frizzy7up's Profile

今晚第一次試，要咗2份combination combo, 餡料豐富，味道亦up to expectation，iced coffee 味道亦很好，跟包只需加$10，店主亦很helpful，溫馨提示邊一份加咗辣。可能人氣不及坊間另一間車軚人加持越南法包店，但我覺得食物同咖啡味道性價比高，會再幫襯👍👍…Read More

喺8日內第二度幫襯，因為覺得食物質素、食肆環境及價錢都合乎標準，上一次order 海南雞飯及喇沙lunch set, 今次就order 喇沙lunch set。食物味道偏淡，不過性價比尚算合理，但同樣錯誤短時間內兩次發生在我身上，希望真係只是巧合。餐牌上喇沙午餐是$69，我亦只係order 最基本，冇任何額外添加。同樣係經理親自落單，上星期日及聖誕日，當我落完order, 收返receipt 居然2次都係輸入晚市價錢$73，所以我即刻問經理，佢亦有即時更改及道歉，2次都係即時修正。第一次發生時，我冇放在心，所以我亦冇在這裹寫下食評，而且亦只係$4差別，但當同一錯誤再次發生我身上，而且係同一人犯錯，希望在此提醒一下。我好了解經營食肆唔容易，但作為顧客，當然希望明碼實價去幫襯，而唔係每次都發現價錢有誤，而需要主動通知更改。老實講，短期內我唔會再幫襯，其實真心想多支持小店，但係食客嘅信心係要累積，既然2次都發生同樣錯誤，我會有少許懷疑是否慣犯？我希望我係多疑，真係咁啱我唔好彩2次都遇到，唔想冤枉好人，或者都提提經理多注意，而其他食客亦可以留意一下。…Read More

網上search 見到有素食外賣，所以決定一試。在銅鑼灣外賣$48一份已經係唔多，而且份量相當大，會再幫襯試埋其他組合。是日我哋二人選擇係A餐雜錦壽司+凍豆漿，素壽司用蒟蒻扮魚生，點咗wasabi 同豉油後其實真係唔似食素🤣。另外選擇係B餐海鮮炒飯，跟麻辣粉絲牛肉及古法酸齋+凍豆漿，一盒份量好大，炒飯味道清淡但合我口味，2味餸小菜都好有質素。…Read More