kamestella的個人專頁

冇影相，因為猶豫左好耐洗唔洗寫，結果考慮完都係覺得寫下提醒下未食過嘅人會好啲喎，所以最後都係決定寫。今日買左佢個全素大阪海藻飯團加杯紅豆奶茶。個涵係有類似中華沙津咁嘅菜同埋栗米，台式疑似唔知飯焦定係油條之類嘅物體，個飯係好飲痴飯嘅果種質地，係非常糯米嘅果種，會令人食完發起好飽果種材料嚟。外面有一層紫菜包住咁嘅。3x蚊已經會好飽，因為個糯米飯唔係一啲食開清淡嘢腸胃嘅人可以承受到嘅果種發起。我2點幾食過少少嘢，4點幾買佢，5點食佢，發起發到9點都仲好飽就知佢個痴飯型糯米有幾咁誇張。仲要係糯米溝紅米嚟。奉勸各位唔好當小食，要當正餐，食佢之前唔好食其他嘢。但我決定寫佢嘅原因係，我唔識點食佢，唔知點控制佢張紙，無論點食佢都係會散開啲碎散到周圍都係，勁難處理，超唔方便，食到超級狼狽，laolao gaogao咁, 超級無儀態。好彩冇同其他人一齊食，俾人見到我咁嘅食相真係唔開胃。如果識得點食佢嘅人唔該留言賜教一下，係咪我太笨手笨脚四肢唔協調搞到咁 ? 定係其他人食佢都一樣係食到咁嘅樣 ? 個紅豆奶茶佢有問我洗唔洗走糖，我好順口地講左好啊走糖啦，結果走左糖都依然勁甜，因為個紅豆本身太甜，佢問我走唔走糖真係救左我一命。阿彌陀佛，感謝果位員工 ! …查看更多

下午茶時段去，68餐，加一係75蚊， 有個麵同嘢飲。我叫左豬頸肉金邊粉同熱青檸紅茶。個金邊粉係一種令人失憶的味道，冇話好好味，又冇話唔好味，只係有一種唔太夾嘅泰式酸汁味(平時泰國餐廳放喺枱面俾人任落果種，但佢今日唔係好味但又稱唔上唔好味，而係唔知點解唔多夾嘅味)。個豬頸肉係有黑邊同中間微粉紅果類型嘅燒烤方法，係大部份阿媽見到會鬧嘅果種款式。🤣🤣🤣🤣 我冇刀，所以照食吞左落肚，希望冇事。🤓🤓 啲配菜撩走左洋蔥同韮菜之後好似只係剩返芽菜、紅蘿蔔同幾塊金不換 ， 如果冇記錯。🤣🤣🤣 因為自從瘋狂腸胃炎之後我變左戒五葷 。戒左真係冇咁多腸胃炎次數同肚痛程度，仲減輕左口臭程度。😊😊 但個份量感覺有啲細，雖然都夠我幾個鐘之後先再食嘢，但唔知點解就係覺得好細份。可能佢用疑似豬油嚟令我覺得飽掛我估。個青檸茶就有啲失望，個青檸唔夠新鮮，已經有陣開始變壞嘅酸味。好可惜。總概嚟講，食完覺得如果呢種唔覺得好味又唔覺得難食唔知想點嘅食物品質嚟講，係唔值得呢個價，但問題係佢係megabox餐廳，收得貴都預左。只係覺得有得選嘅話，我會去食4x蚊但好好味嘅泰國下午茶(其他餐廳)囉 。…查看更多

一開始有員工打錯單，搞到係咁攞左我地啲食物去人地度俾人噴完口水先拎返俾我地，然後瘋狂重複每碟餸都係咁枝俾人噴完口水先俾我地，用紅筆改好張單俾佢都可以同幾個錯錯成幾十次，拎餸又係錯成幾十次，冇一次岩嘅，次之都錯嘅，冇人肯改過，冇人肯道歉，冇人肯賠償，一直由頭錯到落最尾。最後只係俾個9折但冇道歉冇賠償。迫人每碟食物都食陌生人口水尾，改單改幾十次都錯相同嘅幾個錯處，每個職員做錯嘢都冇人會道歉，冇人會賠償。啲腸粉同烏冬又有好大陣臭味完全食唔到直接掉左佢，冇扣到錢。又要俾人迫我地成餐食陌生人口水尾，又要俾人迫我地俾唔應該俾嘅錢，又要唔肯道歉唔肯改過，一直由頭錯到落尾，搞到我中間開始勁嬲，嬲到肚同喉嚨勁痛 ! 呢啲咁差嘅餐廳真係要永久blacklist ! 唔信我嘅，後悔果個係你。…查看更多

