V.Ho的個人專頁

原來10個月冇post了🤣🤣今次嚟到呢間Tommy Yummy (中環)餐廳以綠色森林為主題🌿近大玻璃露台係一個打卡位😉平日嚟到大約兩點半，冇咩人幾舒服，入到去職員話用餐時間90分鐘，我哋冇特別request佢就帶咗我哋去露台位🥳🥳真係幾靚喎不過對面望住扶手電梯，其實好多人會望入嚟😂中途有小插曲，有啲攝影發燒友係咁向住呢邊方向影相，搞到同朋友食嘢時有啲尷尬🫣今次食下午茶☕️ 朋友叫咗個🪴泰式雞肉金邊粉 $88hkd 因為朋友好多配料都唔食，所以佢話好細心將芽菜花生碎同埋辣椒粉分開咗擺唔使佢撩出嚟😜試咗少少 味道唔錯，份量都足夠🪴沙嗲雞豬肉2串 $58hkd 夠味，唔會燒到太乾，沙爹亦很香😋 🪴兩個餐都包一杯嘢飲，我哋就叫咗杯泰式奶茶， 茶味同奶味適中，口感滑溜唔錯👍🏻🪴TY芒果糯米飯 $88hkd最面個係椰子雪糕🥥 我同友人不約而同覺得好似以前細個喺許留山食嘅海底椰雪糕咁樣😆😆 係好食嘅😋 配以芒果同埋斑斕味嘅糯米飯再加上香濃椰汁🥥瞬間去咗泰國咁🥳個飯份量都好多，但係我就覺得上面雪糕可以再多啲啦🤪🤪如果以呢個價錢加埋個環境都值得一試😉🪴Tommy Yummy (中環)中環威靈頓街98號翡翠中心1樓…查看更多

今日又難得出街啦😂好啦！今日唔做宅女！嚟咗呢間充滿水泥輕工業風嘅Cafe😋去到大約下晝4:30，等咗一陣就有位，呢間係pet friendly㗎🐩🍋招牌檸檬流心磅蛋糕$48食落去蛋糕濕潤唔乾，甜酸嘅檸檬流心令人精神一振😆🍯芝士蒜蓉牛油軟法包加蜜糖$78啱啱焗起麵包又香又軟熟🤤蒜蓉牛油包好多人都鍾意食，加芝士不得了，再加埋蜜糖！鹹鹹甜甜！搞唔掂呀😫好容易食多咗🤪☕️Tiramisu牛角窩夫 $58 本身就咁窩夫都冇特別，不過又要加埋支野比你唧下玩下，再加埋支雪糕棍又覺得過癮咗🤣攞嚟打卡唔錯😁整體都好食嘅飲品☕️Iced Cappuccino $48 Ok 正常Appleccino $48 朋友叫無問佢好唔好飲😆不過見佢好快飲晒應該都唔錯📍 GOOF (佐敦)佐敦文匯街32號文景樓地舖Mon-day offTue-Sun 11-19:00…查看更多

Hello大家好耐冇見🥲因為前排太懶無po食評😆😆今日同朋友去咗呢間到而家都長期排隊嘅主打黑白嘅Cafe🖤🤍今日星期六排咗差唔多40分鐘有位😥外面位置都好曬🥵🥵裝修都唔錯，位置之間唔會太迫今次叫咗兩樣主打🤍竹炭糯米窩夫🧇$98hkd 因為加咗糯米所以食起嚟煙煙韌韌😁唔錯！而且感覺比起平時窩夫快飽好多🤣至於自家製牛奶雪條反而冇乜驚喜🤔😥好似牛奶忌廉擺咗入冰格雪硬咗嘅感覺，不過可能溶咗啲嚟食，食起嚟好似cream,同隔離嘅忌廉味道好相似🤣不過不失 雜莓🍓🫐全部都好酸，可能想中和返啲冇咁甜。🥚雞蛋布甸配House expresso ☕️$60hkd 雞蛋布甸入口creamy及滑，朋友話蛋味唔夠出，可以再濃啲😆 焦糖布甸🍮同expresso 味道好夾，不過我開頭食落嘅感覺好似我喺日本7–11買嘅布甸差唔多味🤣🙈所以大家都係好食嘅😝📍 Contrast (長沙灣)長沙灣福榮街512-518號依時大廈地舖…查看更多

