cindyszetostcc的個人專頁

唔止一個朋友介紹過呢間餐廳 #赤鳥 俾我 餐廳外牆好特別 簡單用一幅水泥牆裝修 比起街上其他餐廳多咗一份神秘感 每次經過都好想行入去 今次朋友幫我提前一日book咗位 終於有機會一探究竟🥰🥰 鋪內分咗bar枱 二人枱同四人枱 book位嗰陣可以揀定 想望住廚師🧑‍🍳煮野就可以揀bar枱 想同朋友坐得舒服自主就可以揀二人枱 門口鋪邊有個大型雪櫃 有好多款唔同sake 超多選擇😉 但我反而俾佢啲日式梳打吸引😂 試咗烏龍茶、蘋果梳打同薑味梳打， 薑味梳打尤其好飲 薑味唔會太辣 甜甜地好易入口👍🏻赤鳥主打串燒 雞 牛 海鮮 蔬菜應有盡有免治軟骨雞肉棒口感爽口又軟滑 攪碎軟骨加入雞肉打成一條串燒 軟骨唔會太硬難咬開 反而好易消化 熱辣辣配埋鮮蛋黃 真係超好味🤤帆立貝係天婦羅帆立貝 食落比原隻燒多咗一份香脆 除咗表面脆 裏面仲保留多汁 唔會收曬水 變得太乾 呢串encore咗兩次🙈👍🏻👍🏻雖然食得真係好飽 但甜品係點都要食😎 我揀咗出面少見嘅益力多雪糕🍦上碟見到有隻招財貓 好可愛😍 食落超濃益力多味 但又唔會太甜 🍨…查看更多

有幾次經過御海灣下面都想試下呢間土耳其餐廳 今次約埋朋友終於有機會我地兩個叫咗幾樣野share食 一開始都有諗過會唔會唔夠要再加單 但原來食落好飽肚 差啲甜品都食唔落👀👀 千祈唔好眼闊肚窄😂😂卡巴（KEBAR）叫咗牛肉味，皮薄煙靭 裏面有埋沙律菜，爽口又唔會膩 醬汁我地無特別選擇 預設醬少少少少辣 食落仲惹味👍🏻👍🏻👍🏻我地唔太食辣 所以店員推介印度奶油雞 呢個咖喱🍛汁 配飯/薄餅都一流 雞肉係無骨去皮 食落嫩滑 一碗最少都有15件雞 我同朋友食極都有😂 好抵食無論主食/小食/飲品種類都好多 反而甜品就簡而精 有兩款選擇 我地今次食咗芝士蛋糕 口感偏向軟身 似乳酪味 好味到我地三兩下就食完😋😋…查看更多

餐廳環境乾淨闊落 裝修風格用嚟打卡一流 😍可能新開張關係 一坐底職員就送咗兩杯welcome drink同麵包條俾我地 welcome drink 係蜜糖梨汁梳打 飲落甜甜地加埋切碎咗嘅梨粒 口感豐富又開胃 除咗味道 聞落仲有淡淡玫瑰香👍🏻👍🏻 好加分因為唔算太餓 我地兩個人share一個主菜 再叫咗沙律🥗 餐湯 雞鎚同甜品餐牌有三款餐湯選擇，是日餐湯，紅菜頭凍湯同洋蔥湯。是日餐湯係蕃茄忌廉湯配一塊餐包。 紅菜頭湯好特別，望落好似甜品，分別由紅菜頭啫喱、乳酪、紅菜頭蓉、蘋果蓉同蘋果粒組成嘅凍湯，撈埋一齊食好新奇，比較少餐廳有，可以一試😉牛扒得一款 就係紐約牛扒，叫咗7成熟，保留到肉汁之餘肉質又唔會太鞋，平時配菜都係得一款，一係薯條/薯蓉/少少蔬菜，但今次配菜有串茄、薯仔同瓜，好有誠意😋😋雞鎚一碟有4隻，外面有一層煎到好香脆嘅芝士包住雞鎚，食落有香濃芝士味，簿簿一層唔會漏甜品都有幾款選擇 心大心細想食鬆餅🥞/蘋果批 最後真係太飽 揀咗鬆餅。一碟有5粒 粒粒外脆內軟， 表面有層焦糖，咬落香脆🤩🤩餐飲揀咗水果茶 蘋果味道清甜 橙就少酸 兩者加埋好啱用嚟解膩🍎🍊🍵…查看更多

