annatfl的個人專頁

如果唔係搵openrice 都唔知西營盤有間咁既生蠔吧，位置要行少少路先搵到，係酒吧街附近。坐位舒適，環境唔錯。用左openrice既booking, 有杯裝白酒送。食物方面，serve 我地既Mark 好細心咁介紹有唔同既set, 有咩推介，又有介紹唔同種類既生蠔。最後嗌左10隻生蠔，5款唔同既品種試下，全部都勁新鮮，鮮甜。另外再嗌左半份翡翠螺，一份白酒青口，炸魚薯條，全部都好新鮮好好味。最後送左張9折卷下次用，下次會再去食生蠔🦪😋…查看更多

在太子地鐵站附近，很容易就找到。一行4人去姊妹眾會，見有自轉串燒所以試試。一去到已經很快安排入坐，然後5分鐘左右就有海鮮拼盤送上。有兩個雪櫃飲品自取，汽水無糖茶都有，另外有清酒梅酒。串燒亦係自己取，食物補貨速度也很快。枱上有貼紙介紹每樣食物的燒烤時間，不會燒過龍。食品種類算多，味道不錯，雞翼比較費時但味道很好。烤菠蘿，烤台灣腸，烤牛肉很好食，燒烤爐自己轉所以可以安心傾計，坐位很舒服，下次會再去食。…查看更多

一家5人本來開開心心公眾假期飲茶，比一個員工搞到勁掃慶!食點心途中突然間兩個廚房佬打交打到出門口，大吵大鬧，全部食客望住佢地兩個，完全影響興致。員工執碟走掛住睇兩個廚房佬表演，將豉油倒在我的家人身上，轉頭就走左去，叫她番轉頭才完全沒有歉意地說對唔住，就轉頭走了，叫他拿濕紙巾但完全沒有理會，超級差的服務態度! 其他同事解釋說她是替工，只在這做兩天，替工就不是你們的員工？替工就可以這樣的服務態度？真可笑!…查看更多

平日放假揾野食，見呢間係長沙灣都開左一排未試過，就去試下個雞脾下午茶，平平地36蚊都幾抵既，叫左個雞脾配薯條，黎到個樣睇落去都幾大份幾好味。但係一食落去，個雞脾酸既，以為自己味覺有問題，叫友人試下，佢都食到酸味，之後問店員點解食落去酸酸地，好似放左好耐既肉咁，店員話係正常，話完全無問題。都唔知係醃料有問題定係天氣熱壞左，食左兩啖就唔想再食，D員工服務態度又差，總之以後唔會再去食。出面大把茶餐廳好食過佢。…查看更多

大家埋單的時間要小心！本人與家人每個星期日都會去新星飲茶。於2016年9月4日早上到新星海鮮酒家長沙灣分店飲茶，埋單的時候，通常都係自己拎張卡去櫃檯付款，個職員將你個檯號輸入電腦後，就會講個價錢比你知，唔會比你check單，我爸爸比完錢後，發覺好似收多左，所以就返轉頭要求check單。職員即刻吞吞吐吐咁，比張單我睇，全部食物係啱既，但係就比單個數收多10蚊。佢講左唔好意思，我地就無再追究。今日，9月11日，我和家人再去新星飲茶，事件再次發生，埋單再次收多10蚊。個職員即刻話唔好意思乜乜乜咁，但係其實已經唔係第一次，上個星期都係同一個職員都係相同做法收多我錢。每檯客都收多10蚊，亂收多人地錢就係唔啱咁樣係咪姐係穿桶桶低，貪污？大家以後去新星飲茶都要問佢拎單check單！收你既錢同單既錢係唔同既！…查看更多