食到爆肥仔的個人專頁

同朋友行開上水，去到呢間個名幾得意嘅餐廳食飯，海盜王。入面裝修都幾骨子。朋友就食咗個意粉，我就要左個薄餅，大概等左15分鐘。意粉同薄餅都上咗了我朋友要個個係雜菌火腿焗意粉,但係成個意粉祇有火腿和意粉,啲雜菌就唔知去咗邊度？定係其實佢比錯第二張枱嘅意粉我地？r頭。個薄餅仲恐怖。我都唔知點樣可以形容呢個係一個薄餅，見到個樣都無胃口了，價錢又唔算便宜，但係呢啲食物，真係接受不到…查看更多

食完一餐飯，但係就唔係好飽，於是就去到聯和墟群記諗住食碗牛丸，仲係細就算數，群係一間老字號嘅粉面店，主打係豬手同牛丸仲有豬肉丸，而我就比較喜歡食牛丸。唔知係咪好耐冇黎。餐廳感覺上好似小人左。呢間餐廳保留着7.80年代風格。個餐牌嘅價錢其實到今時今日我都睇唔明， 同夥計要左一碗細牛丸。細都有成8粒咁多，例牌會附上辣椒油。牛丸店上辣椒油味道幾好。但牛丸個湯底呢幾年係唔係用得好多味精？感覺味道好唔自然。湯裏面仲有豬手嘅渣？一個好奇怪嘅味精湯。＄32。尚可接受。如果想懷念下7080年代風味，絕對可以去試吓…查看更多

食完一隻名氣大實際普通嘅三多炸雞脾，向前邊行經過一間麵店，見到有花雕醉雞賣，睇一睇以為自己眼花22元？好就等我死肥仔入去試一試。小型麵店格局，望一望個餐牌，所有食物價錢都不唔算貴，基本上係平嗰隻，雖然多數食物同價錢係相比。但一於就試吓佢嘅牛腩同埋醉雞。醉雞原來係一隻醉雞脾。花雕酒嘅味道並未可以全部入晒雞入面，但係呢隻明顯雪藏雞價錢，就出奇冇雪藏味。雖然只有淡淡好輕微嘅酒香，但呢個價錢真係冇得講，牛腩麵嚟到個感覺其實真係好普通，唯一好奇係我叫嘅係清湯腩麵，但係呢個根本就係普通魚蛋檔食嘅牛腩麵一。一何來清湯？牛腩食落去並唔係煮到好霖。有口感，味道都幾好。32元有成7.8舊牛腩。真係正。老闆同服務員態度好好。好有舊時嘅人情味老店風味。其他客人都飲凍飲。係我好奇問有冇水賣。老闆好好人親自比杯水俾我，仲叫我慢慢飲唔夠可以講。一杯溫暖嘅水，加一個溫暖嘅老闆。簡單來講呢間許記，值得再去…查看更多

聽就聽得多，一直冇乜時間走去試食，今日咁啱經過大埔，就試吓呢隻三多雞髀，係咪傳聞中咁好味，一入到去坐低，睇下個餐牌，個價錢都唔算平，一隻雞比30，好一於試吓佢隻炸雞髀，仲要中辣個隻，等左10分鐘到，炸雞髀到，都尚算有我呢隻肥手咁大，上面佈滿辣椒粉，一談咬落去，係幾香脆，但係入面其實好似冇乜點調過味，辣味完全靠嗰啲辣粉，失敗一。一雞髀入面尚算可以，肉質尚算軟身。但係講到幾特別幾好味。我就完全感受唔到。＄30，1隻雞比。連一罐可樂。埋單40元。作為一隻炸雞比尚算可以。但係辣就完全一回事。完全係只求辣粉。唉…查看更多

講真＄138打邊爐任食連加1 都係150元到。好多人都會話人哋會唔會俾屎你食㗎？會唔會得個10樣8樣野你食？小弟同朋友的兩個人就想去試吓@@八點半總是入座，由於小弟好鍾意打邊爐。基本上都好清楚明白呢啲所謂嘅飲食火鍋，你寫30樣嘢，可能到得10樣，所以我大筆一揮，簡簡單單寫左20.30樣嘢先，啲夥計態度都幾過癮，明明有得俾我係字到揀湯底，但係就永遠問我攞咗咩湯底先？事後先知原來啲服務員驚廚房唔記得比湯底我哋，令到我哋食嘅時間少咗。呢方面真係要讚下佢哋，8:35我落左單，等左大約15分鐘，途中我出咗去出面攞咗啲汽水，豉油原來都係自己攞嘅，出面有沙冰有糖水仲有雪糕食。當然啦138等係食維紀雪糕啦。15分鐘後我就開始後悔我頭先嘅大筆一揮會唔會誇張咗少少。基於小弟，人有錯手寫咗兩張紙，大約15分鐘後。我就做咗個英明決定搵多個朋友上嚟食。點解？因為第二張單啲料又送上嚟了。介紹吓有咩係值得回本嘅先。海蝦一定要食，廣島蠔，花膠，魚片。@@138平到爆。值得推薦大家來食。唯一有缺點係始終依家係酒樓，服務員未必真係可以招呼晒咁多台客，可能有時回應係會慢咗少少。希望大家會體諒下啦。…查看更多

