1815lcw的個人專頁

個鋪吉左好耐，新餐廳在第五波疫情之後終於開左，咁就去試下，比起之前執左果間光猛舒適好多。不過似乎都係集團經營，又少左一間小店，而且好驚又係比佢對面鋪（有個"%"）果間個餐飲集團食埋，攪到檸檬茶連檸檬都無得篤，食又食得緊張，更加要去證實一下。好彩呢間係另一個集團，仲有真檸檬篤！不過菠蘿油就凍左林左，西多呢係有餡既（大家去發掘一下），紅豆冰仲好大杯。下午茶黎講多左個選擇都係好事，唔一定要去"%"同"廿蚊"果度了！…查看更多

近日發現梨木樹酒家的名稱重現商場廣告牌上，正懷疑是否新店用舊名，但見用上舊商標，似乎真是舊店翻生，幾十年前的嫰口叉燒和肥切雞有機會重現！據點心紙上蛛絲馬跡，似乎是2021年11月15日開業，店外已不停有街坊排隊斬料，而且維持當年「先買票後斬料」的安排。不過酒樓已改用現代電腦顯示屏，並用點心紙落單，再沒有推車和托盤。但是，裝燒味飯盒的白膠袋，仍有幾十年前的圖案，大家不妨留意一下。因為新開業，各樣看來都不錯，仲有$28一個特價飯盒！…查看更多

以前住梨木樹的時候，商場仍未興建，現在的餐廳都是近年開的。今日舊地重遊，不想吃集團的，看見有越式茶餐廳便入去試試。吃了牛肉檬粉下午茶餐配熱朱古力，另加西多。想像中牛肉檬粉是薄片牛肉，誰知只是普通餐廳沙嗲牛肉麵那種快餐牛肉。不過熱朱古力卻稍比一般茶餐廳為濃，好飲D！另外，西多士也很香，推薦！…查看更多

乘車路過見到此有趣的餐廳新張，便去試試。店員說8月1日才開張的，第3天已經要等位半小時，不過店方很貼心的提供飲品和小食安慰客人。門口，亦即等位的位置擺放了幾個大的老夫子和大蕃薯塑像供客人拍照，也有紀念品出售。步入餐廳就會看到到處都是漫畫，甚至傢俱上都畫滿了漫畫，勾起很多回憶！不過亦因此導致光線過強，坐太久會不舒服；另外餐具也是奇異款式，用起來不太方便。其實光顧此等主題餐廳目的在於特色，不在食物。但他的出品也做到尚算OK，可是人手不足需要改善。…查看更多

今早想去呢間餐廳既前身（日溢）食早餐，一入去發覺d人唔同左，但餐牌內容大致照舊，起初不以為意。落單之後，見到張單個店名唔同左，而且收銀、伙記、水吧全是陌生人，仔細睇先見到個招牌唔同左！食左個早餐"A"，內容係餐包（或多士）餐肉、火腿、蛋（任揀二，或奄列）鮑魚火腿絲通粉茶或啡餐包冇以前果間既多士咁好食餐肉好油，蛋細隻左鮑魚火腿絲通粉鮑魚有兩塊，比以前大左幾倍，但通粉硬左d檸茶用左矮杯裝不過$22既價錢的確係抵過食樓上既大 x 樂門口可停車（小心抄牌）門口坐位可食煙…查看更多

裝修完重新開張唔夠一星期，諗住冇人知去試試新野，點知幾十人企係門口等位囉，好在有搭檯。等左十多分鐘，坐低，叫左壺龍井，龍井似乎係其他榮華係冇既。新裝修都叫做舒服啦，伙記做野都好勤力（似乎仲有少少緊張添），坐坐下仲見到班經理歡送一個叫做「六叔」既大客，仲問佢有冇「貼士」比咁話。兩個人食晏，點心叫左三款，加一碟飯：冬荀鮮蝦餃蝦餃size ok而且唔易散，蝦都爽既，但係味精落得比較勁囉。香滑麻蓉包現今好少酒樓會做，元朗總店都好似唔做。隻包冇濕水，麻蓉係乾果隻style而唔係「滑」，份量夠，仲有多少咬感。奶皇水晶包同元朗果間比，差天共地，個皮唔晶瑩又厚，奶皇餡稀湯湯，一pat野咁。大榮華炒飯一貫交足貨招牌水準，但係價錢貴過元朗，而且細碟少少。本來想試「經典炒飯」，但係又唔知係乜，部長話即係「楊州炒飯」不過冇蝦，要唔要試大家自己諗下啦。順帶一提灣仔店下午二時開始下午茶，有特價點心每款8蚊咖！…查看更多

係灣仔食晏食厭左果幾間，於是搵間新野試下。呢間金灣係商業大廈一樓，但個街道門口係偏埋一邊既，正中間果個係落地牢disco咖，小心！上到去個reception好細，經理話「2位呀...至少等半個鐘喎！」，比佢嚇一跳，再問佢「搭檯有冇？」，回應道「冇呀，搭晒啦！」……上到黎，冇理由咁就走啫，於是就等下啦，結果4分鐘就有位！點心紙上面有埋價錢咖，好清楚。就點了6樣野食：1. 蝦餃王(01)大大粒熱辣辣，皮都ok但係餡就一般，蝦唔係多；不過$15.8算係咁啦。 2. 流沙包(06)皮軟包熱，沙係流既，不過味道仲有得改善下。3. 珍珠雞(05)唔夠乾身，一籠得兩隻份量略為少左d，而且偏咸。4. 鳳爪(11)好似得3-4隻，下面仲好多芋頭薄片同花生。5. 北菰雞飯(61)一個人食一盅就半飽咖啦，雖然得2件雞而且味道甚普通，不過$9.8都抵食既。6. 紅豆桂花糕(74)呢個最ok，桂花夠多而且撈埋杞子，一碟3件大大舊，顏色又靚。茶就只係大眾質素，唔好咁大期望啦。不過係灣仔商業區咁既消費可以坐幾個鐘，都算係咁啦！…查看更多

此酒樓是九龍城區內平靚正的飲茶食晏地點，有$16.8一碗咸蛋叉飯$28.8一碗切雞飯送例湯，再包一個中點$40一大碟楊州炒飯，送例湯，計埋茶芥加一全包咁既價錢邊度搵呢。1/f大堂搭檯茶錢$52/f、3/f大堂不搭檯茶錢$6酒樓是普通裝修，服務一般，不過起貨要等耐少少。但係茶還是可以入口，而且有幾部plasma電視，不停播新聞台。近來一星期都要光顧一、兩次，奈何今日想去食平靚正午飯，結果門口關上，招牌被帆布遮了，貼了這一張大紙。…查看更多