蕉蕉子的個人專頁

等咗好耐元朗終於開咗一間分店🤤一試業就即刻去咗飲～叫左4杯飲品～價錢同其他飲品店差不多四杯飲品都好飲！最推手工芋泥鮮奶❤️🤤左一係青瓜青檸～聽個名幾得意就叫來試吓，飲落去酸甜酸甜，青瓜味令成杯飲品變得好Fresh😆加上青檸酸味配合令杯飲品好解渴左二就係珍奶～個人認為珍珠太軟唔夠咬口😖但勝在茶味夠出夠濃，所以飲得多唔膩，可以接受！左三係水果茶～茶底茶味夠重，唔會太甜，而且水果非常足料！鋪滿成杯飲品🤤正！最右係手工芋泥鮮奶，佢每日限定唔記得整幾多杯，賣完就冇㗎啦～因為我唔係幾鍾意飲好甜所以叫咗少甜，對我來講少甜就啱啱好！芋泥非常足料🤤落咗差唔多半杯嘅份量飲上口芋泥配合鮮奶非常夾❤️芋泥好多飲完好滿足好飽🤰🏻大推！…查看更多

機緣巧合下你到銅鑼灣呢度食甜姨姨嘅甜品✨食咗一個夠姜菠蘿刨冰同埋熱黑芝麻湯圓芝麻湯圓$40一嚟到有六粒湯圓熱辣辣好暖❤️糖水湯底入面有好多薏米，好足料～糖水仲帶小小嘅薑味，唔會太甜～非常之暖身湯圓湯圓入面包左黑芝麻，一咬開糯米皮黑芝麻爆曬出嚟🤤而且湯圓皮非常之煙韌軟糯，配埋個糖水非常之夾，推介！夠薑菠蘿刨冰🍍聽到呢個名有啲特別，係其他甜品店唔會有嘅口味～食落去菠蘿味比較出啲，薑味只係好輕微少少辣伴隨往，所以怕薑味好出嘅人絕對可以試吓！食落去入面好足料，有椰果、薑糖、綠茶凍等等，冰感同平時出面食嘅冰唔同，比較細粒啲，所以掛汁特別好❤️另外佢會附送一小小菠蘿汁俾你，可以食到中途淋上去～所以唔驚食到最後冇味刨冰有驚喜估唔到咁特別嘅味道都整得幾好食✨湯圓就比平時出面嗰啲軟糯啲～即叫即整所以推介 ！✨✨❤️…查看更多

因為太耐冇黎葵廣，之前冇見過呢一間野🙈見到一間新嘅舖頭同埋好多人排隊就去咗試吓啦✨我叫咗六粒30幾蚊，同葵廣另一間章魚燒店價錢差唔多而佢即使好多人排隊，但係佢都依然整得好快～大概5分鐘就已經拎到啦我叫嘅係佢最原始嘅味，我略嫌佢木魚放得唔夠多🙈如果可以放多啲就更加好啦✨因為佢係一整完就即刻拎得所以仲係熱辣辣～一咬入去軟綿綿，唔會太熟～而且入面都幾足料🤤食到一粒章魚小丸子入面都有幾粒章魚🐙但係我覺得佢個皮做得唔夠脆有啲乾🙈可能因為太多人排隊整得太趕🤔總括嚟講都推介✨下次會再食重點係佢係一間良心小店，所以大家一定要去支持呀！❤️…查看更多

因為疫情關係對上一次過嚟葵講食嘢係接近一年前🙈之前你都葵廣每次都一定會過嚟食🤤今次難得嚟到葵廣一定在來食呢間野！雖然佢份量依然好大，但係我覺得味道好似比之前冇咁好食🤔但總括來講都係值得吃啦～今次叫咗軟殼蟹玉子燒$35分量依然係好大～今次係第一次食軟殼蟹玉子燒佢就係將成隻炸咗軟殼蟹放左上玉子燒上面~但係隻蟹係唔熱嘅，炸皮都唔脆，所以隻蟹扣左分，對隻蟹有少少失望😖而佢嘅玉子燒依然做到流心嘅效果，淡淡雞蛋係幾好味✨但係感覺佢嘅芝士份量冇之前咁多，芝士味唔夠出今次總括用餐體驗來講就冇之前嗰啲咁好味，所以比一般希望下次再食可以重拾返以前嗰一個水準啦✨…查看更多

之前見到呢一間野，淨係佢嘅食物模版都非常之吸引，所以就去咗試吓✨舖頭位置唔難搵喺正扶手電梯附近～叫咗一個士多啤梨班cake配草莓雪糕🍦可能因為疫情佢加多$10可以配多一杯楊枝甘露就去咗買🙈一拎上手非常震撼🙈士多啤梨多到就掉啦個樣同日本嗰啲好似🤣攞住佢好似去咗日本咁士多啤梨不過不失啦有少少酸，而佢上面嘅cream同埋朱古力醬都非常之多，配埋草莓雪糕一齊食非常邪惡🤤我自己一個人如果掃街嘅話唔會食得晒，要兩個人食就差唔多啦～而杯楊枝甘露就不過不失啦～都係正常味道，但係少少甜得滯…查看更多

