Beanie的個人專頁

Boxing Day Walkin晚餐明白節日晚上，食市係比較忙門口recept的男職員，叫到我號碼時，我同佢講朋友未到，要十分鐘後先可以入坐。我都明白人多唔係話俾張枱就俾到我所以我都有禮貌問：咁我係咪10分鐘後拎過張新飛仔定係再同你講呀？門口男職員話：你自己決定啦，入坐起計90分鐘，無乜枱架啦！唔好意思啦! 我覺得你禮貌唔好，呢度衰衰地都係K11唔係旺角兆萬食任食韓燒，唔駛太大聲同我講，又好似我非食你間餐廳不可🥲好啦.. 入到坐啦！問佢有無個籃仔放吓袋？職員：無呢啲嘢架 （其實佢空間都好多，我覺得食90分鐘，客人shopping完食餐飯都想食得舒適啲啫，再講係地下又唔見得乾淨，攪住幾袋嘢係身..我真係攪唔掂☹️）食物：燒肉的牛肉質素也可以，牛肉新鮮，豬腩肉切片可以切厚啲，應該會口感更好.芝士辣炒年糕，味道不錯，唔算好辣，都幾野味！炸大八爪魚，肉質新鮮唔韌！飲品都係一般柚子梳打水貨識，無特別.聖誕節套餐$638 唔可以話好抵食，不過唔駛諗食乜咁樣食set亦都夠飽肚嘅.今時今日唔係講錢係customer experience枱的空間細，店員不斷上菜，又唔夠位放，仲要等個客自己執張枱俾佢放食物，留意番唔係我地霸主啲位，而係佢張枱細，我仲要自己將啲小菜夾埋一堆先夠位… 咁講到尾，佢嘅加一服務費應該俾我唔係佢收啦，反正都無服務.差就係差. 幾好食嘅食物都好，唔想受氣未必會再去了.…查看更多

朋友們係太子街坊，由佢地帶路帶我食好嘢！炒蛋沙嗲牛肉厚多士 - 真係超正！ 炒蛋夠滑，更加要舖滿整塊厚多士！沙嗲汁夠地道濃味！牛肉爆多亦都好新鮮完全沒有醃製那種難食嘅口感！食完一份都好想再encore！星期日下午差唔多4點去到！好在唔駛等位就有得坐定定咁食！唯一唔好嘅係有啲阿哥阿叔會係房仔食煙… 如果怕煙味就可以買外賣食或者坐出面好啲啲！為咗食好嘢要忍耐一吓！下次要再試其他嘅名物！…查看更多

家陣日日都三十幾度, 有時lunch都想食啲清爽啲嘅食物！上星期WFH嘅時候, 突然好想食法包, 搵來搵去都搵唔到心水, 於是膽粗粗試吓呢間未試過嘅餐廳（外送）其實我會諗過法包要即食先好食，好怕個包會軟淋淋就唔好食，點知我收到嘅時候，個包依然好脆及硬身，沒有因為餡料而整到個包淋晒. 個包又唔係話好大隻，但係好足料，餡料都多到漏出來，呢個份量女仔食都好夠飽了！寫呢篇食評嘅時候已經係第二次再order！一樣係咁好食. 下次會到店再試其他食物.😉…查看更多

父親節的晚上, 訂了較早的六時入座, 這是第二次幫襯了（第一次是中午的點心堂食）二人點了很多餸喔！很喜歡冰鎮咕嚕肉因為冰鎮了就沒有油膩感，很開胃！避風塘賴尿蝦亦都很野味！肉質新鮮亦都好大隻！其實我哋仲嗌左一個小炒王，不過相對起來就一般貨色所以不提也罷.冰川話梅聖女果係好開胃嘅小菜，我覺得飯前小食就真係一流👍🏽這裡設有水吧，可以叫飲品同埋啤酒，亦有中茶提供但不能選擇茶葉. 大排檔的模式是這樣喔！好驚喜係細細一間餐廳，選擇有好多，而且有海鮮（雖然價錢都唔算好抵, 所有餸菜質素也不錯！其實中午嘅點心都ok的，性價比都唔錯，最適合俾想飲茶但係又唔想去酒樓等位嘅人，方便快捷！留意番午市同晚市繁忙時間人多都要喺出面排隊等位，不過人流都應該算好快😃會再去幫襯，因為有好多菜式都好想再試！ps： 好方便可以俾payme或現金.…查看更多

