mangochan的個人專頁

好好食！！ 可能餐廳就黎落場嘅關係，餐廳客唔多，好靜好舒適。可以坐到吧枱，睇住型仔廚師即席預備食物，同埋會簡單介紹返個食材今次叫左個拖羅壽司飯，廚師介紹佢係野生拖羅，味道會濃一啲~ 拖羅配上蔥，炸蔥同特別芝麻，味道好豐富！但大家又唔會搶左大家嘅味道。我覺得個配搭好好，因為我試過就咁食個拖羅，味道係超濃郁，但食多幾片就會好漏，咁樣配埋配料食完成碗都唔漏個套餐仲包埋沙律，麵豉湯，茶碗蒸同甜品。全部都好有水準餐牌選擇唔多，全部都係set menu，但係咁反而可以好專門做好一樣野。價錢有少少貴，但係質素遠高於佢嘅價錢~~~ 係好抵嘅~~…查看更多

母親節黎飲茶, 第一次, 但唔會有下一次!!d野超級唔好食!!xxxx餃(唔記得個名, 英文話係vegetarian, 但係係有肉...)個皮勁"梅"流沙包係好流, 但係係假流--> 糖水.....最過份係叫左呢個"小食"貨不對辦!!!好過份!!!唔會再黎!!!…查看更多

見到好評如潮, 就算食飽都要去試一試買左一舊芝麻糕, 一舊砵仔糕芝麻糕完全無芝麻味!!如果係街邊無名ge舖頭我會接受, 但講到咁出名就真係唔得食食下仲越食越甜, 得個甜字! 係勁甜!我覺得自己食左十舊糖落肚多過食左芝麻糕:(真係十分失望...砵仔糕就只係一般,唔係特別好食或者難食...…查看更多

唔使講咁多~ 好食~個老細搞搞笑笑咁, 幾好人豉油皇中蝦xx蝦蟹棗蝦醬通菜- 鹹左d紫菜肉碎蠔仔粥 蠔餅 超好食!! 一d都唔粉! 好足料~~~~~~反沙芋:)附送甜品綠豆沙:)五個人去~食到好飽~~~值得再去~~…查看更多

第一次去食~真係唔使講咁多野好食!!!肉夠Juicy! 又新鮮!即叫即做蛋都好香~!食完個人好開心~!!我想找一日食兩個漢堡包當LUNCH~…查看更多

難得喺附近, 所以特登過黎試~ 12點前仲係早餐價tim~第一次食感覺幾好~~火腿通-- 講真, 火腿同埋通粉都係認真一般, 但係好味在於佢個湯~ 有D似忌廉湯咁味~ 又唔覺好味精~ 我忍唔住食哂D粉之後要飲佢幾啖湯~~炒蛋多士--就咁食個多士都已經好好味!好香~ 蛋就可以揀煎雙蛋或炒蛋, 我要左炒蛋~ 略為咸左少少, 但係夾埋個多士食就啱啱好!! :) 我見到人地D 煎雙蛋都整得好靚~ 個黃會漏出黎ga!雖然唔算得上一百分好食, 但係有機會我都會再黎食過~~:)…查看更多

12月7日去食, 慶祝爸爸生日, 見openrice 最近食評都幾好, 黎試一試去到餐廳, 連埋我地得兩枱人, 心感不妙..叫左燒風膳-- 勁少....得六舊細細舊... 雖然係話$45, 但係個樣present出黎好唔大方兩份牛仔骨--呢個就幾好食, 幾香紅酒牛尾-- 味道一般la燒羊脾2磅半-- 一d羊ge感覺都冇... 又乾...海皇湯-- 有d"海鮮"物體ge 忌廉湯, 無乜特別炒耶菜--正常~有個類似香橙骨ge野(唔記得叫咩名, 佢個名好聽好多)-- 食落就係香橙骨咁la, 家姐就覺得似洗潔精味佢仲唔聲唔聲送d燒羊比每枱客, 落order o個時又唔講, 好在我地嗜羊, 如果唔係我會唔開心囉... 自己叫左羊又送羊..咁鬼多羊...d侍應超級唔識做, 個個d感覺都好似新黎咁, 講野又細聲我地有個蛋糕諗住食完飯上la, 點知成張枱d野執都未執就想放個蛋糕落黎... 張枱一個位都冇, 又污糟, 點放個蛋糕落黎呢?? 要"喝"住佢地, 佢地先識執左d野先仲有~ 佢地用恒生咭簽賬係有九折ga! 你唔問佢唔會講, 記住問!! 不過只限散叫, 套餐冇折…查看更多