來到葵廣梗係一定要掃街！見到3樓有呢一間店舖就去咗試吓，食物款式非常之多，揀咗一個炸魷魚鬚～炸魷魚鬚$35，見到個份量來講我覺得係值嘅！攞到上手熱辣辣啱啱炸好🤤等嘅時間都唔係好耐大概5分鐘左右我覺得$35來講見到呢個份量算係CP值高嘅！魷魚鬚熱辣辣，炸皮又夠脆同唔會好油，炸皮厚度啱啱好包住左魷魚鬚唔會太厚，所以非常酥脆✨而且魷魚酥好煙韌Q彈～唯一有少少缺點就係我覺得佢又太鹹🙈如果冇咁鹹就好啦～…查看更多

呢間布丁燒喺葵廣一早已經好出名~所以就專程去試吓佢每一個特定時間都有唔同味道嘅布丁燒出爐，想試吓熱辣辣嘅布丁燒就可以趁佢出爐嘅時間去啦✨所有味道統一一個都係$38，對我來講其實有少少貴🙈因為佢份量比較少，但係味道來講係可以值$38嘅！我叫咗一個鐵觀音同埋培茶味布丁燒，兩個都係茶味非常之重，鍾意飲茶嘅人一定要去試❤️佢嘅布甸燒布甸同埋蛋糕嘅份量係一比一，所以一啖可以食晒蛋糕嘅柔軟同埋布甸嘅順滑～蛋糕軟綿綿唔會太甜，而佢個布甸真係非常好食🖤茶味非常之重，而且好滑，接近入口即溶程度，配埋佢小小嘅焦糖就對我來講甜到啱啱好啦同埋佢係良心小店，所以大家一定要支持呀！…查看更多

見到佢外賣有折所以就去咗買～買咗一打生嘅芫荽鮮肉餃同埋鹹蛋餃～折咗之後嘅價錢完全係CP值極高！！！而且好足料好好味🖤 一入到舖頭見到個師傅keep住咁樣包餃子所以非常之新鮮～而且師傅都有戴口罩手套呢啲做足安全措施，非常衛生雖然拎個外賣返到屋企嗰陣個鹹蛋餃冇咁熱，但係味道依然非常之好，食落口食到啖啖肉，仲有微微嘅鹹蛋香滲出嚟，唔會搶過肉嘅味道，配餃子嘅湯都非常之好飲，唔會有好重味精味，所以我成碗飲晒🙈芫荽鮮肉餃我攞到返屋企煮嗰陣味道依然係同餐廳食到嘅差唔多，而且芫荽味都唔會話特別重，所以我覺得唔係幾鍾意食芫荽嘅人都可以試吓✨…查看更多

見到葵廣新開左一間就試吓～叫咗一杯黑糖珍珠奶茶，30幾蚊同出面嘅價錢差唔多杯嘅份量來講我覺得有啲少🙈因為我好鍾意飲大大杯嘢😂杯黑糖珍珠鮮奶拎上手嗰陣幾靚，有黑糖嘅花紋係個杯度撈勻之後飲鮮奶嘅甜度唔太甜，但啲珍珠好甜🙈所以一口珍珠一口鮮奶一齊飲就甜到啱啱好～珍珠嗰隻甜唔係死甜，好明顯食得出黑糖獨有嗰浸甜味🖤而且細細粒非常有咬口，所以珍珠非常好味✨俾個讚但有小小嘅失望係因為冰係固定份量，飲到最後可能因為啲冰融左，令到啲奶冇味😖但總括嚟講都推介嘅！最緊要佢係一間良心小店～大家一定要支持呀！…查看更多

之前見佢好出名食炸雞肶，然後就同友人去試😋食過一次之後食過返尋味！因為疫情關係，我地等位都等左約20分鐘先有位個飯一來到完全比隻雞肶吸引左😍隻雞肶大過手掌🤩而且唔會炸過頭變焦。外皮整得又薄又脆，一切隻雞肶個陣咔嚓一聲好治癒🤪食得出唔似出面個d好厚炸皮，而且唔會太油膩，每一口都啖啖肉，仲有係即叫即炸熱辣辣❤️總括而言，隻雞肶係我食過頭三最好味的😋仲要好大隻不過我呢d地盤食量就覺得唔夠多飯同多汁，希望可以再多d~…查看更多

