clare小公主's Profile

想食西餐﹐見未試過西班牙菜﹐於是專程黎試。座位分室內同室外﹐侍應帶左我地坐出面０既對海露台位﹐環都幾唔錯。叫左海鮮菠菜忌廉意粉、salt 焗鱸魚、牛柳串燒、兩杯特飲。首先黎左兩杯特飲﹐冇咩特別﹐但就幾得好唔夠凍。意粉都幾creamy﹐餸 有魷魚、魚柳﹐蝦﹐不過portion唔大﹐買百幾蚊一個就唔多抵。牛柳可以﹐夠肉汁唔會燒得太乾跟住等左好耐條魚都未黎﹐問個waiter先話原來呢條魚好花功夫整﹐起碼要等半個鐘…落單時又唔講﹐早知條魚咁巴閉要等咁耐就唔叫嘛食完之前上0既菜﹐等左差不多半個鐘﹐條魚終於黎。眼見一大舊白色立體物體上枱﹐原來果舊白色外殼全部係salt黎﹐真係好堅！心諗比咁大舊salt包到密不透風﹐一定好鹹﹐但食落又唔係﹐條魚都算滑但略嫌太多骨﹐亦有少少鯹﹐味道唔算討好。埋單400 幾﹐貴貴地﹐又唔係咁0岩口味﹐下次食西餐去LITTLE ITALY 好過。…Read More

小公主大日子﹐早一星期前已book 定位。book位前一日及當日都有staff 打黎confirm booking﹐莫非真係咁full?對上果次黎已經係兩年前﹐今次再黎感覺差唔多。地方係幾grand﹐話哂五星級酒店﹐服務都幾好﹐除左淥意粉0既哥哥仔有少少黑面﹐可能佢成晚對住個鑊煮意粉太熱太辛苦﹐所以冇咩笑容。食物款式算多但唔及會景多(暫時未見過一間多過會景)。味道冇咩特別﹐非常極之普通﹐論味道萬豪優勝一籌。有印度、淥湯粉、意粉、點心、沙律、sushi counter。係咁倚食左少少咖哩雜菜﹐淡左少少；牛柳-幾林有肉味多肉汁；雞柳-唔幾得咩味(因為太普通)；炒飯幾好﹐唔太乾太林﹐仲有蠟腸﹐有咬口；炒時菜海鮮0既帶子幾好味；燒味都幾多款﹐有乳豬、燒肉、叉燒、油雞、片皮鴨(一般酒店通常只有雞同叉燒)。叉燒好瘦不過亦因為太瘦變得口感太硬太乾﹐果晚0既油雞太肥﹐燒肉又係勁乾﹐想食埋片皮鴨﹐但懶得搵塊皮夾﹐所以冇試到﹐但睇個樣麻麻﹐我諗萬豪會好食d。點心又係比一般酒店自助餐多款﹐而且幾精緻﹐味道比想像中好﹐唔知食左個咩餃﹐唔錯。湯就有燉湯﹐幾清不過略嫌淡左少少﹐不過鐘恴入面0既竹生﹐好爽；意大利雜菜湯(好似係)唔好飲﹐可能個人口味偏好creamy0既白湯。即淥粉麵好多料揀﹐花多眼亂…金菇、雲吞、草菇、冬菇、豬、牛、雞、幾款丸、魚旦、海鮮…粉都有五至六款﹐湯底有豬骨及喇沙﹐雲吞幾爽口﹐蝦都係﹐湯底個人喜款豬骨多過喇沙；意粉試左墨魚汁麵同波菜麵﹐配草菇及火腿最好﹐白汁幾reamy﹐師傅煮得0岩0岩好唔太多水或唔夠汁﹐不過兩檔粉麵都排長龍﹐要等5-10分鐘。冷盤方面﹐一如以往﹐見到生蠔過門不入﹐食左西班牙風乾火腿﹐依然覺得好臭﹐泰式沙律始終都係唔鐘意果種酸叔味﹐見到有舊白色野﹐以為係凍豆腐但食落先知係芝士﹐又幾好味。果晚weekday都好多人﹐cafetoo果然好爆場。埋單around800兩個﹐貴﹐但都係食地方食環境﹐係咁上下。…Read More

