nykgloria的個人專頁

一間好不知所謂嘅餐廳，擺明係呃遊客錢清燉牛肉細面話係安格斯牛肉片，其實係一碗吉x家細牛飯size嘅肥牛面，個湯係廢嘅，豉油溝水？ 收我$108花雕雞湯面，一樣係咁細，個湯冇味，唔係淨係話冇花雕味，而係乜味都冇。$128呢兩個面仲要等左勁耐黎到係唔熱嘅，全場得三枱客都搞咁耐。咁嘅食物質素點解可以擺得上枱，仲要索天價，呢碗野比$50都唔值，求其一間面檔都好食一百倍，落單係自己剔紙仲要收加一。埋單$323，完全破壞左美好嘅一日！…查看更多

極高質外賣fushion 壽司是次消費：$900（六人餐）總結：一定一定一定要食 ————————————————————————前後幫襯左三次，同朋友gathering叫Mr.Maki外賣係最好嘅選擇.有唔同人數嘅餐揀，今次揀左六人餐.有兩個沙律- 狂風沙律有菜，中華沙律，蟹柳同埋啲辣辣地嘅醬. 非常好食，食材又新鮮，啲菜又唔會謝哂咁.有好多款卷物- 全部都好好食！🥹🥹🥹用料勁足又新鮮（好重要！）好多都好有創意，飽到上心口都想繼續食.仲有雞翼，餃子，咖哩薯餅，一份好好食嘅炸雞，同埋野飲，甜品絕對冇hea你，係拳頭咁大嘅puff或者朱古力eclair.朋友都大讚好好食，個個都問我喺邊度order. 最正嘅係佢有外送服務，外賣用保溫袋包裝好，啲野食黎到該熱嘅熱，該凍嘅凍. 勁正！可以whatsapp order，極方便！👍🏽******************************MR. MAKI (金巴利大廈) (尖沙咀)尖沙咀柯士甸路15號金巴利大廈地下C號舖…查看更多

[囍囍小食部] 永遠的comfort food是次人均消費：$20總結：一定要食————————————————————————每次想食煎炸野嘅時候一定首選囍囍.炸脾外皮夠脆，炸粉調味甜甜地好好食🥹買到番屋但啲皮都仲係脆卜卜.雞肉嫩滑多汁，每次買都係熱辣辣，一個人ko一隻冇難度.😋******************************…查看更多

香脆炸雞高質cafe是次人均消費：$200總結：可以一試————————————————————————Crispy Gee - 估唔到全男班嘅廚房可以整到咁少女風嘅擺盤.😂雞皮炸得勁香口，然後雞肉好嫩滑多汁，有驚喜！食哂成舊都唔會有油膩感，加埋水波蛋同火箭菜，增添清新感覺.UFO - 好鍾意呢度會用好多火箭菜.😋 沙律嘅油醋汁份量剛好，sun dried tomatoes 同ricotta cheese好好食.😋😋😋 酸種面包夠濕潤同煙韌，唔會硬到界損個口.😂******************************Cosha (中環)中環伊利近街61號地舖…查看更多

儀式感和牛燒肉 是次人均消費：$1000總結：食肉獸要試————————————————————————今次揀左$980嘅set - Kiwami.餐廳氣氛好好，有專人幫你燒，有儀式感之餘又包保唔會燒衰舊肉. 每一塊肉都係牛嘅唔同部位，入口即融，非常嫩滑.最期待嘅海膽和牛飯係好食嘅，但係冇預期中咁驚艷. 反而燒菇同蕃薯好有驚喜.😂Overall都值得黎試下，但因為係和牛嘅關係，主要係食佢嘅油脂香同嫩滑口感，如果你係想食濃濃肉味嘅燒肉就未必適合.******************************YAKINIKU GREAT SOHO (中環)中環砵甸乍街45號The Steps ‧ H Code 1樓…查看更多

