食客女的個人專頁 | OpenRice 香港開飯喇

2011-06-17

本人在6月15日1:15PM光顧這餐廳食LUNCH, 平日LUNCH HOUR因為坐位太少一般都要排隊等位, 於是我和另一位同事各自排隊, 我在川福等位, 她就在隔離一間食豚肉飯等候, 不久川福有一位女侍應(當天午市唯一一位女店員)出來, 她說有一張二人枱, 但一定要到齊人才可以入坐, 所以我就叫排在隔離舖之同事過來, 點知這位女侍應竟然見到我大叫同事個名之後, 自言自語說了一聲"潑婦", 好明顯她這個"潑婦" 是話緊我當時大叫同事個名之行為, 當時我真是十分嬲, 但我沒有即時和她理論, 因為只有潑婦才會罵街, 但在整個用餐過程我都留意著她, 可能她心虛知道這句"潑婦"給我聽到, 她全程都不敢正視我和避免SERVICE我張枱, 而家 d 食店請人良莠不齊, 面對客人尚且咁 "冇品", 背後真係咩事都夠膽做。至於食店之食物一般, 味道較淡, 午餐的選擇不多, 比較起價錢就貴了一點!經過此事, 相信我以後都唔會再幫襯此食店, 為免其他食客再受到這種惡劣對待, 選擇食店時真是要小心小心, 否則只會食了一肚氣..........

以上食評乃用戶個人意見 , 並不代表OpenRice之觀點。

讚好

檢舉

sasa_lam 終於忍唔住要打返個食評,平反一下啦,返左尖沙咀幾個月工,雖然自己唔係返飲食業,但都成日有d無理嘅搞事客人上幾個星期開始差不多日日都去呢間川福烏冬食我嘅lunch或者dinner終於俾我見識到咩野係真正嘅搞事客人一朝早應該未開門就嘈,由我入去坐低嘈到我食完佢仲未嘈完,八卦地偷聽左幾句,個女人竟然恐嚇人地間鋪員工嘅要搞x人地間鋪.一朝早真係大吉利是!入正題先,樓下"食客女"講果段時間我都晌到食緊我擠迫嘅午餐.如果佢真係當天午市唯一一位女店員,咁我諗就係service我地果個個女店員啦但其實個員工服務唔係d食評講到咁差,仲幾好笑容,lunch時間好多人排隊,又有唔少人明明見到咁多人排隊都知冇位啦,佢都係好聲好氣講晒唔好意思但係咁鬧個女店員點解咁耐冇位,講真而家d飲食業真係辛苦,又要帶人位又要上菜出野食又要汁枱仲要奉旨俾人鬧之餘仲要俾人話冇禮貌,,我地幾個同事討論緊唔知係咪果日恐嚇人地間鋪嘅女人搵人亂寫嘅食評呢?我見到實際情況係我地幾個一人叫左一個套餐,再叫左d小食,晌我同事十五十六改左幾次單嘅情況下,個員工都冇話黑面仲講唔緊要,又介紹我地d小食.都算係咁啦.講真,服務態度真係算唔錯啦,上野食比我地果時又問晒咩野食係邊位,又小心熱又小心彈手又小心鐵板又咁又盛.雖然講係平反,而佢地嘅野食真係唔差,不過早幾日我叫左個雞蛋烏冬牛肉飯.個牛肉飯可以係冇牛肉囉.芝士餃子又焦到有燶味..飲品又甜得有d過份,不過雞肉蛋飯真係好好味,同事講天婦羅飯好好食,咁聽日我要試下個天婦羅飯!p.s.下雨天入呢個鋪真係小心小心,地下滑到不得之了,琴日見到有個小妹妹跌倒.唔明佢地嘅員工點解可以唔跌嘅呢?

2011-06-18

回覆

評分

味道

環境

服務

衛生

抵食

推介美食

唯獨烏冬面質比較OK

用餐日期

2011-06-15

用餐途徑

堂食

人均消費

$50 (午餐)