黃金俠的個人專頁

今日下午茶時段去買外賣，阿嬸問‘有冇其他？’我話冇。原來門口寫明下午茶有飲品送，我話佢點解唔問我飲乜嘢？而唔係問有冇其他？佢堅持佢‘問有冇其他係啱嘅’，話加一蚊咪有得送囉，咁我話你應該唔係問有冇其他係問你飲乜嘢飲品送嘅吖嘛？佢堅持大大聲話佢冇問題。今時今日咁嘅服務態度，係唔想送嘢俾人飲，咁就唔好做生意啦！呢間嘢我淨係外賣，唔會堂食，環境超污糟枱面有漬地下仲污糟到得人驚。係以後外賣都唔食，祝生意興隆！…查看更多

昨天一家三口下午2:38上到餐廳，店員話落場唔做生意，今時今日咁好生意唔休做！平日中午時段得一輪客，九成仲係對面中學學生。為咗學生福祉起見，千祈千祈唔好執粒。或者唔駛鋪，直接响操場擺檔。…查看更多

堂食丼飯太濕食剩飯，女店員收碗話下次幫你少飯，更問太太你定食碗飯是否打包取走？我在香港生活了40多年，未試過有店員問食唔晒白飯要攞走？不知是否女店員每天見白飯當廚餘，不過今時今日香港地咁問好奇怪？這命題值得研究。…查看更多

同媽媽食個快晚飯，因為近落車點，而媽媽喜歡小籠飽，不用諗，行入去。未見野，已見左右兩三台客追單，話食晒野小籠飽都未黎，伙計個個客都話蒸緊，我地開始感到出事。我張單食物來既時間合理，但食物質素其差，怪不得超多喊雖然晚餐$4x不算貴，但起碼做得骨子Ｄ，飯餸捞埋一堆，簡直等同食兩餸飯。菜肉雲吞唔好叫，有up味。叫白菜，侍應好好咁話上海白菜等如小棠菜（我唔時間核實，無論如何，侍應態度值得嘉許），不過結果係黎左紹菜，我地無要求換，不過咁小野都錯。小籠飽只可用ＯＫ來形容，配不上好味。其實，尖咀嘉拿芬廣場有間標榜"京粵"酒樓D小籠飽好正，皮仲溥個王家沙。…查看更多

一行家人叫半圍夏日歡樂餐,因燉雞湯多油無益,改冬瓜盅清清地,標價$88,但埋單加$50, 簡宜當人水魚,不如下次改水魚湯.一坐低個經理就勁sell游水魚斷襾秤,餐再加$180,埋單由$728加一,貴至$1200,一D都唔抵食.如果唔係樓上稻香要等,根本就唔會去. 呢間酒樓最好彩都係响人樓下,做人地做唔到D客.仲有,呢間出左名手抱嬰孩都要計茶錢,話計人頭喁,所以各食家唔好激氣同人地拗,係好有規舉的酒樓(淨得佢知,客人唔知).有D食家話環境好,都OK,不過去廁所,你就以後黎呢度要忍下唔去廁所,沿路臭氣臭到出廳,真係唔該做間負責任食店,清潔密D喇!祝生意興隆.…查看更多

有晚好夜未食飯, 見富臨標榜48蚊任食火鍋, 諗住食少少都ok喇!習慣我每次入單都唔會tick好多, 唔需要琴琴青, 因出黎份量很少(可能係2個人, 魚片出4片), 正常無問題, 食完咪再叫唔好浪費, 但入了第2張紙時, 見部份野唔出, 再入第3張本應好平常. 但我太太去廁所, 途中有位侍應同部長講, 144號台叫到第3次, 真不以為言, 太太回來看看, 我們咪係144號台. 諗住食埋d菜走人(註: 菜係出齊仲好多好多). 鄰近有台4個大男人打完波果隻, 都食左好耐下, 再見時見侍應走近我們台旁部長問"俾唔俾佢地好"部長示意點頭. 真係不可思議火鍋任叫(不係任食)事件簿.我地全程冷靜有EQ, 無同佢嘈, 但咁大間酒樓集團以往晚飯都好扺食, 唔好因小失大, 做臭個名. 不過, 晚飯飲茶我會再去, 食宵夜, 太不可思議喇!…查看更多

其實問心呢間酒樓d野ok新鮮, 價錢算平.我地十幾人點了很多食物但無來, 正常埋單睇下張咭, 叫人取消咪ok羅. 但個部長先生走黎依依俄俄, 話"無理用無黎, 廚房話出晒", 我地個個幾十歲成年人唔通夾埋講大話咩, 事實真係無黎. 部長先生跟住拖埋幾位捧野阿姐話, 乜野金姑等等係佢親自送過黎, 拗餐飽. 最後, 酒樓攞埋我地兩個食完火鍋湯底去摷, 睇吓有無價值$16.8既金姑正菜. (當然揾唔到喇!)我在此非常恩賜這間酒樓一) 提議幾位捧野阿姐去"筋肉擂台"玩記數目字遊戲, 一百萬yen一定俾佢地幾位攞硬.(二) 幾位部長可以兼職做"金田一"助理或"福爾摩斯"d靚.祝生意興隆!…查看更多