有心思米芝蓮兩星中法fushion是次人均消費：$2500總結：可以一試————————————————————————十週年menu有哂咁多年黎嘅signature dish，好有心思.餐前小食好有驚喜，用左皮蛋黎整，但食落又同其他食材配合得好和諧.Sourdough配seaweed butter，面包外脆內濕潤，加埋充滿海洋氣息嘅seaweed butter，refreshing!Ode to Crab香脆嘅昆布包住花蟹海鮮mousse同埋魚子醬，充滿大海嘅味道. 如果可以多啲蟹肉撈埋啲mousse就更加正.Ode to Turbot用脆脆麵條包住多寶魚伴鮑魚汁，呢道菜唔知點解等左好耐先上菜，舊魚有少少失望因為食落帶乜魚味.Ode to Bamboo Shoot濃雞湯竹筍加乾魚子，仲有啲嫩滑雞肉，好香濃好好味.🥹Ode to Kumquat煎帶子伴柑橘醬，帶子煎得外脆內嫩，恰到好處，加埋citrus嘅醬好清新開胃.面包配腐乳牛油，好好食呀痴線.🤤🤤🤤Ode to Scallion Ginger藍龍蝦伴薑蔥忌廉醬龍蝦蠔油，以butter poach 嘅方法煮，龍蝦肉好滑又充滿牛油香，綠色嘅係薑蔥味嘅忌廉醬. 法式嘅薑蔥龍蝦，出色！Ode to Pigeon以加左梅菜嘅chicken stuffing包住鴿肉，口感軟滑，但因為chicken stuffing個口感比較似蒸蛋，所以加埋鴿肉會有啲漏同埋少少搶左鴿嘅油香.Ode to the Sun通常喺出面食芒果熱情果之類嘅甜品都會覺得好酸，但呢個勁好食！勁鍾意佢啲層次，互相配合得好美好. Vanilla ice cream幫手中和芒果熱情果嘅酸，中間有一層餅，令個甜品會有啲酥香同脆嘅口感，加埋yogurt味嘅蛋白餅真係會令人覺得唔夠喉.Zen garden Mignardise TemptationsWaiter推左一架好靚嘅車出黎，以花園做主題嘅小點心車. 我地幸運地每一款都試到. 每一粒都好有個性好好味！個人黎講好鍾意呢間餐廳，主廚Vicky Lau好有心思，食得出佢用左好多方法將中式揉合法式去設計每一道菜. 餐廳裝修同揀嘅餐具都好有品味，連佢地推介嘅champagne 都好好飲.☺️******************************TATE Dining Room (上環)上環荷李活道210號地下及1樓…查看更多

有驚喜酒店中菜廳 是次人均消費：$800總結：可以一試————————————————————————鮮蟹肉焗釀蟹蓋 - 面層係金黃色芝士，內餡係絲絲洋蔥同蟹肉，正常發揮.龍帶玉梨香 - 用料味道好食過龍景軒，不過炸功就龍景軒好啲. 伴碟嘅小蕃茄醃左酸酸甜甜好味.露酒涼拌鮑魚 - 爽滑彈牙，有酒香.椒鹽九肚魚 - 麻麻地，呢度炸野比較弱.慢煮和牛面頰 - 喜出望外！和牛勁腍滑，個汁望落好濃味但其實勁鮮甜，底下啲薯仔又索哂汁咁，份量又大，食完勁念念不忘.呢度有位好sweet嘅茶藝師，好cheerful，亦好用心介紹茶嘅產地、味道等等嘅資訊比我地認識，強烈推介大家黎試下佢精心挑選嘅茶葉.搵日要日頭去試下啲點心同埋享受下個靚景.******************************玉 (黃竹坑)黃竹坑海洋徑3號香港富麗敦海洋公園酒店2樓…查看更多

米芝蓮一星旁遮菜是次人均消費：$1000總結：可以一試————————————————————————Keema Pau - 羊肉碎包，好好食！包好香牛油味，好軟斯熟，羊肉好足香料味但唔會過咸，加埋啲脆脆薯條好香口，如果可以多幾舊包就好.😋Tandoori Cobia - 份量比想像中多，好香魚油味，肉質結實又唔會乾，加埋啲yogurt去油膩，好食.Tandoori Anda - 燒雞蛋上面有啲蟹肉同沙律，加少少乾魚子，口感creamy，非常開胃.Tamatar Ki Chaat - 本來想叫samosa chaat不過佢地冇，所以推介左呢個. 有啲小蕃茄同薯仔，加埋啲脆脆同幾款醬，酸酸辣辣咁，個人覺得有啲太辣.Butter Naan - naan勁好食！The best in town！勁軟綿！勁香牛油味！如果唔係已經飽到癲應該會瘋狂食！Paneer Tikka - 呢個係燒芝士，口感同味道都似新鮮水牛芝士，個人黎講好鍾意，配埋啲yogurt一齊食，好快ko一舊.Butter Chicken - 正常發揮.Banana Sticky Toffee Pudding - 最鍾意呢啲又甜又rich嘅甜品. Pudding夠濕，加埋爆谷味雪糕，勁想一個人食哂佢.除左野食好食份量又大份之外，呢度都好多款gin & tonic揀，啱哂girls night out！******************************New Punjab Club (中環)中環雲咸街34號世界商業大廈地下…查看更多