星期日早上懶洋洋，想念家鄉嘅人蓼雞湯，係外送App搵到呢間食評不錯嘅餐廳，就試一次. 點了人蓼雞湯配飯，海鮮煎餅.等待時間大概30-40分鐘，可以坐低食的時候，一打開蓋都仲係熱辣辣出煙嘅！因為我見到步兵哥哥係揸電單車送餐！快！人蓼雞湯，有半隻烏雞，有糯米紅棗栗子，最重要係有半枝人蓼. 雞湯味很濃，飲完無口乾感覺. 要讚嘅係另外跟埋一盒好好食的配菜！kimchi好食！家鄉的味道番晒黎！海鮮煎餅也不錯，不過有點凍了. 如果可以跟埋醬油會更加好.下次再想起家鄉時，可以再encore！…查看更多

12月25日聖誕夜，唔想煮又想食西餐，近近地係屋企附近pekopeko去問吓有無聖誕（半）set可以俾我買！本身佢嘅聖誕set係6個人食. 店員很好, 俾我order半set仲介紹我要選擇乜嘢好食! 食物準時預備好, 仲有一枝細香檳可以慶祝一下！食物如下：*意大利風乾火腿配蜜瓜，仲有沙律*炸水牛雞翼*大蝦茄汁意粉* BBQ汁燒排骨*日式抹茶紅豆千層蛋糕兩件所有食物都好食！好味道！本身之前有幫襯佢地lunch都食物水準唔錯的！可以再幫襯！…查看更多

看到火龍果嘅顏色咁鮮艷，配埋黃色嘅芒果真係好襯，影相一定好靚！哈哈.. 於是就叫兩溝試晒兩隻味道.火龍果好鮮甜，本身火龍果係無乜味嘅生果，所以溝埋芒果就會俾芒果的甜味蓋過.芒果的甜味有點過火，有點吃芒果乾那種甜的感覺... 好似食左大半包芒果乾咁. 如果帶有點果酸我覺得會中和番兩隻味的雪糕.雪糕質感幾好，唔會食無耐就開始溶. 雪糕筒很脆，這個很好！下次要試開心果！想試埋榴槤味建議店舖唔好用payme，見到有啲客人以為自己識用又結果攪店員好耐去俾錢.. 浪費大家等食嘅時間.…查看更多

在2019年12月尾最後的一個星期一晚上選擇和朋友仔飯局聚一聚. walkin兩人，7點即時有位. 看了menu，食物種類也很多選擇.總括嚟講, 食物份量是ok的唔會太少，兩人share食係好ok的. 不過我和朋友叫了4種菜式，大多是淡而無味. 少鹽少味係健康但係無黎味道，最後要加好多酸汁先至覺得無咁伏. 我唯有同自己講也許我點的菜也許不是重口味...建議如果你想坐低傾住計食飯，二人檯係坐得好密，本來我同朋友都好好地邊傾邊食飯，但開始食無幾耐，隔離坐位兩位女士傾計好大聲，周圍環境人滿的情況下，我地傾一句都好似鬧交撞聾咁... 好嘈好辛苦，最後食完快快手閃人. 建議餐廳二人檯係4人檯分出黎係可以隔開少少嘅，過晒我地唔係去左茶記或foodcourt啦！最後，整體服務都ok有禮貌，係用餐的碗碟有水積感覺唔太好. 係K11 musea算係一間價格大衆化嘅餐廳，不過營運上有空間改善會好好多.…查看更多