黎食lunch﹐見到有tirmasui、cheesecake呢d西式蛋糕﹐於是叫左個blueberry cheesecake同iced latte。blueberry cheesecake唔好食﹐好散﹐冇cheese味iced latte 冇咩特別﹐不過以佢質素﹐買22(好似)就唔值。服務唔得﹐粗聲粗氣又冇笑容。扒王之王成日想走高檔路線﹐但又唔夠班﹐食物質素差﹐裝修只屬光線暗d0既茶餐廳﹐服務更有待改善。…Read More

新開﹐加上難得旺角咁龍蛇混雜0既地方會開間五星級酒店﹐又加上放工行過幾個街口就到﹐於是順理成章黎試新野。原來呢度未完全開放﹐只係開左幾間食肆﹐外牆仲裝修梗。去到好少人﹐大約只有4成客﹐maybe新開唔多人知…見幾本雜誌介紹﹐都話呢度買點係樓底高(7米)﹐同埋有20尺長0既open kitchen。不過去到先發現不外如事。講樓底高呢度唔及海逸高﹐講open kitchen大同長﹐相對會景則望塵莫及﹔地方唔算大﹐我諗坐滿哂都唔會坐到好多人。不過裝修都算幾雅致舒適﹐加上唔多人靜靜地﹐所以都算坐得舒服。食物就兩個字：唔掂好少食物﹐我數過﹐熱盤得14款﹐仲要唔多0岩食﹐最慘就係有d食物同我樓下茶餐廳買0既一樣﹐味道亦相差無幾。菜心牛肉炒麵、金銀蛋x菜…exactly係平時同屋企人到樓下茶記叫果d…首先食左串燒牛肉﹐牛肉都算大舊同林﹔香草豬扒﹐冇咩特別﹐不過印像中好鞋﹔咖哩牛肉難食(好蘇)﹐隔黎放左白飯用撈咖哩牛食(唉﹐得白飯冇炒飯﹐cheap)﹐由於咖哩牛咁難食﹐令我提唔興趣食跟住落黎0既咖哩雞同印度魚﹔有燒牛肉﹐不過冇食到﹔煎大蝦﹐可能唔好彩﹐揀到隻蝦0既肉有少少梅﹔炒麵淡左少少﹐不過由於冇咩好揀﹐所以呢個算係食得最多﹔有即煮意粉﹐要左白汁蝴蝶粉﹐煮粉個哥哥仔未"鯨"乾水就拿拿林將d粉倒落隻碟到﹐搞到成碟意粉都好"水汪汪"湯有兩款﹐蕃茄濃湯同粟米魚肚x﹐前者太酸太濃太杰(可能係個人口味問題所以覺得麻麻唔關湯本身0既質素事)﹐後者就ok﹐飲左兩碗。sushi都幾多款﹐魚生有最basic兩款三文魚同吞拿魚﹔冷麵太太太林﹐口感好差﹐一口咬落食pat野咁。salad都算多款﹐食左個有粟米﹐同青瓜﹐麻麻地。冷盤仲有試左生牛肉﹐同唔知咩瓜﹐ok。甜品好少﹐一張仔放哂。有朱古力噴泉﹐用棉花糖點﹐太甜太溜﹔tirmisui ok﹐不過略嫌唔夠酒味﹔芒果西米最正﹐唔太甜有口感﹔朱古力mousses太苦太濃﹐唔0岩小公主口味﹔cheesecake幾好﹐幾重cheese味﹔生果有西瓜、melon、菠蘿﹐西瓜同melon好甜﹐菠蘿太酸﹔仲有食左幾舊糕﹐印像一般。服務殷勤有禮。weekday埋單連tips 520 兩個﹐價錢唔貴但唔會再去。…Read More

