Billy.Billy的個人專頁

有次食完隔離間米線意猶未盡，見到哩間鋪頭燒既味道香噴噴，就入去食幾串試下味，點知越叫越多😂😂基本上每款味道都幾好，尤其雞翼燒得香口又唔貴，佢d海鮮同乾貨類都好正，不過製作需時，建議一開始叫多d，慢慢等，服務不錯，值得再去…查看更多

好多雲南米線落到香港都本地化左，同雲南當地既味道已經相去甚遠，哩間係門外已經聞到好濃烈既酸荀味就知係好野，米線爽滑，酸荀酸爽不哽喉，麻辣牛肉調味適中，牛肉亦無濃烈醃粉味，經過既值得一試…查看更多

有次食完米線經過見到哩間小食店排長龍，好奇之下試過一次就每次都特登經過買番串，燒賣魚蛋俱佳，食得辣一定要試佢個辣汁，第一啖無乜感受以為流野，點知幾秒之後，辣到條脷痛得泥仲會瘋狂出汗，爽！…查看更多

一班朋友最岩聚埋一齊打邊爐食雞煲，但又好怕環境太過嘈搞到傾唔到偈，有朋友話哩間質素同環境都唔錯，又係油麻地，方便大家由唔同地方過泥。:)有窗邊位，可以睇到彌敦道同西洋菜街:)主打雞煲做鍋底，例牌食完打邊爐，好多自製丸類，肉類少而精，亦都有餐前小食俾我地食住等:)芥辣牛柳粒，第一口當然係刺激既芥辣味，然後有恰當既肉香，佐酒一流:)醬料百子櫃，食雞煲都不用落太多醬料，煲底本身都好夠味:)辣花螺雞煲，食開既都知雞煲配海鮮唔會錯得去邊，花螺新鮮脆口，同雞煲既醬底好夾，所以好快就俾我地清曬:)即點即炸，入面仲夾左塊芝士，就咁食加啤酒，又係佐酒一流:)豬牛各有各精彩，有肉味係基本，個人今次鐘意豬多過牛，同煲底味道更夾:)十款不同自製丸類，每款都有不同內涵，相當好玩，見到鵝腸滿滿肥膏就知道係正野…查看更多

說話好幾年都無食過日式放題，今晚決定食番次懷念下個味道！上到去見到個甜品區同熱食區好大，甜品有兩個櫃，一個係雪糕雪條，一個係西式甜品，款式都幾多😂雪糕櫃有好多唔同既款式中西式甜品琳琅滿目坐定定就要爭取時間點餐，先發覺原來係用電話落單，就算無apps一樣可以輕鬆點餐，哩個要讚，食得日式放題，打頭陣就梗一定係刺身啦魚類清甜不腥，貝類爽口，食得過癮😂壽司握得好迷你，同出門食開既唔同，其實係好細心既表現，可以同一飯量之下俾人試多幾款，又唔會咁做成浪費👍日式串燒，羊架醃料同羊肉好夾而且無騷味，牛舌爽口多汁而不韌，再加上檸檬汁既清新，可以不停加點！雞翼燒得香口，皮脆肉不柴口！蝦肉新鮮，燒得乾身，可以連殻食！估唔到個燉湯幾好飲，有姬松茸同烏雞，菇味好夠最後時令雪糕係芒果雜莓味，食完正式為兩小時放題畫上句號…查看更多

小弟一尚都好鐘意去台灣食當地既街頭小食同小菜，可惜近期實在太忙，無得出外走走，唯有係香港搵間台灣野食下，近年香港都開左唔少標榜台灣地道古早味既小食店，不過出品有高有低，哩間古早味其實都開左一排，但朋友食過既評價都不差，咁岩銅鑼灣又有，所以就試下門口大大個古早味三個字，唔怕搵唔到！進店走廊既裝修都幾型，咁岩仲見到水吧師傅係度整野飲餐牌圖文並茂，簡單易明，淨係台式飲品都兩版，價錢相比出門d手搖店，算係實惠紫薯黑糖鮮奶 - 紫薯同黑糖味道相配，甜度順口，配搭鮮奶又不會滯身宜蘭蔥餡餅 - 哩個必點！一碟四個，個頭不大，好岩做前菜，入面餡料新鮮，韮菜味好濃，仲要爆汁！五味雞 - 一雞五味，有齊甜酸麻辣咸，相當有趣滷肉飯 - 肉係帶皮肥瘦相連，滷得夠時間，所以有油香得泥唔會滯菜脯煎蛋 - 蛋煎得蓬鬆，菜脯咸香上湯白菜仔 - 湯頭簡單清淡，菇絲香味足，白菜不苦亦不過腍…查看更多