一行五人五月三日(星期六)去食6:00pm間野o係book位的時候已經一肚氣, book黎book去d staff都好似唔知做乜咁到星期六confirm booking 夠膽話我地book左8:45!! "8"同"6"差好遠喎, 聽都唔會聽錯la! 算喇, 改左就算, 如期六點去食去到五個人比張四人枱, 真係好逼好逼, 逼到超辛苦, 問佢有冇得轉又話full左, 到最後眼白白見其他枱由頭到尾都係冇人坐....D 野食都ok la, 款式都算多, 不過冇我最喜歡的軟殼蟹手卷. 味道尚算不錯可惜d人都唔知點做野, tick 左要羊架, 見佢咁耐唔黎就問下, 點知呢個時候個侍應先話「今日冇羊架」, 你落單o個時唔同我講??隔左好幾個鐘, 唔知關唔關事, 其中一人在家嘔吐, 好在嘔得唔多, 而嘔完都冇咩事第二日, 我, 屙左幾次, 仲有發燒, 睇醫生有可能係d野食有少少唔乾淨. 但當然唔係好犀利, 唔係就個個都有事, 可能我抵抗力差d就咁雖然醫生都只係話可能, 但係都係怕左呢間野...... …查看更多

早兩晚去完廟街食野之後黎左松記, 原來好多朋友都覺得佢好食我叫左一個雲石豆腐花, 即係芝麻豆腐花. 個外型做到真係好似雲石咁, 好滑的樣子. 一入口仲好香芝麻味!!正!! 又唔會太甜. 個芝麻味又唔會搶左豆腐花味, 總之就恰到好處~ 之後大家仲叫左個ck酥黎share, 好脆!!好新鮮!d cream又唔會太"漏". 好好食~~最驚訝就係d野食收得一d都唔算貴wor!!!唔會出左名就貴一貴.正~…查看更多

其實對椰林閣都唔抱好大的期望~不過今晚黎到真係幾好食!!間野咁遍當然係冇乜人la..同男朋友兩個人去~ 叫左一個紐西籣西冷配飯同羊x(忘記了)芝士青口配意粉. 跟白湯~個白湯就麻麻地, 我覺得甜左少少不過個西冷跟飯就好好~ 個飯竟然係d 類似雞油飯咁~ 有味道ga!! 個西冷肉地也不錯~~~!!另外個羊x芝士青口配意粉, 羊有三舊~其中一舊好夠羊味呀~~ 其餘兩舊都唔差~ 青口咸左少少,不過幾香~~ 個意粉係重點.! 佢唔係勁頹就咁"錄"熟左就放上碟,佢係再左d蒜呀,牛油呀,香草同白汁整過ga!!!所以又係好香~~hehe!!連最尾杯餐飲熱朱古力的好濃味呀!!好少可對一間餐廳由頭到尾都覺得咁ok~~!!…查看更多

上星期兩個人去食叫左一個海南雞飯,咖哩牛腩+白飯,串燒同一個甜品海南雞飯--個飯超好食!!個味好好!! 不過隻雞就冇乜味....咖哩牛腩+白飯-- 對我呢個超級唔食得辣的人黎講,呢個幾好味,唔錯, 不過對一d對咖哩有高d要求的人黎講就可能麻麻地喇. 但係我地都叫左個白飯"送"汁, 結果食哂d汁~ 不過佢比d 牛腩就得幾舊, 稍為大舊少少的薯仔又唔夠入味...串燒--一般la...乾左少少, 個汁就幾好~~甜品--唔記得左叫咩名,$10. 用一個勁hae的碗(酒樓一個白飯的碗)盛住. 有舊西米,有d糖水. 就咁飲個糖水會激甜,但拼埋個西米一齊食就岩岩好~ 我估個糖水係黑糖黎ge, 因為我o係馬來西亞食過d類似的東西總括佢都算唔錯, 都算地道, 令我回想起新加坡/馬來西亞的食物…查看更多

同朋友慶祝生日, 十個人去,任食喎~個感覺都ok~食物款式都算多, 又有火鍋, 但係我地冇食到, 不過佢每張枱都放左個用電o個d平底"爐", 令到張枱少左d位. 而我地叫d野食又多, 所以唯有放d食物o係個爐上面...好在我地兩張枱"拍"埋一齊,中間偷到d位, 如果唔係都唔知點算...d壽司舊飯都算大, 上面魚生就切到好薄....不過就幾好食~反而佢就咁一片片魚生就切得唔係咁好...四方柱體咁...天婦羅炸得好食~~好開心~仲有小食,手卷,甜品,通通都唔錯~所以都幾抵食, 款式多, 又幾好食咁~唯一唔好就係d服務態度,真係令人幾火爆, 好在我地多人, 我可以選擇同朋友傾計而唔理佢!…查看更多

星期五晚同男朋友去食,因為有friend介紹,講到好好味咁去到等左一排, 明明等到有位, 但係要我地問waiter係咪有位,佢先指示我地入去叫左一個面豉湯拉麵,一個豬骨湯拉麵同一個炸八爪魚面豉湯自己人本身麻麻地鍾意,所以唔多評論喇不過個豬骨湯拉麵真係唔多得...好鹹...唔係好有豬骨湯應有既濃味, 個麵底就ok, 但係個湯真係唔多好飲...炸八爪魚有少少辣,都唔係問題,但佢都唔似炸ge,似用油"拖"過下d 八爪魚咁,都幾大陣油味食完走左之後,男朋友係咁話好口渴,睇黎都係味精作怪...雖然唔算得好難食,但係我諗都唔會再去食...…查看更多