eatingg.koala的个人专页

今次我哋嚟到呢間位於北角新開嘅一間台式餐廳，餐廳入邊掛咗好多台灣風情嘅壁畫，而且係台灣人主理嘅餐廳，食物地道而且正宗。老闆娘好熱情，推介咗幾款食物俾我哋，今日一於試吓✅ 超級紅燒牛三寶冬粉紅燒湯底嘅味道好濃郁，份量唔少，牛三寶有牛肚牛腩牛筋，亦有蜂巢豆腐，燕餃等配料，加上質地介乎米粉同粉絲之間嘅冬粉每啖索滿湯汁✅ 控肉便當控似好入味，即使肥肉大大舊都肥而不膩，瘦肉唔柴，配料仲有蛋、花枝丸、台灣腸同好好食嘅酸菜，好豐富✅ 刈包刈包入面餡料係控肉，包身鬆軟，加上少少糖令到整體更好味✅ 夜市玉米濃湯味道非常非常濃郁，必試！✅ 滷味(牛肚，牛筋，燕餃，凍豆腐)每樣野食都好入味，我最鐘意凍豆腐，大力推薦…查看更多

今次我哋嚟到呢間位於銅鑼灣嘅港式蒸氣海鮮火鍋店食蒸海鮮，叫咗佢哋其中兩款套餐，入面包括各式各樣嘅海鮮，海鮮夠生猛，上枱嗰時生猛到仲識郁。套餐除咗海鮮仲有其他肉類同丸類，絕對夠晒食✅ 九品芝麻套餐海鮮包括白蜆、海蝦、魚片、北寄貝同鮑魚，另外肉類仲可以三選二，仲有三款特色丸類。海蝦同鮑魚生猛到識郁，貝類都好飽滿，丸類之中薑汁皮蛋貢丸幾特別，牛丸同墨魚丸爽彈多汁✅ 八府巡按套餐除咗上面講嘅海鮮之外，仲有半隻龍蝦、貴妃蚌同埋半隻蟹，龍蝦肉鮮嫩，蟹嘅蟹鉗大大隻好滿足。另外肉類都係三選二，小食仲有芝麻雞翼同餃子，主食揀咗南瓜芋頭粥，綿綿滑滑加埋海鮮嘅湯汁，非常好味…查看更多

今次我哋嚟到呢間位於旺角嘅餐廳，呢間除咗普通食飯仲適合一大班人gathering，入面有唔同款嘅board game可以俾大家玩，啱晒一大班朋友聚會。今次仲好好彩坐咗喺俯瞰飽滿景色嘅座位，環境唔錯✅ 香蒜白酒蜆肉意粉香蒜白酒醬汁非常好味，蜆肉亦俾得有誠意✅ 西班牙海鮮辣肉腸燴飯呢度主菜我亦都覺得OK，味道幾濃，燴飯有咬口，辣肉腸帶微微香草味✅ 開心果麻糬提拉米蘇我女朋友非常鍾意食，開心果味好濃郁，加上麻糬中和甜味，食完個人都特別開心✅ 朱古力蛋糕味道非常濃郁，朱古力愛好者必試…查看更多

家家戶戶 • 尖沙咀如果鍾意食韓國菜嘅朋友仔就一定要嚟試呢間好地道好正宗嘅韓國餐廳，室內環境燈光柔和，好有家庭式嘅感覺，而且食物選擇多，好滿足今次午市去食揀咗套餐，每個set都送四碟小食同一碗海帶湯~✅ 牛肉韓式雜錦飯牛肉雜錦飯材料豐富，除咗牛肉仲有雞蛋、韓式辣醬、菠菜、紫菜、紅蘿蔔、豆芽等等，撈埋一齊食口感豐富✅ 牛肉年糕湯年糕都係其中一個必試主菜，湯入邊有紫菜、蛋花、牛肉粒，清淡而不失鮮味，配上年糕唔錯…查看更多

西環堅尼地城海旁附近嘅呢間日式餐廳絕對值得一試！今日試過各款日式食物都好出色，仲要對住個靚靚海旁景色，大力推薦！✅ 山葵牛舌牛舌片軟嫩，配上山葵醬作為前菜好開胃✅ 自家製手打免治雞肉棒盛合兩串分別混合芝士同蕃薯，雞肉棒有軟骨帶點咬口✅ 鱈魚串兩串分別配上明太子醬同芥末醬，醬汁都唔會喧賓奪主，非常好食✅ 牛油芝士焗鱈魚塊嫩滑鱈魚肉加上牛油芝士，味道惹味✅ 北海道牛乳鱈魚湯烏冬魚湯上面鋪上鱈魚碎，非常濃郁，每啖都充滿鮮香✅ 鱈魚肉溫泉蛋沙律沙律上面鋪上鱈魚肉碎，醬汁幾特別✅ 厚切牛舌牛舌非常嫩滑帶少少爽口✅ 燒虎蝦虎蝦肉質結實，體型非常大✅ 油甘魚鮫入面魚肉滑捋捋，充滿魚油香…查看更多