好耐無post食評啦！亦都好耐冇去Cafe😋😋係24號平安夜食，同朋友食完正餐之後由銅鑼灣行去星街🤣本身諗住去另一間，去到已經5:00但係因為限聚令食肆要閂六點！我哋本身係另外一間要等七台客，即係分分鐘未到我哋已經閂門😂😂然後就落咗去月街！呢 間都要排兩三台，不過為數比較多應該機會大啲， 所以我哋都照等，大約10分鐘到就有位了！見到有個聖誕🎄甜品法式多士，諗住應吓節叫嚟試吓，點知冇晒啦🥲咁我哋就叫咗其他甜品，檸檬撻同埋紐約芝士餅。檸檬撻檸檬味好出夠酸開胃幾好食😋New York cheese cake 好難唔好食😂不過佢呢隻係比較林身啲，平時出面食開會有啲係比較實淨少少，不過都係好食嘅嘢飲方面大家都叫咗伯爵latte , 一杯凍一杯熱嘅，分量正常(當然大杯少少梗係好啲啦😝)伯爵茶味飲到少少，奶泡甜甜哋幾好味。呢度環境幾寫意不過座位好迫夾。6點夠鐘走人，最後我哋又喺月街度行返去銅鑼灣😂😂📍 APT. Coffee (灣仔)灣仔月街2-12號地下A&B號舖…查看更多

今日同爹哋媽咪去飲茶！❤️❤️ 係網上平台 預訂嘅90分鐘點心放題！今次嚟到九龍海逸君悅酒店，點解想訂呢一來係想去同佢地飲茶，二來想睇海景， 三來想任食點心🤣🤣啱啱好滿足我三個願望😜我哋預訂咗下晝2:30 ，去到時間啱啱好，已經有好多人等緊🙈 其實之前同佢地講過有海景，佢哋話有冇海景都無所謂🤣🤣 不過佢哋兩老好少出街，想佢哋都享受一下！輪到我哋了，跟住我就同侍應講想要window seat，侍應話冇晒啦😭(之前試過打去問，職員都有講過話先到先得嘅)然後安排咗普通嘅中間嗰啲位，爸爸媽媽話冇所謂，心諗算啦，未坐之際嗰位侍應話你係咪想要窗口位，嗰邊有張枱執緊不過你要等一等，我心入邊即刻好開心！♥️好感謝嗰位侍應😘 爸爸媽媽開頭話冇所謂，但爸爸見到個海景位之後都wa咗一聲! 因為真係光猛好多！你知老人家係鍾意光啲😛然後就狂影相🤣🤣 但係媽媽冇乜反應🤣🤣佢呢度係QR code入單，部份點心係要逐件叫嘅，例如燒賣蝦餃春卷果一類，第一轉叫咗53件&份 😂😂嘢食都好快到！另外有三樣係每人一份嘅！蜜汁火方，鮑魚撻，椰皇燕窩燉鮮奶，呢三樣都好食喎！尤其係個燉鮮奶😋奶黃流沙包，個包黑色上面再畫咗金色望落去非常高貴，好適合打卡，味道同賣相一樣都係好食！而且好流沙。有啲嘢食比較特別係鰻魚芋頭飯🤣 叫咗但我冇食到，因為知道大概咩味道😆蒸點方面味道大致平均，同出面酒樓食差唔多，椒鹽豆腐粒外脆內軟good ,黃金涼瓜OK，蜜糖炸蛋散就唔好食，好油🙈 食飽飽，現場要比每位$23茶錢及+1，總共$199一位😀 (平日)如果食得多嘅話其實平過出面飲茶，我計咗大約22樣嘢食，即係平均每樣$27 （加埋茶錢同加一）而且今次仲有海景配點心🌿簡直值回票價！最重要爸爸媽媽都食得開心❤️❤️*90分鐘雖然有少少趕，但兩位老人家好快飽，時間尚算足夠。*另外都有漏單，例如個椒鹽豆腐我係再追，牛肉腸叫咗無嚟，不過媽媽話唔食啦所以冇追*食完野之後酒店都有好多打卡位㗎，尤其個樓梯！我冇影到，但同左兩位影😆📍 海雲天 (紅磡)紅磡德豐街20號九龍海逸君綽酒店2樓…查看更多