去開大角咀，其實成日都經過呢間餐廳，一路覺得佢好特別，因為好少餐廳有成幅牆都係唔同嘅酒。通常就算有啲餐廳放好多酒做display可能都係吉樽，仲要重重覆覆啲口糧紅酒，但呢間幾唔同，真係好多唔同種類唔同酒莊嘅紅酒🍷、白酒、威士忌🥃、香檳、清酒🍶……我都睇唔晒有幾多啦，反正作為愛酒之人終於決定入去食返餐！主食叫左一塊28天熟成牛扒，熟成過嘅牛扒一般嗌5成熟就夠，而相信鍾意食西餐嘅朋友都明白嗌5成係好多時最驚最後出嚟都變左7成，少少紅色都無埋，而呢間餐廳係都準確煮到我要嘅5成熟出嚟，唔會overcooked. 塊扒係肉眼嚟嘅，肉質同埋味道嚟講都偏高質，絕對唔係啲下價食材。另一方面，呢間餐廳其實都幾主打生蠔，首先佢地有唔同配酒食法嘅生蠔🦪，fusion嘢，值得一試第二度無。同埋都係講返飲酒啦，平平地嗌一隻house wine 兩份飲，咁啱又有優惠可以平平地嗌法國st martin生蠔，食下食下每人都啪左4 5隻。…查看更多

今日食屯門景峰站附近，或者稱為紅橋，出晒名多嘢食嘅地方食晚飯。決定左食呢間新開唔係好耐嘅 留白居酒屋！食居酒屋第一樣要叫嘅就係串燒，開胃又可以送酒，叫左一串鹽燒翠肉瓜，一串醬燒鮑魚（兩隻）同埋一串鹽燒一口牛。燒出嚟係非常有火候，非常香口，鮑魚燒過都食得出係好新鮮，口感一流，而翠肉瓜既入味亦唔硬，一口牛熟度剛好，豐富肉汁唔會乾身。主食方面叫左吉列海老烏冬，另外加個炸魚手指。烏冬嚟講唔算太特別，做返居酒屋該有嘅水準，但係炸手指！真係超正！勁鬆脆之餘入面嘅魚肉係勁彈牙同香口，強烈建議主食烏冬之餘叫多個嚟搭配！主食之後再叫左啲小食，松葉蟹甲羅燒，一樣燒得好香，份量適中，值得加點一個試下！另外仲有蒜蓉燒茄子，味道似夜市檔嘅感覺，真係好濃郁蒜蓉香，食完一定要飲多啲水，哈哈～或者好似我地咁，一人叫一杯鬼佬涼茶（啤酒）飲下，主要分兩隻premium malts suntory 同埋一番榨，兩隻本身香味上面比一般lager啤酒會濃少少，味道分別唔會太大，亦唔會好苦，適合大多數人口味。臨走前，見到門口貼住有預訂海鮮服務，聖誕一大班人可以諗下訂定幾打蠔嚟食😋😋…查看更多