同豬仔黎食lunch﹐黎到12點幾﹐可能未係lunch hour高峰期﹐所以唔駛等位﹐不過就要坐吸煙區lunch set 由$38 - $48不等﹐要左泡菜炒飯﹐加$5 轉果汁(原價$18﹐星期一至四單叫就$10)﹐果汁有差不多十款選擇﹐我地揀左奇異果汁﹐另外單叫一杯甘荀汁泡菜炒飯用個石窩上﹐份量都幾少﹐女仔可能0岩0岩好﹐男仔一定唔夠飽﹐因為用石窩上﹐非常熱熱到辣口﹐唔錯﹐味道都ok﹐不過油得滯奇異果汁冇咩特別﹐但要一提係杯甘荀汁。我從來未飲過咁難飲0既甘荀汁﹐冇甘荀味不特止﹐仲要係酸﹐好懷疑飲梗果杯唔係甘荀汁食完走時1點鬆d﹐開始多人要排隊﹐我諗平時lunch time呢度都係幾爆場…Read More

weekday黎食dinner buffet呢度對住連卡佛﹐所以感覺好似坐響個商場食飯﹐但好彩我地坐得入﹐環境似返少少酒店格局廁所要出返去"商場"行到盡頭同連卡佛共用﹐好唔方便食物選擇好少﹐味道亦麻麻﹐都幾令人失望。首先食左鵝肝醬﹐拎左塊法包伴食﹐我唔係識食﹐但都覺得d鵝肝醬麻麻地﹐因為好"蘇"﹐之前食果d唔係咁蘇﹐塊法包又鬆又粉又散﹐麵包鋪0既隔夜麵包都好過佢﹔有muffin﹐ok﹔食左個唔記得叫乜名0既沙律﹐靜係記得有粟米同勁難食﹐食完怕怕﹐加上選擇太少0既關係(得3,4款沙律)﹐冇再食其他冷盤熱盤選擇又係少﹐夾埋十款都唔知有冇﹐而且普遍唔夠熱﹔食左非洲雞、菠蘿炒牛肉、蘋果豬柳、炒飯、上海粗炒、肉醬千層、炸茄子﹔食完都冇咩印像﹐靜係記得大部份食物都遍淡﹐炒飯好硬﹐炸茄子難食湯有兩款﹐唔知咩忌廉湯同冬瓜瘦肉湯﹐難得0既係連湯唔熱…忌廉湯又粉又唔creamy﹐唔好飲﹐冬瓜湯就ok燒肉counter有0既唔係一貫0既燒牛肉﹐而係燒豬柳﹐但0岩0岩熱盤先食完幾乎一模一樣0既豬柳﹐而家即切0既肉又係豬柳…有淥粉麵檔﹐麵底可選擇河粉或油麵﹐就得牛肉一款﹐如果真係要揀就一係揀要一係揀唔要﹐湯底浧暗紅色﹐不免令人覺得係牛肉血水…有細細個角落放印度食物﹐好似有印度燒餅﹐印度炒飯﹐都冇試到甜品又係少得離譜﹐一張圓放哂。夾左件好細件0既cheesecake﹐但食落有怪味﹐食左一兩啖就冇食﹐士多啤利千層酥餅ok﹐豆腐花夠滑不過唔夠熱﹐而且refill得慢﹐有幾次出去都係得個吉盤(好唔鐘意去酒店食見到呢個情況﹐話哂比其他餐廳收貴咁多﹐"吉盤"呢d寒酸情況唔應該出現)有staff拎住一盤二盤法式脆餅周圍走﹐要就比一塊你(雖然係buffet﹐但唔係放出黎任你拎…)﹐呢個係呢間酒店招牌菜﹐所以即使見到冇咩特別(好似一塊梳打餅上加左少少料)都照要﹐黎左三轉﹐要左三塊唔同款﹐食落好脆﹐但冇乜特別﹐有d名過其實埋單時唔問都唔比餐飲我地﹐既然餐飲係包埋而客人到埋單時都冇叫到﹐d staff應該提醒客人﹐但佢地唔問都唔講﹐會令客人誤會係唔包﹐然後搏客人唔叫就走﹐好似想慳返杯飲品咁0既款﹐唉,咁0既酒店服務…埋單兩人好似560 幾﹐唔貴但唔值﹐冇下次…Read More

