kevin_lcwx的個人專頁

到荃灣做嘢經過呢間牛肉米線，睇個店名應該係貴州省的。Lunch time未食嘢又唔趕時間，自己又中意食米線，就入去試下。睇價錢做人，點咗45蚊牛肉米線，諗住牛肉應該唔會多。點知上到嚟，啲牛肉唔大塊，但都唔細，數量都唔少，至少每次起手夾到牛肉😄😄👍👍更正嘅係仲有啲真正嘅牛肉粒沉底，以前食完米線同餸係撈花生同肉碎，宜家係撈牛肉粒🥹🥹數量唔敢話多，但滿足到我個人嘅要求👍👍同埋啲牛肉真係有牛肉味😍😍湯底夠清，一上嚟就聞到肉味，唔鹹，唔會食完係咁想飲水。湯底雖然清，但好味，唔會好似其他米線店咁，好多調味料。唔想再食連鎖米線店嘅你，建議到此一試👍👍見佢店鋪個位置雖然喺街口，但好似冇乜人流。希望佢做得住啦！有嚟路德圍吃喝玩樂嘅你，有機會可以試下😉😉…查看更多

同朋友喺觀塘食完lunch諗住食甜品。睇開飯見到呢間1.2K話好味嘅，諗都唔諗就去試。嗌咗即磨咖啡➕甜品啦。落完order唔夠1分鐘就上咖啡。我心諗乜即磨咖啡可以咁快嘅咩？點知睇真啲原來係用咖啡粉沖，啲粉都未融曬。杯嘢又難飲～飲咗兩啖，真係頂唔順嘞～朋友話食之無味，棄之可惜。我話一啲都唔可惜咯😂埋單嘅時候開live嘅嬸嬸態度又差～真係好想知1.2K個like係點嚟？或者其他食物真係好食，不過我無福消受了😂…查看更多