Fun365的個人專頁

一講起食泰菜係香港一定諗起了九龍城, 但交通唔係好方便,又坐得唔係好舒服. 如果係東九返工又或者住係將軍澳的朋友可以黎呢間餐廳, 頂一頂泰菜癮是晚2個人黎食晚飯, 叫左2人餐, 加左鐵板豬頸肉炒貴刁 同埋薄餅.2人晚餐有小食併盤, 馬拉盞炒時菜, 咖哩牛腩, 菠蘿炒飯. 小食併盤中, 我欣賞炸蝦餅內有碎香草, 香葉清新, 減少油膩感.泰式米卷, 米皮不錯,其中包住的九層塔十分新鮮,VERY GOOD! 馬拉盞炒時菜-- 似浸菜多過炒菜咖哩牛腩-- 75分!! 味道不錯,只係汁稀左少少, 所以即刻叫薄餅送汁菠蘿炒飯-- 飯唔夠乾身, 但菠蘿新鮮薄餅夠熱夠脆, 外脆內軟身, GOOD! 85分! 擺耐左未食, 薄餅仍是脆的鐵板豬頸肉炒貴刁貴刁比較硬身, 豬頸肉十分少, 味道不夠總括來說, 此餐廳都算是用心創用的, 在不經意的地方加入新鮮香草.其實香草係泰菜重要的一環, 諗唔到一間中價的泰菜都有此驚喜.…查看更多

去到荃灣麻辣癮起, 去開的雲南米線店已收工(當時大約7點), 所以入呢間試下啦一般食呢類米線, 拉麵的地方都冇咩裝修, 冇咩特別, 乾淨就OK叫了麻辣豬耳刀削麵, 麻辣牛肉拉麵 同口水雞2碗麵份量超大, 湯底唔算好咸好多味精. 我覺得刀削麵好食D , 麵即整的, 唔會"發"到好脹又唔會好實欣賞麻辣豬耳同麻辣牛肉的麻辣醬, 好出, 夠麻夠香只是口水雞的辣汁, 個人喜歡"杰"身少少, 呢度的口水雞好辣油FEEL. 但雞是滑的整體感覺中上, 麻辣令我回味, 值得再去.但之後再試了次外賣, 因為湯同麵不是分盒, 所以口感差好多. 下次都係堂食吧啦!…查看更多

環境不錯的, 食物種類夠但係質素就..... 可能係有期望,所以落差好大. 這個蛋賣相好吸引,但真係好老好難食, 用匙羹 "北" 一羹食, 你就會即刻見到蛋已蒸到一塊塊一層層. 真係唔識欣賞. 誤會了好像日式蒸蛋般滑Mocha 是全buffet 中最好的食物. 係任叫的, 所以最後都只可叫多杯黎嘆下.這個芝士蘑菇蛋批因為只是放係盤上,冇射燈照住保溫,所以凍的硬的. 失望又試下中式, 叉燒包唔覺有叉燒, 飽是實的比四季的差好多, 的確是我意料之外…查看更多

唔知點解上次篇食評冇晒相又冇左D 料. 重新寫過.媽媽喜歡食中菜，同佢過澳門，特登搵間有好野食，環境又舒服的地方同佢一試我地一行3人，一早已訂好位，所以唔駛等，但眼見walk in 的人就冇檯了。一開門，先行過流水瀑布走廊，地下投射了幾條金魚游來游去，行過走廊另一個道門打開就會見到大廳正中有一個池，池上擺放了一個閃鑽大球，未到座位已不斷賣弄其華麗。 法國鵝肝金錢雞，$38元一件老實說並不好食，香港一d舊風味d 的燒味店整得好食d.這個鵝肝不香，只能說38元俾件鵝肝你過下口癮啦。2款蒸蟹拑，大家都是期待魚湯的 一試竟然係薑米酒的好食d, 薑味不辣，反而带出了鮮味，酒味香甜。反而魚湯的，媽媽認為有點咸。原隻乳豬焗飯要預訂的，我們寫明要下半，而好好彩餐廳都安排了下半俾我地。waiter 會係你面前親自切件。飯吸了豬油同肉味，聞已好香，食落味濃，我好喜歡。簡單d可以話係豉椒炒,不過火地咸但豉椒味好出，龍蝦炸過才加蛋和醬汁炒，做到廣東菜火候的感覺。崧子鸭方好食，好功夫，手功菜。中間是蝦膠，下是鴨，旁是切得很幼细的蜜糖豆。因為肉是有炸過的，所以食完再食下清甜的蜜豆，可以清除油膩感。睇得又食得，很好的配合。晚市茶錢都只係10元，比香港一d中價茶樓收12-15元一位更抵。茶香，菊花，壽味很好。但送的免費的餐後港式奶茶就太甜了.…查看更多