夜闌人靜，有時自己夜晚12點去食飯都幾慘情，行經石湖墟見到呢間東記餐廳，其實本身係想入去啊食點心算數，不過入到去夥計幾熱情招待同天氣都覺得有啲寒冷，夥計熱情介紹就試咗個魚煲，個魚煲其實食落都幾可以嘅，但問題等時間太長，所以我食左幾個點心，呢間餐廳啲點心原來夜晚係即叫即蒸，所以又係要等得耐。簡簡單單一餐飯食咗接近個半鐘頭。點心平均大約＄20一碟。其實都幾貴下。不過講真夜晚12點你都冇咩選擇可以。平心而論，個煲係唔夠兩個人食。反而食個煲嘅價錢，我會建議大家食點心好啲。…查看更多

又到開飯時間，路經呢間粉面檔，上網睇返食評基本上一致好評，但係食嘢好個人口味梗係要自己試吓先知道堅定流啦？未入到門口就見到個男人好熱情咁樣向我打招呼，個人感覺好似係老店嘅方式招待，幾有舊時嘅人情味，上網話呢度嘅牛腩面同雞翼味道非常好，正好我走時間係四點半左右，睇到佢啱啱出爐嘅雞翼。二話不說就要左碗牛腩麵同埋兩隻滷水雞翼。果然係老字號店，仲有支裝汽水可以買來飲。唔知大家點諗啦，今時今日我都覺得支裝汽水係最好人最有氣，識飲一定飲支裝可樂。唔使5分鐘麵同雞翼都上晒係我枱面。滷水雞翼嘅時間整得啱啱好，雞肉軟綿綿，但仲有一啲口感，衰啲講無牙都可以食到。雞翼已經入晒滷水嘅味道。牛腩面？你睇我差啲連湯都想飲埋佢就知咩事啦？一間味道唔錯嘅鋪頭，老闆夥計員工態度都好好。值得大家入嚟試下。70幾蚊有人可能會覺得好貴，但係有服務質素食物味道好。就會覺得物超所值，咁認真如果係食牛腩麵都係＄35…查看更多

同女朋友行街，行行吓就講起台灣食小籠包開心。女朋友應該系屬於迷戀小籠包類型。記得上次同佢去台灣七日。我就食足七日小籠包一。一原先諗住四月同佢去旅行先再食小籠包。點知行過上海姥姥，俾女朋友發現個餐牌有小籠包，香港小籠包做到皮薄入面餡料有多係好少地方有，所以其實我個人就唔係好鍾意係香港食小籠包。不過女友喜歡就陪佢入去食一次，嗰時正式下午茶時間都冇乜客人，咁我哋就帶咗兩個下午茶餐兩個都食小籠包，女友就要左個貓耳朵，我就叫咗個好似腐皮卷嘅嘢。另外加多碟醉雞。小食上咗腐皮卷同埋貓耳朵都幾好食。重點梗係想小籠包啦，女友一啖就一隻，食完都覺得個味道尚算可以個皮都叫做薄，但係個小籠包最頂個位都係好厚，稍微有啲影響口感，醉雞就幾入味，可惜係貴左少少。成餐下午茶都覺得幾好食，稍為價錢係貴左少少。小籠包應該仲可以再進步多啲，服務員都幾好禮貌，話頭醒尾。下次都可以再去食當然小籠包等台灣好食啲啦。哈哈，不過未去到台灣去上海姥姥食住先都可以。…查看更多

同個同事食飯，等係搵間經濟實惠茶餐廳食下，新一天之前係做火鍋店，依家改咗正式做返茶餐廳。其實本身想新一天都係做茶餐廳起家，不過結左業之後就冇開幾個月，開返就變咗做火鍋店，ga重新裝修正正式式做返間茶餐廳，我就幾開心，因為新腳痛出名大件兼抵食，同同事買左兩個飯食，我想就要左蒸肉餅食，講真唔好期望太過高，40幾蚊一個蒸肉餅，我要飯另外上，加多杯凍飲同一碗湯。簡單啲價錢同食物絕對合乎。味道尚可，最重要服務員姐姐非常之有禮貌。見你飲湯飲得快，你想飲多碗佢都好樂意送多次俾你飲。今時今日有個滿口笑容嘅服務員係真係好難得。值得大家平時食飯考慮下呢間茶餐廳…查看更多

同女友行完街，係大埔商場不知食咩好。係食壽司食漢堡包咖喱飯之間，最後去左食呢個銀咖哩飯。感覺天氣凍食呢樣野最穩陣，睇相睇到過好像好大。又講到自己好重量咖哩山飯，買完飛就搵個位坐，上菜快到。點知一睇，圖片仲衰過只可以參考，真係要用一劈野形容。香腸衰過廚師腸好似大陸一蚊一條嗰啲，個塊乾到冇朋友嘅豬扒，硬過塊餅乾，個咖哩就凍嘅，個飯就唔使講啦都係凍，今日天氣得四度，自然叫佢汽水走冰，但你真係估佢唔到，個汽水居然可以係熱嘅。大家如果有興趣我會介紹你試吓打怪獸。…查看更多