之前見到好多人排隊，有興趣然後就去咗試吓，個名幾得意，裝修都非常日式，入面燈光比較昏暗，最緊要佢係一間良心小店！💛所以大家都要支持下啦～一入到去同我嘅朋友一人叫咗一個唔同嘅餐，包括係一個吉列牛定食，同埋一個牛嘅鍋物吉列牛連埋買定食同嘢飲$128，價錢來講可接受，一嚟到一舊牛脂肪已經擺咗上個板上面，啲牛油即刻爆曬出嚟好香🤤一放舊吉列牛落去煎，每邊煎幾秒就已經可以食，食落唔會好韌，肉味都夠嘅，同埋佢個炸皮整得好好，唔會太厚同埋都夠脆～然後又叫咗一個牛嘅鍋物，呢個就平吉列牛少少，但對比起好味程度來講我覺得吉列牛好味啲😋呢個係有驚喜嘅！首先佢啲牛浸落啲湯度好入味，而且咬入去唔會太柴，調味好足，少少辣😋然後佢入面嘅配料都非常之多，有好多菜、金菇、嗚門卷等等，一個人食晒所有配料同埋飯非常之飽🤤佢個湯非常鮮甜，可能因為用咗好多唔同嘅蔬菜一齊煮，所以我連個湯都飲晒💛我特別鍾意食佢個糖心蛋🤤有少少酒味之餘亦做到非常流心嘅效果，總括來講我覺得非常好味10分推介！…查看更多

同朋友晚餐過咗嚟呢度試吓，見到成個裝修都好有日本風格，燈光暗暗地咁樣，櫈底都好貼心有個籃可以裝住個袋友人叫咗親子丼套餐，我就叫咗吉列豬扒定食一送到上嚟嘅時候份量幾大，隔離有豬扒汁可以自己倒。首先講吓個湯先，送到過嚟嘅時刻仲熱辣辣😋入面幾足料有蘿蔔、洋蔥、甚至有啲牛肉，少少味增湯味又有少少似住家湯，我好鍾意飲佢個湯❤️之後到個豬扒一咬落去都係熱辣辣夠脆，豬扒厚薄適中，咬落唔會好靭好柴，佢每一塊唔係全部都係肉，入面有少少脂肪夾住左，所以食落豬嘅油香味好香、肉味夠濃🤤總括嚟講成個餐食得好滿足好飽又好味😋不過總括來講我覺得一個炸豬扒套餐講緊百幾$200其實有少少貴🙈所以大家要自己斟酌下啦～…查看更多

之前見到個個去長洲都要去呢間長洲角酪嗰度打卡，跟住就去咗嗰度試下佢啲嘢飲入到黎就見到打卡熱點—長洲地鐵站，好靚忍唔住影多幾幅相❤️我同同行一人叫咗一杯嘢飲，包括係一杯莓莓乳酪同埋桃桃乳酪首先講吓杯莓莓乳酪先，以 $38來講我覺得CP值比其他飲品店高，拎杯野見到兩個士多啤梨心心好靚❤️成杯粉紅色好有少女心，飲落入面有一啲紫糯米煙煙韌韌，入面仲有少少士多啤梨肉，乳酪酸酸甜甜，士多啤梨味唔會蓋個乳酪味啱啱好，總括來講我覺得好好飲值得一試！然後另一杯係桃桃乳酪，呢一杯冇莓莓乳酪咁大驚喜，佢乳酪嘅質地都比莓莓乳酪比較澀身，飲落係有桃味嘅，但係有比較之下莓莓乳酪好飲啲。最重要係呢一間野係良心小店，大家一定要去支持啦！…查看更多

嚟到長洲行吓行吓搵到呢間野裝修幾好就坐低咗嚟食，叫咗兩個椰漿雞飯同埋一份芝士條一個椰漿雞飯盛惠$58，老實講如果個CP值來講唔算太高，因為椰漿飯椰味唔夠重，陣味唔夠濃，佢有少少辣嘅配料配埋啲魚乾仔，係幾惹味，但係撈埋個椰漿飯一齊食會冚左椰漿嗰陣味得返辣味，所以我覺得個飯麻麻哋。但係個雞係整得幾出色，食落口感嫩滑都多汁😋至於個芝士條就有啲失望，食落冇咩芝士味，瞌埋眼可能唔知自己食緊啲咩😣罐牛奶咖啡因為係罐裝所以都冇乜話唔好飲嘅總括來講我覺得雞係幾好味，我諗佢啲沙嗲串都應該好味但係我今次冇試到…查看更多

旺中有好多間唔同嘅飲品店，見到呢間價錢比較低同埋見到有良心就去咗買🙈可能因為假日去比較多人，大概等咗15分鐘~買咗兩杯嘢飲~左邊:特濃草莓蛋糕奶茶右邊：滿分草莓一嚟到嗰陣發覺杯野算大杯，而且佢每杯嘢飲就額外減$4😋所一杯其實都係廿零蚊講返杯嘢飲嘅味道先，滿分草莓幾清新，甜 到啱啱好唔會太甜，士多啤梨味又唔會太假，茶底亦清新。而另一杯草莓蛋糕奶茶有驚喜❤️飲落有啲芝士味同埋配合士多啤梨味，甜度亦啱啱好，不過飲到落底其實會有少少膩🙈總括來講我覺得幾抵下次會再飲！…查看更多