iceycute2的個人專頁

沙田好多餐廳都食過曬，係未食過呢間，所以今晚就來試一試。可能我接近7點去到，咁早所以都唔駛點等位，去到拎張飛就入得，5分鐘都唔駛。坐在近門口的圓枱，呢個位置一般，張枱亦唔夠大擺放野食，好逼呀！我地兩個人都叫咗呢個漢堡牛扒set，味道係唔錯，個牛味都好濃，但食到尾覺得好油！仲有粒薯仔會唔會細咗d呢？我要食曬成個飯先唔覺得餓食到將近尾聲，個職員走埋黎話個用餐時間就到，唔該埋咗張單先！但係我入座果時冇人同我講有用餐時間，咁即係入座計幾耐呢？我完全唔知喎！好在當時我地都差唔多食完，但唔該下次人地入座時講清楚有計用餐時間丫！…查看更多

第一次來元朗呢個大型商場食野，專登同契仔來試下呢間咁得意的cafe，來到比我想像中細間，不過都唔駛等位。未齊人就去睇定食咩先！d賣相真係好吸引，小朋友大朋友都鍾意呀！呢個香濃蝦湯農夫包好好味，個湯真係好濃好香，個包好脆，值得推介呢個兒童餐係叫比契仔食，味道唔差，最主要係跟餐有隻膠鴨仔，吸引到唔少細路仔！卡邦尼煙肉意粉，正正常常，都好味的。泰式咖哩雞飯，賣相都贏曬啦！個汁好好味好香，冇得輸呀！皇牌焗豬扒飯，冇乜特別，個汁係好味，不過d豬扒唔係好得，口感怪怪地。雞翼配薯條，大人細路都鍾意！食飽飽再飲杯野好滿足！中間果杯士多啤梨白桃鮮果茶好飲！總括來說，呢間cafe係比到驚喜我，可以再來食呀！…查看更多

今晚一家大細食餐生日飯，第一次來這裡試一試，可能係平日的關係，唔算多人，唔book位都可以。一入到去見到自助取水地方，二話不說倒幾杯水飲下先。可能職員見到我一家大細，所以好細心地拎咗一支暖水過黎，唔駛我行出行入。我地4個大人1個bb，叫了一個二人餐再加野，都夠飽呀！先來個沙律+餐湯沙律菜都算新鮮，個餐湯亦好甜好濃芝士炸蝦好脆口，熱辣辣放入口一定好食南瓜意大利飯好夠味，只係甜咗少少野菌露筍意粉味道都可以，份量足夠肉眼牛扒如果可以配埋薯條就perfect了！窩夫梳乎厘總括而言：個人應為甜品好味過主菜！…查看更多

今晚約了一班小學同學食生日飯，因為一向都想坐圓枱，可以方便傾計，所以book位時已問定有冇得要求圓枱，但因我地人數不足，所以未能安排。但當去到入座時，都有驚喜！呢張方枱其實同圓枱無乜分別，只係多咗4隻角！大家傾計好方便呀！講返野食先！因為太肚餓，未等齊人我地先叫咗個口水雞同埋豬手，由於太肚餓關係，所以影唔切相就食曬落肚！下面張相右上方可以見到仲有一件口水雞。個汁好香濃，唔錯！發過豬頭拼盤個賣相唔錯，味道都ok，咁樣抵過散叫好多！小籠包&黑金流沙飽小籠包好普通，皮有d硬，肉汁都唔夠多。流沙包唔差，唔太甜，可以一試。牛柳粒一般，沒有驚喜，不過不失啦！有雞先定有蛋先純粹係被個賣相吸引咗所以叫來試，普通咸水角加芒果布丁。影相幾靚，味道普通。乳鴿廿幾蚊隻，平靚正！…查看更多

