nicholasbobo的個人專頁

朋友附近番工，中午成日幫襯，所以介紹我地去食海鮮餐可以廚師發板海鮮私房菜！又平又經濟！小炒火氣十足！最愛炸物，辣子雞同黃金茄子 無敵好味！老闆超級nice 又好玩！朋友聚會大推！！！！…查看更多

自從幾個月前去完曼谷，就好掛住泰國菜！有日不經意進左北角呢間門面不討好既小店，一試便愛上了！店員是純正泰國人！菜式不多，但所有都十分十分好食！簡簡單單一碟炒蝦飯都好有驚喜！佢地既串燒更加出式！而家每星期都要去食一次，唔會唔安落甘，食左呢間泰國菜後真係番唔到轉頭！我覺得佢係全香港最好食既泰國菜！！！大愛！！！唯一不足係小店座位很少，全部食物都即叫即做，會比較慢，同夏天去好熱，但真係值得滴住汗去等！真心推介…查看更多

上個月太忙, 而家先得閒補番個食評 中學同學聚會, 要揀間坐得舒服又唔趕人走0既地方~有朋友去過呢間, 竟然有我最愛0既刺身, 所以去試下囉~~~有圖有真相, 先睇相~~ 食完刺身, 侍應收走個刺身盤先開始上火鍋湯底同配料~湯底係醉雞鍋, 一上檯已急不及待將嗰半隻雞 "sir" 落湯底, 唔認得影相 ^^"可能我地嗰日約得早, 去到即時安排座位  同埋位置唔喺大街, 感覺上去小街先搵到好野食 下次要約多啲人去試埋其他野食~ …查看更多

同事升職請食飯，早想試下季季紅有米豬！岩好有團購就買左！我地一行10人買左12人餐！份量好多，食不完，要打包。酒樓好貼心，有米豬會先成隻上台供我地影相，再拎去隔離切件！主角豬好脆，不過好漏，連我呢個愛豬之人食左兩件都頂唔順，反而底底既飯先係精華，陣陣芋香。其他餸菜不過不失，沒什麼特別。唯獨個蒜蒸蠔，細看之下蠔殻超干淨，懷疑蠔殻係re-use...雖然好多餐廳為節省成本都會用筒蠔,但每當想起蠔殻會回收都大減食慾⋯買單發現其實團購都唔係特別優惠，什費2百多，仲有茶芥，10位出席都要照收我地12位，連同我地加左個炒菜同九肚魚，一共$22xx大元…查看更多

第二次食，水準依舊，簡單menu,簡單菜式。人流然，店鋪很小，撞正lunch hour,幾張台已經要等成半個鐘。簡單的裝修，卻很有特式。主角肉燥大豬扒粗面，豬扒好入味，炸法好獨特，不油利。肉燥亦很大粒肉，足料！唯獨粗面無特別，味道較淡，都係飯好食d。男友order左滑蛋叉燒飯，飯係珍珠米，好香。不過對於係附近番工既我⋯食一兩次就唔會再去食，選擇太小…查看更多

一直用開該品牌護膚品，特意前來潮聖。失望，cafe shop的coffee不好飲，沒特式是很失敗的！一間主題特色cafe,看不出主題，小食款式不多，咖啡隨便自己沖3合1的比他還有心思。純粹旺中一點靜，作為休息地點坐一坐是不錯。…查看更多

路經大坑，太多餐廳選擇，而且間間價錢都唔平！係呢度⋯搵食唔難，但要搵又平又抵食，係大坑真係好有難度！！！由街頭行到街尾⋯正當想放棄時候，係lab made隔離有間拉面店！見到門口大大隻$48午餐！就俾男朋友拉左入去！即刻order左週年特價餐$48 飯加面！但其實唔鐘意食拉面，但坐低先發現最低消費$40，唯有局住order一碗！佢有5隻拉面簡，我簡左碗辣的—紅龍拉面！嘩！紅龍有兩塊超厚豬腩肉（有d似韓燒果種）真係超足料!但味道略嫌唔夠入味！湯底比較淡味，但唔錯，面條可選軟硬，我選擇普通（偏硬身）！男友的特價餐都唔錯！好抵食！食完超飽肚！提議鋪頭，如果食完面後有一杯冰凍既水就very good…查看更多

剛巧開車入紅磡，見到最近廣告賣得好勁既茶木，諗住紅磡偏僻d,應該無旺角銅鑼灣等甘耐，就膽粗粗去試下。嘩，上到去，都係好多人圍住門口，拎左飛仲有十幾張台要等諗住都係放棄，去完個洗手間出黎，仲有4張台就到，正！原來好多人都無耐性等😂大家下次唔好俾張飛嚇親。不過4張台都等左3個字。終於坐低，餐牌很簡單，沒有太多選擇，但有圖片，我最鐘意。但坐在茶木很難不令人與佢既對手另一間飲咖啡的台灣店比較，無論食物，風格都太相似啦。食物方面，個人應為對手勝一籌，對手食物比較有心思，食得出係自家制，茶木的都是一般比較大路的，炸雞扒，牛肉面，瀂水拼盤⋯如果單單想食台灣野，我覺人覺得不值得大排長龍。但飲品我覺得值得一試，味道奶，抵飲。在茶木令我有一個疑問，佢地既訂價太奇怪，一塊雞扒可以定到五十蚊，但一大杯mocha先廿幾蚊，一般餐廳都係酒水利潤高過食物，所以覺得好奇怪😂可能公司只想人飲野唔想人食野…查看更多

預祝本人生日，好姊妹一早訂左呢間西班牙菜。當晚被安排坐窗邊位，餐廳裝修不錯，幾浪漫，燈光轉暗，好有情調，但面對呢種燈光，影相就好差（可能餐廳唔預你相機食先XD)。現場有live band逐台唱歌，朋友要求唱左首生日歌俾我唱，多謝晒！總體，環境不錯，食物普通，無咩特色，價錢太貴啦，食左幾樣野就千二蚊，有大把選擇，真係食個環境氣氛…查看更多