呢間打卡餐廳一直都想去，因為森林嘅設計吸引咗🦎每個位置都係打卡位😛嚟呢度最好預先book位，今次朋友生日所以決定嚟呢度！首先每人會比一杯蝶荳花水， 唔係普通清水👍🏻侍應好細心地見到其中一位朋友大肚所以轉返一杯暖水俾佢😀(嗰位朋友其實叫咗杯沙冰🤣🤣)另外每一位都附上口罩folder一個，仲可以拎走reuse😀 🍗牆城小食拼盤 （小$168hkd/大$248hkd）配自家製蛋黃醬(美式甜辣香脆雞翼，德國腸，🍟脆炸薯條，🍠甜番薯角，🧀芝士條) 我哋一行五位叫咗大size，份量都幾多！有四條大大條德國腸，四隻雞翼，四條芝士條，除咗芝士條覺得一般之外其他都好食，香脆可口 🍝明太子蟹肉扁意粉$158hkd蟹肉又係唔使錢咁樣勁大球⚾️明太子唔會太鹹味道啱啱好，成碟意粉好似卡邦尼一樣好濃郁🤤🥑牛油果忌廉蟹肉意大利飯 $178hkd雖然我日日早餐都食牛油果，已經食咗兩年🤣🤣但係都百吃不厭，呢個牛油果熟到啱啱好夠creamy ,冇留意到原來都嗌咗蟹肉😂不過唔緊要因為🦀蟹肉都好好食！意大利飯都係配合返亞洲人口味煮得比較淋，味道比較清新，牛油果嘅軟滑，配上蟹肉鮮甜同埋意大利飯彈牙口感，食起上嚟好順口，一口接一口！😋🐷慢落豬(慢煮西班牙冰花黑毛豬串燒配甜番薯角)$268hkd串燒好大串，唔係一口一粒，每一粒可以切開食到兩三舊，份量都算多，豬肉比較多脂肪大約7/3比例，朋友不太喜歡食太多脂肪，但我還可以😂因為有油脂才食得滋味滿足😝放喺底嘅甜番薯角擺咗一陣都仲脆👍🏻 🍓士多啤梨雜莓乳酪沙冰$72hkd紅蘋果🍏青蘋果乳酪沙冰$62hkd仲有另外兩杯飲品唔記得咗係咩，但係飲品都好好飲同個名一樣有個種味道係入面嘅😀總括而言全部都好食喎👏🏻👏🏻 餐具亦好精緻，感覺有巴洛克風格自備生日蛋糕切餅費$50hkd另外佢哋都會俾閃燈皇冠👑props 壽星仔女影相用👏🏻👏🏻今餐好滿足，食得飽😹 📍慢理牆城 (油麻地)油麻地砵蘭街28號M1酒店1樓…查看更多

潮牌off-white 🚧 係港威商場分店內開咗間Cafe😝Off-white 店舖連住cafe ,店舖面積約有6-700呎，一邊係長吧枱位另外一邊就係sofa位, 整間店舖以不同深淺嘅灰同埋銀色做主調，感覺時尚型格🗿餐牌都非常簡潔，價錢大約中位價(以開係海港城來說) 嘢食來了！😋😋⚒ 蟹肉Tartar 💰$160hkd 裏面有牛油果蟹肉三文魚，味道清新，調味剛剛好，健康之選，以這個價錢來說蟹肉味不夠突出。 ⛓Parma ham pizza 🍕💰$148hkd 以味道來說算不錯，但不知道是不是失手之作，其中一，兩塊Pizza食落去超鹹🙈 然後餅底淋哂，有點可惜。 🎬燉牛肋條 💰$188hkd 肉質軟嫩，燉得非常淋！醬汁提升鮮味，另外伴薯蓉吃亦不錯👍🏻 🚧牛肉千層闊麵 💰148hkd 味道正正常常不過不失😬 ⛓韓式石頭拌飯 💰118hkd這個味道不錯，主要是豬肉和泡菜蛋併伴飯，不過就覺得石鍋不夠熱。 ⚒楓糖烤三文魚。💰$188 hkd 這個反而有驚喜！外皮煎得金黃香脆，三文魚肉質juicy 😋😋令人會繼續想食落去！ 🔗同行友人叫了杯咖啡，而我就叫了🥥椰子奶昔(S/L)💰$48 /💰$58 hkd呢個好好飲🤩上面仲有雪糕球加cream🥳 可以叫嚟飲😋 🚧可能剛剛試業，部份食品未達致水準，但係行下街攰嘅時候都好適合入嚟打下卡 😝👍🏻#instagrammable 最後埋單 💰$1178 /3 person 📍尖沙咀海港城港威商場G301…查看更多

今次嚟到尖沙咀幫手，講到lunch就真係要搵平時喺度食開飯嘅人帶路😂😂因為呢度平時食嘢嘅話都未必會上到嚟！不過我有印象係呢頭返工嘅時候都有上過呢幢大廈食lunch 😂😂一上到去果然係附近返工嘅人飯堂😂好多都係着住制服嘅零售業staff ! 呢度地方比較細，但係位與位之間又唔會覺得有壓迫咁，佈置比較簡潔，以大理石北歐風格為主！#instagramable 😛Tea set 卡邦尼長通粉 💰$52hkd 蛋香味濃！不過醬汁略嫌唔夠杰身，長通粉煮得啱啱好，彈牙有𡁻口😋整體味道偏淡一點，不過都好食嘅☺️另外加咗雞翼$18hkd/2隻, 貴咗少少😆調味唔錯，炸得香脆🍗裏面還juicy ！整體感覺唔錯還會再來！😛📍 Co-Dining Space (尖沙咀)尖沙咀廣東道82-84號流尚坊11樓…查看更多

