但亦都冇乜甘蔗香味，感覺比較適合老人家/糖尿病人/追求健康人士食用😅👅👅叉燒燒肉飯$36一碗雙併飯都幾抵👍肉量非常足！叉燒靚仔，口感唔乾唔柴燒肉幾脆，肥瘦適中，兩樣都非常唔錯👍👅👅原籠馬拉糕食落有黑糖香，唔會太甜，口感鬆軟，而且唔會蒸到有水氣搞到個底好濕，出色！💯👅秘醬蒸鳳爪正常嘅酒樓鳳爪水準店員姐姐們同經理哥哥服務都ok，可能做開街坊生意，同啲客有傾有講幾有親切感👍不過weekend lunch hour 見佢客人都唔多，希望做得住💪🏻💪🏻…查看更多

早幾日經開灣仔做野，要喺附近食lunch，隨意入左間茶記，叫左個常餐👅沙嗲牛肉通粉火腿炒蛋幾大份，蛋亦保持住少許嫩滑口感多士夠脆，牛油搽得非常足兼均勻👍沙嗲牛夠味，口感唔韌通粉偏細粒偏薄身，似係家x牌快熟果種，口感一般餐廳大部份都係卡位👍 環境食物同服務整體可以一試🆗…查看更多

Happy Friday收工同朋友黎呢度食個飯飲杯野鬆一鬆🍻叫左幾樣野share👅蒜香牛柳粒黑醬油炒飯呢個炒飯牛油味超級濃郁😲 even有D蓋過咗黑醬油香飯粒煙靭，有鐵板燒香氣，鍾意牛油味嘅應該會超級鍾意👍👅關東煮價錢係每款咁計，客人可以自選款式非常友善🫶我哋揀左五款湯底清甜有層次😋年糕福袋裏面嘅年糕好大嚿有誠意，口感煙靭油揚索湯爆汁蘿蔔唔夠入味唔夠甜魚餅正常竹輪裏面原來有芝士，但係朋友唔食芝士的😂👅玉子燒玉子幾嫩滑唔會過熟，有蛋香👍個人認為美乃滋略多左少少🤏Btw 店員服務非常唔錯，好親切💯…查看更多

早幾日同朋友喺中環食晚飯，嚟咗呢間蘭桂坊附近嘅川菜地方比較逼夾，唔知點解黎果晚係冇晚市套餐🤔🤔 唯有單點👅黑豆花鮮椒魚雖然都係叫小辣但係呢個辣過花菜好多🥵魚肉嫩滑，不過份量偏少，同埋帶少少腥味🙈配料豆腐同黑豆花就好多，豆腐幾重豆香，貢菜爽口👅👅大盤花菜花菜夠乾身，口感算爽脆，唔算好油👍👅蔥油拌麵蔥油夠撈又唔算好鹹，麵條再彈牙啲就更好😅…查看更多

前排同朋友港島一日遊，去完黃泥涌同赤柱再出銅鑼灣食晚飯😂突然好想食pizza就搵咗呢間，好彩去得早，兩個人6:30去到可以即刻入座，隔咗一陣已經見門口排長龍🙈喺門口玻璃見到Pizza房員工製作pizza嘅過程同埋個好壯觀嘅焗爐，已經覺得唔會令我失望！😍👅👅Summer of Love 1967 & Pepperoni Super Saiyan Pizza可以雙併啱晒我呢啲貪心嘅人！😆13‘’兩個人食原來都幾大個🫣Pizza邊好煙靭，就連凍左食個煙韌度都有增無減，出色！！💯可能太足料食到最後啲辣肉腸都幾鹹😂 但都係大推！👍（我見左右兩檯都係兩個人嗌一個Pizza share加嘢飲就算，如果唔大食都可以考慮吓）👅Tumppi Chicken Pasta 意粉彈牙，個汁有少少偏稀，我預期會再濃郁啲～雞肉肉質質有彈性，整體唔差，不過相比pizza係冇驚艷😆呢間Pizza爐可能火力勁，所以Pizza好快就上菜但係又熱辣辣👍👍 會再encore ！😋…查看更多