第二次來這裡晚餐，水準不變，味道係唔錯，所以仍會再來的！今天同老公、媽咪&bb同來，所以差唔多食完野，就要到bb飲奶，d員工好好咁提供熱水比我座暖支奶，抵讚我仲記得第一次去呢度食野時，果陣係大住個肚，佢地就好細心咁拎熱水比我飲，呢樣令我好深刻。呢個薯條好味，外脆內軟呢個洋蔥圈都唔差，沙律菜好新鮮大蝦意大利飯，隻蝦好食原本我係想叫豬手，點知睇錯餐牌叫咗豬扒味道一般，可能我一心諗住想食豬手啦！呢個牛扒唔錯，多肉汁心太軟，對我黎講太甜…查看更多

今日去了試業中的芊味屋食lunch，真係抵食又好味！首先叫咗個香茅豬扒肉燥飯，估唔到d豬扒多到舖滿咗半個碟，鬆脆又juicy!!!而紅燒牛肉湯麵d牛好入味，不過不失。特別推介芊味三文治，真係超足料！個瑞士雞翼又好入味，值得一讚！舖頭細細，好有人情味，真心支持小店！…查看更多

遲來的生日飯，選擇了這間唔會太多人的餐廳。因為在沙田新城市廣場，大部分餐廳都會限時限刻，令人好大壓力，想慢慢食餐飯傾下計都唔得！呢度起碼唔會趕你走，慢慢食完仲可以坐下傾下計！野食質素都ok啦，唔算十分好食，但都唔太差。服務態度都可以，我地叫咗個菜要少油，雖然黎到都係好多油，但起碼落單果個會走埋黎望下跟進下。呢個肉骨茶普普通通啦！呢個麵都好食，不過好多油！通菜唔錯，炒得幾香口串燒就乾身咗d好濃芝士味，口感唔錯喜愛榴連的人要一試…查看更多

兒童節去食餐好d既, 呢排韓劇盛行, 我地都去食下韓國菜先! 呢間野都幾細, 枱唔多, 所以等位都要等一段時間! 呢間餐廳應該係家庭式經營, 而且真係韓國人打理, 因為成日聽到佢地講韓文~~ 入到呢間餐廳的感覺都幾舒服, 有種warm的感覺, 可能因為係家庭式啦! 我叫咗個牛內鍋飯, 味道香濃! 佢個胡淑味都幾重, 越食越辣!! 如果係冬天食, 應該好正!!d牛肉幾有咬口, 味道唔錯, 好有牛味, 配埋個白飯, 真係一絕!另外都要讚一讚佢個熱茶, 好香麥的味道, 我地飲咗好多杯, 哈哈!…查看更多

我呢個街坊終於都試食到呢間超多人食的重慶雞煲！佢開咗咁耐，我一直都想試下，但因為成日都好多人等位，所以一直都未有機會試，今晚約了幾個朋友來試下先！呢度環境絕對一般，因為只能坐響街邊食，呢d係咪叫做有風味呢?首先講下個雞煲, 我地叫咗個bb辣, 另一個就中辣, 味道不錯, 麻辣味香濃, 6個人食1.5隻雞, 多到食唔晒!d雞都算幾滑, 但我最欣賞都係d洋蔥, 入晒味!!!配料 : 一定要叫花髎仔, 薯粉, 枝竹, 冰豆腐...因為呢d先可以吸晒個湯料d味道, 正呀! d配料總括黎講都幾新鮮, 不過限時就食得比較急, 如果可以長d時間, 就會好d囉!148蚊任飲任食, 唔算貴, 不過呢d環境, 都唔可以收得太貴啦~~…查看更多