今日嚟銅鑼灣呢間港式粉麵店，試吓佢哋每日新鮮包製嘅雲吞同港式牛腩，牛腩採用慢煮炆製；大大粒嘅雲吞每日新鮮包。唔止牛腩雲吞，聽店員講麵同湯底都有特色架，佢地嘅雞白湯底用50kg雞殼雞腳煲8個鐘，麵底選用五十年本地老店嘅出品，主打懷舊情懷，非常有特色！✅ 招牌櫻花蝦雲吞拼秘製慢煮牛腩麵慢煮牛腩好特別，有別於平常港式牛腩，呢種煮法幾有新鮮感，外表粉色，入口嫩滑同牛味突出；櫻花蝦雲吞比平常雲吞大一倍，餡料飽滿，櫻花蝦增添鹹香✅ 香脆魚皮魚皮炸至脆身，就咁食又得，但我比較喜歡浸在湯幾秒再食…查看更多

The Grill Room • 銅鑼灣今日嚟咗銅鑼灣呢間裝潢風格優雅，約會勝地嘅西式餐廳，自助沙律吧$98，另外可以加其他主菜，唔少主菜都好吸引沙律吧有炸雞塊、薯仔沙律、西瓜沙律、蘑菇多士、青醬長通粉等，普遍以清新輕盈為主✅ 香煎三文魚柳伴意大利飯三文魚好嫩滑，意大利飯煮得啱啱好，濃稠口感，加上芝士增添奶香, 我媽咪覺得非常之好食✅是日精選炭燒牛肉牛扒揀咗五成熟，煎到外焦內嫩，入面保留唔少肉汁，另外配有薯條…查看更多

牛響度麵館 • 黃埔今次同女朋友簡簡單單試呢間位於黃埔天地food court入面，賣牛肉粉麵為主嘅小店，估唔到出奇地好食，推介俾大家✅ 沙茶牛三寶湯麵牛三寶係佢嘅招牌，包括牛筋、金錢肚、滷水牛面頰，三樣都老得好入味，牛面頰尤其嫩滑。面底係刀削麵，煙煙韌我鍾意✅ 慢煮牛舌熱拌麵軟腍嘅牛舌不嬲係我嘅至愛，呢個試吓配搭拌麵，揀咗蔥油味道，非常好食。除咗蔥油，仲有麻辣同胡椒口味選擇✅ 特濃牛丸湯麵果然有別於一般嘅牛丸，入面肉汁更多、更有嚼頭…查看更多

今次同女朋友試呢間係觀塘嘅法國茶餐廳，餐廳室內嘅佈置營造到高級感，工業風嘅水泥牆身配上華麗大燈，氣氛拉滿！餐廳仲有live Band表演，不過今日無緣欣賞到添✅ 烤阿根廷21日熟成西冷牛扒牛扒叫咗五成熟，入面肉色粉嫩，肉汁同油脂香味豐富，旁邊配上法式黑椒忌廉汁，而我比較鍾意配上旁邊嘅法式芥末醬✅ 西班牙火腿芝士蘑菇薄餅薄餅係薄批底，上面鋪上厚厚一層芝士，芝士奶香濃，再加上大量蘑菇，西班牙火腿增加鹹香味道，暫時算係我食過薄餅之中頭三甲…查看更多

今次同女朋友試呢間係中環嘅台灣餐廳，之前喺其他地方試過佢嘅分店，味道質素都唔錯，今次嚟中環呢間亦都冇令我失望～✅ 花雕麻油雞湯麵雞卷好嫩滑，一點也不柴；湯底加上圓肉和杞子，非常養生，另外可以按照個人喜好淋上花雕酒，我就淋晒，酒香濃郁✅ 紅燒牛肉麵牛肉麵嘅湯底非常濃郁惹味，牛肉大大件，少少連住筋嘅位置，肉質軟腍入味，非常好食✅ 古早滷水拼盤拼盤入邊有滷水牛腱、雞翼、豬耳同埋滷蛋。種類豐富，樣樣都可以試吓。牛腱好入味，豬耳又爽脆，極力推薦…查看更多