平時去尖沙咀經過朗廷酒店就多﹐但就未入過去食野﹐咁0岩想同豬仔想去食buffet﹐見呢間酒店個殼都ok﹐於時黎呢到試下原來呢到地方都幾細﹐d位都幾迫﹐出出入入有時都會撞到隔離枱﹔但呢度環境都算幾靚幾舒適﹐加上我地坐window seat 望到街景都唔錯食物款唔多﹐但味道可以。因為去到餓餓地﹐所以先食燒牛肉﹐牛肉切得夠薄而且唔肥亦有肉味﹔串燒有牛肉同雞肉﹐雞肉燒得太乾﹐牛肉就好少少﹔芝士焗西蘭花芝士味濃郁﹐但可能本身唔鐘意較硬身0既西蘭花﹐我覺得麻麻地﹔紅酒雞真係好"紅酒"﹐一咬落去已經食到好濃烈0既酒味﹔白汁龍利柳好滑﹔素菜煎蟹餅好香口﹐所以食左兩轉﹔焗肉醬闊條麵好好食﹐食左三次﹐不過如果係白汁更好﹔有楊洲炒飯﹐由於終意食炒飯﹐所以食左都幾多﹔有張枱專放印度食物﹐食左咖哩雜菜、咖哩牛、咖哩魚﹐當中咖哩雜菜最好味﹐重椰奶味﹐咖哩香得黎又唔太辣﹐用黎撈印度炒飯食好正﹔咖哩牛蘇左少少﹔咖哩魚唔掂﹐加左咖哩都鯹﹔湯有兩款﹐雜菜湯同冬瓜搖柱燉鴨﹐個燉湯好得﹐好好飲﹐就我所見﹐呢個燉湯亦好受其他食客歡迎﹐仲有食左其他熱食﹐但因為印象唔令人深刻﹐所以都唔記得食左咩﹔另外﹐冇即淥粉麵﹐較為失色沙律、sushi﹐魚生冇食到﹐所以唔知質素如下﹐但立下眼唔係好多款可以揀有好幾款cheese﹐不過不嬲好少食呢d切開一片片咁硬0既cheese﹐所以唔知咩味﹐但選擇好似比其他酒店多少少由於飲左好多"中"燉湯﹐飲到成肚水﹐搞到個胃冇咩位放甜品﹐但見到雪糕竟然係movenpick(好落本)﹐所以食左4殼: 其中tirmisui同開心果味最好味﹐但太溶﹐一pat pat咁﹐口感唔多好﹔甜品印象最深刻係食左炸雪糕(對於我黎講好fresh好新奇﹐因為未試過)﹐呢個甜品好好好好味﹐外熱內凍﹐皮炸得香﹐雪糕又滑﹐兩者配合得天依無縫﹐加埋雲呢拿汁﹐一絕﹔但因為好飽仲有好想食0既cheesecake同bread pudding都冇食到﹐至於tiramisui雖然我冇食到﹐但見豬仔一次食左兩件﹐應該都唔錯掛﹔新鮮生果有西瓜同蜜瓜﹐好大舊好靚﹐個樣好甜﹐但可能食完雪糕先食佢﹐食落就好淡服務殷勤有禮兩人埋單560﹐acceptable﹐但唔可以話低食﹐因為食物選擇偏少…Read More