因為有BOOK位所以唔駛等, 都幾爆的所以都建議訂檯, 如9pm 前walk in 比較難有位所有食物的份量都比較大, 一般女士們 share 一份扒, 叫下 side dish and dessert 都好夠了我地2人的情意結, 所以叫了海鮮盤(Deluxe Chilled Seafood Mountain). 論上檯時的美觀,不及山頂某餐廳的海鮮盤. 呢度的感覺是一堆野放晒落個盤俾你. 而食物的選材都OK, 幾甜美, 但沒有生蠔. 以價錢HKD1300去計, 不算突出菜式, 其實此酒店的BUFFET 都有提供海鮮, 與此海鮮盤中的海鮮大同少異, 所以愛食海鮮的朋友不用特意黎試此海鮮盤食了大半海鮮盤2人已經好飽, 但一路都係冷凍海鮮所以好期待熱食餐湯叫了50/50 ,餐廳會上半份龍蝦湯(Lobster Bisque), 半份洋蔥湯. 此圖為洋蔥湯 (Brown Onion Soup)龍蝦湯出晒名好, 好濃好CREAM, 真的值90分圖中那好像酥皮的是焗了的厚厚的芝士, 洋蔥湯好香濃, 啡啡的, 好好飲係意外驚喜. 食扒之前 waiter 會俾你選擇你想用的刀, 再會介紹近10種盬 同芥末供食客配牛扒食牛扒登場! 本人的確覺得係全港數一數二的扒房, 我叫的不是貴價貨(New York Strip).外層香口 但肉汁肉味充分留底, 當你落刀切那扒時, 係超流暢唔駛用力, 感覺有如切蛋糕. 100分 下次我要去試 Daily Rotation of Dry Aged Prome Beef, WAITER 話每日限量供應的.Green Tea Chocolate Foundant, red bean ice-cream很大很大2個女士拳擊SIZE, 高身, 基於佢SIZE 大, 所以蛋糕好厚身才會流出溶漿. 個人不太喜歡因太厚身了, 失了心太軟的特色. 唯一優點綠茶味濃. 配紅豆雪糕,正! 但只值40分當然5星級服務好好, 總括係值85分, 主要係本人亂叫了海鮮盤同埋我的位置冇SEAVIEW 的問題, 加上甜品扣了少少分扣看似每個項目都幾貴但每樣都真係好大份量…查看更多

同朋友冇計劃地行下觀塘, 行行下想試下一d 老店, 所以入去一試大約18:00左右到, 所以唔駛排隊雲吞雞可以話冇咩味精, 算是不錯小籠包皮也算薄, 肉汁的確多. 值80分. 都比得上Crystal Jxxx. 即時fackbook like 左佢間店仲送了2隻俾我地本人一向喜歡食豆沙鍋餅, 呢度的好脆, 但的確好好好油, 上碟時熱仲好熱的. 如果佢加張吸油紙係碟同上碟前吸一吸油, 效果一定好好多最後會送你一杯八寶茶, 加了4次水俾我都不失那甘甜, 落足料. 能消除了剛才豆沙鍋餅那油油的感覺. 非常好!我問waiter 有什麼材料在八寶茶, 佢又會認真回答. like~~~總括來說, 值得再去…查看更多