喺元朗食野就好多選擇，但食泰國嘢真係選擇唔多，所以我都係跟網上睇吓邊間好食，最後就揀咗呢度食🤫地方都算易去，喺嘉城商場對面就係，舖頭唔算好大，不過我哋一行四人都算坐舒服😌食物方面真係嗌得唔少野，不過都係燒野居多😋牛肉 魷魚 同 雞全翼，燒牛肉就有兩大塊，都做到外脆內嫩，肉汁都豐富，佢配埋個牛肉汁就更加惹味👍🏻大推介蒜蓉包，夠晒外脆內軟，蒜香味十足！真係好食到停唔到口!!!魷魚就全條上，一上枱已經驚為天人😍仲已經切好晒，方便夾嚟食，仲有佢配嗰個辣汁，雖然好辣吓🥵但又忍唔住繼續點佢，因為真係好夾陣魷魚味😚雞中翼就燒到燶晒邊，勁香口，但入面有做到juicy效果😋😋炒野就叫咗馬拉盞炒通菜，勁惹味，啲蝦乾嗰啲料頭都清得一乾二淨😍飲品就叫咗椰皇沙冰，椰味夠晒香濃，解渴一流😜另外甜品就梗係要叫返個芒果糯米飯，芒果夠哂香甜，椰漿勁多，質素合格有餘👍🏻👍🏻最後想講店舖用qr code落單，真係方便唔少😘…查看更多

重點要第一句講😖 橋底辣蟹搬咗鋪位（其他鋪都暫停營業），新地址喺銅鑼灣駱克道391號金禧大廈地下及一樓，路痴嘅話最好順住路牌搵，如果唔係有機會蕩失路呀🙊😂😂 4個人叫咗5個餸，最後仲有糖水送，飽到加零一🥳薑蔥炒蟹送飯一流，蟹鉗啖啖肉，用嚟撈飯做蟹肉飯都得😂😂蠔仔🦪粥一鍋大大煲，夠4個人食兩三轉，材料有蠔仔、冬菇、肉碎，夠曬鮮味，精華係個粥底🙌🏻🙌🏻椒鹽九肚魚炸得外脆內軟，份量好多，除咗肉類仲叫多咗兩個菜，均衡飲食😃😃腐竹蛋白娃娃菜，上湯浸娃娃菜好入味又爽口，仲有啲幼薑絲驅塞😀😀 八珍豆腐鍋有豬膶、豆卜魷魚、豬肉、雞肉、菜… 樣樣都有百花齊放😚😚是日糖水陳皮紅豆沙，紅豆煲到起沙，食完劃上全晚句號👍🏻👍🏻…查看更多

今日7點半到，好彩地落雨唔使等位，但呢句說話遲5分鐘講就要排隊🤣一嚟就揀好個招牌雞煲bb辣加配魚標、鴨吞同鮮鮑魚，鮑魚真無得輸 $12就有一隻大大隻，好爽口彈牙唔會韌👍🏻👍🏻 另外，見到個變態辣 辣指數好高，唔個有無人真係敢挑戰呢🙊🙊魚標好重膠質，啖啖都會痴住個口，我就好鍾意呢個感覺，但同行朋友就唔鍾意，睇個人口味😀唔記得講，一揀好雞煲就會有6格調味俾你溝醬汁，左上角似係自家製xo 醬，偏辣野飲試咗特飲，jumbo真係好jumbo，上枱大到嚇咗嚇 係一杯巨大牌檸樂🤪🤪食完雞煲就轉打邊爐，加叫咗鴨血、腐竹、0.03紙豆腐、牛魔王拼盤、本地牛胸爽同蝦滑😋😋牛魔王拼盤好抵食，有成7款牛嘅唔同部位，個人最鍾意牛胸爽，廚師厚薄控制得好好，淥大概10秒就有爽口嘅感覺😚 忍唔住單點多一碟😬蝦滑由粒粒蝦打到起膠，有啲仲係原粒，食起有幾重口感，推介鴨血好似啫喱咁，唔會硬到咬唔開，Live Photo 可以見到彈下彈下🤣 0.03紙豆腐真係簿到一張紙咁，望落似蛋卷，食落似腐竹，會吸曬啲湯，所以建議湯清啲嗰陣食，感覺無咁肥🥳🥳叫咗咁多餸，驚太飽只叫多一個小食，揀咗蜜椒薯仔牛柳粒，實在揀得太啱😆 牛柳粒加咗蜜糖，口感內脆外軟，甜甜地，令人一食再食，薯仔個外層都系脆㗎👏🏻👏🏻滿足到真係要再來一煲🙌🏻…查看更多