[欣圖軒] 米芝蓮兩星中菜是次人均消費：$800總結：穩陣之選 略欠驚喜————————————————————————花膠竹笙灌湯餃 - 湯夠清，餡都足嘅，加埋好香嘅金華火腿，水準幾好.精緻海鮮金魚餃 - 餃入面有魚，蝦同帶子，好食！椒鹽金磚豆腐 - 好耐冇見過呢種椒鹽豆腐😂味道符合預期.脆釀鮮蟹蓋 - 欣圖軒嘅蟹蓋明顯見到啲洋蔥切得大條啲，但其實啲洋蔥已經好得好腍，表現穩陣，冇乜驚喜.桂花蜜汁燒脆鱔 - 鱔肉夠厚同埋都燒到外皮有少少脆，不過冇乜鱔肉味.新裝修嘅欣圖軒環境好舒服，侍應服務好好，好適合一家人黎飲茶.******************************欣圖軒 (尖沙咀)尖沙咀梳士巴利道18號香港麗晶酒店地下…查看更多

廉價食材放題質素水魚價是次人均消費：$900總結：不值一試————————————————————————坊間好多靠環境同地段加垃圾食物就可以打響名堂，令食客乖乖比錢之餘仲要唔敢批評嘅餐廳，Fukuro應該係呢類餐廳嘅龍頭大佬.今日用到嘅食材包括：cheap cheap魚生，菠菜，現成芝麻醬，粟米，蛋沙律，生牛肉，烏冬，泡菜，罐頭蟹肉. 埋單每個人$9xx.而基本上咁蟹道菜都係以極之簡單嘅煮法或者撈法或者砌法黎做，我相信有煮開飯嘅人一定會識整.然後餐廳標榜嘅居酒屋氣氛，應該只有員工不斷大叫welcome to fukuro呢一part係比較接近. 因為佢上菜速度快過McDonald，好等佢上齊啲菜就隊埋張單比你埋，成餐食左一個鐘多啲. 好似發左一場夢咁. 你想好似居酒屋食客咁吹下水熱鬧下嘅話，呢間扮「居酒屋」嘅低質「日式餐廳」就幫唔到你.******************************Fukuro (中環)中環伊利近街1-5號永利大廈地舖…查看更多

Overpriced 只靠儀式感為gimmick的一星是次人均消費：$2500總結：不值一試————————————————————————以$2500 per head呢個價錢黎計，Ando絕對係比唔到相等嘅食物水平比客人. 首先用料小器亦唔新鮮，頭盤啲蟹肉裡面有蟹殻，帶子細隻之餘一啲甜味都冇，我求其喺間海產店度買都高質過佢，個汁食落係冇味所以我都講解唔到係咩味. 魚生trio唔講以為食緊放題，吞拿魚加鼓油同紫菜，speechless. 龍蝦蒸蛋，好鹹. sea bass好一般，用個汁係同之前個帶子果個汁冇分別，話就話有razor clams，但食到好似尋寶咁先搵到一兩粒碎，我諗佢一輪dinner只需買十隻razor clam已經夠做. 牛係出面求其一間餐廳都食到嘅水平，底下啲薯蓉好地地又加埋啲檸檬搞到酸酸地咁.唯一係個海鮮湯飯叫做似樣啲，但食食下覺得呢餐點解會夠膽索價$2500 per head？要讚嘅係啲儀式感，麵包同埋甜品. 對比起成餐，呢幾樣叫做符合預期，不過都讚得好勉強.Chef好努力咁將每道菜都加個故事，但我食落係感覺唔到有connection，只覺一切都好嬌柔造作，當食客係冇味蕾咁對待.呢一餐$1488都唔值，果粒星究竟係點樣攞番黎？******************************Andō (中環)中環皇后大道中80號H Queen’s 25樓…查看更多

米芝蓮兩星日本食材北歐料理是次人均消費：$900總結：可以一試————————————————————————Tuna - 賣相有趣嘅前菜，以為係脆皮點知原來係pancake 皮，夾住吞拿魚，有食壽司嘅感覺，裡面嘅配料同醬料配搭得好好，整體非常balance.Butternut Squash - 南瓜濃湯，非常濃郁香甜，不過太大杯😂 飲到一半覺得好漏.前菜係令人幾興奮同期待，可惜最重要嘅主菜反而令人有啲失望.Pigeon - 脾同埋塊皮係香口好食嘅. 胸肉睇得出chef想做到半生熟果種嫩滑，但可惜太生，食落口係生肉嘅口感同血味. 而個醬又唔係好帶到鴿肉嘅香味出黎. Wagyu beef A4 - 正常水平.Soymilk - 呢個有驚喜，揉合左好多本地元素，食緊唔同texture嘅豆漿咁，清香爽口好適合用黎做甜品.Genmaicha & caviar - 香脆嘅昆布包住玄米茶味嘅雪糕，面頭鋪滿魚子醬. 配搭係幾特別，鹹鹹甜甜咁，但比起soy milk就略嫌太濃味.最後都有新鮮焗製嘅Madeleine，正常發揮.雖然有好幾道菜都令我地覺得驚喜，但整體感覺同預期中嘅米芝蓮兩星仍有落差.******************************Arbor (中環)中環皇后大道中80號H Queen’s 25樓…查看更多

