SummerWong8193的個人專頁

朋友生日飯，就近去左大埔，原本諗住食其他嘢但係見到韓燒太吸引於是就即興入左去食！好彩有位！兩個人揀左弘大燒肉放題一開始會送一個高級牛拼盤🤩🤩🤩😋同埋一人一個生蠔🙀咁dum本嘅appetizer我真係第一次見🤣d肉上到黎真係正到我同friend都哇哇聲因為首先佢嘅賣相好靚其次d肉嘅質素真係唔話得每一啖都入口即化咁 最推薦係無骨牛肋骨💯超嫩其他正常嘅韓燒小菜都會有食完高級牛就可以開始叫其他放題嘅肉類，呢個五花腩都十分掂仲有熟食類最後仲有得揀個哈根大師做甜品😆食完兩個人真係扶住個肚出餐廳🤣…查看更多

是日放工約friend食飯好想食越南野跟朋友黎到荃灣嘅越味皇😍平日晚市黎到餐廳入邊已經滿座 出邊都有兩三台等緊位🙊 即刻覺得冇黎錯 有人排隊證明有品質保證排左一陣入到去同朋友兩個人叫左幾樣嘢黎share全部都令我好滿意！講左個蟹膏番茄湯檬粉先湯底濃郁😍😍同埋食到有番茄蓉！呢樣嘢已經加晒分再加上蟹膏🤤 成個事好惹味之後呢個軟殼蟹都唔輸得外脆內軟🤤 炸到酥酥脆脆我同friend食完即刻想再叫多碟🤣 因為一份一個人可以輕鬆搞掂如果唔係叫左其他野驚食唔晒 真係會encore呢個之後呢個咖喱雞扒配蒜蓉包👌🏼👌🏼👌🏼👌🏼我同friend秒清左啲蒜蓉包！因為點啲咖喱食好香口好脆而越式咖喱我係第一次食比較印度咖喱較稀香茅味重啲但係都係好掂…查看更多

第一次係香港食居酒屋一直以黎對居酒屋嘅印象都係又貴又唔抵食🤭今次嘅香港居酒屋初體驗都好可惜 冇改變到我嘅諗法🤭🤭🤭仲要因為我係揸車黎，連酒都唔飲得，所以會成件事更加遺憾呢碟澳洲西冷，頗普通，唔知點解唔係熱辣辣咁上黎，反而已經暖左，食落唔會覺得難食但係都絕對唔係好味室內裝修好靚，一開始都係被裝修吸引左黎食燒黑豚肉。失望。豬肉咬唔斷，肉質極鞋，仲有肥瘦比例好失調，食落成口豬油味。鹽燒豬手，麻麻哋燒豆腐我覺得幾好味，唯一令我想再叫嘅野食雞翼不過不失牛舌都唔錯，都係令我唔至於完全失望嘅一碟雞軟骨又係凍凍地咁:(…查看更多

傳說中嘅文青cafe就係exactly形容緊呢間餐廳一入到去已經成件事好有feel，完全唔似係旺角，落地大玻璃、北歐風格裝修、photo wall、雲石台、成間餐廳勁多影相位，啱晒約friend黎影IG呃like相朋友帶我黎，我仲以為係高價餐廳，想像唔到竟然價位都算平民我地兩個人一人叫左杯野飲，一個意粉，同埋一份薯條薯條係新鮮薯仔即炸，外脆內軟好正🤤 仲跟埋mayo，好好味兩杯野飲係而家好興嘅芝士奶蓋我叫左芝士芒果fd就叫左芝士奶蓋茶個人認為茶好飲過芒果10倍有多😂意粉我地叫左龍蝦汁帶子意粉睇圖已經見到帶子有幾咁大粒一份有3定4粒，性價比都高意粉亦好好味呢幅圖就俾大家睇下個裝修啦…查看更多

同fd係九龍城食完飯想繼續傾多陣計於是就即興走左入呢間糖水舖食糖水一行入去已經問到好香牛油味！跟住見到好多台都有叫呢款甜品見佢睇落咁正，聞落又咁香我地即刻決定要跟機叫個芒果拿破崙黎食價錢印象中都好似好平由於期望真係好大嘅緣故，食第一啖個下我已經小小失望🙍🏻‍♀️🙍🏻‍♀️🙍🏻‍♀️因為完全好似食緊空氣！！成個甜品係用芒果，cream同埋焗到脹起但係份量其實好少嘅麵面皮整每一啖都係得d脆又唔係脆，韌又唔係韌嘅麵粉殼有d唔知自己食左d咩嘅感覺雖然係好酥脆，但係真係得番酥脆冇其他口感好可惜，如果有d餡，或者個拿破崙本身多d嘢就好了…查看更多