小公主今日晏就食得唔係好多野﹐所以好快餓餓地﹐於是去美心買個提子包醫肚。揀提子包係因為感覺冇咁肥同咁滯個提子包苦左少少﹐比一般麵包店苦﹐而且放得太耐比較乾﹐以美心黎講﹐個人覺得佢0既蛋糕做得比包出色一直以黎小公主對美心0既包0既評價都係一般﹐不過以前美心有個包深得小公主同佢父親大人歡心﹐就係滷水雞包(提到呢個包令我諗係一個好朋友﹐因為係佢介紹我食) ﹐其實個包係叉燒包﹐不過將豬肉餡轉左雞肉﹐好好味嫁﹐但而家好似消聲匿跡…Read More

今日唔再係食焗薯或熱狗﹐試下其他未試個0既餐：黑椒蟹柳牛角包。轉左包底做三文治軟包﹐原來套餐過$35加$2就可以要埋triamisui(唔過$35就加$9)﹐見咁低所以要埋個tiramisui包饀0既黑椒味都幾重﹐不過蟹柳就梅左少少同埋份量都幾少(我諗係撞手神﹐咁0岩整包個哥哥仔輕手左dd)﹐個包清清地唔太滯都幾好(冇焗薯同熱狗咁飽)﹐如果唔係好肚餓時食就幾0岩tiramisui同上次一樣保持水準﹐有酒味,唔太濕或太硬﹐texture0岩0岩好﹐雖然係細細杯﹐但只係加兩蚊都算係咁今次杯iced latte太多奶(真係好睇整野食0既staff0既手神)鐘意呢度有light 7-up(順帶一提：假日響delifrance食個lunch真係幾relax)…Read More

難得打風有半日額外假期﹐點會放過食餐好0既機會。但橫風橫雨出唔到遠﹐所以被迫滯留響上水﹔由於選擇少之有少﹐所以去左元綠(平時即使想食日本野都好少去)因為打風關係﹐明顯比平時冇咁旺場(平時食飯時間門口塞哂等位0既人)﹐但都唔係話好冷清(7,8成滿坐)﹐原來都有唔少人好似我地咁﹐襯"放假"出街食飯講返正題食左幾蝶sushi﹐玉子sushi舊蛋好大舊又甜﹐食得好開心﹔北寄貝營養不良﹔花卷d沙侓幾好食﹐但我始終唔係太喜歡三文魚﹔辣冷麵雪得太耐﹐好硬一舊舊﹐不過酸酸辣辣味道唔錯﹔仲有叫左幾碟suhi﹐但冇咩特別另外order炸BB河豚、炸豬扒煱、炸餃子烏冬(地獄湯底)、叉燒拉麵(又係地獄湯底)、炸蔥油雞第一次食河豚﹐食落覺得道同普通魚冇咩分別但就冇魚0既鯹味﹐而且d肉好滑﹐炸得又香口﹐唔錯﹔炸豬扒鍋0既湯底係豉油﹐有隻生蛋比你倒落去﹐底有洋蔥﹐我覺得呢個dish太鹹而且如果有烏冬墊底會好d(和民有)﹔餃子烏冬0既餃子同烏冬分開上﹐唔會令餃子浸淋﹐地獄湯底唔錯﹐辣度適中﹐不過烏冬淋左少少﹔叉燒拉麵d叉燒好瘦而且好厚﹐唔錯﹐但我都係鐘意肥少少0既叉燒﹐拉麵texture唔錯﹐比烏冬好﹔炸蔥油雞好乾﹐淋左少少似平時屋企點白切雞0既蔥油﹐我覺得麻麻地連埋兩罐汽水埋單330幾﹐比我預計貴左少少呢餐不過不失﹐不過食日本野都係和民好d…Read More

