cwhbrown711的個人專頁

太太喜歡食蟹，週年紀念找了一間專食蟹的餐廳。由於選擇太多，所以最後直接叫了其中一個二人餐，由前菜到甜品共有700樣東西，而且有得選擇（例如食飯還是粥，熱蟹或是凍蟹)。蟹類都非常高分，味道不錯，雖然價格不便宜，CP值不算太高，但總算是很多選擇的餐廳其中一間。如果想食很多蟹的話就應該要來，我們也應該會再幫襯。值得一提，如果想吃其他東西，例如魚生就不要在這裏吃了。無論是套餐包的刺身還是我們後來額外叫的魚生，其實質素也不算太差，但跟他們的蟹比較就有點遜色而且價錢偏貴，吃魚生的話就到一般的居酒屋壽司店吃好了。不過甜品非常好吃！蕨餅、綠茶布丁等都非常精緻。…查看更多

在Airside一家人想食韓國菜，但因為年初一所以韓國餐廳一係冇開一係就要食啲指定新年貴set，輾轉下決定去foodcourt試試這間今日漢江。雖然只是foodcourt餐廳，但在Airside內，所以都有少少期望，始終其他foodcourt餐廳例如隔離越南仔、幸福巷子、拉麵、burger甚至銀咖哩都係性價比不錯。但結果非常失望，叫了的幾個菜式都好劣，bibimba接近完全冇菜，只得幾塊翠肉瓜，有啲鮮冬菇和幾條蘿蔔絲，配上極多罐頭免治牛肉，飯煮得好濕，個樣同味道都非常唔掂。另外叫咗辣海鮮豆腐鍋，非常少料，一隻青口仔，一隻蜆，一隻蝦仔⋯比較好啲的係炸雞，但六十幾蚊一份都係唔抵食。…查看更多

食物同裝潢都非常用心同特別，去過嘅朋友都知環境好好好啱坐，由香港冰室懷舊風到歐洲古董舖擺設，以至日系/沖繩的感覺全部都有，喜歡打卡的話大推。自己比較在意食物，依度就主打肉類。飲品有好多選擇而且罕見，試過頗多都幾好飲。野食用料非常好，煮法”simple but not easy”. 十分推薦的餐廳。但也有兩大缺點：1.地點不方便，在土瓜灣較近煤氣鼓/翔龍灣的位置，地鐵要行頗遠（15-20分鐘？）大部份巴士也要行兩三個街口才到。附近環境也很多是地盤或貨物運送，與店內完全是兩個對比，有種格格不入的結界感。但如果坐在近窗邊的座位，當巴士或重型貨車經過時會感受到震動。如果晚上光顧，附近感覺非常冷清，也有一點不安全感。2.食物雖然非常好吃，但性價比頗低，價格偏高（特別是午餐的話）份量也偏細，一些燒牛肉飯套餐（本人為正常食量的男士）也需要叫大份才飽（但大份的價錢偏貴）。總括而言還是很喜歡這間餐廳，間中也會帶朋友幫襯，記住不要看價錢就可以。…查看更多

結業後兩年重新開返去附近一間細啲嘅舖頭，但一樣光鮮企理。舊老闆仲有喺度幫手，但主要由佢仔仔打理。好多舊客都慕名返黎食，因為鋪位細咗都試過要等。比較可惜係以前做宵夜，依家暫時都收得早。可能因為剛剛開返，食物種類冇以前咁多，但係質素保持到👍🏻湯底超鮮甜，啲餸比足料好抵食。名物牛肉餅、炸墨魚依然有。重開後第一次返黎叫咗個人最愛- 西洋菜、鹹蛋、雞肉湯飯，仲送自家製菊花杞子茶。第二次食咗個辣米線，今日再去補左條蒸魚。香港最好食嘅湯飯同其中一間好食嘅米線🥰🥰…查看更多

已經第三次黎，地方乾淨，位置方便（兆萬三樓係扶手電梯上到唔需要同人逼排隊）環境舒適，最令人難忘係服務態度真係非常非常好，今次預早啲訂枱，重有房仔比我哋。我哋食七點半,冇限時可以食到佢十點關門，九點鬆啲last order，埋左單之後重可以慢慢食埋雪糕先走都唔趕，比好多任食火鍋舒服。食物以任食黎講質素不錯，選擇也頗多，湯底都係好多選擇，也可以作不同價錢的配搭，今次試左不用加的胡椒豬肚，好好味😋靚鍋，枱又闊，打邊爐黎講冇嘢可以挑剔。…查看更多

個樣雖然好似一般外賣壽司店仔，但質素好高。最近成日唔開，希望唔係執左😭😭😭每日有唔同pack好曬嘅特選款式，果啲感覺最新鮮。雖然價錢係偏高，例如三件唔同款拖羅可以去到二百五蚊，兩件花之戀8-90蚊。但食材高級，好新鮮，真係丰洲魚巿場級數，所以都值個價錢。另外都有啲便當仔/冷麵賣，但未試過，因為壽司啲樣太吸引。大家行過入去睇下就明。之前一直都以為係純外賣店，但後來成日都會有班日本人放工黎飲住酒好似居酒屋咁傾吓偈企係度堂食。老闆都係日本人，良心小店。…查看更多