平時經過都心思思想食 今日放假終於忍唔住買咗嚟試😋 款色好多，淨係熱狗都接近有成15款，諗食咩都諗咗5分鐘，好彩唔算多人排隊，唔係都有排等🥳🥳最後揀左日式風味熱狗，入面有蛋絲，木魚花，蟹柳，紫菜絲，味道係好似大阪燒咁，放左係個熱狗度都幾夾。原本以為得個熱狗未必夠食就跟餐嗌多左個炸洋蔥圈，跟餐有優惠😜😜，好似加$12😎 個洋蔥圈係即叫即炸，拎到返屋企食都係脆卜卜香噴噴~ 不過其實個熱狗Size係比預期大，唔係太大食既女仔可能一個熱狗可以當Lunch~😆 想豐富D既朋友就建議跟餐叫多個小食✌🏻✌🏻…查看更多

有朋友拍心口話呢間新開餐廳啲嘢都食得吓，所以就去試吓佢，間野都好新淨闊落，我哋兩個人都有卡位坐😚，望吓餐牌，竟然見到最貴嗰個價錢有牛白肉食，都好少去見有餐廳可以任食🤤🤤雖然着係個價錢貴就貴啲，不過見有my飛佛，唯有今個月慳啲使😝首先就揀咗個雞煲食，微🌶，一上就已經香噴噴，炒多兩炒就已經食得，花椒 八角 香葉香味應有盡有，啲雞汁亦都好足夠🤩，可以包晒成舊雞👍🏻👍🏻 個汁味道比較甜，咁下次食辣啲都唔怕佢仲有另外上過雞煲汁，俾你食完雞之後再落啲材料食，我個人推薦拎金菇 豬皮 魷魚 就最適合，佢地索埋啲雞煲汁，比街邊嗰啲更好食👍🏻👍🏻之後就可以再揀湯底打邊爐，我哋揀咗胡椒豬肚湯，入面胡椒味好足夠，有辛嘅勁度，豬肚就比較再等吓食先夠淋😝佢套餐有牛肉拼盤同海鮮拼盤跟，牛肉我覺得最好食一定係黑安格斯牛肉，不過高級美國肥牛同牛白肉都唔差，而且仲可以encore😂海蝦非常正，蝦頭好甘香甜美，唔苦味，非常難得，所以我都叫咗10隻8隻食😝甜品方面就有豆腐花，佢有多種配料俾你選擇，我食過多種選擇之後，配芝麻糊係最夾，豆腐花既香加埋芝麻糊嘅甜，大家可以試吓🤓飲品方面佢有好多款自家製茶飲，唔使試吓飲汽水咁悶佢所有野都好好，職員都親切有禮，果然冇推介錯😘😘…查看更多

朋友介紹佐敦有間泰國流水蝦好正，拉埋我去食，$358一位，可以任飲任食2.5個鐘！價錢唔算平，所以對呢餐都有啲期待！7點零鐘去到發現全場都爆滿，訂咗位都要等一陣先入得，原來真係好受歡迎！坐低後，侍應送咗一碟鰻魚同蟶子嚟，呢份係每位一件~好彈牙嘅蟶子！除咗上面無得encore，其他海鮮都可係任拎任食！每枱都有一個水桶，可以自己去夾蝦，隻隻蝦都好生猛，所以夾完要加大量冰凍暈佢哋先燒到！啲蝦大隻，同埋大多數都有膏！除咗海鮮，呢到都有大量其他嘢食，肉類、丸類、各式蔬菜都有！燒蠔好多汁！之前喺其他串燒店食過燒茄子，自己都試下參考下佢哋點燒！大量蒜蓉、牛油、蔥，加少少辣椒真係好惹味呀！重口味之選！不過燒茄子真係要俾啲耐性燒！總括嚟講，呢餐都係食得好飽好滿足，下次會同其他朋友再嚟！…查看更多

