魔戒小王子的個人專頁

一直都有去呢間日本餐廳開飯 , 個人十分喜歡佢整的食物 ,每次食完都會感到無比滿足 , 我最欣賞他們的食物跟圖片是一樣的 !!食物方面我認為水準是一流的 , 相對起某大型日本連鎖餐廳 , 神田既食物絕對係好食好多 , 而且仲有好多特別既菜式出面係食唔到 .三文魚刺身 - 真係好好食 , 好多油係個口入面質感一流 !叉燒拉麵 - 叉燒肥瘦適中 , 而且整得好淋好易入口 , 整舊肉會溶係口入面 , 就好似食左日本和牛一樣 !麵條非常煙韌彈牙 , 入口非常清爽 !雜錦天婦羅 - 真難相像為何神田只有三種天婦羅選擇(海老/野菜/雜錦) , 而且連蕃薯也沒有 , 的確令我有點失望 . 味道上不過不失 , 喜歡洋蔥的朋友可以一試 !之前還試過蛋包飯 , 絕對係驚喜之作 , 外型非常吸引 , 味道一流 , 薄薄的蛋包著一粒粒的飯再加上適到的醬汁 , 令我回味無窮 !大眾化的價錢 , 相比起連鎖店天便宜了許多 , 舒適的環境我一定會繼續光顧 ~~~ …查看更多

前一陣子舊同事約埋一齊去呢間野食火鍋 ,放工6點幾一早就到左仲攞埋位等夠鐘 , 望落樓下位置仲舒服過樓上 ,環境實在麻麻 , 剛剛有班類似本地大學生的物體也在打邊爐 ,令到本來已經唔係好大既地方更加細少更加嘈吵 .食物水準不過不失 , 同出面酒樓既味道差唔多 , 最重要既肥牛都有一定既水準 .如果你唔怕嘈又唔怕迫的話可以一試 ~…查看更多

26/1今日同女友行街, 去到紅磡又未諗到食咩,咁岩行到去呢間餐廳門口就走入去試下,我地叫左兩個平價鐵板餐, 出乎意料份量十足,豬扒拚火腿扒有2塊豬扒+1塊火腿扒,牛扒拚腸仔有3塊牛扒+3條腸仔,雖然唔係什麼頂級好味既牛扒豬扒,但係味道的確唔錯, 絕對唔失禮!不過餐湯就差了一點點, 湯唔夠濃,仲有就係薯菜好明顯炸得太耐唔好食!侍應服務都OK , 人手充足揮揮手就有人埋黎!總括黎講呢餐又平又抵食, 食物種類繁多,環境又舒適, 非常適合一定大少去聚餐!…查看更多

上星期成班同事去左食晚飯, 8個人叫左個套餐再加兩個餸 ,非常神奇地上菜唔跟次序,一時就上條魚一時又上翅,食物本身水準唔差, 就係服務就差到不得了,經常要再三催促先有餸上, 為什麼金龍船會變成咁的> <…查看更多

平安夜周圍都好多人,結果見到呢間餐廳無乜人就走去食左個晚餐,食物就普普通通, 未去到好難食既地步,但係服務就麻麻啦, 人手唔夠,叫杯餐飲等左10分鐘先有,經常性要等好耐, 奇就奇在主菜又唔係等好耐,杯餐飲就非常耐, 見佢環境都OK就算數吧,不過價錢同服務就唔係好成正比.…查看更多

01/01/2008 為慶祝08年來臨, 去左呢間酒樓食火鍋,價錢都唔太貴, 平日9點前就$65一位,包湯(8款)底另外加茶芥錢, 有幾樣飲品任飲,連罐裝汽水(百事)啤酒都有得任飲,環境都算唔錯, 唔會覺得好迫,侍應充足揮下手就有人招呼你,食物水準平均, 肥牛切得好薄,肉質一流又唔會太韌,其他食物種類都好多, 包你食到心滿意足咁離開!…查看更多

自己係附近番工,有時會一大班同事去食飯,食物味道唔錯,小菜小炒味道一流, 員工態度可以接受,不過要自己搵位唔係咁方便,呢間餐廳最得意既地方係有中國茶飲,食飯加幾蚊就有壺茶飲都幾寫意.裡面的燒味聽說不錯, 可以一試!唯一唔好就位環境差少少, 廁所又好污糟,卡位好硬坐得唔舒服, 要改善一下~…查看更多

上次去左西九龍間椰X閣到食野,今次試下呢間睇下好唔好食!整體感覺唔錯, 侍應充足,揮一揮手已經有人招呼你,侍應態度都唔差, 只有小部份講說話太快又唔清楚,食物水準都OK又夠熱, 我叫左個肉眼扒,女朋友叫左個西冷扒, 兩個份量都足夠.肉質雖不算極品, 但食落去都唔差.但裝湯的器具有很多破口,呢樣有需要改善一下,其次係間唔中有小昆蟲飛黎搭枱 ,有需要增加滅蟲工作.整體感覺比樓上某間餐\廳好好多, 雖環境有所不及, 但食物水準較皆, 可以一試!…查看更多