沙田呢間台式便當餐廳最近推出咗全新餐單，有好多款便當同台灣麵食選擇，早幾日試過覺得非常好食！另外聽店員講依家做緊party便當外賣優惠，每個便當套餐$62起，享用前兩天預訂團餐，買滿20個有9折優惠，滿40個有85折優惠，滿60個更加有8折優惠，我公司即將搞party，會考慮下~另外店員仲推介我哋登記小胖會員app，每次幫襯可以換領積分，食得越多積分越多，獎勵得越多！新登記有迎新優惠，仲可以升級優惠，入邊有好多張唔同折扣嘅coupon，仲有增值越多就可享有越多回贈嘅預付卡，可以透過WhatsApp 9098 1581或者去門市預訂同查詢！✅ 台灣鐵路大排骨滷肉便當肉排非常大塊，先滷香然後再香煎，旁邊伴有台灣貢丸同滷水蛋，配料豐富，非常有誠意✅ 士林鹽酥大雞腿滷肉便當雞髀炸至外皮金黃脆卜卜，入邊肉質好嫩滑，而且有肉汁！滷肉濃郁鹹香，送飯一流！✅ 鹽酥雞髀菇鹽酥雞平時食得多，今日轉下新意思，估唔到呢個配搭都唔錯…查看更多

今次同女朋友試一試呢間高質素嘅法國菜，之前去過呢間餐廳嘅荃灣分店，食物款式新鮮又選擇多，味道唔錯，今次去沙田分店都無令我失望✅ 法式烤黃雞半隻雞烤至外皮香脆，而且有香料醃至很惹味，連雞胸也滑捋捋；另外有烤薯粒伴碟，加埋松露野菌醬汁，香到食上癮✅ 紅酒燉牛面頰意粉牛面頰燉煮至非常軟爛，筋位都入口即化；意粉醬汁濃郁，我女朋友大讚✅ 煙三文魚拼盤三文魚有3塊大大塊，配上鬆軟麵包✅ 炸辣蟹肉球蟹肉球炸至金黃，入邊香料豐富…查看更多

最近嚟咗呢間經營咗接近50年嘅越南餐廳，入到去先知原來已經連續獲得咗七年嘅米芝蓮推介，味道正宗傳統，今次食過整體體驗唔錯，味道好服務亦好！✅ 老趙牛肉粉材料豐富，有牛肉牛筋牛丸，牛肉食落嫩滑，湯底比較濃郁，飲到有香葉嘅味道，唔錯✅ 咖喱煲牛腩跟法包牛腩煲入邊亦有牛筋，份量唔少，咖喱充滿椰香味，微微辣，法包出乎我意料地非常鬆軟，沾上咖喱醬汁食好惹味✅ 沙嗲串燒串燒一共有四串，揀咗牛肉同豬肉，燒得好香好惹味，我最鍾意豬肉，因為帶咗少少肥肉食落充滿油香，沙嗲醬汁好香濃花生醬味✅ 蟹肉粉絲肉碎金磚好特別嘅小食，食落小似鯪魚肉嘅感覺，但今次呢個係蟹肉，上面加咗炸蒜同蔥油，好好食…查看更多

今日去左銅鑼灣呢間食海鮮的鋪頭，睇到貼係鋪頭的相片，食家蔡瀾、明星古巨基都幫襯過。餐廳主打海鮮，尤其以港式經典避風塘炒法的味道，製成鹹香惹味的海鮮小菜，值得推驚俾鐘意食海鮮嘅朋友仔✅ 招牌避風塘炒辣蟹店鋪嘅招牌菜，一上菜很有氣勢，蟹的下面用上好多炸蒜等配料鋪墊，蟹好大隻，蟹爪的肉很甜，值得推薦✅ 椒鹽瀨尿蝦瀨尿蝦每隻都大大隻，蝦肉肥厚，有鮮甜嘅味道，蝦殻外面加入好多炸蒜、辣椒、乾蔥炒香，必定記得要吮埋蝦殻！✅ 椒鹽九肚魚九肚魚獨特嘅肉質非常嫩滑，一口咬進去即刻融化，經過油炸加上椒鹽炒香，鹹香惹味✅ 菠蘿咕嚕肉除左海鮮，亦有唔少小菜選擇，今次揀左咕嚕肉，酸酸甜甜，幾開胃…查看更多

西環呢間泰國餐廳絕對係一間被耽誤嘅小店，食物質素絕對係泰式餐廳入邊中上嘅水平，嚟西環嘅朋友仔一定要試試！✅ 冬陰功湯用料非常豐富嘅冬蔭功湯，辣味之餘亦有好濃嘅香茅、香葉味，層次豐富，再加上兩隻大蝦，好開胃，必點！✅ 椰青焗紅咖喱海鮮紅咖喱好香椰奶嘅味道，入面有魷魚、蝦等海鮮，亦加左椰肉落去。必定要加配飯/薄餅！✅ 沙嗲串燒沙嗲味同燒烤味勁香，有豬牛雞可以選擇，叫左豬肉，一共6串每串超級厚肉有誠意，豬肉都好嫩滑✅ 蟹肉炒飯炒飯有好足料嘅蟹肉，加上大量蛋絲同紫洋蔥粒炒香，勁惹味…查看更多