士多啤啤梨的個人專頁

食烤魷魚就食得多，今次試下燒瀨尿蝦。$20有12隻。食落有淡淡炭燒味，仲有鹹香瀨尿蝦味，唔會太硬乾爭爭，唔夠五分鐘俾我啪晒。不過要食好嘢就要俾啲耐性排下隊，呀伯得兩個爐，一路排隊見呀伯燒到無停手，真係辛苦晒！…查看更多

見好多人都推介呢間香妃卷，入到大澳一定要試下。去到門口，本來老闆已經收爐，都肯特登開返個爐幫我整一份，非常唔好意思之餘真係好多謝老闆，等我唔揀山長水遠入到黎都試唔到。好彩老闆肯開爐整一份俾我，因為真係好好好好味。香妃卷入面有蛋，葱，芫荽，菜圃，有塊脆卜卜薄脆，加左十蚊肉，成個香妃卷爆晒涵，十分抵食。老闆特登提醒我小心熱要拎住個紙袋角，因為剛整起真係十分辣手。…查看更多

即炸即食沙翁，一炸起熱辣辣好好味。😋剛炸起嘅沙翁醮上沙糖，外面熱辣辣，入面好似梳乎厘咁軟熟，一啲都唔油。但記得絕對要即刻食先會脆口，凍左反而會冧晒仲成口油。必食推介👍🏻…查看更多

買左個$35涼拌粉皮加$15 牛柏葉$50細細兜都算牛柏葉一陣雙氧水味粉皮一舊舊咁食左一半粉皮放棄牛柏葉嗰陣味真係頂唔順成個東廣場得佢一間拍烏蠅都應該要醒水好後悔冇睇人哋食評果然係清腸胃之選無下次！…查看更多

話說見到We go mall開左間新西餐，鍾意試新野嘅我梗係要去試下啦。晚餐係無套餐要散叫的。我地叫左個三文魚薄餅同蕃茄花蟹肉墨汁意粉。首先，個三文魚薄餅上枱嗰下，我呆一呆，因為無諗過咁細個，諗住收$118點都唔會細份得去邊掛，味道方面，唔難食都唔係特別好食。跟住到意粉，好足料，味道ok，啖啖蟹肉，不過每啖蟹肉都會咬到蟹殻，明白拆蟹肉呢個工序都好辛苦嘅，所以不能挑剔。總結：呢間cafe價錢唔算平又無套餐，要知道target customer係附近啲居民（相信都無乜人特登走入黎We go mall行街）希望遲下價錢同份量可以調整下啦…查看更多

今晚約左閨蜜想好好談心有同事推介呢間餐廳於是去試下啦book左七點得我地一枱客果然好適合談心我地食到9點，都係坐得唔滿好！講反食物質素首先serve左一籃麵包（唔記得影相）點包個醬真係超級好味，有啲似蒜蓉味沙律醬之後叫左個炸薯條，都好好味，熱辣辣我地兩個叫左set dinner頭盤係凍肉拼盤配酸瓜，好味main course係黑毛豬配年糕，都好好味，不過黑毛豬太肥扣左小小分總括而言：價錢有啲貴，因為一個main course都要三百幾，不過味道尚算不錯，環境都唔錯，好適合傾計…查看更多

今日同老公特登走入大尾督覓食，見泰太廚房評價不錯，抱住一試心態。我地被安排坐室外，開頭都驚又熱又有蚊，不過最後竟然無流汗又無俾蚊咬。我地兩個人叫左5樣嘢。諗返都好浪費，因為最後係食唔曬架1. 泰式鳳爪（$88）-我好食得辣都覺得好鬼辣，辣到標汗，唔食得辣嘅最好叫少辣。鳳爪份量唔多，唔係好值$88。2. 馳名冬陰公湯 ($118)-個湯好濃味，入面嘅大頭蝦又嫩又啖啖肉。3. 泰太咖哩蟹肉焗麵包（小覇王）（$168）-佢首先係原個包上，再有專人幫你切開四分，唔係好食到有蟹肉，感覺得咖哩汁同青椒，不過咖哩味道唔錯，配個包食好好味。4. 冇酒雞（$128）-呢樣真係不叫也罷，只係無骨雞粒，得個鹹字。5. 馳名泰式明爐蒸魚 （$280）-按時價計，條魚好滑，配個湯汁蒸好好味。總結：經過開不妨試試，不過唔駛特登山長水遠走入黎。…查看更多