本身搵路已經夠難，好彩有提早出發，預留時間俾自己搵路排隊去厠所之類。原來以為今日平日，點知原來今日係紅日，買貴左。食食下食到有屎味(生嘅)菜同冷氣吹左厠所味入嚟餐廳我個位，搞到我食到半路放棄，唔再食，出左去嘔左一啲食物，同嘔左好多氣同泡泡。不幸之中嘅大幸係好彩我本身食得唔多，嘔左好少食物。因為自己聞到或食到有臭味就好易嘔。買左漱口水入厠所漱口都只係嘔左氣同泡，隔左成個幾鐘仲係好辛苦 ! 可能會辛苦足一日。blacklist呢間嘢，係佢商場結構問題。…查看更多

門口出面有位坐同可以免費飲凍檸水，試左一啖，有糖架喎，而且個水味好麻麻，好彩我係食完嘢出嚟先試下佢啖檸水，如果未入之前已經試左，我係唔會走入去。🤣🤣🤣🤣點左熱茶走同黑松露蠔仔意大利飯。個茶走茶味同煉奶味配得岩岩好，不過個點app set得怪怪地，竟然俾人選多奶少奶多糖少糖，明明茶走個奶同糖係冇得額外分開嘅。🤣🤣 我諗唔會有人專登攞呢點嚟投訴掛?? 但以防萬一，如果我係老闆，我會盡快靜雞雞改返好佢費事俾人話。🤓🤓個黑松露蠔仔飯都幾好味，配得幾夾，但唔知係咪但早入去食，我食剩左啲，同時遺忘左數下蠔仔多唔多。😞😞😞可能"舞"肺後遺症成日失憶真係救唔返。淨係記得好好食，夠飽，但唔記得個蠔有幾多。但62蚊有飯有嘢飲嚟講，我覺得好君真，好過某啲餐廳又要貴過佢，又要唔夠飽又要唔係咁好食，諗起就傷心。最後總結，呢間餐廳係值得去食嘅，但個水有怪味呢點就唔知啦。有啲餐廳個水有怪味左成大半年先冇左，所以只能踫運氣啦。…查看更多

其他餸係冇問題嘅，餐廳環境係乾淨嘅，但個通心粉有陣好臭嘅汽車味，撈落個湯會減輕陣味，所以我莫名地照食。點知臨尾發現通心粉有黑色污染物，懷疑係佢地過冷河果陣放喺唔乾淨嘅地方，令到啲通心粉有臭味同污漬。而且亦懷疑係出面街啲癈氣令啲麵變臭。好後悔第一啖覺得臭唔醒少少叫佢換個飯俾我算數，仲要食晒，勁蠢 ! 人餓起上嚟真係咩都諗唔到架! 😭😭😭 佢個意見網又唔識用。個豬扒有啲太燶，其他ok, 個檸水好慷慨好好味，唔太酸又冇苦味。…查看更多