手快快飲完碗湯唔記得影相📸️ 惟有無相咁形容😅 呢個係 $248 +10% service charge 嘅120分鐘任食餐 大部分野食都可以encore，除咗小龍蝦🦞是日餐湯係紫薯湯，一上枱未開始飲已經聞到濃郁嘅紫薯味，成碗深紫色，飲落仲有啖啖紫薯蓉，都稱得上色香味俱全👍🏻 餐湯配埋蒜蓉包，脆脆地唔錯跟住落嚟係小龍蝦配鵝肝沙律🥗，小龍蝦肉質爽口彈牙，但鵝肝就唔算飽滿，可以煎多陣，迫埋啲油脂出嚟會更好主菜可以揀牛/豬，我揀咗牛扒配薯條，7成熟。再encore咗一塊豬扒，食到好飽。甜品應該每日唔同，今日係cheesecake 加一口泡芙。細細份一啖食落口，唔會漏😋大食嘅你真係唔可以錯過，唔夠飽可以任食，或者試下啲串燒都得🤣🤣…查看更多

餐廳環境同食物質素係相輔相成，環境靚食得都開心啲😂Chilli Lime係一間多國菜餐廳，泰國、印度同馬來西亞都有。我同朋友今日比較有泰國心，主要都係叫咗幾樣泰國菜，私心推介椰青，必飲系列😛 其實仲有好多cocktail, mocktail 同酒，睇你心情想揀咩。椰青好大隻，味道冰涼清甜，同辣嘅野食有個強烈對別，好夾。原隻燒魷魚筒基本都係我去泰國餐廳必叫食物，呢間師傅燒到火喉啱啱好，外面微焦，裏面好嫩滑，好難做到呢個效果👍🏻👍🏻 如果想乾身啲可能要叫廚師燒多幾分鐘😉魚肚冬菇蟹肉湯一直俾我覺得係中式湯，類似碗仔翅嘅口感，但估唔到喺呢到都搵到😙 好足料，啖啖唔係魚肚就係冬菇🤣🤣最後叫埋個甜品，同出奇蛋一樣，一次滿足你3個願望。有黑糯米、白糯米同埋藍色嘅糯米（我估係蝶豆花染成）熱辣辣配埋冰凍芒果，甜到入心❤️…查看更多

極上豬扒，仲好食過吉X屋我搵到一間好好食既炸豬排😍😍。小妹我最鍾意食炸豬排，周圍既朋友都稱呼我做豬扒博士，去到邊到只要有炸豬排就會order既女人就係小妹我。個日小妹行完街有啲肚仔餓就近就入左呢間喜咖哩坐左陣，見到menu上面好親切既字，我毫不猶豫就叫左呢份吉列豬扒飯。炸豬扒最重要既除左塊扒就係層炸衣，扒衣不分，外脆內嫩既豬扒就係好豬扒，而呢到既豬扒就係一個好好既例子。炸衣脆而唔會硬，豬扒嫩且多汁一啲都唔乾唔柴，真係極上既享受。推薦比各位鍾意食豬扒既朋友們，呢間唔試真係走寶。👍👍👍👍…查看更多

4點鐘原來諗住食個下午茶，但叫叫下飽到連夜晚都食唔落，真係兩餐變一餐，慳埋晚飯錢😂有三樣餸係我平時食車仔麵必點嘅🤪 魚蛋、蘿蔔、豬紅。今次我見點餐紙有個👍🏻喺醬汁魷魚🦑（辣）隔離，就想試埋佢，總共4餸一麵 $55 加炸花枝丸（4粒）$20 埋單$75😉蘿蔔煮得好腍，好入味🤤 魷魚平時好難入味，都係食佢個口感，但呢個辣汁真係辣得過癮，令到成個湯底都陣陣辣面，好正🤣 豬紅唔會一夾就散，但又唔會好似磚頭🧱咁硬，滑滑地，唔錯叫炸花枝丸嗰陣都有一刻驚會好油膩，但擔心都多餘，一啲都唔油，而且有啲墨魚粒，口感彈牙🥰…查看更多