之前去過尖沙咀間養心殿食過，食物質素好好，服務都好好。見We go mall都開左間分店，又好似幾好評價，於是就同老公去一探虛實。我地叫左鴛鴦湯底，酸菜白肉鍋同寧神養心鍋。酸菜白肉鍋有大白菜，五花肉，寛薯粉，湯底清甜。酸菜白肉鍋可免費追加一份酸菜白肉。寧神養心鍋有川弓白芷，魚頭，一隻烏雞腿湯底有好大陣藥材味，好足料好甜。配料方面我地叫左蟶子皇自家製極品水餃手工丸類拼盤牛胸爽炸午餐肉蟶子皇：好鮮甜，$48/1隻自家製極品水餃：其實只係木耳絲加豬肉再加一粒蝦，$42/4隻，味道普通手工丸類拼盤：有6款丸，每款兩粒，$108芝心牛丸黑松露蝦丸鵝肝墨魚丸蝦丸墨丸梅菜豬肉丸最好味係芝心牛丸，粒鵝肝墨魚丸嘅鵝肝得一粒粟米咁大，好搵笨！牛胸爽：好爽口彈牙，$138炸午餐肉：都算厚身，$58如果剩係計食物質素，我會俾80分不過計埋環境及服務，呢間分店係零分啲位又窄櫈又無椅背，坐左一陣已經想快啲食完快啲走仲有人手完全不足，想搵人落order又無人，要自己去加湯，埋單又要催幾次，上甜品又要催幾次。總結：去養心殿都唔會再去呢間分店廢事扯火…查看更多

今晚突然想食西餐，見呢間餐廳唔駛等位，就入左去一入去計埋我地得兩枱客餐廳唔算大不過坐落係舒服嘅menu 無set dinner不過main course另加$30可以配餐湯及餐飲我地兩個人叫左兩個main course及一款小食豬柳巴馬火腿忌廉意粉三文魚蟹肉莎莎埋單$314…查看更多

今晚有朋友生日，一行五人去左park cafe慶祝。原價$518,生日者半價，其他人七折，折完每人四百蚊都唔駛，好抵食。開頭以為咁平應該都麻麻地，估唔到都好有驚喜，好多選擇。冷盤冷盤有煙三文魚，凍肉腸，最估唔到竟然有parma ham凍海鮮有蝦，蜆，螺，長腳蟹，生蠔生蠔都算新鮮，忍唔住食左15隻刺身有六款可選擇，最好味係象拔蚌熱食同甜品都有好多選擇總括而言，呢個價錢嘅buffet 可以有咁多選擇真係好抵食。…查看更多

話說琴晚一入去，個侍應就話今日個爐壞左跟住俾左個午餐餐牌我地，話得返呢啲於是我同老公就叫左海南雞飯同泰式牛腩飯兩個餐一到，即刻覺得中伏我唔怪你個爐壞左，不過既然你繼續打開門做生意，係咪應該確保食物質素啲食物又唔熱又難食，真係無下次…查看更多

今晚同老公去食晚餐，叫左個鰻魚飯同芝士忌廉蜆肉長通粉set dinner。個set包餐包，湯，飲品及甜品個長通粉同飯一上，嘩，份量好少！相信份量對細食嘅女士會剛剛好。老公食完個鰻魚飯唔夠飽，返屋企仲要食多個杯麵。總結，味道唔係唔好，不過收得八十幾蚊一個餐，份量多少少都得掛！…查看更多

唯一感受係等左好耐先有得入建議可唔可以唔駛罰企有得派飛仔呀1.Lobster Roll個迷你龍蝦湯果然好迷你，仲有啲腥個黑色包有啲乾，不過味道唔錯2.Egg Royale個benedict好好味，配上黑魚子好香3.香辣雞翼一啲都唔香辣4.巴馬火腿配哈蜜瓜不過不失…查看更多

上星期6友人生日,一行7日到越滿居慶祝生日飯全程十分滿意,食物水準及服務滿分,老板十分風趣健談,令整頓生日飯氣紛高脹魷魚筒釀有燴飯原本想點大蝦酸湯,但售磬關係,點了椰青大蝦,湯中果然有片片椰青肉,大蝦比手掌更大 老板說牛湯是用牛骨熬製炒飯略鹹,但軟殼蟹炸得剛好,一點也不覺油膩火車頭大大碗,湯底很足料,絕無味精全併盤最好味非蝦多士莫屬總括而言,食物價錢大眾化,15道菜,埋單每位$125價錢雖平,菜式卻一點也不馬虎,伴碟擺位樣樣做足與金寶相比,越滿居菜式較fusion,很多菜式皆為老板自創,值得再試…查看更多