Jenho的個人專頁

生日前夕嚟食，諗住去遠啲食飯開心下，但食完令我懷疑人生，唔想再入赤柱食嘢98$ @6隻生蠔，得2隻勉強食得，其餘4隻係腥同爛肉，放入口係臭，即刻要吐返出嚟，勁難食，老闆娘仲要話啲生蠔係生鮮198$ 燒豬肋骨，得3舊仔，味道正常，但完全唔飽178$海鮮pizza，完全冇海鮮冇諗過咁伏，好失望…查看更多

睇到九龍灣有糖水店開張，公司又近近地，一於去試下！我點咗個「天荒地老榴槤摩天輪」，嗌個陣都有啲唔好意思，估唔到個名咁GAG。本身都食問榴槤，遞上枱時已嗅到超香嘅榴槤香味，正！好彩隔離冇人，臭唔到佢！頂層係一啲冰粒，中層係軟綿嘅熟榴槤果肉，底層係用榴槤果肉同冰打碎後嘅榴槤沙冰。頭兩層可以一齊食，令硬身又嚼勁嘅冰粒同軟綿果肉增加口感層次，而果肉嘅香味會慢慢散發出嚟，果肉香味超濃郁。而底層榴槤沙冰充滿冰凍口感之外，同時榴槤香味同樣保留，解暑之餘又滿足到食慾！…查看更多