經過葵廣我都好意外自己竟然冇去掃街反而入左間普通小店坐低食野原因就係我好想餃子🤣呢間嘅煎鍋貼，好成功滿足左我對餃子嘅cravings！4粒煎鍋貼，埋單都係22蚊，好抵食！每一粒餃子都皮薄餡多，唔知係咪自家製自己包，不過都頗高質～ 性價比好高美中不足係鍋貼都煎得唔係咁脆，個感覺好似擺左係度好耐，已經num晒同埋每次食呢種包餃店其實都好留意d辣椒醬好唔好味，老實講呢間嘅辣椒醬係令我失望左因為太甜而又冇辣味☹️☹️不過總括黎講，lunchtime要飽肚，絕對係抵食之選…查看更多

次次返工去大埔，我個fd都一定會要求要食群記豬手我之前都食過，但係個次豬手賣晒，只係試過呢間餐廳啲牛圓，所以今次都算係群記豬手初體驗🙊🙊去之前朋友已經打定電話問仲有冇豬手，因為平時星期六日係例牌排長龍，豬手一日得兩批，一出就會賣晒！不過我地今次唔係星期六日去，所以好彩仲有得食一碗豬手牛圓米端上黎，賣相其實好普通，但係簡簡單單卻有種好吸引嘅感覺講左個湯先湯底食得出真係冇味精！豬手嘅膠原蛋白已經煲到溶左落個湯度，所以食完係會feel到嘴唇痴痴地，有膠質嘅感覺！呢啲質素真係要係用心嘅小店先食到，湯底同米粉最夾！而群記我最鍾意係佢d辣醬每次我都會自己去but好多轉黎點豬手/撈米粉食100%推薦…查看更多

第一次食呢種飯，真係大開眼界呢間韓國餐廳係朋友介紹嘅因為經過尖沙咀，我話想食芝士嘢於是就去左食食完呢間，滿足感同罪惡感都爆晒燈🤩🤩個飯一上到黎其實係賣相好普通～就咁炒飯擺係鐵板度但係跟住真·韓國oppa就會走埋黎開始幫手倒d蛋漿上去之後就係好多好多好多芝士然之後Oppa就會用火槍起勢咁燒個飯！！！❤️❤️😭😭睇下個圖你就知現場係幾咁震撼！因為我真係未見過米飯拉絲🤯每一粒米都被芝士包裹！個口感除左正我唔知講乜好除左飯，我地仲叫左個韓國蒸餃子，每個餃子都拳頭咁大，不過我就略嫌佢乾左小小個牛肋骨湯都唔錯～都算鮮甜總而言之，呢間係芝士控一定唔可以錯過嘅餐廳其他野食，就自己決定叫唔叫啦…查看更多

某日同friend兩個人係尖沙咀行街，突然好想食韓國嘢，上網見到呢間評價唔錯於是就決定去試試佢。我哋兩個女仔都對間嘢食評價好高！咁我就用好味程度遞增嘅排序黎講下啲嘢食啦第一樣我哋嗌嘢食係韓式拉麵其實叫得韓國拉麵，其實即係辛辣麵即食麵，老實講都知道好唔抵，但係唔知點解次次出街食嘅永遠係好過自己係屋企煮嗰啲！同埋我又真係好鍾意食韓國餐廳啲即食麵煮到咁煙韌！所以幾唔抵都叫左結果都唔失望。呢碗拉麵配料好多，又有年糕又有隻蛋紫菜同埋芽菜都好多，浸住辛辣麵湯底食好好味同埋我係為咗嗰幾塊魚糕先叫呢個麵，好可惜得幾塊～ 如果多d就好lu呢個煎餅都好好味泡菜味夠出我鍾意！同埋煎餅呢d野食得出有海鮮已經好唔錯，佢呢個仲要食得出係新鮮海鮮👍🏼 加分最後重頭戲係呢個pizza，話係pizza倒不如話佢係炒年糕+麵包+誇張份量嘅芝士！咁嘅配搭聽落奇怪但竟然係好味到我地驚訝好夾，仲要好igable，拉晒絲咁！不過就真係有d滯，下次再幫襯兩個女仔嗌一個呢個都夠食喇…查看更多

呢間餐廳其貌不揚，係長沙灣分分鐘真係不太起眼。但係食物質素絕對係有驚喜的！同fd都係隨機入左呢間餐廳黎食，本身諗住叫佢地出名嘅芝士鰻魚石頭窩飯，好可惜fd唔鍾意食。不過見到隔離檯個碗鰻魚飯，個size誇張到我眼都凸埋，真係原條鰻魚咁樣上上黎 所以我決定下次有機會要再encore呢間野好 咁講返我哋自己叫嘅嘢食啦我地三個女仔叫左個手打漢堡流心蛋芝士石頭窩飯個burger認真高質，同芝士同埋蛋漿撈埋一齊我地三個勁快清晒跟住講呢個芝士蛋捲！係可以拉絲㗎！仲要味道很不錯！抵食！呢個勁辣雞翼就麻麻地，因為pat醬同個雞翼完全融合唔到，唔好味！…查看更多

