Fungyee817的個人專頁

全組同事食飯聯誼，一心諗住公司飯局食完就算，點知非常驚喜，同事都忍唔住大叫好耐都冇食過咁高質素任食火鍋,$158 食物選擇多服務質素好都冇加一，絕對值回票價！❤️甜品❤️一入座，友善既阿姐即刻推介甜品，種類多到媲美buffet, 除左甜品櫃驚艷之外仲有雪糕雪條雪米糍任君選擇。可惜冇聽阿姐話，諗住留肚作戰堅持食飽先食甜品，所以只係試到兩款，都非常有誠意。如果閣下等緊鍋底未有野食時不妨先試甜品，包有驚喜必試咖啡奶凍，口感滑彈咖啡味濃，唔食咖啡味可選原味或朱古力長腳杯慕思啫哩外型吸引，慕思濃密厚身，啫哩酸酸甜甜好開胃❤️醬料❤️本人打邊爐非常鐘愛醬料調配環節，呢度有成17款，一定調到啱❤️飲品❤️除左一般罐裝飲料竹蔗茅根酸梅湯，有沙冰已經驚喜，估唔到仲提供沖泡熱花茶，包括玫瑰菊花同薰衣草，食完甜品凍冰冰食返杯，真係一個完美總結❤️火鍋配料❤️一般火鍋配料有齊，蔬菜用小筒裝住企理衛生方便拎取必必必食推介白魚蛋，唔係一般粉漿溝成既魚蛋，而係魚味濃郁彈牙既乒乓波星洲白魚蛋❤️環境❤️全部卡位設計大至分為兩人或四人座，街外比較少見提供兩人卡位既火鍋店，而且座位有足夠空間放置手袋大衣，坐得舒適❤️服務❤️縱觀所有侍應阿哥阿姐都態度良好有禮，仲會主動同我地作出推介無論食物種類質素，環境服務均屬高性價比之選，值得再光顧！…查看更多

今晚同兩位工作上非常照顧我晚大大盡訴心中情，呢間係其中一位既飯堂，平靚正真係當之無愧。今餐飯既重點係傾計，無論我地傾得幾投入，當每道菜上菜既時候都忍唔住比d香氣吸引左停一停食一食先👍🏻❤️蒜茸炒雜菜❤️蒜茸味香到爆，蓮藕荷蘭豆西芹爽脆清甜❤️蒜茸粉絲蒸大聖子❤️成支筷子咁長，蒜茸粉絲比例啱啱好，聖子新鮮好味❤️魚湯浸大蜆❤️非常香濃既胡椒粉味，吸引到流曬口水，飲完要即刻飲返啤酒，爽曬❤️脆皮炸豆腐❤️每枱必點，外皮酥脆豆腐軟滑，仲有椒鹽咸香，送酒必備❤️芝士斑塊❤️其貌不揚但芝味濃郁，第一次食到咁濃芝士味既中菜❤️咕嚕蝦油條❤️油條上既蝦膠彈牙，菠蘿夠多、食得過癮每道餸既特色都做到恰到好處，會再幫襯試埋其他菜。…查看更多

今日放假懶洋洋喺屋企附近食個lunch，天氣突然轉涼想食d熱辣辣暖胃野就諗起酸辣粉經常幫襯各間傷心都覺得水準穩定平均，不過馬鞍山呢間堪稱最差。💔麻辣肚絲+酸辣粉+凍檸茶💔肚絲底下攝滿水汪汪既青瓜絲，令人食慾大減酸辣粉湯底只係一碗紅色既辣水毫無香味份量少到女仔食完都唔覺飽同等價錢食譚仔好過💔環境💔食物質素令人想快快食完走，另一原因係成餐飯食左約30分鐘，店內大大聲播國語歌，想安靜食餐有質素既簡單飯請慎入…查看更多

晨早流流去完觀音廟借庫😪，要食個早餐醒神下，呢間不嬲都係同事集體叫早餐外賣首選，難得有時間要坐低慢慢嘆💔火腿煎蛋厚多士💔呢間既厚多士一向都香脆鬆軟，但今日壓扁左真係好失望❤️招牌鮮茄牛腩蜆殻粉❤️依然保持到水準，蜆殻粉Q彈滑溜，鮮茄湯濃郁，粒粒薯仔煲到又粉又入味$30早餐尚屬抵食，雖然厚多士失左水準，但為左蜆殻粉依舊會再幫襯…查看更多

由農曆新年後發現新開既湯飯店，至今已經幫襯第四次，2點已經開始下午茶時段，所以可以以$41下午茶價食到2餸+1菜湯飯 仲有野飲，絕對係late lunch 唔錯選擇由聖誕新年到情人節不斷食好東西，真係要食清d平衡下，但天寒地凍食沙律太寒，湯飯暖胃又唔滯就啱矖！❤️兩餸有成47款比你簡，今次食左鮮牛肉+黃沙豬潤，兩樣都爽滑唔韌❤️❤️菜都有13款，勝瓜清甜冇渣，付送少量木耳芹菜❤️❤️魚湯咸鮮味適中，飲曬都唔會口渴❤️❤️砵仔蒸飯偏干身有咬口❤️❤️飲品除左一般茶啡，金桔，柚子，銀菊蜜都免費，三款都試過甜度適中❤️…查看更多

第一次同嗜牛既Mr L 慶祝生日當然要做足功課，但係Mr L 生日適逢初三，部分target 左既扒房都未開工，咁啱見到有評論''ribeye 出色過扒房''，一於試試，果然冇失望！❤️頭盆：二人海鮮盆❤️非常新鮮兼抵食❤️主角：14安士頂級肉眼扒medium rare ❤️肉質鮮嫩充滿肉汁，一上枱香氣四溢，牛油慢慢融化令香味保持薯條新鮮香脆Mr L 表示非常鐘愛，加埋支cabernet Merlot紅酒，令提升牛扒美味❤️甜品：心太軟❤️食完塊扒已經飽到反艇，不過都一定要食呢個hot chocolate cake ，濃濃既黑朱古力軟心蛋糕加雲呢拿雪糕為生日飯作完美終結❤️服務&環境❤️第一次用open rice app book 位，餐廳接照要求為我地安排左二樓一個靚影位，望住凱旋門欣賞美食，亦有喺甜品寫上祝福字句，仲安排左個氣球令我地好surprised, 影相效果一流。總括而話，無論食物質素環境服務都令人滿意，值得一去再去…查看更多