gigi baby G的個人專頁

無心插柳，某日放假經過，見到門口Menu幾吸引，決定要入去試吓！店舖細細，但環境整潔，有用心機嘅裝修。加咗唔少分數👍🏻一入到店內，最令我深刻印象嘅係好多寵物😅...首先係一隻雪白色嘅鸚鵡，以一條顏色搶眼嘅螢光粉紅頸帶，完全吸引咗我嘅注意力。其次係坐喺bar 頭，一位客人抱住嘅小貓(事後得知佢個名叫芝麻)見到小貓一直俾客人溫柔咁抱住，個畫面令人覺得好溫暖🧡...仲有兩隻好活潑嘅小狗不斷嘗試偷食客人嘅食物，雖然失敗但係超可愛！😝坐低咗一陣，已經感覺到一間凝聚咗好多熟客同埋小動物嘅店舖，分數又加了唔少! 😍當日店舖員工唔多比較忙，但感到驚喜嘅係， Cafe嘅熟客會好主動幫忙店主。呢個狀況令我覺得好感動同好有愛! 💜等咗一陣，親切嘅staff送上我點嘅燒魚定食。無論觀感同埋食物嘅溫度都比較高水準，不錯！😋向來鍾意飲咖啡嘅我，當然唔少得去試吓佢哋杯咖啡啦！☕️當日叫咗杯摩卡，入口香滑細緻，仲有陣陣嘅朱古力🍫香味，朱古力味唔會太濃掌握得非常好，高分! 🤗整體感覺超良好🤩，嗰次之後間中都會去幫襯，感受吓咁有愛嘅cafe 氣氛🥰…查看更多

前排天氣凍，試過佢地個羊腩煲，羊腩好新鮮同好大件，不錯！所以今次決定試吓打邊爐加唱K！K房裝修一流，而且超級方便！一路唱住歌一路打邊爐，間房仲有獨立廁所。音響設備齊全打邊爐嘅食物質素唔錯！我哋叫咗手切牛肉，羊肉片，豚肉，竹笙，韭菜餃，墨魚滑....特別係啲刺身好新鮮，價錢好合理！我覺得地點位置好方便，尤其係約朋友慶祝生日，同埋開到好夜！（好似去到凌晨六點）入邊地方好大，除咗有得篤波仲有得玩飛標 🥰…查看更多

首先來一個非常之惹味的雞煲，之後就係蒸海鮮，海鮮非常之新鮮。而且店員態度非常好，我們12位因為有一位朋友遲嚟，店員主動詢問是否需要留起海鮮，待朋友嚟到時即叫即蒸！非常之細心，難得！外面放了不少打邊爐食物和小食，供客人不斷自取。中段仲有燉湯，最後就係打邊爐。我哋優惠價叫咗象拔蚌刺身同埋龍蝦刺身都非常之新鮮抵食！整晚其他枱都有食客生日，全個餐廳嘅人都一齊唱生日歌氣氛非常之熱鬧！真心推介俾大家！不過提提大家要預早預約比較好！…查看更多

今日約咗個賣家去呢間Cafe交收件皮褸，我問職員洗手間有冇鏡，因為我想試身。職員好快答我：我哋洗手間唔外借！我同佢表示我2位朋友喺度食緊嘢，加上間Cafe只得賣家兩位。就沒有其他客人了。職員再回覆：咁你係咪會食嘢啊？然後我已經唔想再同佢講任何嘢我好奇問吓賣家啲食物如何？佢話好一般。你哋自己考慮去唔去幫襯一間咁冇人情味嘅Cafe啦！其實已經不斷有香港人返國內消費，真心想香港嘅餐廳員工諗吓，自己嘅服務態度有冇問題？！ …查看更多

同朋友去食海鮮，有意外驚喜！🥰海鮮好新鮮，感覺冇味精！六小福前菜好特別😋我地叫咗個6人餐，超級豐富！有六小福前菜，湯🍲，扇貝，鮑魚，魚🐟，雞🐔仲有龍蝦🦞。最後仲有甜品個白胡椒龍蝦煲好惹味，職員仲話其實可以轉芝士🧀龍蝦嘅欣賞佢哋啲套餐實惠又抵食！😋服務員態度友善，認真推介，好專業見到有個疑似老闆的男人，落場親手招呼客人🤩餐廳近旺角地鐵站和旺角東火車站，交通方便。對面又有地方泊車🚙🚗我覺得係海鮮🦀🦐🦞🐟愛好者飯聚之選，值得一試👍🏻 …查看更多

有晚同朋友去中環食飯，結果揀咗呢間，點知有驚喜。🥢首先講吓個裝修，好有懷舊感覺，有少少古董擺設。另外光線比較暗，有氣氛，幾適合三五知己聚下！食物方面，賣相絕對可以用嚟打卡呃like😝除咗外觀吸引，味道方面都非常好，算係高水準。而且以中環地段來講價錢相當合理👍🏻我最欣賞嘅地方係佢哋有Cocktail🍸選擇，都幾特別！之前見到啲人寫態度唔好其實都有啲猶豫，但上到去見到啲服務態度非常認真有禮，所以都係要親自試吓，其實感覺良好🥰…查看更多

