marina_twinstar的個人專頁

7:30左右入座三個人去食 去呢間係因為喺我樓下有個職員態度真係超級差有個目測50歲嘅大嬸遞嘢嗰陣超大力差啲將啲湯倒瀉然後佢係成嚿木咁企喺度唔知搞乜又突然去咗門口隔籬嗰張凳坐低企成日喺度睇手機 仲對客人黑面係完全冇見過佢笑搵咗佢幫我哋加單佢篤咗好耐先搵到聽服務員講佢係新人 係咪完全冇新人培訓㗎？其他服務員其實態度幾好 淨係呢個囉菜式一般 但推薦口水雞 如果冇乜特別我係唔會想再嚟㗎囉畢竟我都唔想俾人黑面希望餐廳自己可以培訓一下新人thx…查看更多

朝頭早大約10:00三個人一齊去 總共136 少少多人 等咗1分鐘都冇就入咗去 出餐都算快 服務態度正常 榨菜肉絲湯米粉同五香肉丁米粉先到咗 兩個都幾好食 惹味五香肉丁米粉有少少辣榨菜肉絲湯米粉套餐仲有個包 搽牛油幾好食麵包隔離嘅腸仔一般好油膩極之推介公司三文治 真係好正！一碟有四份一個人早餐食完其實都飽咗朱古力棉花糖嘅棉花糖甜品嚟唔厭飲完之後個身即刻暖晒奶茶正常貨色加單咗個紅豆冰 正常貨色服務員應變能力高態度正常好平好抵食 推介…查看更多

第一次去食 喺蕃茄愛好者所以就去咗食 都幾多人㗎但係食完人就逐漸少咗 帶住一個開心去 我嗌咗一個秘製牛腩+公仔麵+椰菜蕃茄湯 個湯係橙色嘅有啲奇怪 椰菜口感好爽 秘製牛腩蕃茄湯味好大 秘製牛腩真係好好味好推介大家試一下 蕃茄湯好好飲 公仔麵亦都好好食 個雞翼有超小嘅辣有啲太鹹慢慢散發咗一種甜味 蛋包飯一般般 但係個牛肉係好食嘅 豆漿一支根本唔夠嗌咗兩支 覺得呢間餐廳只有蕃茄湯比較好食 其他都一般般 可以建議大家去食嘅話嗌蕃茄湯 有一台人有隻狗一直喺度吠超級嘈好打擾人哋食飯 …查看更多

我係兩個人去食 我同我阿女 限時一個鐘 店入邊好多人 出邊都有啲人排緊隊 兩個人總共220港幣 我覺得都幾平㗎 牛肉粒溫泉蛋飯好好食！去到一定要試吓！有好多款調味料俾你揀 例如有BBQ醬 蒜香醬油 鹽味醬 等等 啲肉好嫩好食又唔會好油膩 如果驚太油膩就可以好似我咁嗌一份生菜 夾埋一齊好好食！份量有多有少 如果某一日好想食牛肉但係唔想食咁多可以嚟呢間嗌50g嘅牛肉 真係又好味又平 啲牛肉仲會帶住一啲蜜糖味 之後嗌咗個北海道牛奶甜品 口感似雪糕 牛奶味好重 覺得都唔錯 超滿足！…查看更多

偶然見到呢間餐廳 而我阿兒又好鍾意食螺絲粉就去咗食 香港有螺絲粉好開心 環境都幾好 服務冇乜特別 個服務員唔係幾講嘢 點咗個奶茶 雖然嗌咗少甜但係都好甜 食物上得好快 有個鍾意嘅炸蛋好開心 個炸蛋有啲乾 但都好好味 豬耳QQ彈彈 有啲酸 好好食 個螺絲粉一啲都唔臭 個湯好好飲 嗌咗小辣覺得唔係幾辣冇深圳嗰啲螺螄粉咁辣 之後加咗個牛柏葉 可能因為螺絲粉味道好濃 所以牛柏葉冇乜味 但係口感都幾好 螺絲粉入邊嘅菜好清爽 好推介大家經過去食 真心推介大家去！…查看更多