Rosewood 酒店開了8個月未去過，知道價錢直逼半島酒店，今次另一伴生日所以去試吓入面嘅餐廳holts cafe ,佢呢間餐廳特別在中西合壁，下午有港式點心😁今次叫咗黃金蝦💰280hkd大約有八粒 , 黃金蝦脆漿不厚，蝦亦非常彈牙，亦不會太漏，鹹蛋味亦很突出，呢個值得一試。龍蝦🦞pasta 💰$290hkd 主要為蕃茄汁煮成，當中亦食到用咗蕃茄乾 Cherry tomato , 增加不同蕃茄嘅酸度，Penne煮得亦有口感，另外龍蝦新鮮食到龍蝦味道🤭(你明我講咩就得😛）另外叫了Black pepper牛扒💰320 hkd 我叫咗五成熟啱啱好，因為用咗好多black pepper包住牛扒， 而且煎香左所以咬落去口感係脆脆地，幾好食😋另外薯條炸得香脆, recommend👍🏻最後叫咗個甜品70% chocolate tart 💰$100hkd , 最後加上生日字句🥳朱古力味道濃郁，口感細滑😋 最後是侍應講到AE卡有八五折, 不過我無😢最後埋單💰$1089hkd ! 我覺得係五星級酒店餐廳食到呢個價錢唔算貴，不過我覺得環境比較嘈雜，service 一般正常，可能我諗住五星級酒店Service有所期望😜因為我一日走左兩間酒店， Service的確有分別🤣不過值得一試😊P.S 酒店厠超級靚❤️❤️❤️📍 Holt’s Café (尖沙咀)尖沙咀梳士巴利道18號香港瑰麗酒店2樓…查看更多

【旺角將結業餐廳😢】呢間西餐廳大約食了好幾年，都忘記了幾多年，有舊鋪瓊華開始食，馮大時大節都會來這裡慶祝，例如倒數等等，有好多回憶係呢度！如今10月13日會結業，的確可惜😢大家有機會可以去試！質數同價錢👍🏻👍🏻good good 生蠔超大隻💰$198hkd/6隻🤤🤤非常超值！‼️9點後入座75折叫咗兩個set dinner 再加生蠔埋單都係💰$500hkd 有找！😍😍😍😍個set未影哂，前菜仲有鵝肝，田螺！你話呢個價錢邊度可以搵？🤷🏻‍♀️快去 13號前！！ 📍天機棧扒房 (旺角)旺角花園街18-24號華園閣2樓…查看更多

【中環CP高西餐廳】今日有嘢要出去中環做，所以大約四點出到去，咁岩遇着下午茶睇一睇餐牌下午茶都幾抵食😍以下兩個為下午茶餐包飲品！🍝卡邦尼意粉 💰$48hkdCarbonara 汁夠濃掛麵條😋$48份量不會太少，夠女生吃。真係好抵食😍良心🍟🐠Fish and chips 💰$98 hkd 下午茶來說會貴少少，但係食落又會覺得呢個價係正常😂 炸魚和薯條夠熱夠酥脆(唔知有冇落啤酒係麵糊中)，因為好驚啲炸漿會係硬過石頭咁樣，魚不會乾還保持濕潤感👍🏻薯條夠粗，配上黑松露沙律醬😋正！ (散叫) 🍕巴馬風乾火腿蘑菇薄餅💰$148hkd本身好驚食唔晒，但係知道呢個係薄脆餅底就ok 😂呢款紙咁薄嘅底我通常會捲住嚟食，好似Burrito。薄餅烤得非常脆，Parma ham亦算多👍🏻good 今天過着休閒的下午😁 P.S 須加10% service charge 📍Espuma (中環)中環威靈頓街2-8號威靈頓廣場M88 17樓…查看更多

