食過呢間有心嘅印度餐廳，決定為佢寫下第一次食評，希望更多知道呢間小店同多多支持！👍🏻👍🏻呢間餐廳係東大街接近街尾，位於不太顯眼嘅位置！見Openrice 100%好評，本身中意食印度菜嘅我，決定帶屋企人一齊試下呢間印度餐廳～夜晚大概8點半入店，見餐廳只有兩枱客。餐廳環境舒服乾淨企理，以傳統印度咖哩店作裝飾。店內只見一個男侍應，識得講流利廣東話，應該係老闆。我地4人叫左無骨瑪沙拉雞、牛油印度烤餅、海鮮雜錦薄餅、串燒五香雞件、2杯瑪沙拉奶茶。老闆後來送多杯奶茶比我地，好好人，仲會同我地閒聊幾句，十分好客！！☺️串燒五香雞件，一共6件。係老闆推介～用鐵板上，建議滴幾滴檸檬汁上面，雞肉比較乾身，味道還好。無骨瑪沙拉雞配牛油烤餅👍🏻👍🏻呢道菜真係好好食。雞肉好入味，肉質軟淋，咖哩不辣，配上烤餅簡直食到停唔到口！第一次飲瑪沙拉奶茶，估唔到幾好飲，未飲已經聞到一陣特別嘅香料味道，值得一試！👍🏻海鮮雜錦薄餅🍕脆脆的，可以拉到長長嘅芝士！！好食！買單總共$438，平均一人100蚊左右，價錢合理～～食完一次後，決定之後會再幫襯，完全有驚喜，估唔到筲箕灣都可以食到傳統又好食嘅印度菜～會繼續支持呢間有心嘅餐廳，要係幾十間食店，咁大競爭嘅東大街食街度生存，實在不容易！😊👍🏻…查看更多