有時要食火鍋, 喜歡食羊肉又想食新鮮羊料理的地方, 香港並不是太多. 快樂小羊開張已一段時, 襯天氣凍凍地就試一次吧！看過不少食評, 食寄建議叫拼盤, 那可以試多種羊肉的部位. 肉質很新鮮, 肉和油份的比例很好. 看到廚房是即場即叫即切肉, 這個拼盤上檯時有乾冰伴碟的！ 我們三個人叫了這個，還有半份鴨血，墨魚滑，菜，冰豆腐，脆肉鯇. 有試火鍋配料可以半份叫的，這個安排很好，不要浪費金錢及食物. 除了羊肉主打，也有黑毛豬，和牛. 不過人少就食羊拼盤已很好，除非係可以食好多肉類啦！湯底是蕃茄湯及清湯（這算是養生湯的一種吧）味道亦不錯. 這兩個湯底要讚！好好味食完無口乾.這裡還有其他羊肉熟食提供，適合一大班人開心share！如果食量細就每人一串烤羊肉串都很好！這是新鮮即烤的，在門口切肉機側邊可以見到.這裡和其他火鍋店不同，沒有什麼混醬的. 要醬油或辣椒要向店員取. 好不容易先至到手. 因為這店是標榜不用醬油也好味的.很滿意這裡羊的質素，食完沒有一身味道. 會再來的. 在這裡頂位有打折，也很抵食喔！…查看更多

K11 Musea 最近很火紅的商場, 於是朋友選擇了試新中菜餐廳迎接平安夜.菜式並不是很多, 餐牌沒有食物相，所有都係字, 不過都唔難明白. 不過有時係想好簡單去落order點知要花點時間去睇. 茶葉也許不太靚, 香片都好似苦澀味咁.燒鵝沒有太特別好驚喜, 皮脆但肉有點老. 最驚喜係豆腐. 口感很好！這個值得一試.服務也很細心, 客人不多也許因為價錢唔係好抵食. …查看更多

復活節假期第一天，沒有太多計劃只打算和朋友漫遊中西上環，估不到這間咖啡店和地鐵出口很近很方便！到達的時候，咖啡店已滿座，很有禮的店員給我們等位票，如果等多過15分鐘才有位就會有9折！很好喔！我們在算時間，因為今天是假期不能叫套餐，單品的價格算是中上的，那最好有點折扣吧！:)店員有禮，只不過人多的時間，和隔離檯會比故近和嘈，也許這不是細細聲談心事的好時候！兩人叫了明太子蟹肉意粉和黑松露醬炒蛋牛角麵包，甜點是這裡的signature item玫瑰花士多啤梨西瓜蛋糕及咖啡.明太子蟹肉意粉，好喜歡有很多紫菜，意粉很有咬口，不太軟亦不太硬，明太子帶出一點咸香，好好味！ 黑松露醬炒蛋很香及牛角麵包很脆口，好味！重點是甜品，玫瑰士多啤梨西瓜蛋糕，第一口的玫瑰花很香，很天然的玫瑰花味，原來這樣和士多啤梨很夾喔，最後一口吃到西瓜了，一生人第一次吃西瓜蛋糕，甜甜的很清新！well balanced! 係就貴d但我覺得worth to try. 咖啡的拉花及咖啡本身也不錯，不會只飲到奶味！這裡的玫瑰花士多啤梨西瓜蛋糕也可以訂一個取走，不過7寸蛋糕的價錢也唔平，但可以做會員，訂蛋糕或用餐也有折扣！這一間店樓底很高有天然光很舒服，年輕店員有禮貌及服務亦很好，會經常為客人加水亦唔駛趕住走！看到其他人吃的意粉也賣相出色，相信好快會再去幫襯！…查看更多

星期六上午沒有預留位子，只好坐一個高度不太合適的bar坐。對不起我不是矮亦不是要求高，但這bar位坐得太耐亦要等漏單而追了三次都漏單的甜點，老實說坐到客人腰骨痛！午市套餐是雞扒定食，等了不只二十分鐘，對.. 那店員說食物是要等但不知道為什麼一個定食要大半小時才上菜，當時店舖只有7成人客.俾個讚好吧！等是等得耐，不知是否太耐亦太餓，這個定食不錯的，雞扒是可以給讚的！好味！和朋友差不多食完定食，叫店員是時候上甜點！ 執檯再問，等了15分鐘有多再問，最後有店員給單我們說是時候埋單！我話追了三次的甜點呢？那小姐說...沒理由喔這個不用即整的！不用整我要追了三次，這個水原餅$58 貴就是花在要等的時候及個貨不對位的的甜點！我真係拍檯啦！什麼服務？再幾好的食物這樣沒水準的服務！比快餐店更差！要知道這裡所有食物飲品都性價比低！ 店員說可能太忙漏了！但我追了三次.算數吧！尖沙咀有更好美食！時間不是這樣浪費！慢活不是這樣！法國餐也沒有這麼慢和差服務水平！…查看更多