知道呢頭開咗間新的日本野, 所以諗住試下好唔好味, 睇下會唔會搵到多個飯堂, 其實之前都食過黃埔的分店, 覺得尚可以, 今次試埋呢間, 發覺都係OK啦! 唔算有咩驚喜, 但總算冇咩特別難食啦！正正常常, 住附近的街坊可以落黎一試吧!牛肉鍋定食, 配埋飯, 蒸蛋, 沙律, 甜品, 味道可以! 大約$60牛肉烏冬鍋, 配沙律, 蒸蛋, 甜品, 3件壽司, 味道可以, d魚生都幾新鮮! 大約$75個牛肉鍋定食湯底咸咗少少, 牛肉都幾多, 但其他配料就好似唔係太夠, 菜都係得好少...個蒸蛋都幾滑, 唔錯!沙律個味道都幾好, 不過就油咗d, 好似落得太多麻油了!烏冬就普普通通, 個湯底有d清淡~…查看更多

細細個去親石離貝必定會食粉仔同埋魚肉翅，好想搵返昔日的味道，但係可惜搵咗好耐都搵唔到！有朋友介紹我去呢間十八座狗仔粉，佢話應該搵得到果個味道．今晚我專登叫埋阿爸阿媽同老公一齊去試，其實都係好味，但始終同以前食開的冇得比！狗仔粉個味道都好香濃，只可惜相比起以前食過的，仲係差好遠．．．連ｄ菜浦都冇以前咁香，狗仔粉ｄ粉太淋身，冇以前食過的那種口感了！而個翅都幾好味，鴨味好香濃，不過我估都幾多味精，因為食完會感到好口渴．另外我地仲叫咗個大雜會，佢話個汁係特製滋味醬，可惜我唔識欣賞，我覺得個醬好怪，甜甜地又淡淡地，總之同ｄ野食唔多夾啦！我食咗少少就食唔到落去～～…查看更多

由於唔駛等位，所以揀咗呢度食個lunch，之前在旺角和沙田都有食過，葵芳呢間就第一次黎。我地3個人食，每人叫了一個set lunch，每個set價錢由$98起，我地叫了一個炭燒肉眼扒set，可以先去自助沙律bar拎沙律同埋湯，之後先會上主菜。老實講，沙律同埋湯都好一般，選擇又唔多，所以我都只係拎咗少少。諗住期待個主菜啦，因為之前在旺角和沙田食過都唔錯，所以都諗住有d期望，點知都係失望！個牛扒無咩牛味，口感亦唔夠咬口，個味道都一般。我覺得好似茶餐廳貴少少的貨色，絕對唔價$168囉！呢度個環境裝修都幾好，但味道就旺角同沙田分店好好多了！…查看更多

今晚同2個同事提早慶祝下情人節, 來了這間餐廳! 唔知係咪星期四的關係, 間餐廳成晚都唔full~~同事一早book咗枱, 指明要window seat, 都叫做坐得幾舒服~我地3個人叫咗個2人餐再加一個小食拼盤和一杯特飲, 個2人餐份量都唔細, 我地3個人食都覺得飽!不過呢間餐廳有個唔好處, 就係唔會為客人提供水, 如果你想要水, 就要比錢開一支16蚊既水, 呢樣我覺得最唔ok!食物質素都尚可, 不過以呢個價錢就貴咗d囉~ 應該都係冇下次架喇!…查看更多

今年同老公慶祝生日, 專登早D訂枱, 在open rice見到呢間餐廳有85折優惠, 加上睇咗d食評都話ok, 所以就試一試!book枱時知道餐廳生日會送甜品, 仲可以在碟上寫字, 呢個服務不錯, 因為2個人要買個cake真係會好浪費, 一定食唔晒!! 所以book枱時已告知餐廳有人生日, 叫佢地準備定~我地order了一個2人餐, 份量唔係好多, 只係食完唔肚餓果種, 坐位的確很迫, 好在早到, 可以坐梳化位! 野食味道都唔錯, 今次黎試都總算冇失望, 但亦沒有驚喜~~2人餐包括 - 2個餐湯, 2個沙律, 2個主菜, 2杯飲品, 2個甜品個湯唔錯, 味道香濃沙律都好食, d菜好新鮮主菜都ok, 個墨汁大蝦意大利麵推介!! 羊架其實個味道都ok, 不過太熟... 我明明叫7成, 但佢比咗全熟囉!…查看更多