今日第一次食呢間，叫左個黑松露西蘭花素蝦天使麵配雜菜湯。個雜菜湯肯定唔係罐頭湯而係真係直接煮嘅湯。因為罐頭湯一定有好多洋葱甚至係蒜頭，正式素食店又點會有五葷 ? 我食嘅呢碗就絕對冇五葷，仲好難得地佢落左薑汁去驅寒，呢樣係其他素食店冇做嘅，所以好多時我只食素果日會因為太寒涼而胃氣脹而唔舒服，而呢碗湯有落薑汁，解決左呢個問題。講返個天使麵，蔬菜方面係有啲唔夠新鮮，我估我食嘅時候係擺左幾日嘅材料嚟，而其他人嘅評論寫到好霉霉舊舊嘅果位客人食嘅可能比我食嘅擺得更多日。😶😶 而且有幾件菜有啲黑邊冇切走，如果可以一早切埋啲黑色啡色果啲唔知氧化定污漕嘢先煮會更好。不過個黑松露我覺得好正常，未食之前搞一搞撈一撈先食會好啲，因為啲黑松露汁係流晒落底部，而且素食店唔用奶類製品，冇忌廉加強黑松露個味，當然會淡好多。但肉眼睇已經有好多黑松露，食落去係正常冇厄人嘅，最緊要撈多撈個底先食。個天使麵軟硬度都好適中。份量都好大，55蚊一個黑松露天使麵呢個容量已經好君真。雖然我食完都係同以往一般素食店一樣係唔夠飽。呢個係素食呢樣嘢嘅本身問題。總概嚟講，每樣嘢都冇問題，幾好，唯一問題係材料唔夠新鮮，啲菜擺得耐。解決問題嘅方法係大家多啲幫襯佢，等佢可以每日用最新鮮又抵嘅價錢買返嚟嘅材料嚟煮俾大家食。因為買材料一定係大量買先有得平，材料買得平先可以賣俾客人賣得平。客人多啲去，先可以令材料保持新鮮好味又夠平。一間食物品質好唔好嘅餐廳，都係好睇啲客夠唔夠。平時搵素食店已經夠難，希望大家可以好好咁保養呢間小店，等我得閒又可以再嚟食，仲要係食更新鮮更好味嘅食材。 …查看更多

之前行過見到有植物素肉意粉好想試，所以今日走左去食。選左素肉意粉(36蚊)，肉丸薯菜(26蚊)，兩塊菠菜薯餅(18蚊，每塊9蚊) 。一開始食覺得ok 薯餅唔錯，但慢慢變凍後(10分鐘後?)，素肉意粉同肉丸同時開始有陣好難食嘅怪酸醋味，難食到要去隔離額外買杯斑蘭咖啡(19蚊熱飲)，有椰味，有咖啡味，但冇斑蘭味，都算啦，咁大陣咖啡味都沖唔走佢個素肉意粉同肉丸嘅難食酸味，頂唔順要去超市買大大枝茶嚟飲，先叫沖走左一部分負面酸味，唔飲嘅話，我驚等多半個鐘會嘔 !! 🤮🤮🤮🤮🤮 唔blacklist佢猶如自殺的野豬啊！痴線，食埋100蚊嘢但係超難食 !!! 🤢🤢🤢🤮🤮🤮🤮🤮 都唔知佢邊種用料/用具3出錯而搞到咁，淨係知不可一不可再 ! …查看更多

叫左一份午餐 (五色養生飯+湯) ， $5x , 食完覺得好肚餓，又冇汁送飯，乾食，個餸都冇汁，都係乾食，更唔好提味道，可能就係寺廟嘅味道，但我未食過(寺廟嘢食)，唔敢一口咬定。而且個份量細真係得好可憐，細到覺得自己仲慘過監犯。靜雞雞走左去隔離廣場食多碗生菜魚肉($20)加多杯果汁($3x)先補充返少少能量，但都未夠平時應有嘅飽肚。但見已經洗左咁多錢，就自己心理調節左佢算，唔敢再嘢食。去呢間食要當佢係小食唔好當正餐，唔係會好受氣同懷疑人生。 …查看更多

兩個人，叫左lunch set, 抵食過單叫好多，可能單叫係大份啲掛唔清楚。叫左LL1娘惹米線,有大蝦，魷魚同唔記得咩，個湯超好飲，撥走啲辣油已經完全唔辣，正 ! LL3個豬肉丸粿條係清湯，飲晒都唔覺得太咸，雞絲竟然係雞脾肉嚟超驚喜，另外果啲配菜已經分唔清係咩嚟，淨係知有以款唔同嘅丸類，個粿條好好食，軟軟滑滑又有少粉彈牙，係我最鍾意嘅質感。個魚皮都好好食，個醬唔會太咸。送嘅花茶都幾好飲。未食完已經好飽。但唯一遺憾嘅係果啲高椅坐得唔舒服。希望大家多啲幫襯佢，等佢換過晒啲舒服嘅椅。…查看更多

