皇馬10號的個人專頁

今日經過土瓜灣洗車，發現左一間新開餐廳，見佢門面裝飾幾得意，即管入去幫襯下，依間餐廳雖然個名叫冰室，但係啲食物幾特別，好有日式feel，正當思考一下想食乜，老闆好熱情，推介佢地個常餐同特餐，不過今日胃口麻麻，所以求其叫左份蛋治食，正常早餐無乜好講，來來去去都係嗰啲嘢，不過今日食完件蛋治後，發現此間小店用料實在太好，無論方飽或炒蛋，都屬於區內頂級水準，再加上特別的凍飲杯同有包裝的飲管，比人感覺衞生，以後又多一間飯堂了…查看更多

睇雜誌介紹來試下，地點比較隔涉，如果唔係用google map相信好難揾到。一埸來到叫左兩份早餐加一份蛋治，牧牛的炒蛋非常好味，比聯X和華X更勝一籌，而且價錢更貼地至於餐廳另外重點推介的沙嗲牛麵同餐肉茄通，老實講只係一般，建議想來一試的人只叫蛋治就可以了。…查看更多

從朋友口中得知上環有間非常好味的豬扒飯，於是老遠從九龍到來一試，點左時菜豬扒飯和鮮茄豬扒飯，菜的份量非常多，非常新鮮，鮮茄茄味濃郁，沒有添加茄膏，主角豬扒一如傳聞中好味，食得出每一塊豬扒都係用人手揼出來，並不是用鬆肉粉整的，所以豬扒都很鬆軟很入味，兩碟飯都很有在家食的味道…查看更多

新店官塘開張，試一下傳説中既好味蕃茄湯底，叫左個雞翼豬扒蕃茄湯公仔麵，茄湯好濃，湯內見到一絲絲攪碎了的蕃茄絲，豬扒好香，唔硬，雞翼亦好味，醃得好入味，兩者浸落湯都無淋無走味好家庭feel，但麵就稍為淋左D。咖啡都好飲，唔太甜同唔重奶味。讚完食品，要彈下，就係安排比較混亂，店內明明有好多吉位，但就冇人安排入座，要D客烈日當空下係門外排隊等候，明顯地管理上出問題明白因為係新店開張，但係依D真係低級錯誤來。同埋D坐位都坐得幾唔舒服，好似比人罰坐咁，坐到直一直希望可以改善下。…查看更多

星期五下午六點幾經過抹茶館，見到唔使排隊所以決定早D食飯，叫左個親子丼同照燒汁沙律醬豬肉丼，再加兩杯綠茶飲品，D野食都幾快來到，兩碗飯跟既伴菜都幾新鮮，但係親子丼既雞肉就無乜味道，跟湯就只係滾水加胡椒粉，豬肉丼味道正常，綠茶飲品可以一試，其他食物就一般啦！…查看更多

作為大家樂旗下另一個品牌，裝修同服務唔錯，幾有日式feel ，食品種類唔算多，主要係食天婦羅同壽司，另加一些飲品。坐低後點左兩個定食兩杯飲品，上餐速度都算快，約等左15分鐘左右，定食都算豐富，有沙律、漬物、湯、主食同甜品，天婦羅算炸得唔錯，豬扒都幾好味，係魚生飯差左D。飲品味道一般，可以慳番。…查看更多

UCC，曾經是我其中一間經常會幫襯的餐廳，因為佢D咖啡向來有質素，尤其係凍咖啡，很香濃，不會覺得苦澀。意粉亦都好食，彈牙，再加埋沙律吧，套餐既性價比真係無敵。可惜的是，自從分店開多左，食物款式選擇多左後，食物既質素就大幅下降:(今晚點左份咖喱漢堡飯和海鮮意粉連套餐。咖喱汁比較咸，漢堡鞋口無乜肉味，飯就最正常，海鮮味道一般，意粉太淋，已經唔係以前既水準，唯一保持到既就只有咖啡同沙律，可惜:(…查看更多

老字號的舊式茶餐廳，出名的特餐有沙爹牛麵、多士、奄列加杯熱鴛鴦。沙爹牛又香又濃，多士夾住大大塊牛油， 杯熱鴛鴦更加無得輸，特餐真係好足料，完全係物超所值。另外伙計哥哥非常好態度，真係不得不讚。去開長沙灣又鍾意嘆下茶記的，絕對唔可以錯過呢！…查看更多

