Mr.習習習的個人專頁

食過西環石塘咀「Tori mama嘅（彩麵）」濃雞白湯就知我講乜…「彩aya」本身做麵，麵本身係冇問題嘅，純粹評論「濃雞白湯」濃度都模仿得幾似，但係”㗳”落冇鮮味，同埋冇咗空氣感，得個濃字，原裝係濃而不膩，連慢煮雞肉都唔滑，我食柚子麵，Tori mama好有心會加少許柚子胡椒醬起碗邊增添風味，而最最最失敗就係無端端加幾條「臭筍」，簡直完全破壞咗成件事！開門入去已經聞到一陣味，原來就係「臭筍」….沾麵不作評論，我唔會再去「彩aya」食!…查看更多

終於俾我遇到有質素嘅海南雞飯，員工：笑面迎人，細心介紹食品內容，櫃面點餐，點餐後搵位坐低，食品有專人送上，讚👍🏼擺盤：雖然唔係好出色，但起碼乾淨、整齊、俐落！雞：雞皮爽彈、肉質煙靭、但算滑溜、（大陸走地雞，精壯運動型，肉質較實，唔同一般雪藏肥油雞）米飯：本身不俗，可有白飯、菜飯、雞油飯配搭。伴菜：雞下面放有大豆芽、紅蘿蔔絲、青瓜絲伴菜墊低，份量都算多，一啲都唔小氣。醬汁：提供兩款醬汁，自家製醬油及薑蔥油，美中不足沒有提供酸辣的～「彩蛋」例湯：驚喜靚湯（南瓜粟米佛掌瓜紅蘿蔔+豬骨雞湯底）非常有質素嘅例湯，料多香濃，睇返餐牌只需$9，扺到喊～終於唔使再食「爛鬼雪藏肥油扮海南雞」…查看更多

重點推介：「隔夜雪藏味」白切雞、「濕炒」避風塘炒蟹、「返炸」炸大腸、白灼「黑頭」大頭蝦、「暗淡無光隔夜豬臭味」菠蘿咕嚕肉、椒絲腐乳「人瑞」通菜、其餘：豉汁蒸蟠龍鱔 - 豉汁好鹹，鱔肉唔爽脆、油泡筍殼 - 還可以、椒鹽九肚魚 - 一般、椒鹽瀨尿蝦 - 一般、真係兩餸飯都不如，店員又衰口爛面，環境一般，廁所就係太安樓商場共用，男人冇所謂，女士想乾淨少少，就要出去行過對面康文署西灣河體育館，總結：行入後面太安樓掃街果啲仲好食仲開心～…查看更多

食物環境都可以嘅～純粹講師傅D功夫(刀功/鏟功)非常唔俐落，上碟嘅時候經常甩甩漏漏，分贓唔勻，又要返刀，睇住D食物一仆一碌…..最失敗就係輔助師傅手邊嘅毛巾，通常抹鐵板及鐵鏟的，抹鐵板時毛巾喺食物之間游走時，把食物都碰到移位，又真係不能接受吧…..The food and environment are okay~Just want to talk about the skill of the chefs. When serving the dishes, he was very uncertain and made many mistakes, the foods were not evenly divided. The most failure was that the assistant chef had a towel on hand which was usually used for wiping the iron plate and the spatula. When he used the towel for wiping, the towel touched the foods many times. This was really unacceptable….…查看更多

佢哋開張我已經幫襯（堂食），最欣賞佢個伴碟醃菜 …..直到疫情，習慣了外賣。食佢，其實只係為咗個醃菜，員工衰口爛面已經算喇，醃菜本身已經唔算多，外賣明顯更少，之後已經減少食佢嘅次數…最近突然又想回味返個醃菜，就叫了外賣，落單時客氣地問櫃面，可唔可以俾多少少醃菜（我通常都係要兩個雙拼、兩個例湯、一個小炒王）佢話盡量啦～返到屋企滿心歡喜準備睇吓有幾多醃菜時，一打開發覺一粒醃菜都冇，嬲爆，唔出聲好地地，一出聲連一粒都冇。真係唔明啲醃菜究竟有幾貴？比到好似施捨咁，經過今次我已經心灰意冷，我唔想再好似乞兒咁乞求佢啲醃菜。…查看更多