【中環CP高西餐廳】今日有嘢要出去中環做，所以大約四點出到去，咁岩遇着下午茶睇一睇餐牌下午茶都幾抵食😍以下兩個為下午茶餐包飲品！🍝卡邦尼意粉 💰$48hkdCarbonara 汁夠濃掛麵條😋$48份量不會太少，夠女生吃。真係好抵食😍良心🍟🐠Fish and chips 💰$98 hkd 下午茶來說會貴少少，但係食落又會覺得呢個價係正常😂 炸魚和薯條夠熱夠酥脆(唔知有冇落啤酒係麵糊中)，因為好驚啲炸漿會係硬過石頭咁樣，魚不會乾還保持濕潤感👍🏻薯條夠粗，配上黑松露沙律醬😋正！(散叫)🍕巴馬風乾火腿蘑菇薄餅💰$148hkd本身好驚食唔晒，但係知道呢個係薄脆餅底就ok 😂呢款紙咁薄嘅底我通常會捲住嚟食，好似Burrito。薄餅烤得非常脆，Parma ham亦算多👍🏻good 今天過着休閒的下午😁P.S 須加10% service charge 📍Espuma (中環)中環威靈頓街2-8號威靈頓廣場M88 17樓…查看更多

【銅鑼灣蛇王二🐍】「秋風起，三蛇肥」50、60年代，香港的蛇店林立，而蛇羹也是香港市民在冬天的平民補品,細細個已經食蛇羹食到大。🐍蛇羹餐🐍包括有菊花會五蛇羹一碗，自選燒味飯一碗/碟，蠔油生菜一碟。蛇羹好足料，配上脆片，檸檬葉同埋白菊花👍🏻正！註:「五蛇」的眼鏡蛇、金腳帶、過樹榕、三索蛇、百花蛇熬成蛇湯，加入雞肉、木耳、冬菇等煮成羹。今次叫咗雙拼飯💰$124hkd 一碗(連餐)佢呢度出名脆皮膶腸飯，當然要嗌返碗啦！🤤細個唔係好食膶腸，大個終於識欣賞😂😂真係做到脆皮，膶味係口內爆發，令人回味😍 忍唔住今次買咗半斤返去 😆店員都有教我點樣煮，又話可以膶腸蒸排骨😂👍🏻多謝指教🙏🏻膶腸半斤 💰$92 hkd 有8條😁📍蛇王二 (銅鑼灣)銅鑼灣波斯富街24號地舖…查看更多

【旺角泰菜小炒店】🍺對上食呢間野已經一年前，第一印象覺得唔錯，但係因為比較隔涉所以好少去，今晚突然醒起佢嘅小炒🤪 所以帶埋男友再食👍🏻因為我都覺得好啱佢食！🐟招牌小炒皇💰$68hkd小炒王普遍材料通常有韮菜花 , 銀魚乾 , 菜甫 , 腰果 , 蝦仁/魷魚，呢個真係必點！好有鑊氣！全部材料食到佢爽脆同口感豐富，銀魚乾簡直係令成道菜昇華！可以再叫多碟😂佐酒之選！🍻🐷炭燒豬頸肉💰$68hkd屬於泰國菜之一，有淡淡的炭燒香味，豬頸肉爽滑彈牙，加埋泰式酸辣汁，真係好開胃🤤🦆滷水拼盤💰$78hkd材料主要有爽脆鵝腸、紅腸、牛肚、扎肉、豆腐干，全部滷水味十足！再加埋蒜蓉辣醋汁同辣椒醬，非常惹味！😻🦑椒鹽鮮魷💰$68hkd呢個略嫌較為失色，炸漿太厚不過脆，魷魚彈牙，但味道不過不失沒什驚喜！🐚泰式煎蠔餅💰$68hkd蠔餅超大份！蠔都好大粒！不過我就覺得呢度菜都係炸漿太多但鬆脆，蠔其實並唔係好多😂食完真係好膩😅建議三至四人食先好叫。可以和三五知己來這裡吹下水👬👭👫📍水記 (旺角)旺角豉油街5號地舖…查看更多

【Starbucks美食】日式照燒雞肉蕎麥面沙律🥗💰$55hkd 減肥減肥減肥😂😂😂試吓Starbucks 呢個餐盒，因為唔係每次都有，好快俾人買晒，今次五點幾竟然都仲有，咁試下先！蔬菜尚算新鮮，雞肉不過不失但不算乾，蕎麥面正常口感，但略嫌太少，要加埋個糖心蛋先夠飽肚😆不過講真如果唔係有麻醬嘅話其實真係好難食晒成盒😂因為太清淡了🌿不過我覺得係一個減肥好選擇，後面有晒 營養成分表 ，食晒成盒有688卡路里，雖然聽落唔係好少，不過勝在糖分同碳水低👍🏻📍Starbucks 買呢個餐盒記住要早少少去買，因為好快俾人買晒😁🌿…查看更多