我係日本、台灣同香港都食過多間以湯咖喱為主題的餐廳，唔係話要同日本去比較，但作為湯咖喱，真心覺得Samurai的水平離正常還差很遠很遠:(在日本，湯咖喱係以湯底可飲加多菜少肉為主的，但Samurai的湯底味道太單一，好似只用清水加咖喱粉開出來似的，味道苦澀。此外蔬菜的處理方法就更加像例湯湯渣咁，霉霉爛爛，雞腿用香草醃味本來應該要讚的，可惜係雞腿係翻熱過程中完全計算錯誤，雞腿只有外皮微暖，肉身係凍冰冰的。最後係果碗聲稱用日本米煮的黃薑飯，唔明白點解會完全無任何味道再加上都係凍的？如果以以上的烹調技術來作為一盤生意，真係要所有食客味覺全失先可以繼續經營落去。…查看更多

烏冬好味，好彈牙，烏冬選用來自日本秋田縣的稻庭烏冬，不過湯底一般，咖喱湯底似乎用咖喱磚開出來，蕃茄湯底味道比較淡，濃D好D。值得一提舖內放置了烏冬和醬油出售，食客可以買返來係屋企自已煮。…查看更多

30幾度，餐廳內只有唔夠10個客，竟然無冷氣，熱到出汗，從表面來睇，係部冷氣壞左一段時間唔整，因為餐廳内整左兩把掛牆扇再加兩部坐地水冷來散熱,講番食物，真係無得頂咁…………差砂鍋雲吞雞，半隻雞可以完全一啖肉都無，雲吞一夾就散，湯就超級味精水。另一碟糖醋排骨，竟然係薄豬扒，重要糖醋完全無味，淡到呢……肯定無下次…查看更多

係日本食過沾麵，香港就首次體驗。久仰佢既大名，一試，果然名不虛傳。用比平時略粗既冷拉麵沾上七成鮮美既湯底，唔好太貪心，否則會太咸，再咬一口糖心蛋或叉燒，好味！食到尾加清湯變湯拉麵，不過先食咸後食淡會令到個湯拉麵失色左D。…查看更多

同老婆吃串燒撐枱腳，來左黃埔新邨竹家， D食物由日本人老闆親自主理，點左幾樣串燒。牛舌串燒好好味，雞腿串燒個汁好惹味，雞皮串燒新鮮做唔係交番來，豬大腸有咬口！老細同員工好友善加服務週到。好食好滿足，下次必定再來！…查看更多

以前去北海道食過，幾特別，有別於傳統日式咖喱飯，唔甜帶辣，多菜少肉。香港終於引入這款特別既咖喱飯食法，SAMA餐廳唔大，約坐到20人，有30種辣度可以選擇，加3種湯底，另外可選唔同餡料，有雞肶、豬肉、漢堡、海鮮、納豆同蔬菜，另外有D小食同酒水等。我同朋友各自選左5同15辣度， 椰子同蝦湯底，餡就雞肶同漢堡。5度微辣，可食到湯底各材料的內涵。15度就偏辣，同多左D辣油浮係面，不太欣賞。雞肶比較（鞋），漢堡就味道唔錯。另外點左D小食，薯餅、炸蠔同餃子，冇乜特別，食物炸得比較燶。整體上湯咖喱飯係一種幾特別既食法，如選辣度低D較好味，辣度高的似乎只係加左辣椒油來增加辣度。…查看更多

本來諗住去炳記茶檔嘆個下午茶，點知3點幾就收左檔，路過龍鳳冰室，見到門面都ok，就入去叫左個西多士餐，等左幾分鐘，凍啡先來，一飲就知中伏:(，凍啡完全冇啡味，連甜味都冇……跟手來件西多士，外表非常得，好厚加多花生醬，點知一咬落口，D麵包非常硬，硬到吞都吞唔落，我估D麵包應該擺左好耐先走去炸，如果唔係冇理由咁鬼硬，連D基本野都整得咁差，其他野都唔方好得去邊………查看更多