哩間開左咁耐，因為太過火爆，每次見到大排長隊而郤步，今晚夜收工，見到人龍消散，即刻同同事去試佢一試，甫一內進已經聞到濃烈既炸薯條同煎肉既氣味，餐牌簡單但任由食客自己配搭，先揀包，後選醬汁配料我自己就揀左cheese burger，pickles，tomatoes，mustard，食番d簡單經典既味道，因為流水作業既關係，等候時間不算過份，包烘得香口，肉煎得表面焦香而有口汁，配以酸味為重既輔料可以平衡油膩感，唯一提示係多人分享的話，不要各自點薯條，因為份量足得很驚人，食唔曬就好浪費…查看更多

今日想去太子另一間餃子店食野，因為無開而且見到哩間評價不錯就入泥試下我地分別試左湯餃同煎餃，餡料係白菜鮮肉同韮菜鮮肉，湯係椰子雞湯，雞味不濃但伴有淡淡椰子味，清淡無負擔，餃子皮算廣東做法，薄而不破，白菜餡料切得細碎，口感軟糯，跟街外有很大分別，煎餃真係生煎，不是半煎炸，所以口感煙韌而不是脆硬，總體來說味道清淡，簡簡單單的家庭口味，不會印象深刻但也不會反感…查看更多

同長輩食飯，佢地鐘意去番自己飯堂開餐，平日既關係，晚市不多人，所以經理留左間大房俾我地今次訂阿拉斯加蟹同燒鵝，蟹有7斤重，做兩味，蛋白蒸同薑蔥焗，蟹好新鮮而且頂殼，一淡一濃各有特色，燒鵝肉味濃，人多既關係，又係大大隻，炖湯當然地足料到暈，湯渣既份量望張相都知誇張，食完今餐，起碼要罰自己跑步一個月…查看更多

有時香港搵地方食d健康午餐真係好難，大部份都係澱粉質加肉，今日經過利東街，見到有間cafe成個凍櫃都擺滿沙律，二話不說就入去試下，仔細望望都有十幾款俾你揀，細碟三拼都係五十幾蚊，仲有火箭菜墊底，絕對夠飽，其實平時成日係外面食飯，間唔中食得輕盈d，清下腸胃，都係一個好辦法…查看更多

前排曾經興起法式牛排熱，la vache作為領軍之一，水準如何，大家都心中有數，佢係尖沙咀間分店開左咁耐，一直都無時間試，午市晚市分別不大，但價錢當然午市比較平，今日晏晝終於抽到時間去食，薯條夠熱帶油香，牛扒叫開五成熟，貪佢有熟肉既肉味之餘，有生肉既腍滑，件扒出到泥，熟度準確，亦唔會肉柴同帶筋，同中環總店既出品一致，抵讚，食足全肉既一餐，又可以活力滿滿咁繼續工作…查看更多

荃灣一向都係米線重鎮，假期想去任何一間稍有名氣既，都有一隊長長既人龍，雲貴川就係其中之一，好彩平日既時候唔使點排已經有得食，米線發展到今日，每間名店既口味都唔同又各有追隨者，好難話邊一間係最好食，我鐘意雲貴川係佢自己醃既酸菜，開胃得泥可以中和番辣味既不適，米線亦有咬口，一碗出色既米線，單係湯底同米線已經令你食曬成碗，反而餸係其次…查看更多

長沙灣小店林立，哩間米線係其中一間多人幫襯既鋪頭，平時食開既米線，水都無滴俾你飲，但哩度成個酒樓茶壺俾你自斟自斟，仲可以叫姐姐翻水，米線配熱茶，玩味十足，佢其中一個名物係黃鱔米線，辣度適中，韮菜香味足，米線亦夠彈牙，黃鱔新鮮無腥味泥味，最有趣係豬皮炆得夠入味，食豬皮既時候會以為係黃鱔肉，相當好玩，所以假期經過，點都會入去幫襯下…查看更多

係灣仔番過工既人都知道，一到午飯時候，慘過去打仗，每間食店都大排長龍，最怕一多擠逼既我，就算個肚餓到打鼓都會捱到兩點後先食野，哩間果園雞係我近期最愛，佢主打自家養既走地雞，今次就試左佢個回香雞，味道係蒜蓉同青檸香味，相當新奇醒胃，皮爽而肉有咬口，的確唔係雪雞貨色，附帶既油菜係新鮮煮好而伴以熟油醬油，主食我就揀左米粉，又係心機之作，加埋枱頭既醃蘿白更加好食，例湯亦唔會口乾口渴，整體而言，質素算中上之作…查看更多

天氣轉熱，乜胃口都無，最岩食d帶湯水既餐點，哩間主打湯飯，打開餐牌，款式多到花多眼亂，單係湯底同主食都四五款，有選擇困難症既人要慢慢去揀啦，今次我就試最基本既自選三拼，魚湯配芥菜紫菜同豬潤，魚湯同紫菜一齊個效果好穩陣，唔會點錯，芥菜唔會有渣之餘豬潤亦無醃粉味，份量亦都相當足夠，要清到見底的話，都要俾番幾分肉緊…查看更多