行過口渴於是買杯咖啡飲下而家cut左另外一半﹐地方細左好多新出左個mocha brownie﹐之前見雜誌介紹過,係張舊brownie放入杯mocha到一齊搞﹐幾得意心思思想試﹐但由於太渴﹐呢杯野又一定點到爆唔夠liquid唔解渴﹐所以冇叫到本來想叫香蕉latte﹐但賣哂於是叫左vanaila latte冇咩vanaila味﹐而咖啡味就好重﹐我都係比較鐘意starbuck0既咖啡﹐咖啡味重得黎唔會好似pacific咁苦33 貴貴地…Read More

下午茶餐--喇沙札肉米粉好少響美心食下什茶﹐如果唔係打風放假都冇呢個機會個麵0既湯底味道ok﹐幾重椰奶味﹐不過太油而且唔夠熱米粉太淋幾大碗﹐買十幾蚊﹐底而家美心都有cokelight(其實有左一段時間)﹐與時並進﹐very good…Read More

行過starbuck眼前為之一亮﹐因為見到張poster印左杯好靚0既粉紅色飲品﹐見呢個新推出0既飲品外表咁吸引﹐於是貪得意試下$33 大杯裝﹐都唔平﹐但平時係到買杯咖啡都$30﹐所以是鬼但杯straberry frappuccino唔係得個樣﹐都幾好飲﹐比starbuck其他frappuccino好﹔唔太甜,淡淡士多啤利香味﹐頗重奶味﹐最鐘意上面果大pat cream﹐好滑﹐不過好滯飲完好飽﹐而且呢杯野一定肥死人﹐不過偶然一次半次就冇所謂奇異果汁好"鯹"(草青味特別重)﹐個人唔係太鐘意見佢d blueberry cheesecake好似幾好味﹐但因為0岩0岩食完飯太飽所以冇試到﹐下次有機會要試下…Read More

星期日晚黎食dinner﹐要排隊﹐但都好快有位。入到先知要坐bar位﹐但難得唔算油煙，所以ok。呢度主要食拉麵﹐可以揀三種湯底：麵鼓、豬骨、鼓油﹐﹔我地冇expect有鼓油湯底揀﹐因為通常都係前兩者比較common﹔我地要左雞扒蝦天婦羅拉麵配鼓油湯底﹐另外有個沙律同橙汁﹐仲有另外要多個麵鼓湯拉麵ok﹐算彈牙﹐但湯底唔得﹐一d都唔"鼓油"﹐唔講以為係麵鼓﹐而且都幾油下﹐配菜果半隻蛋幾好味﹐雞扒冇乜特別﹐成碗麵好大碗﹔蝦天婦羅我冇食到所以唔知好唔好味﹐不過就我所見都幾細隻﹔致於個麵鼓湯﹐我未見過咁油0既麵鼓湯﹐因為佢落左豬肉一齊煲(我未見過落豬肉煲0既麵鼓湯)﹐個人唔係咁鐘意橙汁好細杯﹐懶係鮮渣咁﹐但飲得出唔係﹐而且難飲整體黎講呢d拉麵唔算excellent﹐但都算唔錯﹐比係好多拉麵店好staff幾有禮貌(比以前改善左好多﹐以前可以用劣黎形容)﹐做野爽手收野收得好快﹐因為多人等位﹐坐得唔係咁舒服順帶一提﹐果度煮麵阿嬸一路打牙較一路煮麵﹐係咁對住d麵噴(口水)又唔帶口mask(個廚房咁open做下樣都好丫…)﹐而且仲見到佢地用手指new眼﹐真係唔多衞生喎……Read More

綠豆新地-- 綠豆味淡﹐不太濃烈﹐一般冇乜特別粉紅芬達-- 見個STAFF筆左殼士多啤利醬落杯汽水到再加多PAT雪糕就搞掂﹐但味道我又覺得OK藍色芬達-- 呢隻撈藍莓醬﹐但我覺得士多啤利好味D菠蘿特飲-- 雪碧溝雜果﹐口渴飲幾好…Read More