今日食午飯，喺上水行左好耐搵到居然有一間火鍋店有午飯供應，睇番價錢＄40樓下都算可以，咁就同女朋友入去食下試吓，帶咗個藥膳雞湯飯同埋一個胡椒豬腸飯，之後先發現原來仲有小菜客飯可以食，40幾蚊左右年紀平就嗌多兩個小菜食，等待食物期間發現原來火鍋店應該有好多漫畫嘅朋友幫襯過，因為見到好多香港漫畫家嘅親筆畫都掛咗係上面，相信都會令到啲客人等候期間可以去欣賞下。食物上枱味道ok，藥膳湯飯有幾香嘅藥材味，兩個小菜都炒得出色，雖然個豬扒有一件係小部份未熟透。但都完全可以接受。服務態度兩位小姐都幾好值得推介大家下次再嚟食飯。…查看更多

鋪頭新開專登去試吓，聽朋友講話呢間漢堡包店好好食，同三位朋友滿心歡喜去食飯，點餐時間好快，等左10分鐘左右就送上枱，但好可惜個包就凍嘅，d炸雞就炸到燶左，薯條可以淋到好似食薯蓉感覺，個雞塊就凍冰冰衰過食麥當勞啲麥樂雞。成個餐最好食最好飲竟然係個粟米湯。因為呢個係唯一我覺得真係夠熱嘅嘢呢個價錢同食物完全唔成正比。朋友話其他鋪頭好食好多。希望呢間公司會改善。係好貼心送餐給我食，但如果嗰啲嘢食根本食唔到落口，又有咩用。…查看更多

今日去到食午餐，呢間應該係是最悠久嘅冰室，雖然味道唔算標清，但人情味十足，只得早餐同茶餐選擇，早餐主打菠蘿包，茶餐就主力食蛋三文治，蛋三文治味道真係好好，但係牛肉湯通粉就比較淡，雖然出名主打係手打紅豆冰，但係因為要另外要嘅關係，所以都係凍飲加一蚊轉嘅檸檬茶算。如果你想懷念下舊時，值得去食下有好多人會話而家冰室服務態度麻麻，其實只係因為已經做咗40.50年夥計對客人已經當係普通朋友一樣，如果閣下要服務態度就要睇下你點樣對人了。…查看更多

今日屋企人生日. 自然要同佢慶祝下，專程入到上水去咗呢間食評都算幾好嘅日本餐廳到食飯， 朋友介紹過都話ok，就同啲仔女老婆試下先。成日食飯都預咗個問題，就係唔知食乜好？問老婆又話唔知，問仔女又話我決定。個波就次次射返畀我。去到餐廳時間八點半， 餐廳基本冇位可以入到， 好在等客人唔多，門口有位坐咗一陣我就同我屋企人入咗去坐低 準備叫嘢食， 話曬屋企人生日梗係想豪啲食好啲， 但普通打工仔一個梗係要睇住個荷包啦。 但仔女老婆面前 自然要型一次， 正好我坐正喺刺身師傅全面， 我就問過師父有冇咩特別嘢可以介紹我哋食下， 正好面前一肥一瘦師傅 就話如果信得過佢哋，就幫我哋話事，包保我哋滿意食得開心， 最重要係我話畀佢哋聽有咩唔食。頭盤 自家製鰻魚玉子卷， 基於小朋友太肚餓搶食影唔到相。 仲有四隻生蠔 當然都好快就食咗， 好夠凍有鮮味ok。刺生 一碟大嘅刺身拼盤 裏面有三文魚腩，海膽，牡丹蝦， 日本空運過嚟嘅鱼刺生， 最重要超級肥美嘅大拖羅。 食落個口度d魚油 好似爆出嚟咁。 超級幸福。壽司 個師傅話係 直送魚壽司 由於小朋友太快手食咗幾舊 費事影相真失败食完刺身同壽司之後就出現咗一個好大嘅鐵盤， 成個月餅罐。師父講完 呢個係日本呢家興嘅 清酒蒸煮海鮮。 簡單介紹完食法， 就靜心等候時間。夠鐘 侍應 同我一打開 豐富嘅海鮮味完全聞到睇真啲裏面有蝦 花甲 帶子 大蚌 帶子同大蚌嘅鮮味仲有酒香一入到口 非常之鮮同好味。 帶子同大蚌都好大 仔女都食得好開心呢個時候其實都食得幾飽下， 前題係我對仔女食得飽， 我男人老狗梗係想食過飯啦， 師傅果然知道我心意。原條鰻魚飯， 條鰻魚真係大到成隻碟都係， 出面好多餐廳話原條但係細咗好多。 但呢間餐廳嘅原條鰻魚飯真係好肥好大條 仲燒得好香。 食完原來仲有甜品上， 蜜瓜雪糕就啱我啲仔女食。 我同我女人就食咗師傅話限量製造嘅 清酒煮梨。 食落滿佈酒香。 今餐埋單1500到 計落人頭四百幾蚊話貴唔貴話平唔平， 但呢餐飯全屋企人都好開心。…查看更多