真係好奇殺死貓嗱，人類係會俾精神影響理性行動嘅。由於忍左好長時間冇食出面街嘢，就好似一個人忍你忍左幾十年，突然有一日瘋狂鬧爆你一樣，我今日好奇心爆發，叫左4杯奶茶外賣。幾日前喺街試左一杯港式奶茶，味道好標準，幾好飲，見到個餐牌好好奇。今日趁我心理唔平衡終於爆發，就試埋其他。所以加埋前後係5杯。1.招牌奶茶 : ⭐⭐⭐⭐ 好標準果隻港式奶茶味，但我叫微糖，如果半糖或少糖個味會更出。2.薑汁奶茶 : ⭐ 唔係店嘅錯，係本身薑就唔應該配奶茶，所以飲完好後悔。3.yin yeung : ⭐⭐本人失憶無限次，次次問完聽完又失憶，唔知咩係yin yeung, 所以叫左。飲完後悔到癲，因為我本身唔飲得咖啡。飲左第一啖先知原來yinyeung係咖啡。 如果我會俾⭐，但正常人會俾⭐⭐⭐所以拉平係⭐⭐。4. 珍珠紅豆奶茶 : ⭐⭐ 今次係店嘅錯，唔係我叫錯啦。紅豆本來應該配奶味重啲嘅台式奶茶先岩，而佢個茶味重啲嘅港式奶茶就變左好似陌生人搭枱一樣，唔多舒服，但好過薑汁奶茶架啦，薑汁奶茶直頭想叫佢cut左佢，改賣純薑茶冇咁嬲。5.未飲已經飽到嘔，飲左兩啖蓋返好，聽日再飲，反正我本身叫熱飲係冇冰嘅，可以聽日整返熱先飲埋佢。味道係⭐⭐.5 ， 夾過薑好多，夾過紅豆少少，但都係覺得唔夠夾，覺得奶味再重返啲先夾。但我以後唔洗再因為好奇而試啦，朱古力始終都係原味最好飲。朱古力始終都係原味最好飲。朱古力始終都係原味最好飲。重要嘅嘢要講3次。結論 : 原來以我味蕾嚟講，所有嘢，一律原味，原味，原味，先係最好味。😑😑😑 anyway。每個人口味都唔同，我覺得唔夾嘅嘢，可能其他人會好鍾意。所以冇話叫人唔好學我亂咁試嘅。自己決定啦。我唔會知其他人岩咩架。幫唔到您。😑😑 唔好當我幫人賣廣告，我只係太耐冇飲街外嘢心理唔平衡，想滿足下好奇心姐。冇咩事我lang返出去做嘢啦。拜拜 !…查看更多

這是位於海邊的一間西餐廳  , 我在人流不多的時間來到搶了最佳看海位置  , 一定要等到黃昏的最佳拍攝時間 。 但沒理由淨坐 , 隨便叫了個芝士蛋糕 , 這個芝士很合我心意 , 既軟滑又不太濃 , 不太膩 , 有剛剛好的芝士香味。 但本人覺得芝士蛋糕還是純芝士最好 , 下次可以不加朱古力 ( 個人認為 ) 。 然後坐到差不多黃昏 , 點了黑松露海鮮意粉 , 送飲品 , 凍飲不加錢。 意粉的黑松露真的很多, 很驚喜 ! 海鮮的熟度剛剛好, 很新鮮彈牙沒腥味 。 意粉是偏意大利風的那種微硬質地 , 如果吃慣軟身的要事先告訴待應。 檸茶的糖漿是分開讓客人自己調配的 , 正因此 , 我才發覺往常街外的檸茶原來加了這麼多糖 。 XDDDD 等待黃昏的過程中 , 還意外地有小貓經過 , 拍了很滿意的照片 。 我覺得下一次來南丫島 , 還會再來這餐廳的。 …查看更多