真真正宗好食又抵既"韓式石頭飯"!!! (唔係石鐹"裝"飯)以韓式快餐打正招牌, 香港唔算多, 比起其他尖沙咀及旺角某某food court (按:取飯時個石鐹係凍既,用黎盛飯,唔係煲飯,你有曾見過用煲仔盛飯就當煲仔飯賣), 尖沙咀及紅磡連鎖某某食店, 有過之而無不及. 首推一試難忘"泡菜牛肉石頭飯", 鐹底有飯焦及少許油, 係真正用石鐹煮既飯, 而不是"裝"飯. 美中不足, 係鐹底有油, 食埋飯焦好唔健康.試過呢間後, 希望上述某某food court食店收幾十蚊搵個石鐹"裝"飯俾你食, 就叫石頭飯既食店, 試下呢間很用心做飯既食店.…查看更多

在香港少有韓式自助快餐, 有d住家feel, 味道因為太韓國, 反而有時覺得唔好, 例如石頭牛肉飯, 牛肉真係很小, 生甘筍絲青瓜絲超多, 好唔好食真係見仁見智.但係我發現香港韓式石頭飯, 大多只是用"石鐹"盛飯, 就當石頭飯, 好似旺角朗豪坊上面food court石頭飯取飯時石鐹係凍既, 如是者, 不如減20蚊用個碗盛飯無分別.有見食家話呢間好食, 不如試下港運城樓下food court超好食石頭飯, 包你有意外驚喜!…查看更多

星期六同班朋友山長水遠入黎, 諗住88蚊兩手空空包飲包食包海景, 點計到唔係貴.食物種類很少, 但雞中翼就有四款口味, 另加未醃雞全翼, 未醃豬扖(以為叫"白豚肉), 未醃牛扖, 乜丸乜腸梗係無醃, 令你有種純天然original既感覺!!! 不過, 燒蝦仔又幾得意幾好味.(因為太細仔, 個個吉得好辛苦)無汽淡汽水固然唔係咁盞(但係"維x汽水", 想起小學時飲既樽裝汽水(七字頭都應該飲過)), 大熱天時加冰都算ok呀!總括來講, 係認同"阿雞伯伯"廣告話"雞翼係唔駛燒得咁辛苦"既道理!!! …查看更多

其實已經去了多次, 但相隔上次去已有一段時間, 裝修新加屏風比以前全開放式茶餐廳feel來得好好多.食物像以往一樣, 沒有大突破, 亦沒有大退步, 但侍應非常年輕, 因而覺得大部份都唔會講多句"請等等","唔該"等. 叫菜時, 眼見位"剷青粗黑眼鏡"姐姐, 兜口兜面都唔應, 當睇唔到, 仲吩咐位高高馬尾姐姐落單, 真係好似唔駛做. 另外, 食食吓, 另一位姐姐走埋來, 粒聲唔出, 伏向卡位台邊嗚低身逐個餐牌搵來搵去, 我和太太即時放低快子坐直, 我在約廿鈔後忍唔住將整疊餐牌遞俾佢, 佢又唔接, 粒聲唔出走個隔離台, 好奇怪. 我老婆望一望我, 大家異口同聱, 個位姐姐可以開句聱, 將更新餐牌放在一邊或唔該個客遞埋去, 甚至等人客走左先換都未遲! 結果只係得啖笑, 唔知點解香港嚮禮貌之都名列前芧. (可能研究調查員無去普羅大眾既餐廳調查過!)至於最值得嘉許及加人工係位好有禮貌, 高高地馬尾姐姐! …查看更多

見多位食家品評話差,而灣仔食飯難搵位,就唔信試一次咁多.有位食家話見佢地d點菜紙睇到憫要即走,仲唔到我日日見住會計數字都唔覺繁,但睇完佢地疊紙,真係乜嘢EQ都無埋,六,七張紙壽司燒物炒嘢張張有,考你意志及圈出不同地方.原因一個,方便佢地埋單,連單到唔駛print出來埋單,好像小學生,用鉛筆加埋條數,非常環保.我就見議用white board寫,仲慳!!!阿姐見你睇紙睇到咁迷網,例sell你食套餐(台台如是),玩夠飽(後來先知點解!) 我深信"套餐無好嘢"不解定律,散叫較好,點知"半磅三文魚"及"鐵板牛柳粒"好厲害,"半磅"及"鐵板"係形容詞,並不代表"量詞".食完陣風落肚,諗住整個炒飯埋單一次過,眼見隔離碟"咖哩飯"飯如堆沙般磅礡(味千都一學飯圓圓地上碟呀!),唯有無得留低!…查看更多

見各方朋友品評,我都幾同意. 好似蒜蓉包林咗D,湯似甘x罐頭湯,主菜D扖幾諗(尤其塊羊脾扖),但好似無人談論食物擺到法國菜咁,大大隻碟,上面個伴菜葉幾得意,食都食得開心D. 服務okay,昨晚一入去個服務員就問要暖水定冰水,晚上九點幾,伙計仲有笑容,態度絕對加許,以每人70-90蚊套餐,燈光裝修幾okay,同朋友家常便飯,絕對可以推介. 反覲,同價之食店,如扖x之x,就差好遠! 不過,貼事係星期五旺角食店一般都好多人,想傾計就嘈D.同類型可試灣仔道fusion point,但員工態度麻麻. …查看更多