今日係5月24號，下午5點53分。話說我打電話叫外賣，叫2份下午茶餐！對話如下：我：唔該我想要2份下午茶炸雞髀餐姐：跟沙律，沙律菜定薯條呀？我問朋友：喂，你要跟咩呀？....姐：你諗定先打黎啦！然後cut咗我線！🤬🤬🤬我未試過咁樣要俾人cut 缐，仲要之後打返去，佢可能睇到我來電顯示，唔聽我電話！😤我朋友話，咁差服務態度，叫過第二間！唔知各位西環友，有冇遇過同樣事件，其實我一直都有幫襯，間唔中都會遇到呢個冇禮貌，乞人憎阿姐！d食物有幾好食都冇用啦！😡…查看更多

🌶有次同朋友聚會，無意之中發現晚飯🍚好去處！👍🏻🌶首先要講下個小食：椒鹽九肚魚🐟。即叫即整當然唔少得啦，重點係外脆內軟，入口即溶！🤤呢味菜我從未想過可以好味過大排檔！所以已經加左唔少分數！☺️🌶到個主菜：酸菜桂魚片非常出色！魚片超新鮮，超級軟滑，而且個酸度好適中。份量又夠多，好食+抵食！👻🌶水煮牛肉：老實講我試過好多地方的，呢個十分足料，裡面仲有鴨血同萵筍，非常惹味！🤩🌶我唔算食得好辣，喜歡少辣的朋友都可以去試試😋…查看更多

話說琴日去大澳半天遊，上網見到呢間個view好正，所以想去試吓.... 因為想食得安心，決定打電話去book定位 天氣好熱，好不容易去到餐廳，本來打算可以坐低好好亨受一下風景同野食....點知職員竟然話因為已經5點，所以只有飲品，沒有任何食物供應！我同朋友即時呆左，問點解响電話book位時唔講清楚？！職員都一直答只有飲品供應，完全唔覺得自已有做得唔好的地方😡 依家經濟唔好，竟然仲有d咁差服務態度嘅餐廳，真的大開眼界！…查看更多

👉🏻夜晚附近好多食店都收左，唔想食麥記🍔🍟，都會幫襯下。👉🏻最鍾意食佢地個蔥花蛋🍳炒腸粉😋因為即叫即炒，所以超好味！👉🏻另外，炸魚蛋都係即叫即炸，老闆仲會加啲椒鹽🧂上去，勁香口！👍🏻👉🏻飲品方面，還有支裝五花茶同雞骨草🌿👉🏻近山道入夜之後，呢間小店簡直是我的宵夜天堂😆👉🏻p.s.以前仲有碗仔翅同醉雞翼，都好有水凖！不過最近好似唔覺眼，希望老闆重新考慮再賣啦！期待中🤤…查看更多

🇯🇵朋友帶我去食日本菜，一入門口感覺簡約舒適。🧊首先選了清香的清酒，香味俱全，容易入口。🥢食物方面，我覺得食材新鮮是最重要。整體食物除了鮮甜之外，廚師講解每款菜式都很細心同風趣！😝食得好開心！…查看更多

🎎地點在中環區很容易找和方便！🍶首先，環境十分舒適，服務員態度亦都很親切有禮。用了很簡約的日式裝修，主要由木的原材料去做襯托。因為被安排坐在吧枱前，所以一直見到日藉師傅，擁有認真專業的態度。🍣食物方面，雖然不是什麼山珍海味，但也能感受到師傅的用心！不論在食物配搭上，和外觀上，都能吸引食客。(絕對是不少少女的呃like相之選）而且食物份量不少，絕對是很滿足的離開！🥂因為價錢算貴，所以會推介慶祝日和生日與朋友或家人來幫襯！…查看更多

之前經常經過，不過唔算太多客人...有一次見到個餐牌，覺得價格💰好吸引，所以入左去試一試。結果喜出望外，食物味道ok👌🏻飲品好大杯，而且是即叫即整。雖然order到上菜速度不太快，但只有一兩員工，尚可接受！晚餐包括湯或沙律🥗，一個主菜，一杯飲品🍹，其實好抵食！店內還不時播放K pop MV🎼🎬之後間中會幫襯，店員非常友善👨🏻‍🍳，會開始認得客人和記得客人的口味。感覺是一間有人情味二用心的小店，值得支持！👍🏻…查看更多

每去試新的餐廳，都會先留意餐廳的環境。因為環境對整個用餐過程都很重要！😎當升降機門一開，我感覺自己去了另一個時空。有小小哈利波特的奇幻冒險感覺。🔮食物不錯，最值得一提是餐廳的專業咖啡師。年紀輕輕，不但對咖啡豆，甚至牛奶的溫度，也有着高度的要求。調出一杯杯充滿專業，熱情，細心的特色咖啡。☕️我特別喜歡餐廳的落地玻璃設計，令人有一種遠離塵囂，工作壓力，進入另一個休閒空間，寧靜地放空一下的奇妙效果！💫…查看更多

經常在晚飯時間經過都見到有人排隊，所以一直都想搵機會試下。有日下午茶時段去，冇咁迫，仲有卡位坐。叫左招牌的排骨湯麵，果然是不錯！首先要讚的是，炸排骨係另上，所以唔會浸住d湯淋晒，細心！塊排骨已經係碎上十分方便，而且係即叫即炸，非常香口！雖然係即炸，但一點都不油膩。可能係因為個湯底好簡單，所以配合得好好。湯底好清，而且有淡淡的炸蒜蓉香味，配上葱粒，不會蓋過排骨的香酥感！另外，意外地發現一個香口的小食！叫紫菜腐皮卷，亦都是即叫即炸，新鮮十足！也非常適合素食人仕～…查看更多