Twinklebell的個人專頁

睇食評講到咁好食，即管去試吓。可惜午飯時段冇海膽，冇壽喜燒牛肉，冇豚肉喎，咩都冇。三文魚唔夠凍又雪櫃味唔新鮮，麵豉湯唔夠熱飯唔好食，天婦羅炸得差。成個餐我等咗半個鐘有多。叫左個四食，難食… 三文魚唔夠新鮮，蒸蛋冇味道，連啲日本飯都唔夠軟熟。唔夠人手，衰過對面間日本餐廳。我唔知晚飯時段可以有幾好食不過個午飯時段真係請都唔會再去食。如果去試，試完有同感，可以like我個post 。我會繼續試餐廳再介紹俾大家…查看更多

呢間咖啡店係朋友推介嘅，早兩日經WhatsApp訂座，踩單車過去食飯。餐廳要入咗去法院之後右手邊直行到盡頭就會見到。坐低之後水就係自助形式嘅，我哋叫左個鴨腿同埋一份燒春雞另外嘢飲叫咗一杯巨峰提子沙冰同埋Earl Grey coffee。鴨腿口感我個人覺得比較乾咗少少分量少咗啲如果可以陪多少少薯蓉或者伴菜嘅話咁就會好啲啦，因為如果一個男士嘅話我相信應該唔夠飽，燒春雞嗰方面我就覺得一般般未去到好食都可以覆桌，但我鍾意食佢個伴菜青椒同埋蝦片。 至於飲品我覺得欣賞係佢個Earl Grey coffee，茶味夠香咖啡味突出，至於個颶風沙冰就一般般冇甜味。如果你哋去開粉嶺想搵文青咖啡店係可以到訪一次，如果有心搵一間好食嘅文青咖啡店就唔會揀佢…查看更多

今晚揀左去試新食店！ 呢間前身係一間食炸天婦羅飯的店，轉手後變左一間越南食店。大埔本身越南菜都有唔少，普偏食物水平中等以下，所以只要做得好一點都唔難係度生存。 店門有幾盞大射燈，引左好多飛蟻，一開門有跟埋入店😫。店舖面積不大，仲要隔位坐所以揀左Bar枱。試菜緊係要點最經典的主菜先食得出手工，點左生牛肉河粉+ 加錢加一份牛腩； 加多HKD20變套餐有小食 + 汽水。牛河送到面前，份量有啲少，一個女仔如果比較肚餓都未必夠，如果河粉多一點會好少少，餸唔駛多。賣相吸引，有好多青蔥花，湯底不太咸我喜歡，加兩粒辣椒味道更突出！成個碗最驚喜係牛腩！做到入口即化！生牛肉同河粉都唔太差，屬正常味道。小食有兩款選擇：春卷 or 紮肉，我點左紮肉因為最近有點熱氣。佢紮肉都有兩款俾你食，無特別。見到人地叫檬粉都幾吸引，下次再黎試埋其他～…查看更多

原定上星期諗定去食呢間餐廳，因為裝修無營業。今日終於正常營業喇！ 我地預早幾分鐘到等佢開門，我哋前面已經有10個人排緊隊，好誇張呀～hahaha！職員安排每位探熱先就坐，坐定定就睇餐牌食咩～ 全場爆滿。一間餐廳好唔好食，唔係食一次好食就符合我阿嘉嘅的要求，至少食兩至三次都一樣咁好食先係叫一間好食嘅餐廳，水準嘅保持係好重要㗎！今日Order 兩個午餐：1. 特級安格斯漢堡包 7成熟+ 2. 碟砵酒燒汁雜肉腸闊麵。先講個闊麵，呢主店賣點係手製意粉，自然對意粉嘅有期望，不負眾望，闊麵岩我口味，我偏好比較硬身意粉，有口感。如果你喜歡食港式茶記嘅意粉呢度未必岩你胃口。份量適中，女仔會夠飽，男仔就可能要對面朋友俾多兩啖飯/意粉食先滿足。 我配嘅汁係砵酒雜肉腸，個汁淡口左少少唔太咸配襯返個重味嘅雜肉腸都唔錯，但係砵酒味道可以再多一點。個雜肉腸有驚喜，似食緊Salami, 比較咸，少少辣，連埋闊麵一齊食就平衡到。整體係唔錯今次係第二次order 特級安格斯漢堡包，👍🏻保持到水準！ 去肉夠Juicy， 做到7成熟，包裏面嘅蔬菜感覺新鮮。配菜厚切薯條，再熱啲會好啲，可能炸定左放係度一段時間。兩杯凍杯夠大杯夠凍！整體黎講CP值夠高嘅！ 要Keep住水準呀～ …查看更多

即興約左frd係中環食飯， 見到lunch set有八折就一於book左黎食。上一次食已經有一年前喇～set lunch 2 個course， 頭盤湯或沙律 + 主菜 + 咖啡/奶茶～ 我揀左湯： 今日是日餐湯係蘑菇湯。 湯方面比較水狀，略有蘑菇味但係無蘑菇肉，唔似用Blender 打出來嘅蘑菇湯。 可以再好一點～ 伴上一塊toast 。主菜： 香煎黃金雞 - 買相同香味都不錯， 雞件上面放了炸香左嘅番薯絲，底層放左薯菜墊底，件雞扒皮脆唔油膩內軟，都幾juicy！ 証明個廚師都有啲料到～飲品： 凍齋咖啡。 咖啡濃度還好，唔似其他餐廳好似飲水咁。 上openrice book 有8折，都叫唔錯。坐位比較擠迫，訂位都要坐bar枱，天氣又熱又開大對門。如果怕熱嘅你，記住book嘅時候問係唔係坐basement會好啲。…查看更多

今日原本計劃去食西餐早午餐嘅，點知間餐廳今日裝修無營業。 時間常早，結果喺附近周圍逛就見到平時好多人食嘅車仔麵今日比平時少人所以就去試一下有咩咁好食！店舖外面裝橫有懷舊feel嘅，姐姐好人，同我講好快就轉枱，等左3張枱就入得去坐。入到裏面都幾有特色，報置都幾仔細連筷子同牙纖筒都係懷舊架～ 我地點左兩個三餸麵，魚片頭、車仔麵其中三寶豬大腸 、白蘿蔔配米粉， 再配個古法辣汁。 再黎一個咖喱魷魚、豬紅，豬大腸配鮮製油麵加金牌麻辣汁。我平時都有去開食車仔麵，深水埗x記、上水x記、中環x尊都有食嘅～ 大埔一直都未有好食嘅食仔麵，等又我今次試下呢間得唔得先～碗麵一黎到， 先講一下份量，一個女仔黎講係夠嘅，男仔就可能岩岩夠喇，要出面補多個豆腐花先夠數！湯底唔會太咸，古法辣汁係車仔麵的經典味道，米粉正常野。 講到主角係啲餸，豬大腸好食，唔臭係合格嘅標準，繼而滷水味可以再濃一點，夠淋身肥美；到我至愛嘅豬紅，豬紅口感好，平時出面食啲差嘅似放嚿膠入口咁樣無雞/豬紅味，如果有食開豬紅嘅人會知我講咩～ 呢間三不管啲豬紅有以前嘅味道👍🏻，好食😋； 白蘿蔔今日唔算甜，有少少渣，可以接受。咖喱魷魚就普普通通喇～三餸一麵收hkd38唔特別貴+hkd8有樽裝汽水，整體評價係值得覆桌！不過如有大熱天時要等10張枱先入到去食就...有啲卻步。建議早啲去食。…查看更多