Cary.凱莉's Profile

見佢哋新開去試下。晚市菜單選擇足够多，主要係中式小炒及茶餐廳菜式。因為只有兩位，所以只嗌左兩個餸，菜心炒牛肉+土魷蒸肉餅+白飯。小炒有鑊氣，味道剛剛好，牛肉冇渣唔靭👍🏻👍🏻。土魷蒸肉餅嘅肉餅咬落鬆化，味道香甜！同土魷嘅咸香好夾😋😋。 埋單$165。晚餐出街食茶餐廳有呢個環境同質素都算性價比高，同附近茶餐廳價錢差唔多。食完之後廚師仲特登送咗兩碗中式糖水俾我哋食，好窩心好親切🥰服務員服務態度還可以，屬於正常茶餐廳嘅服務。…Read More

今日中午訂咗兩位嚟試呢間西班牙餐廳。一入門口，侍應已經好有禮貌咁打招呼！中午嘅餐牌選擇眾多，我同朋友嗌咗比目魚扒以及牛肉意粉再加一個墨魚Tapas。Tapas作為小食先上，賣相靚不特止，味道亦好好，入邊有捲心菜同埋墨魚片，加埋醬汁同埋三文魚子，食材互相好夾，好美味！ 之後兩碟主菜都好味！好有水準！比目魚煎得皮脆肉嫩。牛肉意粉嘅牛肉亦好友牛肉味，此新鮮牛肉味，唔似急凍。意粉都做得好好，煙煙韌韌而且掛汁。 如果自己煮要好多心機、時間同技巧。餐廳環境唔算好大，如果人少去傾偈食飯係好嘅選擇！尤其午餐時間喺銅鑼灣區，要搵個相對安靜嘅地方傾吓偈，有時都唔容易。整體嚟講，食物質素同店員服務都超出預期，每人二百零蚊，物超所值！🥰🥰🥰🥰希望之後去試埋佢哋晚餐🥰（可惜今日冇影相😅）…Read More

今早喺荷李活道落咗車之後就想行入去Elephant Grouns搵朋友有位男店員已經笑面歡迎，並且好有禮貌咁問幾多位。我冇表示會坐低食，亦都冇表示會幫襯，我只係話搵朋友。店員仍然好寬容咁問我係咪搵嗰位朋友，跟住仲帶我去朋友嗰度坐低。態度仍然非常友善！值得一讚！👍🏻👍🏻👍🏻跟住我同店員講，由於唔知我另外一位朋友泊唔泊到車，所以未知可唔可以坐低食。佢表示理解並且好友善咁樣提供泊車建議。非常體恤客人嘅需要。最後決定坐低食，我嗌咗牛油果酸種麵包及黑咖啡。份量非常足夠大仲有隻poached egg同埋沙律菜！所有嘢都新鮮美味！價錢合理！🥰👍🏻其實之前我喺其他地方都有幫襯過Elephant Grounds ，食物質素都一樣咁高，不同分店都keep得到好嘅水準真係唔簡單！而且整體嘅服務都唔錯！今日尤其覺得荷李活道呢位男店員好有heart。我見到佢同其他客人都有傾有講，招呼周到！🫶🏻👍🏻👍🏻👍🏻👍🏻…Read More

四位, 第一次去食，唔係太清楚份量，亦都未睇食評嘅情況下：坐低Order $168 Lunch Set x 2，內包6個mini Tapas，兩個火煺包及兩份Paella，兩杯凍飲。另外再加兩個正常size Tapas。後來諗諗吓覺得好似太多，因為加起來有八個Tapas。雖然有啲係Mini size但係又驚Tapas重複左，情急之下，我走出去前台搵返個店員想問多一句，想搞清楚份量同埋會唔會重複之際，疑似老闆（女的）就截住個店員叫佢唔好理。佢語氣好倔，跟住就同我講話其實*每位*客人最少要叫一個set，如果唔叫一個set就要叫返三個正常size嘅Tapas。我問佢咁我哋而家係咪未夠，佢話係，跟住佢就俾個Tapas Menu我叫我返埋位再諗清楚，態度非常惡劣。由於我覺得唔係好對路，我叫佢先取消一個set以免太多。跟住返自己位坐諗住睇吓嗌咩Tapas去滿足返佢嘅要求。之後疑似老闆行過嚟，就話其實我哋好忙好多客，你唔喜歡嘅可以唔好嗌！！！（聽到簡直嘆為觀止！直程意思係趕我走😤）我唯有厚面皮啲再問返究竟要嗌幾多嘢先得，（但係我睇暈晒都唔見有邊度寫明呢個要求又或者每位最低消費幾多），佢就話每人最少嗌一個set，並冇話可以用三個Tapas代替一個set。講完又再重申話其實唔啱食可以唔好食。由於我仲喺度度緊嗌乜嘢Tapas去滿足佢最低order要求，佢嘅回應令我好詫異，因為佢講嘅前後有差別。如果佢規定每個客人要嗌一個set，我喺前台問嘅時候佢應該講清楚，就唔好話三個Tapas代一個set, 仲要俾個Tapas Menu叫我再諗啦。咁其實我都唔係唔明佢嘅要求，要每人叫一個set，但係因為佢lunch Menu其他set我都唔想食。所以我先嗌唔落手。Anyway喺香港咁耐，我都冇受過過咁樣嘅待遇。餐廳食物質素幾高都好，如果服務態度差，就一定唔會考慮。其實我本來係嗌兩個$168 lunch set加兩個正常Tapas再加飲品，Lunch四個人張單加埋一，都接近$700。如果嫌我哋啲單，建議老闆如果咁揀客不如開私房菜啦！（如果食物質素夠高，我呢啲cheap客就唔敢再幫襯啦！） 😤😤😤飛去西班牙食冇咁嬲！…Read More

朋友好耐冇聚, 諗住搵啲新地方食飯。訂位時服務員冇講1.5小時用餐時間,確認預約時亦都冇講。去到餐廳, 食食下果位疑似經理嘅服務員突然間同我哋講用餐時間係一個半小時。仲請問我哋要唔要嗌甜品(當時主菜先剛上到)！ 過十分鐘即刻俾張單你, 即係叫你唔好再加單！超級唔合理！服務員態度一開始已經態度唔好, 因為落單時已經好冇笑容。之後加單簡直係西臉！Anyway,以後唔會再去呢間！完！…Read More

最初對呢間餐廳冇乜期望，以前呢度間餐廳叫做趣屋，主打為街坊嘅飯堂。後來女青年會大裝修，之後就變咗而家呢間！以為都係食返普通西餐，有一晚諗住開返間新餐廳咪去試吓囉！一試難忘呀簡直！佢哋啲食物做得好有心！食材本身亦都非常新鮮，主打西班牙菜，但係又有小小其他種類嘅食物選擇。例如美國漢堡但係用和牛整嘅、早餐甚至乎會有啲港式早餐嘅選擇。但係可以話比你哋聽，我so far試過好幾款，每款都非常好吃！餐廳晏晝有時比較多人例如今日我啱啱去過，差啲無謂要等！人多但係食物質素都keep得好好！只係會比較嘈。夜晚比較少人，所以都幾適合情侶去或者三五知己去傾下計、飲番杯！真係值得一試再試，雖然位置唔算好方便，但係其實行上山腳都唔係咁難！搵好嘢食係值得行多少少嘅！…Read More