今天下午放假.. 預了一個小時排隊，下午二時左右排了一個鐘左右，終於食到千層蛋糕啦！一個人食，唔貪心只係叫左綠茶千層及Paris tea.本人是綠茶控，這個綠茶很不錯濃到適中亦中和蛋糕的甜. 加上Paris tea, 可算係well balanced. 有食評話綠茶不夠多但個人認為這樣已經足夠了！如果唔配茶，咖啡應該是好配搭.無奈一個人食只可終長檯搭坐，這種搭坐和茶餐廳一樣的嘈，因為左右對面是7咀8舌的大媽和中女.. 還有一家大細坐不定的細路！排了一小時左右（好彩）但沒有一點食tea的環境，全件事大打折扣了.  服務員說如果要帶走就會俾個盒你自己pack無乾冰無紙袋得個盒. 本來想買叫多兩件帶回家，最後都沒有這樣做.其實take away quota 一早就沒了，想食就要排一兩粒鐘.. 再自己pack 最好係屋企帶定冰袋黎帶餅去.. 如果呢個係marketing strategy 就太手低啦！件餅幾好食都無用.. 因為環境服務令人失望. 希望老闆們不要以為排隊收左錢就算！我諗你都來有回頭客！環境咁樣坐唔耐你就回檯快.. 但客人會否再回頭呢？這是好問題！某情況下星巴克仍然坐得好舒服......…查看更多

星期六晚和男友去九龍城開餐, 諗住順記食得多, 咪去創發試下!入門口的一刻係幾好招待嘅..但係當我地叫野食的時候, 有個上左年紀的男侍應一聽到我地只係叫平野, 面色轉晒! (講真佢d普通野都唔平!!)我地兩個人講真唔叫得太多野食, 鵝片, 魚, 蠔仔粥.係無叫佢d龍蝦, 蟹, 嚮螺同埋翅之麻!!駛唔駛咁狗眼先? 我地又唔係著到乞衣咁! 不知所謂!蠔仔粥, 叫左一個鐘, 米都唔見粒追左幾次都無反應, 隔離檯叫左隻幾百蚊嘅蟹就要乜有乜!最後, 個男侍應直到叫我地cancel個order. 佢話整唔切喎!有食家介紹.. 咁樣做生意就乜都假!! 無下次呀!! …查看更多

星期日通常都會訓得就訓~但係好友介紹我到這裡試下sunday brunch, 仲要幫我book埋位,哈哈.. 我梗係知醒起身去食好野啦!我地去到的時候已經是一點, 初初以為無乜人幫襯, 原來又唔係喎, 去到時8成滿人呢!一開始我地就食冷盤同埋飲湯, 見有新鮮魚生喎! 梗係第一時間拎一碟啦! 新鮮, 不過份量太少啦! 我拎完都無左半碟, 又要等下一轉了! 可能地方唔大, 冷盤的選擇不是太多, 但係都算係唔錯呢!食到咁上下, waitress就好細心咁問我地幾時上main course, 我地話anytime! 等左無耐我的Sea Bass同埋朋友的steak都上檯了!Sea Bass 很新鮮好味! 份量剛好! (我很喜歡食魚的!!), 朋友的steak都不錯, 但係我地叫8成熟都仲有血水喎, 下次原叫佢整熟多少少呢!!食完main course, 繼續努力食dessert, 其實我地未食main course前已經食緊dessert啦(hehe..因為見佢都應該唔會再出新野..拎定先!) 有幾款選擇, 個人比較喜歡trimisu柸, 朱古力mousse柸.Dessert完, 仲可以食生果以及叫餐茶. 我地都坐到差唔多3點先至埋單, $128一位有咁cozy的環境和不錯的食物真係幾抵.唯一覺得有問題的地方係, 我覺得這裡的燈光比較暗, 如果食brunch可以光一點, 多一點sunshine咁就perfect呀!…查看更多