AmazingAli的個人專頁

本身一心諗住食「那個」，可惜1點前去到已經太遲，條龍長到要等半小時以上。那麼唯有嘗試這間新小店。回鍋肉及酸菜魚賣相很好，回鍋肉是半肥瘦，食落幾有wok氣。酸菜魚整體唔錯 但魚片太少 印象3個人食 只食了4片左右🥹🥹。如你正好跟我一樣錯過了「那個」可以give a try，不過試一次便可以🫣🫣…查看更多

啲餐廳一出名就逃唔過愈做愈差既宿命。佢未出名個陣 我住附近每日經過都無留意到呢間車仔麵檔，係朋友係google見到好多好評先第一次幫襯。當時間野又好味 老闆又闊佬 啲野好似唔使錢咁。買3餸麵 又送多樣餸俾我 3餸價錢買到4個餸 最緊要係啲餸係好味既，蘿蔔又大又甜兼無渣，大魚蛋勁彈牙。點知有一日被光頭bob推介完就變左網紅店 仲要搬埋舖。個晚9點幾去食都仲要排隊！搬左鋪之後3餸價錢都真係得3個餸，無曬人情味，仲要蘿蔔竟然有渣 車仔麵檔既大忌。總而言之，如果想食車仔麵 如果無人排隊都仲係會幫襯既,哈！…查看更多

差不多星期六日都黎呢道食早餐。早餐32蚊一個 係其他區好難搵到物超所值既餐廳。五香肉丁 有好多舊肉丁 完全唔姑寒，辣辣地好野味，公仔麵軟硬適中，時間岩岩好。另外，咖啡係即磨咖啡 估唔到茶記咖啡麵咁有水準，仲有奶茶麵係比一般茶記高質！…查看更多

中午同同事食飯，特登12點半就去食，所以先無咩人排隊。如果一點去肯定人山人海！叫左碟招牌叉燒蛋飯，啲蛋都滑嘅，可惜啲叉燒唔似一般蜜汁叉燒咁juicy 如果換蜜汁叉燒會仲好食。整體而言，不過不失。…查看更多

北角係好多好野食，但呢間絕對可以列入北角美色之一！同同事去食午餐 lunch time同圍都勁多人，係呢間無咩人排隊，幾驚係伏。入到去，普通餐廳咁樣，環境無咩特別。叫左水煮魚，蔥爆羊肉 口水雞同話梅骨，真係每樣都好食到嚇死人！水煮魚，魚勁嫩滑，無水藏味，又麻又辣，連四川同事都話好味！口水雞，凍食 啲醬勁香勁好味，一碟真係唔夠喉！話梅骨，我懷疑係鎮店之寶，啲骨細細舊 酸酸地，排骨炸過黎，又脆又好味！希望唔好咁多人去啦 lunch有排排。…查看更多

朋友推介 佢話連續3日都走左去食呢間拉面，心諗有無咁正！咁岩同男友去開個頭就順便去試下。去到間鋪7點幾無咩人排隊，正！！！間鋪都算細，不過都舒服乾淨嘅。叫左個最貴個個拉面 $98，都唔貴！男友叫左個豬骨拉面 $78，都比好多連鎖連平！估唔到上環呢頭物價都唔會太離譜！首先試下個拉面湯底，一試就停唔到！個湯底一啲都唔咸，濃得黎好creamy,唔似某啲拉面湯底咁咸。差啲飲曬成碗湯，痴線！到啲面啦，個面合格，基本上拉面最重要都係湯底，個湯底正，成碗都正！其他配料唔多講 正常水準。佢地仲附送左個spicy牙菜，好味，但我唔食得太spicy 如果唔係我一定好失禮咁食曬成配🙈🙈…查看更多