講起車仔麵我一定係首選文記！作為曾經嘅城大學生，仲要住宿舍，位於深水埗嘅文記可以話係一眾城市大學宿生嘅食堂，因為又近又平最緊要係食物高質！以至於我而家畢左業都仲係會特登搭車去深水埗，就係為左食番文記車仔麵一尋熟悉的味道文記冇得輸嘅組合一定係油麵，牛腩，豬腸，雞中翼，再加杯凍檸茶少甜！雖然今次因為減緊肥所以冇叫到豬腸雞翼，而係叫左魷魚，不過都冇失望🤤👍🏼一如既往咁正我最最最鍾意食佢嘅牛腩🤤 燉到num一num因為係牛筋腩所以又一定唔會鞋，講起都流口水！而車仔麵最講究都係個湯底，我例牌一定會叫姐姐加腩汁俾我，因為個湯係好飲到會清晒！黎到深水埗唔食文記，真係會唔知自己黎做乜…查看更多

呢間係屯門深藏不露嘅餐廳我會形容為：奇奇怪怪又好有特色本身同朋友係去個頭食泰國餐廳，點知人地裝修於是誤打誤撞黎左呢間食首先個名叫聚福樓，咁中式嘅名竟然係食西餐裝修又係mix n match，混亂得黎好有格調餐牌都好搞笑，啲名全部都好搞怪好有創意總而言之，好似食氣氛多過食食物不過佢地嘅食物又真係唔差喎同朋友兩個人叫左一個pesto chicken pasta（表示已經唔記得佢個搞怪名係咩）一個烤雞凱撒沙律，同埋一個蜜糖炸雞炸蝦，不過就上錯左做番薯條，老闆都好好人話請我地食個薯條，炸雞另外上俾我地！pesto chicken pasta好味👍🏼 pesto味好出，夠正宗沙律我就略嫌唔抵，不過味道係好好的而炸雞炸蝦就炸粉多左少少，反而食唔出原料係味道sweet potato fries就都好味的，配埋sour cream，係正的好推薦係影靚相嘅朋友們去試試佢～ 因為裝修真係好靚的…查看更多

食到呢間餐廳其實都係純屬偶然，話說同同事工作需要黎到長沙灣，咁啱見到呢間海南雞飯專門店竟然星期六嘅午市時間都排長龍，於是覺得一定要試一試。點知誤打誤撞比我地搵到一間好好食嘅海南雞飯店！海南雞飯最緊要梗係啲飯啦，因為我唔係好肚餓所以嗌咗細飯，份量都唔錯，再加上我叫咗雞胸，雞肉就更加多。雞肉新鮮軟熟，點埋d汁好送飯👍🏼👍🏼 特別推薦中間個隻泰式辣汁，好特別，酸酸甜甜，有herbs嘅清新味道，唔知點解好岩夏天食🤣不過我食就會希望佢再辣小小，咁就更加惹味！飯可以揀雞油飯或者白飯，我揀左雞油飯係絕對正確！因為都好好味成個set跟埋湯或者野飲，好好彩揀左湯；因為碗湯堪稱一絕 南瓜味好出，仲有粟米同埋青紅蘿蔔好正，飲得出係用心煲出黎…查看更多

工作經過葵芳站，諗起朋友好多年前介紹過葵芳站出邊有間小食鋪食牛肉球，好好味，所以就走左去試試佢！未行近已經聞到陣陣香味，亦有好多人已經企左係門口食緊一兜兜嘅小食。我就依照朋友介紹，叫左一份山竹牛肉球同埋一份燒賣當晚餐🤤🤤 真係好正，一份牛肉球有三個，份量好足，十分抵食，一串已經飽飽地🙊 牛肉球好有咬口好煙un，食得出用料係真材實料！淋上佢地嘅秘製辣汁，好惹味燒賣都好煙un，配佢地隻汁真係無敵，一定要再幫襯！…查看更多

同一班朋友請外國老細/朋友食飯，揀左飲茶因為知道d野又得意又好味我地一行七個人，嗌到成台都係野食，最尾六個人買單一人230幾，價錢黎講其實偏貴，不過野食質素同價錢都係成正比的！野食因為好多所以就唔逐個講～ 揀幾個最深印象最好味嘅黎講吓啦首先一定係佢地招牌嘅嘔奶包！賣相可愛，d奶皇好濃郁，真係有爆漿嘅效果！一定要叫！綠色嗰款係綠茶餡～ 樣同爆漿效果同橙色差唔多，但係因為我自己鍾意食奶皇多d，所以會覺得橙色好味d～另外仲有一樣野100分推薦嘅就係佢個椒鹽豆腐🤤 大家一致認為好好味，豆腐外脆內嫩，鋪底個d酥炸金菇都好正👍🏼👍🏼👍🏼…查看更多