[何蘭正] 有趣麻甩fushion餐廳是次人均消費：$700總結：可以一試————————————————————————涼拌水煮風本地鮮魷配迷你水牛芝士+泰國柚子肉及老油條脆粒 - 魷魚鮮甜爽脆，加埋爽脆嘅海草同辣醬，非常開胃，最鍾意佢加埋水牛芝士，唔會太濃味.特濃蟹皇汁煮刀削白靈菇配松葉蟹肉+幼滑濃厚法式薯蓉+溫泉蛋+雞油花雕汁 - 呢個係之前食過覺得好食所以番黎encore，幼滑嘅薯蓉同香甜嘅松葉蟹肉，配上好似麵咁樣嘅白靈菇，秒清.😋先炆後煎澳洲和牛面配濃香沙嗲汁+煎腸粉 - 和牛炆得好腍，沙嗲汁好惹味，呢個食一兩啖就正，食得多會有啲漏.三蔥煎封羊臀扒配烤闈本椰菜花 腐乳牛油汁 - 羊煮得幾好，唔會話好羶.吞拿魚腦天 - 呢個係是日special, 好好食🥹魚充滿油香，左加埋啲椰菜，正！西班牙油炸鬼配濃郁粟米白朱古力忌廉+海鹽焦糖醬+雲尼拿雪糕 - Churros 出奇地整得幾好食，外表夠脆，又唔會有粉味. 好鍾意個粟米忌廉，好特別.整體不俗，但用餐時間較趕，間餐廳做到好比你同朋友吹水嘅氣氛但時間上又唔預比你吹水.******************************何蘭正 (中環)中環雲咸街29號東方有色大廈2樓…查看更多

高水準西班牙菜是次人均消費：$700總結：一定要試————————————————————————好鍾意呢間西班牙餐廳，氣氛好，食物又好食，最鍾意tapa size嘅份量，兩個人去都可以試好多款.Octopus Galician style on potato - 八爪魚好鮮嫩，有海水咸香，加埋薯仔同paprika 嘅配襯，忍唔住一口接一口食哂.😋Tomato bread - 蕃茄調味剛好，加埋橄欖油香味，連我唔鍾意食蕃茄嘅人都覺得好好食，加埋海鹽食更能帶出清新味道.Iberico ham croquette - 炸得外脆內綿，有火腿咸香.Squid croquette - 呢款墨魚味，有啲海鮮嘅味道，相對冇咁特別.Red prawn hotdog - 呢個極好食，好多餐廳都聲稱有紅蝦但出到黎係死霉蝦，但呢度隻紅蝦睇個樣都勁靚，口感爽彈，有紅蝦獨特香甜味，將蝦頭嘅膏同蝦油唧埋落個包度一齊食就可以直達天堂.😋😋😋Deboned suckling pig - 唔知點解佢塊皮勁薄脆，肉好嫩滑，調味比較輕手，好味.Wagyu steak tartare on charred bone marrow - 好鍾意佢酸酸地嘅調味，牛肉食得出好新鮮，口感彈牙，bone marrow增添油香，加埋脆包一齊食又係停唔到口.Fideua - 意大利海鮮麵，充滿蝦膏嘅味，濃而不膩，配上魷魚粒粒，兩個人食哂冇難度Basque burnt cheesecake - the best cheesecake in town! 用左blue cheese 整嘅cheesecake 有種獨特嘅咸香，好好味到又會上多次天堂.我覺得Pica Pica係香港最好食嘅西班牙菜，餐廳氣氛又好，係好值得book黎食嘅餐廳.******************************Pica Pica (上環)上環德輔道中317-321號啟德商業大廈地下G-H號舖…查看更多

中環型格cafe是次人均消費：$200總結：經過可以試試————————————————————————去過幾次嘅Doubleshot，最鍾意佢地嘅skirt steak.牛扒煮得岩岩好，就算已經切開左都好多汁. 醬汁係充滿南美風情嘅Chimichurri，同牛扒好夾，如果想食滑啲嘅口感可以篤穿個蛋黃點蛋汁食. 好鍾意佢嘅配菜，香脆嘅幼薯條同埋清新嘅padron pepper. 每次黎都會叫呢道菜，幾次都keep到水準穩定，行開中環又諗唔到食乜可以黎呢度坐下chill chill.******************************Doubleshot by Cupping Room (中環)中環蘇豪荷李活道49號鴻豐商業中心1樓…查看更多