呢間舖頭算係新開張，好似係元朗相對少以燉湯做主打嘅米線，大部份都係以地區特色湯底或者酸辣為主多今日同朋友就嚟咗試吓👅👅竹笙椰子雞湯燉湯黎講$52仲要包埋一份主食其實真係超級抵！👏🏻欣賞佢竹笙份量多，有差唔多六件👍雞件就係燉完湯比較嚡口嘅口感，個湯清得黎有少少油膩，可能因為啲雞皮雞油無去晒我哋加咗兩蚊轉淮山麵，幾爽口，但係份量唔多👅濃郁蕃茄湯米線配潮州蝦卷&雲耳呢個湯一望就有啲失望，完全冇蕃茄粒，睇色水係啲蕃茄膏溝出嚟🫣 味道都係🫣🫣蝦卷雖然彈牙但係有啲雪味🫣雲耳份量足，味道正常佢嘅米線比較似瀨粉，係偏透明同超級彈牙🤔雖然老闆服務非常好，但我哋share食大家食完之後都幾口渴，遲啲可能真係好想飲燉湯補下先會再嚟食😅😅…查看更多

早幾日出開旺角整啲嘢，搞掂完就食埋lunch先去返工時間唔多見呢間唔使排隊，就隨意入咗去👅豬軟骨，波霸魚蛋，芥蘭，瑞士汁撈橡筋粗豬軟骨完全無醬汁，無論味道定質感都好似煲湯瘦肉，好唔掂🫣波霸魚蛋似長洲大魚蛋，彈牙，唔錯👍芥蘭唔鞋，爽脆無渣佢嘅橡筋粗比起平時出面食嘅粗麵再彈牙啲啲，都出色既聽到隔籬個男人話呢間嘅咖喱好辣，餐廳亦都寫明係澳門傳統配方所以有一定辣度，愛辣之人可以嚟試吓希望餐廳可以改善下自家整既配料既質素🫣個豬軟骨真係⋯⋯😅😅😅呢度嘅員工對於長者食客特別細心，服務唔錯👍…查看更多

想食呢間沙嗲牛已經一段時間，之前嚟過一次，見到條隊好長又肚餓就走咗，今日見有啲時間就決定排下平日大概12點幾嚟到，兩個人等咗15分鐘左右，可能附近啲人都趕住食完返工😅值得一提嘅喺呢度分咗鮮牛肉（可以加沙嗲汁），沙嗲牛同埋炒牛肉👅鮮牛肉煎豬扒通粉加沙嗲汁，熱鴛鴦牛肉好嫩滑👍沙嗲汁濃郁帶微微花生香，撈均之後成個通粉都好夠味😋雖然濃郁但食完都不至於太口渴通粉口感彈牙煎豬扒都好出色，煎得夠香肉質夠腍唔乾鴛鴦個底幾香（見到對面有對情侶一個人叫咗沙嗲牛，如圖，一個叫咗炒牛肉，兩款個樣都好吸引🤩 仲濃郁過我哋嘅鮮牛加沙嗲汁😂 下次一定要試吓！）👅鮮牛油西多士啱啱炸起熱辣辣👍 唔油膩裏面有花生醬但唔算多，我同朋友都覺得可以加多啲會再香啲😁整體都係出色😋 會再嚟試下沙嗲牛同炒牛肉😎…查看更多

👅雙併湯餃（芫荽鮮肉&冬菇馬蹄鮮肉）芫荽好香😋 鮮肉肥瘦適中馬蹄好爽口，仲食到冬菇嘅香味，兩款都唔錯👍重點係個湯底完全係媽媽煲冇味精兼好足料嘅味道，好好飲！🫶🫶⭐️花生醬西多士花生醬足料，四邊炸得幾脆，但略嫌中間有少少油膩🤏環境乾淨，餃子平價得黎坐得唔迫夾👍姨姨們服務態度很好，親切又窩心，抵讚！🙌🏻…查看更多